დაკეტილი კაფე–ბარები

საქართველოში რესტორნები ამუშავდა რეკომენდაციები და მოთხოვნები

243
(განახლებულია 14:51 01.06.2020)
ორშაბათიდან მუშაობას იწყებენ ღია ტიპის კაფე–რესტორნები, რომლებიც ვალდებული იქნებიან შეასრულონ ჯანდაცვის სამინისტროს მიერ შემუშავებული რეკომენდაციები.

თბილისი, 1 ივნისი — Sputnik. საქართველოში ორშაბათიდან, 1 ივნისიდან ღია ტიპის რესტორნები და კაფეები იხსნება, ზუსტად ერთ კვირაში, 8 ივნისს კი ყველა ტიპის რესტორნები, კაფეები და ბარები ამუშავდება.

საქართველოს სურსათის ეროვნულმა სააგენტომ საზოგადოებრივი კვების ობიექტებისთვის, რომლებიც მუშაობას ანახლებენ, რეკომენდაციები გამოაქვეყნა. 

კორონავირუსის გავრცელების პრევენციის მიზნით სურსათის ეროვნული სააგენტო აქტიურად თანამშრომლობს ბიზნეს–სექტორთან და მეწარმეებს იმ აუცილებელ რეკომენდაციებს აცნობს, რომლებიც საქართველოს ჯანდაცვის სამინისტრომ შეიმუშავა.

კერძოდ, საზკვების ობიექტებში უნდა მოხდეს პერსონალისა და მომხმარებლის თერმო და ვიდეოსკრინინგი, შესასვლელში განთავსებული უნდა იყოს დეზობაროერი.

ყველა დახურული სივრცე, ასევე სათავსოები უნდა განიავდეს არანაკლებ სამი საათის ინტერვალით.

საზკვების ობიექტის პერსონალი უზრუნველყოფილი უნდა იყოს დაცვის ინდივიდუალური საშუალებებით – სპეცტანსაცმელი, ფეხსაცმელი, თავსაბურავი, ხელთათმანი, პირბადე, ფარი ან სათვალე. ობიექტის ხელმძღვანელობამ ასევე უნდა გააკონტროლოს მათი სწორად გამოყენება. 

გამოყენებული ჰიგიენური ნარჩენებისთვის უნდა დაიდგას დახურული კონტეინერები. ხშირად უნდა გაირეცხოს და დეზინფექცია ჩაუტარდეს პროდუქტების დასამუშავებლად განკუთვნილ ზედაპირებს.  

სად აიკრძალება საყოფაცხოვრებო კონდიციონერების გამოყენება - იმნაძის რეკომენდაცია>>

სტუმრებს უნდა წარედგინოთ ერთჯერადი ან ელექტრონული მენიუ, სასურველია ბარათით ანგარიშსწორება.

რეკომენდაციების თანახმად, საზკვების ობიექტებში უდა გაკონტროლდეს მომხმარებელთა რაოდენობა და სოციალური დისტანციის დაცვა.

კლიენტთან პირდაპირი კონტაქტის თავიდან აცილების მიზნით სალაროსთან დამონტაჟებული უნდა იყოს გამჭვირვალე ბარიერი. საზკვების ობიექტები ასევე ვალდებული არიან კლიენტები ისე მიიღონ, რომ არ მოხდეს ადამიანების თავშეყრა. კერძოდ, სტუმრებმა წინასწარ უნდა დაჯავშნონ ადგილები ან მაგიდის გათავისუფლებას სპეციალურად გამოყოფილ ადგილზე დაელოდნონ. 

დახურული სივრცის მქონე საზოგადოებრივი კვების ობიექტებში მაგიდები ერთმანეთისგან მინიმუმ ორმეტრიანი დაშორებით უნდა იდგეს, ხოლო ერთ მაგიდასთან მაქსიმუმ ექვსი მომხმარებლის განთავსებაა ნებადართული. გამონაკლისის სახით შესაძლებელია ოჯახის წევრებისა და 12 წლამდე მოზარდების ერთ მაგიდასთან განთავსება. მაგიდასთან განთავსებულ მომხმარებლებს შორის უზრუნველყოფილი უნდა იყოს არანაკლებ ერთმეტრიანი დისტანცია.  

რაც შეეხება მოთხოვნებს ღია სივრცის (ტერასა/ვერანდა/ღია რესტორანი) მქონე საზოგადოებრივი კვების ობიექტებისთვის, ამ შემთხვევაშიც მაგიდებისა და სტუმრების განლაგების მოთხოვნები დახურული სივრცის მქონე კვების ობიექტების მსგავსია.

რიგში კაფე-რესტორნებია: როგორ იმუშავებენ საზკვების ობიექტები საქართველოში?>>

საზკვების ობიექტების მხრიდან რეკომენდაციების შესრულების მონიტორინგს საქართველოს სურსათის ეროვნული სააგენტო განახორციელებს.

