თენგიზ ცერცვაძე

ცერცვაძე: ავიამიმოსვლის გახსნა დიდი გამოცდა იქნება

296
(განახლებულია 12:57 07.06.2020)
აუცილებლობის შემთხვევაში ქართველი ექიმები და კლინიკები მზად არიან მიიღონ და წარმატებით უმკურნალონ იმაზე მეტ პაციენტს, ვიდრე პანდემიის პირველ ეტაპზე იყო, აცხადებს ცერცვაძე

თბილისი, 7 ივნისი – Sputnik. ქვეყანაში ჩამოსული ტურისტის კარანტინში ორი კვირით გაჩერება გონივრული არ იქნება, რადგან ასეთ შემთხვევაში ის საერთოდ არ ჩამოვა საქართველოში, ამიტომაც სახელმწიფო რეგულაციების „ოქროს სტანდარტს“ ეძებს, მიაჩნია თბილისის ინფექციური საავადმყოფოს დირექტორს, თენგიზ ცერცვაძეს.

საქართველოს ხელისუფლებამ გადაწყვიტა 15 ივნისიდან შიდა ტურიზმი გახსნას, ხოლო 1 ივლისიდან ქვეყანა საზღვრებს საერთაშორისო მოგზაურებს გაუხსნის.

ექიმმა კორონავირუსის გავრცელების რისკის სამ ეტაპი გამოყო: 1. საგანგებო ზომების და შეზღუდვების მოხსნა; 2. შიდა ტურიზმის გახსნა და გათავისუფლება; 3. ყველაზე სახიფათო და სარისკო არის საერთაშორისო ტურიზმის გახსნა.

„პირველი, რისიც გვეშინოდა - შეზღუდვების მოხსნის - ეს გადავიტანეთ უმტკივნეულოდ, არავითარი გართულებები არ მოჰყოლია. შიდა ტურიზმს რა შედეგი მოჰყვება, მაქვს დიდი იმედი, რომ ისევ დარჩება ეს სტაბილური და მშვიდი სიტუაცია. როცა დაიწყებს საერთაშორისო მიმოსვლა, ეს იქნება დიდი გამოცდა ყველა ქვეყნისთვის“, – განაცხადა ცერცვაძემ პირველი არხის ეთერში.

მისი თქმით, საჭიროების შემთხვევაში ქართველი მედიკოსები და საავადმყოფოები მზად არიან მიიღონ და წარმატებით უმკურნალონ იმაზე მეტ პაციენტს, ვიდრე პანდემიის პირველ ეტაპზე ჰყავდა ქვეყანას.

ხოლო რისკების შესამცირებლად მოგზაურებს უნდა განემარტოს ის უნივერსალური ზომები, რომლებსაც საქართველოს მოქალაქეები მიმართავენ.

იქნება თუ არა მეორე ტალღა

ცერცვაძის თქმით, მსოფლიოში ვერავინ ვერ იტყვის ზუსტად, როდის დაიწყება და იქნება თუ არა საერთოდ კორონავირუსის ეპიდემიის მეორე ტალღა.

„ყველაფერი ეს ვარაუდებია და ეს ვარაუდები აგებულია იმაზე, თუ როგორ იქცევიან სხვა რესპირაციული ინფექციები, მაგალითად გრიპი და სხვა. ველოდებით ოქტომბერ-ნოემბრიდან, დამოკიდებულია იმაზე, რა ბუნება აქვს კორონავირუსს. მას აქვს ისეთივე ბუნება როგორც გრიპის ვირუსს, რომელიც ცივ პერიოდებში აქტივირდება, ხოლო ცხელ პერიოდებში მისი აქტივობა იკლებს. თუ კორონავირუსს არ აქვს ასეთი სეზონური ბუნება, შეიძლება, არც იქნეს მეორე ტალღა“, - განაცხადა ცერცვაძემ.

როგორც თბილისის ინფექციური საავადმყოფოს დირექტორი ვარაუდობს, კორონავირუსს გააჩნია სეზონური ხასიათი, მაგრამ ის ისე მკაფიოდ გამოხატული არ არის, როგორც გრიპი. ამიტომ ცერცვაძე დარწმუნებულია, რომ მეორე ტალღა პირველზე ნაკლებად ძლიერი იქნება.

საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. 6 მაისისთვის საშიში ვირუსი 809 ადამიანს დაუდგინდა, ამ დროისათვის 674 ადამიანი გამოჯანმრთელდა, 13 - გარდაიცვალა.

296
თემები:
COVID-19-ის პანდემია მსოფლიოში (1018)
ამირან გამყრელიძე

COVID-19 საქართველოში: ყველა ახალი შემთხვევა შემოტანილია

173
(განახლებულია 15:22 12.07.2020)
ბოლო ერთი თვის განმავლობაში ინფიცირებულ პირებს შორის ხშირად არიან ტრაილერების მძღოლები, რომლებიც საერთაშორისო გადაზიდვებს ახორციელებენ

თბილისი, 12 ივლისი — Sputnik. საქართველოში კორონავირუსის ხუთივე ახალი შემთხვევა შემოტანილია, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

მისი თქმით, ხუთივე პაციენტი კარანტინში იმყოფებოდა. ზოგიერთი მათგანი საქართველოს მოქალაქეა, რამდენიმეს კი ორმაგი მოქალაქეობა აქვს.

„ამჯერად ახალ შემთხვევებს შორის არც ერთი არ არის სატვირთო ავტომობილის მძღოლი. პაციენტების ჯანმრთელობის მდგომარეობა დამაკმაყოფილებელია“, – განმარტა გამყრელიძემ პირველი არხის ეთერში.

რაც შეეხება ზოგად სიტუაციას, მისი თქმით, განგაშისა და პანიკის საფუძველი არ არსებობს.

„გვაქვს ყოველდღიურად ერთეული შემთხვევები. უმრავლესობა არის იმპორტირებული. ბოლო ერთი თვის განმავლობაში ხშირად ინფიცირებულები არიან სატვირთო ავტომობილის მძღოლები, რომლებიც გადაზიდვებს ახორციელებენ “ , – აღნიშნა გამყრელიძემ.

ბრძოლა კორონავირუსთან: საქართველოს მოქალაქეები მთავრობის მუშაობით კმაყოფილები არიან >>

12 ივლისის მონაცემებით, საქართველოში ბოლო 24 საათში COVID-19-ით ინფიცირების ხუთი ახალი შემთხვევა გამოვლინდა. ამგვარად, დადასტურებულ შემთხვევათა რაოდენობა 986-მდე გაიზარდა.

 

173
თემები:
COVID-19 საქართველოში
ტყე

მოსახლეობისთვის ხე-ტყის რესურსებით სარგებლობის წესი იცვლება

115
ე.წ „საქმიანი ეზოს“ მოწყობა, კოდექსით გათვალისწინებულ სხვა სიახლეებთან ერთად, წარმოადგენს ტყის მდგრადი მართვის დანერგვის ერთ-ერთ მთავარ ინსტრუმენტს

თბილისი, 12 ივლისი — Sputnik. ეროვნული სატყეო სააგენტოს უფროსი არჩილ ნიკოლეიშვილი, კახეთის რეგიონში მოსახელობას შეხვდა და „საქმიანი ეზოების” მნიშვნელობაზე ესაუბრა, ნათქვამია უწყების მიერ გავრცელებულ განცხადებაში.

ეროვნული სატყეო სააგენტო ხე-ტყის დამზადების პრაქტიკას ცვლის. სოციალური ჭრები ეტაპობრივად გაუქმდება, სააგენტო ორგანიზებულად განახორცილებს ხე-ტყის დამზადებას, დახარისხებასა და დასაწყობებას ე.წ. „საქმიან ეზოებში“.

ტყის ახალი კოდექსი სატყეო სექტორის რეფორმის მნიშვნელოვან ნაწილს წარმოადგენს, რომლის მთავარი მიზანია მრავალმიზნობრივი ტყით სარგებლობის დამკვიდრება, ტყის ეკოსისტემების შენარჩუნება და დაცვა, სოციალური და ეკონომიკური სარგებლის გონივრული გამოყენება.

