თბილისი

კორონავირუსი და სიცხე: რას უფრთხიან და რას გვირჩევენ ეპიდემიოლოგები

326
(განახლებულია 19:58 08.06.2020)
კორონავირუსი არსად წასულა და, როგორც აღმოჩნდა, მას სიცხეც მშვენივრად „გადააქვს“, ამიტომ პაატა იმნაძე საზოგადოებას სიფრთხილისკენ მოუწოდებს.

თბილისი, 8 ივნისი – Sputnik. კლიმატის იმედზე ნუ ვიქნებით, მხოლოდ უსაფრთხოების წესების დაცვის იმედზე უნდა ვიყოთ, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილემ პაატა იმნაძემ დღეს გამართულ ბრიფინგზე. 

იმნაძემ მაგალითად მსოფლიოს სხვადასხვა ქვეყნები მოიყვანა, სადაც, მიუხედავად ზაფხულის სეზონისა, ეპიდემიოლოგიური მდგომარეობა მძიმეა.

„მოდით, ასე ვთქვათ, ჩვენს მეზობელ ქვეყნებშიც ზაფხულია და ცხელა. მიუხედავად ამისა, ხედავთ, რა ხდება. აქედან გამომდინარე, კლიმატის იმედზე ძალიან ნუ ვიქნებით, უფრო ვიყოთ იმ წესების დაცვის იმედზე, რამაც დღევანდელ დღემდე მოგვიყვანა“, – აღნიშნა პაატა იმნაძემ.

მისი თქმით, საქართველოში ბოლო პერიოდში კორონავირუსის გამოვლენილი შემთხვევების მცირე რაოდენობა დამშვიდების საფუძველს არ იძლევა. იმნაძემ საზოგადოებას სიფრთხილისკენ კიდევ ერთხელ მოუწოდა.

რაც შეეხება ტურიზმის განახლებას, იმნაძის თქმით, ყველაფერი მაქსიმალურად გაკონტროლდება.

„ტუ­რის­ტი უნდა ჩა­მო­დი­ო­დეს და არ ეში­ნო­დეს სად მო­დის, ჩვენ კი არ უნდა გვე­ში­ნო­დეს სა­ი­და­ნაც იგი ჩამო­დის“, - გა­ნა­ცხა­და იმ­ნა­ძემ.

მან არ გამორიცხა, რომ 1 ივლისამდე, როცა საქართველო უცხოელ ტურისტებს საზღვრებს გაუხსნის, რაღაც შეიძლება შეიცვალოს.

თანამემამულეებს იმნაძემ კიდევ ერთხელ შეახსენა, რომ ამ პერიოდშიც კი, როდესაც კორონავირუსით ინფიცირების შემთხვევები შემცირდა, პირბადის ტარების წესების მაქსიმალური დაცვა აუცილებელია. 

„თუ პირბადეს ატარებს ავადმყოფი, ეს ვირუსის გადადების რისკს ძალიან ამცირებს, თუ პირბადეს ატარებს ჯანმრთელი, ეს ასევე ამცირებს გადადების რისკს, მაგრამ თუ პირბადე ორივეს უკეთია, ამას პრაქტიკულად ნულამდე დაჰყავს რისკი. ამიტომ მოთხოვნა რჩება ასეთი – პირბადე უნდა ატაროს ყველამ“, – განაცხადა იმნაძემ.

კორონავირუსი არსად წასულა, აღნიშნა იმნაძემ და მოსახლეობას ეპიდემიოლოგების რეკომენდაციების დაცვისკენ მოუწოდა.

ამ დროისთვის საქართველოს კლინიკებში კორონავირუსის დიაგნოზით 114 პაციენტი კურნალობს.

StopCov-ის განახლებული მონაცემებით, საქართველოში კორონავირუსით ინფიცირებულთა რაოდენობამ 810-ს მიაღწია, გამოჯანმრთელდა 683 ადამიანი, გარდაიცვალა 13. კარანტინში იმყოფება 2 915 ადამიანი, სტაციონარებში – 237. უცხოეთიდან სამკურნალოდ საქართველოს სამი მოქალაქეა გადმოყვანილი.

საქართველოში კორონავირუსის პირველი შემთხვევა 26 თებერვალს დაფიქსირდა.

