ბათუმის ბულვარში

აჭარამ მწვანე ზონის სტატუსი დაიბრუნა: გამოჯანმრთელდა ბოლო ორი კოვიდინფიცირებული პაციენტი

99
აჭარის რეგიონში 30 აპრილის შემდეგ, უკვე 23 დღეა, კორონავირუსის ახალი შემთხვევა არ გამოვლენილა. აჭარაში კორონავირუსზე PCR ტესტი ჩაუტარდა 10 773 პირს. კორონავირუსი დაამარცხა 70-მა პაციენტმა.

თბილისი, 23 მაისი - Sputnik. აჭარაში კორონავირუსით ინფიცირებული ბოლო ორი პაციენტი გამოჯანმრთელდა, განაცხადა აჭარის მთავრობის თავმჯდომარემ თორნიკე რიჟვაძემ.

აჭარაში 30 აპრილის შემდეგ, უკვე 23 დღეა, კორონავირუსის ახალი შემთხვევა არ გამოვლენილა

„აჭარამ დაიბრუნა მწვანე ზონის სტატუსი. ეს განსაკუთრებით მნიშვნელოვანია ტურისტული სეზონის მოახლოებასთან დაკავშირებით. ახლა მთავარია, ყველამ დავიცვათ რეკომენდაციები და შევძლოთ პირველი ტურისტების მიღება. შესაბამისად უნდა დავიწყოთ ეკონომიკის ამოქმედება“, – განაცხადა თორნიკე რიჟვაძემ.

აჭარის მთავრობის თავმჯდომარემ განსაკუთრებული მადლობა გადაუხადა მედიკოსებს და უწყებათაშორის კომისიას.

აჭარაში კორონავირუსის პირველი შემთხვევა 15 მარტს დადასტურდა. ინფიცირებული იყო საქართველოს მოქალაქე, რომელიც უცხოეთიდან დაბრუნების შემდეგ, აეროპორტიდანვე კარანტინში გადაიყვანეს. კორონავირუსის შიდა გავრცელების პირველი შემთხვევა კი აჭარაში 7 აპრილს დაფიქსირდა. აჭარაში კორონავირუსზე PCR ტესტი ჩაუტარდა 10 773 პირს. კორონავირუსი დაამარცხა 70-მა პაციენტმა.

ამ დრომდე მწვანე ზონებად მიიჩნევა კახეთი და გურია.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა. ის 23 მაისამდე მოქმედებდა - შეზღუდვები 00:00 საათიდან მოიხსნა.

ბოლო მონაცემებით, საქართველოში კორონავირუსი 728 ადამიანს დაუდასტურდა, აქედან 509 უკვე გამოჯანმრთელდა. საქართველოში კორონავირუსით გარდაიცვალა 12 ადამიანი.

 

99
თემები:
COVID-19 საქართველოში (1825)
თენგიზ ცერცვაძე

400-ზე შეიძლება ავიდეს: თენგიზ ცერცვაძე საქართველოში არსებულ ეპიდსიტუაციაზე საუბრობს

83
საქართველოს კლინიკური სექტორი იმუშავებს იმდენად ეფექტურად, რომ ჩვენ შევძლებთ ყველა ან მაქსიმალური რაოდენობის პაციენტების განკურნებას, განაცხადა ექიმმა.

თბილისი, 27 სექტემბერი – Sputnik. უახლოეს დღეებში მოსალოდნელია კორონავირუსით ინფიცირების შემთხვევათა მატება, არ არის გამორიცხული, დღე-ღამური მაჩვენებელი 300-400-მდე გაიზარდოს, თუმცა მოგვიანებით დაიკლებს, განაცხადა თბილისის ინფექციური საავადმყოფოს დირექტორმა, საქართველოში COVID-19-ის კლინიკური კონტროლის ჯგუფის თავმჯდომარემ თენგიზ ცერცვაძემ.

საქართველოში კორონავირუსით ინფიცირების შემთხვევების რაოდენობამ 5 ათასს გადააჭარბა და 5 254 შეადგინა. პანდემიის დაწყებიდან გამოჯანმრთელდა 1 906 პაციენტი, გარდაიცვალა - 28.

