ილია მეორე

ილია მეორე: როცა გაგიჭირდებათ, შესთხოვეთ წმინდა ნიკოლოზს

122
(განახლებულია 19:42 22.05.2020)
წმინდა ნიკოლოზ სასწაულმოქმედი საქართველოში ქართული მართლმადიდებლური ეკლესიის ერთ-ერთ მფარველად ითვლება.

თბილისი, 22 მაისი - Sputnik. საქართველოს კათოლიკოს-პატრიარქმა ილია მეორემ ნიკოლოზობის დღესასწაულთან დაკავშირებით სამების საკათედრო ტაძარში საზეიმო წირვა აღავლინა.

ქართული მართლმადიდებლური ეკლესია დღეს ნიკოლოზობის დღესასწაულს აღნიშნავს. დღესასწაულთან დაკავშირებით საქართველოში მოქმედ ტაძარებში საზეიმო წირვა აღევლინა.

ნიკოლოზობა წელიწადში ორჯერ აღინიშნება, 19 დეკემბერი – წმინდა ნიკოლოზ სასწაულმოქმედის ხსენების, 22 მაისი კი – ნიკოლოზ სასწაულმოქმედის წმინდა ნაწილების მირონიდან ბარში გადასვენების დღეა. 

"წმინდა ნიკოლოზი მოწყალე მშობელია, მოწყალე მამა, თავის ცხოვრებაში ყველა ადამიანს წმინდა ნიკოლოზის მოწყალება გამოუცდია. არ ყოფილა შემთხვევა, რომ არ აგისრულოს თხოვნა წმინდა ნიკოლოზმა. მოწყალეა, მარტო ქრისტიანებს კი არა, მუსულმანებსაც ეხმარება“, - განაცხადა პატრიარქმა.

ილია მეორემ მრევლს მოუწოდა, გაჭირვებისას წმინდა ნიკოლოზს სთხოვონ დახმარება.

„წმინდა ნიკოლოზი უარს არ გეტყვით. ახლაც, ამ რთულ დროს, მინდა ვთხოვო წმინდა ნიკოლოზს, რომ გაიღოს მოწყალება და შეიწყალოს საქართველო და მთელი მსოფლიო", - ბრძანა პატრიარქმა.

წმინდა ნიკოლოზ სასწაულმოქმედი საქართველოში მართლმადიდებლური ეკლესიის ერთ-ერთ მფარველად ითვლება.

122
შალვა ახალციხელის ტაძარი ახალციხეში

ახალციხეში ახლად აშენებულ საკათედრო ტაძარში პირველი ღვთისმსახურება აღევლინა

332
საზეიმო ღვთისმსახურებას ესწრებოდნენ საქართველოს პრემიერ–მინისტრი გიორგი გახარია, პარლამენტის თავმჯდომარე არჩილ თალაკვაძე და მთავრობის წევრები

თბილისი, 9 აგვისტო - Sputnik. ახალციხის ახლად აშენებულ შალვა ახალციხელის საკათედრო ტაძარში საზეიმო ლიტურგია აღევლინა.

შალვა ახალციხელი ქართული ჯარის მფარველია. შალვა და ივანე ახალციხელები გმირი ძმები არიან, რომლებმაც მე–13 საუკუნის დასაწყისში ჯალალედინის მრავალრიცხოვანი ჯარის წინააღმდეგ ბრძოლებში გაითქვეს სახელი. ივანე ახალციხელი გარნისის კლდეებში ბრძოლისას გარდაიცვალა, ხოლო შალვა ტყვედ ჩაიგდეს. მას მუსლიმობის სანაცვლოდ თავისუფლება შესთავაზეს, თუმცა შალვა ახალციხელმა თავის რწმენას არ უღალატა და ის საშინლად აწამეს და მოკლეს.

საზეიმო ღვთისმსახურებას ესწრებოდნენ საქართველოს პრემიერ–მინისტრი გიორგი გახარია, პარლამენტის თავმჯდომარე არჩილ თალაკვაძე და მთავრობის წევრები. ღვთისმსახურება ახალციხისა და ტაო–კლარჯეთის მიტროპოლიტმა თეოდორემ მღვდელმთავრებთან ერთად აღავლინა.

მეუფემ დალოცა ყველა მოქალაქე, ვინც ტაძრის შეჩერებული მშენებლობის დასრულებაში წვლილი შეიტანა.