„ე.წ „საქმიანი ეზოს“ მოწყობა, კოდექსით გათვალისწინებულ სხვა სიახლეებთან ერთად, წარმოადგენს ტყის მდგრადი მართვის დანერგვის ერთ-ერთ მთავარ ინსტრუმენტს. გარემოს დაცვისა და სოფლის მეურნეობის სამინისტროს ინიციატივით, სამუშაოები საქართველოს თითქმის ყველა რეგიონში მიმდინარეობს. წლის ბოლომდე ქვეყნის მასშტაბით სულ 26 „საქმიანი ეზო“ მოეწყობა“, - ნათქვამია განცხადებაში.

უწყებაში განმარტავენ, რომ აღნიშნული ცვლილება გაუადვილებს მოსახლეობას და კერძო სექტორს ხე-ტყის შეძენას და ტრანსპორტირებას მათთვის სასურველ პერიოდში. შედეგად, მერქნული რესურსის დამზადების მიზნით ტყითსარგებლობა განხორციელდება გაცილებით ეფექტიანად, შემცირდება ტყეზე უარყოფითი გავლენა, ასევე უკანონო ჭრების რისკები.

115
ყარაბაღი

ბაქოსა და ერევანს შორის შეიარაღებული შეტაკება მოხდა

0
მხარეები ერთმანეთს ადანაშაულებენ დაპირისპირების გაღვივებაში და ინტენსიური საარტილერიო სროლის შესახებ იუწყებიან

თბილისი, 12 ივლისი – Sputnik. ერევანმა და ბაქომ აზერბაიჯან-სომხეთის საზღვარზე შეიარაღებული შეტაკების შესახებ განაცხადეს.

12 ივლისს შუადღიდან სომხეთის შეიარაღებული ძალების ქვედანაყოფებმა თოუზის რაიონში აზერბაიჯან-სომხეთის საზღვრის მონაკვეთზე უხეშად დაარღვიეს ცეცხლის შეწყვეტის რეჟიმი, აზერბაიჯანის შეიარაღებული ძალების პოზიციების მისამართით საარტილერიო დანადგარებიდან ცეცხლი გახსნეს, იუწყება Sputnik-აზერბაიჯანი.

როგორც აზერბაიჯანის თავდაცვის სამინისტროს ოფიციალურ ვებგვერდზეა ნათქვამია, ორივე მხრიდან არის მსხვერპლი. ამჟამად ბრძოლები ამ მიმართულებით მიმდინარეობს. აზერბაიჯანის ქვედანაყოფები ოპერატიულ ვითარებას აკონტროლებენ.

თავის მხრივ, სომხეთის თავდაცვის მინისტრის მოადგილე შუშან სტეპანიანი აცხადებს, რომ დაახლოებით 12:30 საათზე აზერბაიჯანის სამხედროებმა УАЗ-ის მარკის ავტომობილით სახელმწიფო საზღვრის დარღვევის მცდელობა განახორციელეს, იუწყება Sputnik-სომხეთი.

სომხეთის მხარის გაფრთხილების შემდეგ აზერბაიჯანელმა სამხედროებმა მიატოვეს ავტომობილი და თავის პოზიციებზე დაიხიეს. თუმცა ამით ინციდენტი არ ამოწურულა.

დაახლოებით ერთი საათის შემდეგ აზერბაიჯანულმა მხარემ საარტილერიო ცეცხლი გახსნა და სომეხი სამხედროების დასაყრდენი პუნქტის აღება სცადა. თუმცა საპასუხო ცეცხლის შედეგად აზერბაიჯანელმა სამხედროებმა უკან დაიხიეს, მათ ცოცხალ ძალებში დანაკარგებია, იუწყება სტეპანიანი.

აზერბაიჯანული მხარე ორი დაღუპულისა და ხუთი დაჭრილის შესახებ იუწყება, სომხური მხარე იუწყება, რომ ინციდენტი მათი მხრიდან მსხვერპლის გარეშე დასრულდა.

0
თემები:
მთიან ყარაბაღში სიტუაცია გამწვავდა