326
თემები:
COVID-19 საქართველოში (1368)
თბილისის ინფექციური საავადმყოფო

კორონავირუსის ახალი შემთხვევები და ინფიცირების წყაროები

72
(განახლებულია 14:10 10.08.2020)
ამ დოისთვის COVID–ცენტრებში 261 პაციენტი მკურნალობს. პანდემიის დაწყებიდან დღემდე 1010 ადამიანი გამოჯანმრთელდა

თბილისი, 10 აგვისტო – Sputnik. ბოლო დღე–ღამეში გამოვლენილი კორონავირუსის 25 ახალი შემთხვევიდან 16 უკვე დადასტურებული შემთხვევის კონტაქტია, განუცხადა ჟურნალისტებს თბილისის ინფექციური საავადმყოფოს სამედიცინო დირექტორმა მარინა ეზუგბაიამ.

მისი თქმით, ამ დროისთვის საქართველოს COVIDცენტრებში 261 პაციენტი მკურნალობს. გამოჯანმრთელების მაჩვენებელი 81%.

„25 ახალი დადასტურებული შემთხვევიდან ერთი პაციენტი არის გაჩიანიდან, 16 დადასტურებულ შემთხვევებთან კონტაქტია, 1 სამედიცინო პერსონალია, 5 გახლავთ იმპორტირებული, ანუ შემოტანილი შემთხვევა, 1 პაციენტი აფხაზეთიდან არის გადმოყვანილი, ხოლო 1 პაციენტზე გრძელდება ეპიდემიოლოგიური კვლევა კონტაქტების გამოვლენისა და წყაროს დადგენის მიზნით“, – განაცხადა ეზუგბაიამ.

უშუალოდ ინფექციურ საავადმყოფოში ამჟამად კორონავირუსზე 27 პაციენტი მკურნალობს.

„უშუალოდ ინფექციურ საავადმყოფოში გამოჯანმრთელდა შვიდი და დაემატა ექვსი ახალი პაციენტი. დღესდღეობით გვყავს 27 დადასტურებული შემთხვევა“, – აღნიშნა ეზუგბაიამ.

კორონავირუსი მსოფლიოში – 10 აგვისტოს მონაცემები>>

ექიმები ორი პაციენტის მდგომარეობას, COVID-19–ის მიმდინარეობისა და თანმდევი დაავადებების გათვალისწინებით, აფასებენ, როგორც მძიმეს. დანარჩენების მდგომარეობა ძირითადად საშუალო სიმძიმისაა.

ბოლო ოფიციალური მონაცემებით, საქართველოში კორონავირუსით ინფიცირებულთა რაოდენობაა 1250. ამასთან, ბოლო 24 საათში კლინიკებიდან გაეწერა 10 ადამიანი. სულ პანდემიის დაწყებიდან დღემდე გამოჯანმრთელდა 1010 ადამიანი, გარაიცვალა – 17.

კარანტინში მოთავსებულია 6 930 ადამიანი, ხოლო ექიმების მეთვალყურეობის ქვეშ – 263.

უცხოეთიდან სამკურნალოდ საქართველოში გადმოყვანილია ქვეყნის 41 მოქალაქე.

კორონავირუსის პირველი შემთხვევა საქართველოში 26 თებერვალს დაფიქსირდა.

72
თემები:
COVID-19 საქართველოში (1368)
სოფო ნიჟარაძე

სოფო ნიჟარაძეს უსიმპატიურესი ძმა ჰყავს - ნახეთ როგორ ჰგავს დას

957
(განახლებულია 14:38 31.07.2020)
დასთან შედარებით ირაკლი ნიჟარაძეს საჯაროდ გამოსვლა არ ხიბლავს. თუმცა, მედიის ყურადღება არა ერთხელ მიიქცია. უსიმპატიურესი მამაკაცის ფოტოები სოციალურ ქსელში გავრცელდა. გავს თუ არა უმცროსი ძმა გამოჩენილ მომღერალს?

ტელეკომპანია „რუსთავი 2“- ის ყოფილი ფინანსური დირექტორი ცნობილი მომღერლის სოფო ნიჟარაძის ძმა იყო. არხის რეორგანიზაციის დროს ირაკლი ნიჟარაძემ დაკავებული თანამდებობა დატოვა და სამსახურიდან წავიდა. არხის ყოფილი ფინანსური დირექტორი პოპულარულ დასთან შედარებით მის გვერდით სულ რამდენჯერმე გამოჩნდა. პირველად საზოგადოებამ ირაკლი სოფოსთან ერთად სიმღერისას შენიშნა, როდესაც ყველასთვის მოულოდნელად ირაკლიმ დასთან ერთად „გარეპა“.