ცერცვაძის თქმით, საქართველოში კორონავირუსით სიკვდილიანობის დაბალი დონეა, რაც იმის ნიშანია, რომ სახელმწიფო პანდემიას უმკლავდება.

„ჩვენ შემთხვევის მატების იმიტომ გვეშინია, რომ მას არ მოჰყვეს ლეტალობის ზრდა. საქართველოში გარდაცვალების ერთეული შემთხვევებია მხოლოდ, მაშინ როცა სხვა ქვეყნებში ათეული, ასეული და ათასეულია. საქართველო კვლავ ინარჩუნებს ევროპის 49 ქვეყნასა და ჩრდილოეთ ამერიკის ქვეყნებს შორის იმ ქვეყნის სტატუსს, რომელსაც ჰყავს ყველაზე ნაკლები გარდაცვლილი. ერთ მილიონ მოსახლეზე სულ გვყავს შვიდი გარდაცვლილი, რაც ყველაზე დაბალი მაჩვენებელია. ეს არის მთავარი კრებითი მაჩვენებელი იმისი, როგორ უმკლავდება ქვეყანა და სახელმწიფო კოვიდპანდემიას“, - განუცხადა ცერცვაძემ ჟურნალისტებს.

თბილისის ინფექციური საავადმყოფოს დირექტორი დარწმუნებულია, რომ როგორი ზრდაც არ უნდა იყოს, კლინიკური სექტორი მაქსიმალური ეფექტურობით იმუშავებს.

„რაც არ უნდა ზრდა იყოს, ჩვენი კლინიკური სექტორი იმუშავებს იმდენად ეფექტურად, რომ შევძლებთ გამოვაჯანმრთელოთ ყველა ან მაქსიმალური რაოდენობა ავადმყოფების, ან გარდაცვალების შემთხვევები იყოს ერთეული“, – განაცხადა თენგიზ ცერცვაძემ.

მან ასევე უპასუხა თავის ოპონენტებს, რომლებიც მიიჩნევენ, რომ საქართველოს კლინიკური სექტორი პაციენტების დიდ ნაკადს ვერ გაუმკლავდება. ცერცვაძე მიიჩნევს, რომ საქართველოს კლინიკური სექტორი ძლიერი აღმოჩნდა და გამოწვევებს გაუძლებს.

ქუთაისში გინეკოლოგები სამშობიაროს კოვიდ-ცენტრად გადაკეთებას აპროტესტებენ >>

სექტემბრის დასაწყისიდან საქართველოში კორონავირუსით ინფიცირების მკვეთრი ზრდა ფიქსირდება. თუ ადრე დღე-ღამური მატება 30-40 შემთხვევას არ აღემატებოდა, გუშინ ინფიცირებულთა რიცხვმა მიაღწია ახალ ანტირეკორდს - 296 ადამიანს. ინფიცირებულთა რაოდენობით ლიდერია კვლავ აჭარა, სადაც ეპიდემიოლოგები ყოველდღიურად 100-ზე მეტ შემთხვევას აფიქსირებენ. დღეს იქაც ანტირეკორდი დაფიქსირდა - 193 შემთხვევა.

COVID-19-ით ლეტალური შემთხვევების რაოდენობა საქართველოში 28-მდე გაიზარდა.

83
თემები:
COVID-19 საქართველოში (1825)
გიორგი გახარია

პრემიერი: პირველ რიგში გავუფრთხილდეთ რისკ-ჯგუფებს, მოხუცებს...

119
(განახლებულია 19:13 27.09.2020)
პრემიერმა მოუწოდა ხანდაზმულ ადამიანებს, განსაკუთრებით აჭარაში მცხოვრებთ, სახლში დარჩნენ და ინფიცირების თავიდან აცილების მიზნით ყველა რეკომენდაცია შეასრულონ

თბილისი, 27 სექტემბერი — Sputnik. საქართველოში ინფიცირების შემთხვევების ზრდა მოსალოდნელი იყო და მოსახლეობამ კორონავირუსთან თანაცხოვრებას უნდა შეეგუოს, განაცხადა პრემიერ-მინისტრმა გიორგი გახარიამ.

