რომელი შეზღუდვის მოხსნაა ყველაზე მეტად სარისკო - თენგიზ ცერცვაძის მოსაზრება

© Sputnik / Alexander Imedashviliაბანოთუბანში პირბადეებით სეირნობენ
აბანოთუბანში პირბადეებით სეირნობენ - Sputnik საქართველო
გამოწერა
თენგიზ ცერცვაძის განცხადებით, მთავრობას განსაკუთრებული ალგორითმის შემუშავება მოუწევს იმისათვის, რომ შეზღუდვების მოხსნით გამოწვეული რისკი მინიმუმამდე დაიყვანოს

თბილისი, 26 მაისი - Sputnik. საქართველოსთვის ტურისტული სეზონის გახსნა ყველაზე მეტ რისკებს შეიცავს, განაცხადა თბილისის ინფექციური საავადმყოფოს დირექტორმა, თენგიზ ცერცვაძემ.

ავტობუსის მგზავრებს პირბადეები უკეთიათ - Sputnik საქართველო
„იმაზე უფრო მალე, ვიდრე ვგეგმავდით“: თურნავა ტრანსპორტის ამუშავებაზე საუბრობს

ცერცვაძის შეფასებით, შეზღუდვების მოხსნა უდიდეს რისკებს შეიცავს. თუმცა, მისივე თქმით, სხვა ქვეყნებთან შედარებით, ეს რისკი შედარებით ნაკლებია საქართველოსთვის.

„ჩვენ მივაღწიეთ იმ სიტუაციას, როდესაც გვყავს ავადმყოფების ძალიან მცირე რიცხვი, ერთ-ერთი ყველაზე მცირე ევროპაში და გარდაცვლილების ერთ-ერთი ყველაზე მცირე რიცხვი ევროპაში. ამიტომ საქართველოში შეზღუდვების მოხსნა არ შეიცავს ისეთ დიდ რისკს, როგორც იმ ქვეყნებში, რომლებიც წავიდნენ ამაზე“, - განაცხადა ცერცვაძემ.

ინფექციური საავადმყოფოს დირექტორი ყველაზე მეტ რისკებს ტურისტული სეზონის გახსნაში ხედავს.

„როდესაც შემოვლენ უცხოელები, როდესაც ჩვენები დაიწყებენ მგზავრობას უცხოეთში, ჩვენმა მთავრობამ, რომელიც აქამდე ძალიან კარგად მართავდა ამ კოვიდინფექციით გამოწვეულ კრიზისს, რაღაც ფანტაზია უნდა გამოიჩინოს, რაღაც ოპტიმალური ალგორითმი უნდა შექმნას, როგორ მივიღოთ უცხოელი ტურისტები ისე, რომ მათ არ დავუკარგოთ საქართველოში ჩამოსვლის სურვილი. მეორე მხრივ, ჩვენი მოსახლეობა როგორ უზრუნველყონ ისე, რა რეგულაციები დაუწესონ, რომ მათაც არ გაუქრეთ უცხოეთში მოგზაურობის სურვილი“, - განაცხადა ცერცვაძემ.
სიცილია, ეოლიის კუნძულები - Sputnik საქართველო
ოღონდ ჩამოდით: სიცილია და იაპონია ტურისტებს დანახარჯის ნახევარს გადაუხდიან

ცერცვაძე კიდევ ერთ სერიოზული პრობლემად საზოგადოებრივი ტრანსპორტის ამუშავებას მიიჩნევს.

„მე მიმაჩნია, რომ შესაძლებელია ავტობუსების და მეტროს მოძრაობის აღდგენა, ოღონდ იქაც უნდა დავიცვათ გარკვეული რეგულაციები. თუ ჩვეულებრივ ავტობუსში ან მეტროს ვაგონში ეტევა პირობითად ვთქვათ 50 კაცი ან 100 კაცი, ასეთი რეგულაციის პირობებში დაეტევა იმის მესამედი. მაგრამ ეს მაინც ბევრად უკეთესია, ვიდრე სულ არაფერი“, - განაცხადა თენგიზ ცერცვაძემ.

კორონავირუსის პანდემიასთან წარმატებული ბრძოლის შედეგად ქვეყნის ხელისუფლებამ შიდა ტურიზმის 15 ივნისიდან, უცხოელი ტურისტებისთვის კი საზღვრის 1 ივლისიდან გახსნის გადაწყვეტილება მიიღო. ეს ნიშნავს, რომ ამ დროისთვის საქართველო აღადგენს საჰაერო და სახმელეთო მიმოსვლას, რომელიც კორონავირუსის გავრცელების პრევენციის მიზნით შეიზღუდა.

რაც შეხება საზოგადოებრივ ტრანსპორტს,  მთელ საქართველოში მისი მოძრაობა 31 მარტიდანაა შეჩერებული. აღნიშნული შეზღუდვა ქვეყანაში საგანგებო მდგომარეობის ფარგლებში დაწესდა.

23 მაისიდან საგანგებო მდგომარეობა გაუქმდა, მოიხსნა მრავალი შეზღუდვა, მათ შორის, კომენდანტის საათი, ავტომობილით სამ კაცზე მეტის გადაადგილებისა და სამზე მეტი ადამიანის თავშეყრის აკრძალვა.

საქართველოში საზოგადოებრივი ტრანსპორტი ივლისის შუა რიცხვებში ამუშავდება >>

თუმცა მთავარი კითხვა, რომელიც მოსახლეობას აწუხებს – როდის ამუშავდება საზოგადოებრივი ტრანსპორტი დედაქალაქში – კვლავ ღიად რჩება.

ამჟამად კორონავირუსი სულ დადასტურებული აქვს 732 ადამიანს. აქედან გამოჯანმრთელდა 537 პაციენტი. კარანტინის რეჟიმში იმყოფება 3076, ხოლო სტაციონარებში დაკვირვების ქვეშ 300 პაციენტია. გარდაიცვალა 12 ადამიანი.

ყველა ახალი ამბავი
0