და-ძმამ რამდენიმე წლის წინ დიდი დარტყმა მიიღო. 2013 წელს მათ შეხმატკბილებულ ოჯახში, როგორც სოფო ამბობდა, ტრაგედია დატრიალდა. ამ პერიოდში სოფო მეგა-შოუ „ცეკვავენ ვარსკვლავების“ მონაწილე იყო. მომღერალი ამ  ტკივილს და უსაყვარლესი მამის მოულოდნელ გარდაცვალებას ვერ გაუძლო და პროექტი საკუთარი ნებით დატოვა. მან მამის გარდაცვალების შესახებ პარკეტზე გასვლამდე ნახევარი საათით ადრე შეიტყო. მოუშუშებელი ტკივილი ოჯახის წევრებისა და განსაკუთრებით ძმის დახმარებით გადაიტანა. სოფოსა და მის ძმას ირაკლის შუედარებელი ურთიერთობა აკავშირებთ. საერთო ტკივილი კი, უფრო აერთიანებთ.

მრავალ ნომინაციაში გამარჯვებული მომღერალი საზღვარგარეთის დიდ სცენებს სირთულეების გარეშე იპყრობს. სოფო ნიჟარაძე შეუდარებელ ფორმაშია. ის რამდენიმე პროექტის ჟიურის წევრობა მოხდენილად შეითვისა და ერთ-ერთი გამორჩეული და სამართლიანი წევრი გახდა. 2017 წელს ულამაზესი მომღერალი საუკეთესო მომღერალ ქალად აღიარეს სიმღერით „მაპატიე“. სოფო იშვიათად ანებივრებს სოცქსელის მომხმარებლებს ბუნებრივი ფოტოებით, ვინაიდან მისი ცხოვრების დიდი ნაწილი კონცერტებთანაა დაკავშირებული და გრიმით ყოფნა უწევს.

 

 

957
თემები:
სელებრითების ცხოვრება
ზურაბ ჯაფარიძე

ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში

0
(განახლებულია 13:35 10.08.2020)
„ახალი პოლიტიკური ცენტრი - გირჩის“ ლიდერი ზურაბ ჯაფარიძე საუბრობს დიდუბე-ჩუღურეთის მაჟორიტარულ ოლქში „გირჩის“ სახელით მაჟორიტარ კანდიდატად კენჭის ყრასთან დაკავშირებით
ჯაფარიძე: გადავწყვიტე „გირჩის“ სახელით კენჭი ვიყარო დიდუბე-ჩუღურეთის მაჟორიტარულ ოლქში
„მიუხედავად იმისა, რომ ძალიან მნიშვნელოვანი მგონია ჩემი აქტიური ჩართულობა „გირჩის“ წინასაარჩევნო კამპანიაში ქვეყნის მასშტაბით, რთულად წარმომიდგენია „გირჩის“ მონაწილეობა მაჟორიტარულ არჩევნებში ისე, რომ მე არ ვიყო კანდიდატი რომელიმე მაჟორიტარულ ოლქში. გადავწყვიტე „გირჩის“ სახელით კენჭი ვიყარო თბილისში, დიდუბე-ჩუღურეთის მაჟორიტარულ ოლქში. წინასწარი კონსულტაცია მქონდა რამდენიმე ოპოზიციური პარტიის ლიდერთან, რომლებმაც დამიდასტურეს საკუთარი კეთილგანწყობა ჩემს ამ გადაწყვეტილებასთან მიმართებაში. მე საჯაროდ დავუჭირე მხარი „ევროპული საქართველოს“ კანდიდატს ვაკის მაჟორიტარულ ოლქში, ელენე ხოშტარიას და ვრჩები ამ გადაწყვეტილების ერთგული.“ - აცხადებს ზურაბ ჯაფარიძე.

ზურაბ ჯაფარიძის განმარტებით, ამ ოლქში მისი კონკურენტი „ქართული ოცნების“ მაჟორიტარობის კანდიდატი გია ვოლსკი იქნება.

0