საქართველოში ახალი კორონავირუსით დაავადებულთა რაოდენობამ 5254-ს მიაღწია. ამ დროისათვის სულ გამოჯანმრთელდა 1906 ადამიანი, გარდაიცვალა – 28.

გახარიამ ყურადღება გაამახვილა ისეთი რეკომენდაციების სავალდებულო შესრულებაზე, როგორიცაა პირბადეების ტარება, დისტანციის და ჰიგიენის წესების დაცვა. რადგან საქართველოში ბევრია ქრონიკული დაავადებების მქონე ადამიანი, ეს ყველამ უნდა გაითვალისწინოს.

„ინფიცირების რაოდენობის ზრდა გვაქვს და გვექნება კიდეც, ჩვენ უნდა მივეჩვიოთ ვირუსთან თანაცხოვრებას, ამას ყოველთვის ვამბობდით... პირველ რიგში უნდა გავუფრთხილდეთ მაღალი რისკის მატარებელ სოციალურ ჯგუფებს, მოხუცებს, ქრონიკული დაავადების მატარებელ ადამიანებს, აქ განსაკუთრებით ყურადღება უნდა გამოვიჩინოთ. უფრო მეტიც, ალბათ სწორია რეკომენდაცია, რომ აჭარაში განსაკუთრებით ხანდაზმული ადამიანები დარჩნენ სახლში, ეს ძალიან სწორი რეკომენდაციაა“, – განუცხადა ჟურნალისტებს გახარიამ.

პრემიერმა ხაზგასმით აღნიშნა, რომ მარტივია საგანგებო მდგომარეობის გამოცხადება, მაგრამ ხელისუფლება ამ ნაბიჯს არ გადადგამს.

„ჩვენ გვინდა, გაგრძელდეს განათლება, ეკონომიკა, პოლიტიკური პროცესი“, - აღნიშნა პრემიერმა.

სიტუაცია აჭარაში

სექტემბერში აჭარაში კორონავირუსთან დაკავშირებული სიტუაცია საგანგაშო გახდა. ბოლო დღე-ღამეში რეგიონში ინფიცირების 193 შემთხვევა გამოვლინდა, სულ კი 1,8 ათასი შემთხვევაა რეგისტრირებული.

აჭარის საზოგადოებრივი ჯანმრთელობის ცენტრის დირექტორის მოადგილის, ნონა ეფაძის თქმით, პაციენტებს შორის არის მძიმე შემთხვევები, რომელთაც ხელოვნური სუნთქვის აპარატები ესაჭიროებათ.

კორონავირუსი და სიკვდილი: ჯანმო COVID-19-ით ორ მილიონ მსხვერპლს წინასწარმეტყველებს >>

„კლინიკებში მკურნალობას გადის 480 პაციენტი, აქედან 15 ორსულია, 41 კი არასრულწლოვანი. კოვიდკარანტინებში კი დღეისთვის 989 ადამიანია მეთვალყურეობის ქვეშ, აქედან 71-ია ბავშვი",- განუცხადა ნონა ეფაძემ ჟურნალისტებს.

119
თემები:
COVID-19 საქართველოში (1825)
მზის ჩასვლა

კვირის ასტროპროგნოზი: სიყვარული, ფინანსები, სამუშაო 28 სექტემბერი 4 ოქტომბერი

0
(განახლებულია 15:23 27.09.2020)
ასტროლოგები გვირჩევენ, ამ კვირაში დიდი ყურადღება მივაქციოთ შინაგან ჰარმონიას. ძალზე მნიშვნელოვანია ვაკეთოთ ის, რაც მოგვწონს. საკმაოდ ხელსაყრელი კვირა ელოდება ზოდიაქოს ნიშნების უმრავლესობას

როგორი იქნება ვარსკვლავებისა და პლანეტების განწყობა ამ კვირაში ზოდიაქოს ნიშნებისთვის, როგორ იმოქმედებენ ისინი ადამიანებზე, რა უნდა გავითვალისწინოთ, რომ წარმატებებს მივაღწიოთ – ყოველივე ამის შესახებ კვირის ასტროლოგიური პროგნოზიდან შეიტყობთ.

