ტესტირება კორონავირუსის ანტისხეულებზე

ფასიანი იქნება თუ არა PCR-ტესტირება აბიტურიენტებისთვის

243
(განახლებულია 20:04 09.06.2020)
იმ შემთხვევაში, თუ აბიტურიენტს PCR კვლევით ინფიცირება არ დაუდასტურდება, მაგრამ კორონავირუსის სიმპტომები ექნება, ის გამოცდას იზოლირებულ ოთახში ჩააბარებს

თბილისი, 9 ივნისი - Sputnik. PCR-ტესტირება სრულიად უფასო იქნება იმ აბიტურიენტებისთვის, რომლებსაც ის დასჭირდებათ, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

გამოცდებთან დაკავშირებით დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ განსაზღვრული მითითებები დღეს გახდა ცნობილი, რომლის მიხედვით გამოცდებზე აბიტურიენტებს გარკვეული რეკომენდაციების დაცვა მოუწევთ. 

გამყრელიძის ინფორმაციით, თუ ერთიანი ეროვნული გამოცდების დაწყებამდე რამდენიმე დღით ადრე აბიტურიენტს კორონავირუსის სიმპტომები ექნება, მას PCR ტესტირება უნდა ჩაუტარდეს.

„პისიარ“-ტესტირება, რომელიც ძვირადღირებული სიამოვნებაა, ყველა იმ აბიტურიენტისთვის, ვისაც ეს სჭირდება და ექიმი დაუნიშნავს, იქნება უფასოდ. პირველად თუ გამოცდებს შორის, ყოველთვის იქნება უფასოდ და ძალიან გთხოვთ, რომ ამის სხვა ინტერპრეტაცია არ იყოს“, – განაცხადა გამყრელიძემ.

ამირან გამყრელიძემ ერთ-ერთ რეკომენდაციაზე, კერძოდ გამოცდაზე პირბადის ტარებასთან დაკავშირებითაც გააკეთა კომენტარი.

„თუ არის სამედიცინო ჩვენება, რომ ადამიანს პირბადის ხმარება არ შეუძლია – ანუ, უნდა იყოს ძალიან მძიმე ფორმის გულის უკმარისობა, ძალიან მძიმე ფორმის ფილტვის უკმარისობა, და ა.შ. მაშინ უნდა ჰქონდეს ძალიან მყარი სამედიცინო დასკვნა და ამისთვის შემდეგ ცალკე ვიმსჯელოთ. მაგრამ ასეთი 50 ათასში ერთი შეიძლება იყოს“, – აღნიშნა გამყრელიძემ.

დაავადებათა კონტროლის ეროვნული ცენტრის ხელმძღვანელმა აბიტურიენტების მხრიდან ტემპერატურის დამალვის შესაძლო მცდელობის რისკებზეც ისაუბრა და აღნიშნა, რომ PCR-ტესტირების ლაბორატორიული კვლევის შედეგს ვერავინ გაექცევა. გამყრელიძე მიიჩნევს, რომ ასეთი შემთხვევების რისკი ძალიან დაბალია.

„ყველას, ვინც ერთ ოთახში ბრძანდება, უკეთია ნიღაბი. ნიღაბი არის სერიოზული დამცავი საშუალება. თუ ყველას გვიკეთია ნიღბები და ვიცავთ დისტანციას, ეს სერიოზული დამცავი საშუალებაა. რამდენ ხანს შეიძლება დამალოს ტემპერატურა, ორი, სამი დღის შემდეგ მაინც გამოუვლინდება და აუცილებელი იქნება, შემდგომ მიმართოს სამედიცინო დაწესებულებას და ჩაიტაროს ტესტირება“, – განაცხადა გამყრელიძემ.

გამყრელიძის ინფორმაციით, აბიტურიენტი, რომელსაც კორონავირუსის სიმპტომები აქვს, PCR კვლევით კი ინფიცირება არ დაუდასტურდება, გამოცდას იზოლირებულ ოთახში ჩააბარებს. ხოლო ის აბიტურიენტები, რომლებსაც კორონავირუსი დაუდასტურდება, გამოცდებზე არ დაიშვებიან.

დღეს ცნობილი გახდა, რომ ერთიანი ეროვნული გამოცდები 6 ივლისს დაიწყება და 25 ივლისს დასრულდება, საგრანტო კონკური 25 ივლისს გაიმართება, ხოლო სამაგისტრო  გამოცდები პირველი აგვისტოდან 4 აგვისტოს ჩათვლით ჩატარდება.

243
თემები:
COVID-19 საქართველოში (1204)
კოღო

შეიძლება თუ არა კოღო კორონავირუსის გადამტანი გახდეს? - იმნაძის პასუხი

57
სულ უფრო მეტი ადამიანი წუხს იმის გამო, რომ კოღო, რომელიც ინფიცირებულს უკბენს, შეიძლება ინფექციის გადამტანი გახდეს

თბილისი, 13 ივლისი - Sputnik. კოღო კორონავირუსული ინფექციის გადამტანი არ არის, ასე უპასუხა Sputnik-საქართველოს კითხვას დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილემ, პაატა იმნაძემ Facebook-ზე პირდაპირი ჩართვის დროს.