გახარიამ აღნიშნა, რომ შალვა ახალციხელის ტაძრის გახსნა დიდი ზეიმია არა მხოლოდ ახალციხისა და სამცხე–ჯავახეთის რეგიონისთვის, არამედ მთელი საქართველოსთვის.

„ჩემთვის და ხელისუფლების თითოეული წარმომადგენლისთვის, ვინც დღეს აქ ვართ, უდიდესი პატივია იყოს აქ, თქვენთან და ჩვენს სამღვდელოებასთან ერთად. ახალციხეში შალვა ახალციხელის საკათედრო ტაძრის ამოქმედება, რა თქმა უნდა, არის დიდი ზეიმი არა მარტო ახალციხელებისთვის, არამედ დიდი ზეიმია მთლიანად საქართველოსთვის. განსაკუთრებით მაშინ, როდესაც გვახსენდება, რომ ეს ის წმინდანია, რომელიც მფარველობს ჩვენს ჯარს“, – განაცხადა პრემიერმა.

მთავრობის მეთაურმა მშვიდობა და წინსვლა უსურვა ახალციხელებს და ისურვა, რომ საქართველოში მეტი ამგვარი ტაძარი აშენდეს.

შალვა ახალციხელის საკათედრო ტაძრის მშენებლობა 2009 წელს დაიწყო.

332
რამაზ ნოზაძე და ხატია სიჭინავა საფრანგეთში

„დამაწიეს გზაში“ ასე უცნაურად გაიგო ხატია სიჭინავამ ყავის მეშვეობით, რომ ბიჭს ელოდებოდა

13716
(განახლებულია 14:36 31.07.2020)
ხატია სიჭინავამ რამაზ ნოზაძეს სამი გოგონას შემდეგ ნანატრი ბიჭი გაუჩინა. აღმოჩნდა, რომ წყვილმა დიდხანს არ იცოდა შვილის სქესი. ხატია ყავის ჭიქის ფოტოს აქვეყნებს, სადაც უცნაური გამოსახულება ჩანს.

ყოფილი ტელეწამყვანი ხატია სიჭინავა და რამაზ ნოზაძე ნანატრი ბიჭის მშობლები 11 მაისს გახდნენ. პატარა „ჯანმრთელობის სახლში“ საკეისრო კვეთის შედეგად მოევლინა სამყაროს. წყვილმა ნანატრ ვაჟს მიქაელ-გიორგი დაარქვა. რამაზ ნოზაძეს საგანგებო მდგომარეობის გამო შვილთან სამშობიაროში არ უშვებდნენ, და მხოლოდ სამშობიაროდან გამოწერის შემდეგ შეხვდა მეოთხე შვილს.

View this post on Instagram

არ ვიცი როგორ შეცვლის ჩემს ფსიქოლოგიას დრო და წლების მიერ გაასმაგებული სიყვარული 🙈 იქნებ გავსულელდე და შენს პირადში შემოჭრაც ვცადო 🙈 იქნებ მომინდეს რომ მარტო ჩემი იყო და ყველა წუთი და საათი გაგახსენო დაბადებიდან ზრდასრულობამდე 🤦🏼‍♀️ მართლა ესე თუ გადავირიე, აქ დავტოვებ ამ პოსტს, რომ შევახსენო ჩემს თავს, შენ ჩემი საკუთრება არა ხარ 😄 შენ უბრალოდ მფარველ ანგელოზად ჩვენ აგვირჩიე, მაგრამ დამოუკიდებელ პიროვნებად იზრდები 💙 სანამ ჩვილი ხარ, მე დაგიფრთხობ ცუდ სიზმრებს, ძილში რომ გატირებს და ჩაგკოცნი როცა ძილში გაიცინებ 🥰 მერე გაიზრდები, გზაზე დაგაყენებ და ძალიან გამიჭირდება, მაგრამ ხელს გაგიშვებთ 🙈 რომ შენც შექმნა მამასავით წარმატებული კარიერა და ჩვენსავით ტკბილი ოჯახი 💜 რაც შემეხება მე, პირობას გაძლევ ჩემს ეგოიზმს ჩემთვის შევინახავ 🤭😁😁 მიყვარხარ დედი🥰 #michael