რა ფარული ნიჭი იმალება ზოდიაქოს თითოეულ ნიშანში>>

ვერძი

ვერძებისთვის ამ კვირაში ყველაზე მნიშვნელოვანი სფერო სიყვარული იქნება. თამამად შიძლება ახალი ადამიანების გაცნობა, ახალი ურთიერთობების დაწყება, ან უკვე არსებულის ახალ დონეზე გადაყვანა. კარგად ჩაივლის სიყვარულში გამოტყდომა, საყვარელი ადამიანის მშობლებთან შეხვედრა, საცხოვრებლად სხვაგან გადასვლა, შოპინგი.

ვარსკვლავებისა და პლანეტების ენერგია დაგეხმარებათ ცნობიერებაში არსებული ბარიერების გადალახვაში, რომლებიც მიზნების მიღწევაში გიშლით ხელს. უნდა იყოთ გაბედული, მიზანსწრაფული და ნებისმიერი ცვლილებისთვის მზად. სამსახურსა და ბიზნესში სტაბილურობა არ გელოდებათ, მაგრამ ეს არ ნიშნავს, რომ ყველაფერი ცუდად მიდის. პირიქით, ახლა სწორედ ის დროა, როდესაც შესაძლებელია გამარჯვება და წარმატებების მიღწევა.

კურო

კუროებს მხოლოდ საკუთარი თავის იმედი უნდა გქონდეთ. ეს განსაკუთრებით ეხება 28 და 29 სექტემბერსა და 4 ოქტომბერს. ამ არახელსაყრელ დღეებში ბევრი მნიშვნელოვანი რამ შეიძლება მოხდეს. ასტროლოგები გირჩევენ, თვითონ გადალახოთ დაბრკოლებები, რომ გაძლიერდეთ, ისწავლოთ რამე ახალი და აიმაღლოთ ავტორიტეტი კოლეგებს, ხელმძღვანელობას, მეგობრებსა და ახლობლებს შორის.

ძალზე მნიშვნელოვან როლს შეასრულებს პოზიტიური აზროვნება. ეს დაგეხმარებათ სასურველის მოზიდვასა და დასახული მიზნების სწრაფად განხორციელებაში. პოზიტიური ადამიანები იზიდავენ არა მხოლოდ ფულს, არამედ სხვა ადამიანებსაც. ეს ნიშნავს, რომ კეთილ და მხიარულ კუროებთან წარმატება ნაცნობებისა და კავშირების მეშვეობითაც მივა. ექსპერტები გირჩევენ, იმოქმედოთ შედგენილი გეგმით და არ გარისკოთ.

ტყუპი

ყურადღება მიაქციეთ დესტრუქციულ აზროვნებას, რომელიც ხშირად გარშემომყოფებისგან მოდის. ეს საშიში გზაა, რომელიც ჩიხში შეგიყვანთ. უნდა იაროთ საკუთარი გზით, ჯანსაღად შეაფასოთ გარესამყარო და მოიქცეთ ისე, როგორც ამას საკუთარი გული გკარნახობთ და არა შემთხვევითი მრჩეველი. ამ კვირაში თქვენი ინტუიცია საკმაოდ ძლიერი იქნება.

ოქტომბრის დასაწყისში აუცილებლად მიქციეთ ყურადღება ჯანმრთელობას. მრავალრიცხოვან პრობლემებსა და მცირე გაუგებრობებს თქვენი კალაპოტიდან ამოგდება, შინაგანი ბალანსისა და ჰარმონიის დარღვევა შეუძლია. ასტროლოგები გირჩევენ, ყველანაირად ეცადოთ, რომ არ ინერვიულოთ. ამაში ფიზიკური აქტიურობა, აქტიური ცხოვრების წესი დაგეხმარებათ.

კირჩხიბი

თქვენთვის კვირის ყველაზე ხელსაყრელი დღეებია 2, 3 და 4 ოქტომბერი. ამ დღეებში ადვილი იქნება ნებისმიერი, განსაკუთრებით შემოქმედებითი სამუშაოს შესრულება. ვარსკვლავებისა და პლანეტებისგან მიიღებთ ძალებისა და ენერგიის დიდ მარაგს, რაც სირთულეების გადალახვაში დაგეხმარებათ.

