ტრანსპორტი

საქართველოში კორონავირუსის მეორე ტალღის აფეთქება რეალურია? ეპიდემიოლოგის განმარტება

546
(განახლებულია 23:37 03.06.2020)
ქვეყნის მთავარი ეპიდემიოლოგის განცხადებით, საფრთხე რეალურია, ამიტომაც კორონავირუსის მეორე ტალღის აფეთქებისთვის საჭიროა მომზადება.

თბილისი, 3 ივნისი – Sputnik. კორონავირუსის პანდემიის დაბრუნების საშიშროება არსებობს, თუმცა მთავარია ინფიცირებულთა და გამოჯანმრთელებულთა შორის ბალანსის დაცვა, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ საზოგადოებრივი მაუწყებლის „პირველი არხის“ ეთერში.

საქართველოში კორონავირუსის ოთხი ახალი შემთხვევა გამოვლინდა>>>

მისი სიტყვებით, შეზღუდვების მოხსნამ ყველა ქვეყანაში შემთხვევების გაზრდა გამოიწვია.

„პირდაპირ გეტყვით, პანდემიის დაბრუნების საფრთხე, რა თქმა უნდა, არის. ამის მაგალითია ის, რაც ახლა სამხრეთ ამერიკაში ხდება. იცით, რა ხდება ბრაზილიაში? ინფიცირების შემთხვევების სერიოზული მატებაა ჩილეში, პერუში... გახსნასთან ერთად ყველა ქვეყანაში იყო მცირე ნახტომები. იგივე გერმანიას ჰქონდა მცირე ნახტომი. იქ, სადაც შემსუბუქების პოლიტიკა დაიწყო, მცირე ნახტომი ყველგან იყო, მაგრამ ამის გარეშე არ შეიძლება. საზოგადოებას ამდენი ხნის განმავლობაში ხომ ვერ ჩაკეტავ?! ამიტომაც დღეს ბალანსის დაჭერაა მნიშვნელოვანი“, – განაცხადა გამყრელიძემ. 

მისი სიტყვებით, ერთი მხრივ, ეკონომიკას განვითარების შესაძლებლობა უნდა მიეცეს, მეორე მხრივ კი საჭიროა ჯანდაცვის თვალსაზრისით დიდი პასუხისმგებლობის აღება.

გამყრელიძემ აღნიშნა, რომ ჯანდაცვის მსოფლიო სისტემა კორონავირუსის მეორე ტალღის აფეთქებისთვის აუცილებლად უნდა მოემზადოს. მისი სიტყვებით, ჯანდაცვის მსოფლიო ორგანიზაციის ხუთწლიან გეგმაში სამი მთავარი სტრატეგიული პრიორიტეტი არსებობს – ჯანმრთელობის სერვისებზე მოსახლეობის უნივერსალური ხელმისაწვდომობა, საზოგადოებრივი ჯანმრთელობის საფრთხეებისადმი გადაუდებელი მზადყოფნა და მესამეა კლიმატის ცვლილება და მისი ზემოქმედება ადამიანის ჯანმრთელობაზე. 21-ე საუკუნეში საზოგადოება ყოველთვის მზად უნდა იყოს საზოგადოებრივი ჯანმრთელობის საფრთხეებისთვის, განაცხადა გამყრელიძემ.

იმ შემთხვევაში, თუ მეორე ტალღა შემოდგომაზე დაიწყება, მაშინ ის ზამთარი–გაზაფხულის პერიოდთან შედარებით მსუბუქი უნდა იყოს, აღნიშნა ქვეყნის მთავარმა ეპიდემიოლოგმა. 

ამასთან, გამყრელიძემ მოსახლეობას კიდევ ერთხელ მოუწოდა, დაიმახსოვრონ, რომ პირბადე თითოეული ადამიანის ცხოვრების განუყოფელი ატრიბუტი უნდა გახდეს.

„ეს უქმეები მე არ მომეწონა. რამდენიმე პარკში ვიყავი – თითქოს ხალხმრავლობამ იფეთქა. გასაგებია, რომ ზაფხული მოვიდა, ცხელა და ყველას ქუჩაში ყოფნა უნდა, მაგრამ საზოგადოებრივი თავშეყრის ადგილებში რეკომენდაციები უნდა დავიცვათ“, – განაცხადა გამყრელიძემ.

გასულ დღე-ღამეში საქართველოში კორონავირუსით ინფიცირებულთა რაოდენობა ოთხით გაიზარდა და 800-ს მიაღწია. გამოჯანმრთელდა 640 ადამიანი, გარდაიცვალა 13 პაციენტი.

ქვეყანაში კორონავირუსის პირველი შემთხვევა 26 თებერვალს დაფიქსირდა.