ზაფხულის დადგომასთან ერთად სულ უფრო მეტი ადამიანი წუხს იმის გამო, რომ კოღოები, რომლებიც ინფიცირებულს უკბენენ, შეიძლება კორონავირუსული ინფექციის გადამტანები გახდნენ. ეს ვარაუდი იმნაძემ უარყო.

„არა, დამშვიდდით, რადგან ეს წვეთოვანი ინფექციაა. გაჩნდა მოსაზრება იმის თაობაზე, რომ ინფექცია ჰაერითაც გადადის, ყოველ შემთხვევაში, კოღოები ნამდვილად არ არიან კორონავირუსის გამავრცელებლები“, - განაცხადა იმნაძემ.

მან ასევე უპასუხა Sputnik-საქართველოს კითხვას ვაქცინის ეფექტურობაზე, თუ გავითვალისწინებთ, რომ გავრცელებული ინფორმაციის თანახმად, COVID-19-ისგან იმუნიტეტი არ გამომუშავდება.

„აქ საუბარია ანტისხეულების ტიტრზე, არსებობს მონაცემები, რომ ეს ანტისხეულები შეიძლება გაქრეს ორ-სამ თვეში, მაგრამ ესაა იმუნიტეტი არა მხოლოდ ანტისხეულებზე, ესაა იმუნიტეტი ე.წ. Т-ლიმფოციტების მეხსიერებაზე, როდესაც ორგანიზმი კვლავ ხვდება იმავე ანტიგენს და Т-ლიმფოციტები გამოიმუშავებენ ამ შემთხვევაში ანტისხეულებს. ამ საკითხზე ახლა დიდი კვლევა ტარდება, რამდენად არის ეს Т-ლიმფოციტების მეხსიერებაში. ასე რომ, ეს საკითხები არ არის უიმედო და ვაქცინამ შეიძლება კარგად იმოქმედოს“, - აღნიშნა იმნაძემ.

საქართველოში ინფიცირებულთა საერთო რაოდენობამ 995 შეადგინა. გამოჯანმრთელებული კვლავ 857 ადამიანია. პანდემიის დასაწყისიდან ქვეყანაში 15 ადამიანი გარდაიცვალა. ამასთან, 31 საქართველოს მოქალაქე, მათ შორის, 28 სამხედრო მოსამსახურე, სამკურნალოდ სხვა ქვეყნებიდანაა ჩამოყვანილი. კარანტინში იმყოფება 5001 ადამიანი, სტაციონარებში - 219.

57
თემები:
COVID-19 საქართველოში (1204)
კალიასთან ბრძოლა

საქართველოს რეგიონებში კალიასთან ბრძოლა გრძელდება

46
სურსათის ეროვნულმა სააგენტომ უკვე დაამუშავა აღმოსავლეთ საქართველოს რეგიონებში 38 ათასი ჰექტარი ფართობი

თბილისი, 13 ივლისი - Sputnik. საქართველოში კალიების გავრცელების არეალი წელს ბევრად ფართოა, ვიდრე შარშან. ამის შესახებ სურსათის ეროვნული სააგენტოს წარმომადგენელმა ნიკა მესხმა განაცხადა.

მესხის სიტყვებით, კალიების გავრცელებას ხელი შეუწყო გლობალურმა დათბობამ. ახლა მავნებელთან ბრძოლაში სპეცტექნიკა მონაწილეობს.

ბოლო მონაცემებით, კახეთის, შიდა ქართლის, ქვემო ქართლისა და მცხეთა-მთიანეთის რეგიონებში დამუშავებულია 38 ათასი ჰექტარი ფართობი.

„სურსათის ეროვნული სააგენტოს მიერ განხორციელებული ღონისძიებები ხელს უწყობს მწვანე საფარის შენარჩუნებას, სასოფლო-სამურნეო კულტურების დაცვას და ეკონომიკური ზარალის თავიდან აცილებას“, - აღნიშნავენ სააგენტოში.

უწყებაში ხაზს უსვამენ, რომ საშიში მავნებლის საწინააღმდეგო შეწამვლა აღმოსავლეთ საქართველოს რეგიონებში ყოველწლიურად ტარდება.

იტალიური კალია Acrididae-ს ოჯახს ეკუთვნის. მწერის გავრცელების დიაპაზონი ვრცელდება ჩრდილოეთ აფრიკიდან და ხმელთაშუა ზღვის ქვეყნებიდან ცენტრალური ევროპის, ცენტრალური აზიის, მონღოლეთისა და დასავლეთ ციმბირის ტერიტორიებამდე. კალია ივლისიდან ოქტომბრამდე მშრალ, თბილ ადგილებში ბინადრობს, ირჩევს მინდვრებსა და ქვიან სტეპებს, კარიერებს, ქვიშის დიუნებს. აზიანებს ბაღჩეულს, კარტოფილს, მარცვლოვან კულტურებსა და სხვ.

46
თემები:
საქართველოს სოფლის მეურნეობა