კვირის დასაწყისში პრობლემების გაჩენისთანავე შეგიძლიათ დახმარებისთვის მეგობრებს, ნათესავებს ან კოლეგებს მიმართოთ. არ ღირს საკუთარ თავში ჩაკეტვა და ყველასგან იზოლირება, თუნდაც ამის ძლიერი სურვილი გაგიჩნდეთ. გარშემომყოფებისგან უნდა აიღოთ პოზიტიური ენერგია, ჩაკეტილობა კი იდეების წყაროებსა და შესაძლებლობებს გადაღობავს.

ლომი

დღის წესრიგი ადამიანის ბიოველსა და განწყობაზე მოქმედებს. ამ კვირაში ლომებს ექსპერტები გირჩევენ, მოაგვაროთ დღის რეჟიმი, შეასრულოთ ფიზიკური სავარჯიშოები, ბევრი იმოძრაოთ. ძალზე ხელსაყრელი პერიოდია იმისთვის, რომ გამოიმუშაოთ ახალი სასარგებლო ჩვევები და გათავისუფლდეთ მავნე ჩვევებისგან.

ვარსკვლავები თქვენ მხარეს იქნებიან, ამიტომ გქონდეთ იღბლის იმედი ნებისმიერ სფეროში. ყველაზე მეტად გაუმართლებს იმას, ვინც ადამიანებთან მუშაობს, მათთან ურთიერთობები აქვს. კვირის მეორე ნახევარი დაუთმეთ სწავლას, ახალი გამოცდილების მიღებას. ჩნდება დიდი შანსი მათთვის, ვინც სამუშაოს ეძებს.

ქალწული

ქალწულებისთვის ძალზე დინამიკური პერიოდი იწყება. ამ დროს ყურადღება ყველაზე მნიშვნელოვანზე უნდა გაამახვილოთ. არ ღირს ორ კურდღელზე გამოდევნება. დროა, ერთი პრიორიტეტული მიმართულება შეარჩიოთ. თუ დინამიკურ რიტმში იცხოვრებთ და ბევრ ამოცანას შეეჭიდებით ერთდროულად, ძალიან მალე დახარჯავთ ენერგიას, ძალას და სიტუაციაზე კონტროლს დაკარგავთ.

აუცილებლად უნდა იპოვოთ დრო დასვენებისთვის, თუნდაც გაჩაღებული მუშაობის დროს. უქმეებზე ძალიან წაგადგებათ გარემოს შეცვლა, სადმე წასვლა, ნათესავების მონახულება. ნერვების დამშვიდებასა და მოდუნებაში დაგეხმარებათ შოპინგი, გარდერობის განახლება.

სასწორი

სასწორებმა ეს კვირა მსუბუქი განწყობითა და ოპტიმიზმით უნდა გაატაროთ. არ შეიძლება წარსულზე, წყენებზე „ჩაციკლვა“ და მით უმეტეს, შურისძიებაზე, გულში ბოღმის ჩადებაზე. აპატიეთ საკუთარ თავსაც და სხვებსაც. თქვენთვის, როგორც ასტროლოგები მიიჩნევენ, პრიორიტეტულია პატიება და კომპრომისის მოძებნა.

კვირა მნიშვნელოვანი იქნება კარიერული წარმატებებისთვისაც. არაა გამორიცხული კარიერულ კიბეზე წინსვლა, ხელფასის მომატება. საკუთარ თავზე უნდა აიღოთ პასუხისმგებლობა როგორც გამარჯვებაზე, ისე მარცხზეც. კვირის ბოლოს, შესაძლოა, თქვენი ძალები ამოიწუროს, ამიტომ თქვენთვის რეკომენდებულია საღამოობით დასვენება და პოზიტივზე და არა ნეგატივზე ფოკუსირება.

მორიელი

კვირის პირველი დღე საკმაოდ არახელსაყრელი და საშიში იქნება. ეს ეხება შაბათსაც. ამ დღეებში მეტი სიფრთხილე გმართებთ.