A post shared by ⋆ 𝓴𝓪𝓽𝔂𝓪 𝓼𝓲𝓬𝓱𝓲𝓷𝓪𝓿𝓪 ⋆ (@katiesihinava) on

ხატია საკუთარი ორსულობის ამბავს დიდხანს არ ამხელდა, თუმცა ბოლოს სოციალურ ქსელებში მუცელს აღარ მალავდა. ცოტა ხნის წინ ყოფილმა ტელეწამყვანმა „ინსტაგრამზე“ ფოტოები გამოაქვეყნა, საიდანაც ცნობილი გახდა, რომ წყვილმა ბავშვის სქესი დიდხანს არ იცოდა. ხატიამ ყავის ჭიქის ფოტოც გამოაქვეყნა, სადაც, მამაკაცის სასქესო ორგანოს მიმსგავსებული გამოსახულებით თუ ვიმსჯელებთ, სწორედ ამიტომ „უწინასწარმეტყველეს“, რომ ბიჭზე იყო ორსულად.

ხატია სიჭინავა გათხოვების შემდეგ ნამდვილ ოჯახის ქალად გადაიქცა და მთელ დროს მხოლოდ მას უთმობს. ხატიას პირადი ბიზნესიც აქვს, თუმცა მისთვის წინა პლანზე ქმარ-შვილი და ოჯახის დანარჩენი წევრები არიან.

View this post on Instagram

#mylife 💜 @ramazi_nozadze

A post shared by ⋆ 𝓴𝓪𝓽𝔂𝓪 𝓼𝓲𝓬𝓱𝓲𝓷𝓪𝓿𝓪 ⋆ (@katiesihinava) on

ჟურნალისტი ხატია სიჭინავა და სპორტსმენი რამაზ ნოზაძე აქამდე სამი ქალიშვილის მშობლები იყვნენ. ხატიას და რამაზს ქალიშვილების აღზრდაში ძიძა ეხმარებათ, თუმცა ხატია ბავშვებს ყურადღებას არასდროს აკლებს.

წყვილის სიყვარულის შესახებ საზოგადოებამ გადაცემა „პროფილიდან“ შეიტყო, როდესაც ორსულმა ხატიამ განაცხადა, რომ ორწლიანი რომანის შემდეგ შვილს რამაზ ნოზაძისგან ელოდებოდა, ბოროტი ენების გამო კი ისინი ერთად აღარ იყვნენ. თუმცა გარკვეული პერიოდის შემდეგ იყო ქორწილი და ახლა თბილისში ერთ-ერთ ყველაზე ცნობილ და ბედნიერ წყვილად ითვლებიან.

13716
თემები:
სელებრითების ცხოვრება
თბილისის ტელეანძა

თბილისის ტელეანძა ლიბანის დროშის ფერებში განათდა

0
თბილისის სატელევიზიო ანძას, ტრაურის მომენტში სოლიდარობის ნიშნად, ხშირად ანათებენ სხვადასხვა ქვეყნის ეროვნული დროშის ფერებში

თბილისი, 10 აგვისტო – Sputnik. თბილისის სატელევიზიო ანძა ლიბანში 4 აგვისტოს მომხდარ ტრაგედიასთან დაკავშირებით ამ ქვეყნის ეროვნული დროშის ფერებში განათდა, იუწყება დედაქალაქის მერია.

„ამ ტრაგიკულ დღეებში საქართველო ლიბანელი ხალხის გვერდით არის!“ – ეს არის საქართველოს გზავნილი ლიბანისადმი, რომელიც თბილისის მერიამ გამოაქვეყნა.

Тбилисскую телевышку подсветили в цветах Ливанского флага
photo: Tbilisi City Hall
თბილისის ტელეანძა ლიბანის დროშის ფერებში განათდა

თბილისის ტელეანძას ხშირად ანათებენ სხვადასხვა ქვეყნის ეროვნული დროშის ფერებში ტრაურის მომენტში სოლიდარობის ნიშნად.

ბეირუთის საზღვაო პორტში 4 აგვისტოს მძლავრი აფეთქება მოხდა, რომელმაც შეიწირა 158 სიცოცხლე. შედეგად დაშავდა 6 ათასზე მეტი  ადამიანი, დაზიანდა ათობით სახლი, ავტომობილი.

0
თემები:
თბილისი დღეს