546
თემები:
COVID-19 საქართველოში (1209)
მამაკაცი ნიღბით ინფექციური საავადმყოფოს ტერიტორიაზე

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/15 ივლისი

86745
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 15 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • აკრძალულია სპორტული ღონისძიებების გამართვა
  • კულტურული და გასართობი ღონისძიებების გამართვა დასაშვებია მხოლოდ ღია სივრცეებში, გამონაკლისია მუზეუმები;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 999 ადამიანს შეადგენს, აქედან 870 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 5640, სტაციონარებში მეთვალყურეობის ქვეშ კი 244 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

 

86745
თემები:
COVID-19 საქართველოში (1209)
კახა კალაძე

კალაძე შაქარაშვილის საქმეზე: მნიშვნელოვანია, რომ საქმე მივიდეს ბოლომდე

47
(განახლებულია 03:52 15.07.2020)
საქართველოში ბოლო დროის ყველაზე სკანდალურ საქმეზე დაკავებულია 17 ადამიანი, მათ შორის ექვსი არასრულწლოვანი, საქმის წინასწარი მოსმენა 31 ივლისს ჩაინიშნა

თბილისი, 14 ივლისი – Sputnik. 19 წლის ფეხბურთელის, გიორგი შაქარაშვილის დაღუპვის საქმე ბოლომდე უნდა გამოიძიონ და თუ ვინმე დამნაშავეა, უნდა დაისაჯოს, განუცხადა ჟურნალისტებს თბილისის მერმა კახა კალაძემ.

19 წლის გიორგი შაქარაშვილი ოთხდღიანი ძებნის შემდეგ, 22 ივნისს მდინარე არაგვში გარდაცვლილი იპოვეს. იგი უკვალოდ გაქრა 18 ივნისს მცხეთაში მეგობრის დაბადების დღის წვეულების შემდეგ, რომელზეც სტუმრებს შორის კონფლიქტი მოხდა. ექსპერტიზის დასკვნის თანახმად, გარდაცვალების მიზეზია ასფიქსია წყალში დახრჩობით. თუმცა, შაქარაშვილის სხეულზე მრავლობითი დაზიანებები აღინიშნებოდა. გამოძიება მის გარდაცვალებას როგორც პირთა ჯგუფის მიერ განზრახ მკვლელობას განიხილავს და დამნაშავეთა დასადგენად დამატებითი ექსპერტიზა დანიშნა.

„ვეღარ ვუძლებ...“ – გიორგი შაქარაშვილის დედის კომენტარი, რომელმაც სოციალური ქსელი შეძრა >>

„ჩემთვის მნიშვნელოვანია, რომ საქმე მივიდეს ბოლომდე, თუ არიან კონკრეტული პიროვნებები დამნაშავეები, დაისაჯოს ყველა კანონის სრული სიმკაცრით“, - განაცხადა კალაძემ.

შაქარაშვილის საქმე

შაქარაშვილის გარდაცვალების საქმე რამდენიმე ეპიზოდს მოიცავს: უშუალოდ მკვლელობას, რომლის დამტკიცებას ახლა ცდილობს გამოძიება, და უკვე დადგენილ ფაქტებს - ცემას, ჯგუფურ ძალადობას და თავისუფლების უკანონო აღკვეთას.

ცემის ეპიზოდი უკავშირდება წვეულებას, სადაც კონფლიქტი მოხდა. ჯგუფური ძალადობის ეპიზოდი ეხება პირველი კონფლიქტიდან რამდენიმე საათში თბილისი-მცხეთის გზაზე მომხდარ მასობრივ ჩხუბს, რომლის შემდეგ შაქარაშვილი უკვალოდ გაქრა.

მესამე ეპიზოდი - თავისუფლების უკანონო აღკვეთა - უკავშირდება ფეხბურთელის მეგობარ გური ამირხანაშვილს, რომელიც ძალით ჩასვეს მანქანაში და წაიყვანეს თბილისში, და ეს იმ დროს ხდება, როდესაც მისი მეგობარი დაიკარგა და არავინ იცის მისი ადგილსამყოფელი.

სამივე დამტკიცებულ ეპიზოდზე დაკავებულია 17 ადამიანი, მათ შორის ექვსი არასრულწლოვანი. პირველი წინასწარი მოსმენა 31 ივლისს არის ჩანიშნული.

47
თემები:
19 წლის გიორგი შაქარაშვილის მკვლელობის საქმე

"თალიბანი" ისევ უტევს: ავღანეთში ტერაქტების სერია მოხდა

0
სამშვიდობო დარეგულირების საკითხი ავღანეთში ისევ საფრთხის ქვეშაა. ბოლო დღეებში ბოევიკებმა ერთბაშად რამდენიმე თავდასხმა და ტერაქტი განა ხორციელეს მთელ ქვეყანაში

გუშინ ძლიერი აფეთქება მოხდა ავღანეთის უსაფრთხოების ეროვნული დირექტორატის შენობასთან სამანგანის პროვინცია ქალაქ აიბაკში. შედეგად დაიღუპა ათამდე ადამიანი და დაშავდა 50.

შეტევაზე პასუხისმგებლობა რადიკალური მოძრაობა „თალიბანის“ ბოევიკებმა აიღეს. სამანგანში აფეთქებას წინ უძღოდა თალიბების თავდასხმა კუნდუზისა და ბადახშანის პროვინციების საკონტროლო გამშვებ პუნქტებზე. რამდენიმე დღით ადრე კი ბოევიკებმა იერიში მიიტანეს ავღანელ ძალოსნებზე ნანგარჰარის პროვინციაში.

0