243
თემები:
COVID-19 საქართველოში (1189)
გამვლელები თბილისში

ბრძოლა კორონავირუსთან: საქართველოს მოქალაქეები მთავრობის მუშაობით კმაყოფილები არიან

252
(განახლებულია 20:53 11.07.2020)
მოსახლეობის დიდი ნაწილი მიიჩნევს, რომ ახალი კორონავირუსის გავრცელების კონტროლ ქვეშ მოქცევა შესაძლებელია

თბილისი, 11 ივლისი – Sputnik. საქართველოს მოსახლეობა კმაყოფილია კორონავირუსის გავრცელებასთან ბრძოლისას მთავრობის მიერ მიღებული ზომებით, ნათქვამია Gallup International-ის კვლევაში, რომელიც ტელეარხ Imedi-ს ეთერში წარმოადგინეს.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი >>

Gallup-ის დაკვეთით საქართველოში კვლევა ჩაატარა ქართულმა კომპანია „გორბიმ“, რომელმაც 7-12 ივნისს დაახლოებით 1000 რესპონდენტი ტელეფონით გამოკითხა. ამ გამოკითხვის ცდომილებაა +/-2,5%.

გამოკითხვის მიხედვით, საქართველოში გამოკითხულთა 95% მიიჩნევს, რომ კორონავირუსის პანდემია კონტროლს ექვემდებარება და 17 ქვეყანაში ეს ყველაზე მაღალი მაჩვენებელია. ამ მაჩვენებლით მეორე ადგილზეა ბულგარეთი, სადაც ამაში დარწმუნებულია მოსახლეობის 72%.

ასევე, საქართველომ და მალაიზიამ გაიყვეს მოწინავე პოზიცია იმ ქვეყნების ჩამონათვალში, რომელთა მოსახლეობა დარწმუნებულია, რომ მათი ხელისუფლება კარგად უმკლავდება კორონავირუსის პანდემიას - გამოკითხულთა 94%. ამ გამოკითხვაში მეორე ადგილზეა კორეის მოსახლეობა, რომელთა 84% მთავრობის მუშაობას დადებით აფასებს.

თუმცა, საქართველოში საკმაოდ ბევრია იმ ადამიანთა რაოდენობა, რომლებიც პანდემიის ეკონომიკურმა შედეგებმა დააზარალა. იმის შესახებ, რომ პანდემიის გამო შეუმცირდათ შემოსავლები, გამოკითხულთა 74%-მა განაცხადა. ამ მაჩვენებლით საქართველო მეეექვსე ადგილზე აღმოჩნდა. ამ კუთხით ყველაზე უარესი მდგომარეობაა ინდოეთში, ფილიპინებზე, პაკისტანში, მალაიზიაში და ყაზახეთში.

თუმცა გამოკითხულთა 63% დარწმუნებულია, რომ წლის ბოლომდე ყველაფერი მოგვარდება და ეს ყაზახეთის შემდეგ მსოფლიოში მეორე მაჩვენებელია.

კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა. ამ დროისათვის სულ 981 შემთხვევა დადასტურდა.

პანდემიის პერიოდში საქართველოში 846 ადამიანი გამოჯანმრთელდა, გარდაიცვალა 15 პაციენტი.

252
თემები:
COVID-19 საქართველოში (1189)
კასპის ცემენტის ქარხანა

„ჩვენი ქალაქი გვკლავს“ - კასპში საპროტესტო აქცია გაიმართა

279
(განახლებულია 16:18 11.07.2020)
პარასკევს „ჰაიდელბერგცემენტ ჯორჯიასა“ და კასპის მუნიციპალიტეტს შორის ურთიერთთანამშრომლობის მემორანდუმი გაფორმდა

თბილისი, 11 ივლისი - Sputnik. ქალაქ კასპში, ცემენტის ქარხანასთან საპროტესტო აქცია გაიმართა, იუწყება საზოგადოებრივი მაუწყებლის პირველი არხი.

ფარნავაზის ქუჩის მცხოვრებლები აცხადებენ, რომ „ჰაიდელბერგცემენტ ჯორჯიას“ ქარხანაში მოუწესრიგებელია ფილტრები. აქციის მონაწილეების თქმით, ცემენტით დატვირთული მძიმე ტექნიკა ალტერნატიული გზით არ სარგებლობს და მათ ქუჩაზე გადაადგილდება. ეს კი, მათი თქმით, მათ ჯანმრთელობას საფრთხეს უქმნის.