მომავალში წარმატებებისთვის ძალიან მნიშვნელოვანია ამ კვირაში ნათესავებთან ურთიერთობები. კავშირი უნდა გქონდეთ მეგობრებთან და ურთიერთობები – სასიამოვნო ადამიანებთან. რთულ მომენტებში შეგიძლიათ მათ დახმარება სთხოვოთ. ასტროლოგები გირჩევენ, მოერიდოთ ოჯახურ კონფლიქტებს, განსაკუთრებით უქმეებზე.

მშვილდოსანი

მშვილდოსნებმა უნდა იპოვოთ ენერგიისა და დადებითი ემოციების წყარო. მთელი შვიდი დღის განმავლობაში შრომისუნარიანობისა და კარგი განწყობის შენარჩუნება გაგიჭირდებათ, ამიტომ აუცილებლად გამონახეთ დრო დასვენებისთვის. თქვენი გარემოს შეცვლის ნიჭის გათვალისწინებით, იდეებთან დაკავშირებით პრობლემა არ უნდა გაჩნდეს.

კვირის პირველი ნაახევარი შემოქმედებას, ინტელექტუალურ მუშაობას, ახალი ცოდნის შეძენას, უცხო ენების შესწავლას მიესადაგება. ასტროლოგები გირჩევენ, ამ კვირაში შორეულ გზას არ დაადგეთ. 1–დან 4 ოქტომბრის ჩათვლით მოსალოდნელია სასიამოვნო შეხვედრები და ნაცნობობა.

თხის რქა

ასტროლოგები გირჩევენ, რომ ამ კვირაში მეტი ყურადღება დაუთმოთ სიყვარულსა და ურთიერთობებს. თუ თქვენი საყვარელი ადამიანი ეჭვიანია, სჯობს, არ მოახდინოთ მისი პროვოცირება. პირიქით, იყავით ლოიალური, გულღია დიალოგისთვის.

კარგი დროა თვალსაწიერის გაფართოებისთვის. მარტოხელებს არ გაწყენთ ახალი ნაცნობობა. რაც შეეხება სამუშაოს, ამ სფეროში იღბლიანი იქნება ნებისმიერი ახალი წამოწყება. კვირის პირველივე დღიდან ღირს ინიციატივის გამოჩნენა, თავდაჯერებულობისა და ოპტიმიზმის დემონსტრირება. კოლეგები და ხელმძღვანელობა ამას სათანადოდ შეაფასებს.

მერწყული

ამ კვირაში მერწყულებისთვის ყველაზე მნიშვნელოვანი ფინანსური სფერო გახდება. ვარსკვლავები და პლანეტები ყოველთვის კარგ განწყობაზე არ იქნებიან. ამ მხრივ უნდა იფრთხილოთ და გეგმას მისდიოთ, განსაკუთრებით 30 სექტემბერსა და 1 ოქტომბერს.

შუა კვირაში არ ღირს სესხის აღება და ძვირადღირებული რამის ყიდვა. იღბალი იმ მერწყულების გვერდით იქნება, რომლებიც დავალებებს პასუხისმგებლობით მოეკიდებიან, იმოქმედებენ და უქმად არ ისხდებიან. ეს იქნება დინამიკური დრო, როდესაც სარისკოა საქმეების თავის დინებაზე მიშვება. ამან შეიძლება დიდი პრობლემები გამოიწვიოს.

თევზები

თევზები ბედის იმედად არ უნდა იყოთ. უნდა გამოიჩინოთ მაქსიმალური აქტიურობა და მზად იყოთ ნებისმიერი ამოცანის გადასაჭრელად. ორშაბათი ძალზე ხელსაყრელი დღე იქნება, ამიტომ დილიდან უნდა განეწყოთ პოზიტიურ კილოზე, სწრაფად ჩაერთოთ მუშაობაში, მაგრამ ძალიან არ უნდა გადაიღალოთ.

იღბალზე პოზიტიურად აისახება დამოუკიდებლობა. არ ღირს დახმარების თხოვნა გარშემომყოფებისთვის, განსაკუთრებით, თუ მათთან ურთიერთობები ყოველთვის სასიამოვნოდ არ ეწყობა. მოერიდეთ არაკეთილმოსურნეებს, ამასთან, მათი რიცხვი შეიძლება გაიზარდოს.

0