ადგილობრივები ადმინისტრაციასა და ხელისუფლებას ერთთვიან ვადას აძლევენ პრობლემის მოსაგვარებლად. წინააღმდეგ შემთხვევაში კი აცხადებენ, რომ პროტესტის უკიდურეს ზომას მიმართავენ და ცენტრალურ გზას გადაკეტავენ.

„ჰაიდელბერგ ცემენტის“ ქარხანაში საპასუხო კომენტარს არ აკეთებენ.

ამასთან, გუშინ „ჰაიდელბერგცემენტ ჯორჯიასა“ და კასპის მუნიციპალიტეტს შორის ურთიერთთანამშრომლობის მემორანდუმი გაფორმდა.

მემორანდუმის ფარგლებში ქარხანამ შემოვლითი გზის მოწყობა უნდა დაასრულოს, რის შემდეგაც კომპანიის კუთვნილი სატვირთო მანქანები ფარნავაზის ქუჩის დასახლებული მონაკვეთის ნაცვლად ისარგებლებენ ალტერნატიული გზით.

ფარნავაზის ქუჩას, რომლითაც აქამდე ქარხანასთან მისასვლელი გზა იყო და დაზიანებულია, კომპანიისა და მერიის ერთობლივი ფინანსური ჩართულობით რეაბილიტაცია ჩაუტარდება. ასევე იგეგმება ბეტონის გზის მოწყობა კასპის ცემენტის ქარხნიდან კავთისხევი-კასპის მიმართულებით ე.წ. კარიერის დასახლებამდე.

კომპანია HeidelbergCement-ის განახლებული თანამედროვე ცემენტის ქარხანა კასპში გასულ წელს გაიხსნა. კომპანიამ  საქართველოში მუშაობა 2006 წელს დაიწყო. დღეისათვის ის ფლობს კასპის ცემენტის ქარხანას, რუსთავის ორ ცემენტის ქარხანას, ასევე ფოთში ცემენტის წისქვილს და ცემენტის ტერმინალს სუფსაში. ის საქართველოში კლინკერის ერთადერთი მწარმოებელია.

279
თემები:
გარემოს დაცვა და ეკოლოგია
მოციმციმე ხე მთვარის ფონზე

მთვარის კალენდარი: 12 ივლისი რისი გაკეთება შეიძლება და რისი არა

0
(განახლებულია 11:23 11.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

12 ივლისი, კვირა ამ დღეს მზე მართავს. კლებადი მთვარე ვერძის ნიშანშია.

ვერძის დღეს სასურველია აქტიურობა, ორიგინალობისა და სიმტკიცის გამოჩენა; უნდა გახსოვდეთ ტაქტისა და დიპლომატიურობის შესახებ, მოერიდოთ აჩქარებას, მოუთმენლობასა და იმპულსურობას.

კარგი დღეა წინსვლისთვის, სწავლისთვის, ჯგუფური მუშაობისთვის.

წარმატებული დღეა, სამუშაო კარგად აეწყობა. კარგი დღეა მოგზაურობის დაწყებისთვის.

მთვარე ვერძის ნიშანში ამაღლებს საწინააღმდეგო სქესისადმი ინტერესს. ახალ ნაცნობობას, შესაძლოა, მგზნებარე რომანი მოჰყვეს, მაგრამ დიდი აბათობით – ხანმოკლე

რეკომენდებულია: წინსვლა, ფულის საკითხების გადაწყვეტა, აქტიურობა, ბიზნესის საქმეების გაკეთება, კონტაქტი ხელმძღვანელობასთან, ყველასთვის მნიშვნელოვანი საკითხების გადაჭრა, მუშაობა როგორც ინდვიდუალურად, ისე გუნდურად, შემოქმედებითი საქმიანობა, კარიერული წინსვლა, ახალი საქმეების დაწყება.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია გუნდიდან გამოყოფა და მასთან დაპირისპირება, წვრილმან საქმეებზე ყურადღების კონცენტრირება და მათზე დროის დაკარგვა.

თმის შეჭრა, შეღებვა: ვერძის ნიშნის დროს სჯობს, თავი შეიკავოთ თმის შეჭრის ან შეღებვისგან. ნებისმიერ ქიმიურ პრეპარატს ამ დღეს უარყოფითი ზემოქმედება შეუძლია მოახდინოს იმუნიტეტზე.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

სახის ნიღბების სახით გამოიყენეთ მხოლოდ ნატურალური საშუალებები.

მებაღეობა: ამ დღეს სასურველია ბაღში მცენარის მიწისზედა ნაწილებთან მუშაობა, რადგან ქვედა ნაწილზე იზრდება ზეწოლა, მცენარის წვენი ფესვებისკენ მიდის. მცენარეები ამ დროს ისვენებენ და ცუდად იზრდებიან.

მთვარის კალენდარი მებაღეებისთვის: 2020 წლის ივლისი>>

არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

0