ტურისტები

საქართველოში ცნობით: ტურისტებს ე.წ. COVID-პასპორტის მსგავს დოკუმენტს მოსთხოვენ

139
(განახლებულია 19:35 22.05.2020)
რაც შეეხება შიდა ტურიზმს, ამირან გამყრელიძის სიტყვებით, სასურველია, რომ მიმდინარე წელს ეს მიმართულება უფრო განვითარდეს.

თბილისი, 22 მაისი — Sputnik. საქართველოში ჩამოსულ ტურისტებს შეიძლება იმის დამადასტურებელი დოკუმენტის წარმოდგენა დაევალოთ, რომ ბოლო 72 საათის განმავლობაში მათ კორონავირუსზე ტესტი ჩაიტარეს და პასუხი უარყოფითი იყო, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ ბრიფინგზე.

გამყრელიძის სიტყვებით, აუცილებელია სიფრთხილის გამოჩენა და ტურისტების საერთაშორისო და საკოორდინაციო საბჭოს მიერ შემუშავებული რეკომენდაციების სრული გათვალისწინებით მიღება. 

ტურისტები საქართველოში ჩამოსვლას პირველ რიგში შეძლებენ ე.წ. „მწვანე ზონებიდან“, სადაც ინფიცირების დაბალი მაჩვენებელია, აღნიშნა გამყრელიძემ, თან დასძინა, რომ მოხდება ქვეყანაში სტუმრების ჩამოსვლისა და გადაადგილების პირობების ზუსტი დადგენა.

„ალბათ შემოვა ე.წ. COVID-პასპორტის მსგავსი დოკუმენტი, რომელიც დაადასტურებს, რომ ბოლო 72 საათში ადამიანი გამოკვლეულია და მას PCR-ტესტზე უარყოფითი რეაქცია ჰქონდა. შემდეგ კიდევ არსებობს მიდევნების აპლიკაციები და ბევრი სხვა მექანიზმი. მაგალითად, საბერძნეთი ამის გამოყენებას უკვე წარმატებით იწყებს. საქართველოში ინფექციის გავრცელების მაჩვენებელი დაბალია, ამიტომ ტურისტული პოტენციალი ძლიერია“, - აღნიშნა გამყრელიძემ.

რაც შეეხება შიდა ტურიზმს, გამყრელიძის სიტყვებით, სასურველია, რომ მიმდინარე წელს ეს მიმართულება უფრო განვითარდეს.

„წელს შიდა ტურიზმი უფრო მეტად უნდა განვითარდეს და მინდა, რომ ჩვენი საქართველო უკეთ გაიცნონ... ჩვენ ტესტირებას სერიოზულად ვაფართოვებთ. ოთხჯერ გავაფართოვეთ PCR–ტესტირება და ივნისში დღეში 3 ათასზე ავალთ. ტურიზმის განვითარებასთან ერთად ეს აუცილებელია“, – აღნიშნა გამყრელიძემ.

საქართველო 1 ივლისიდან საერთაშორისო ტურისტების მიღებას გეგმავს. საქართველოში ჩამოსული ტურისტები ე.წ. „მწვანე ზონებში“ დაისვენებენ. ტურისტული სექტორი და სასტუმროები უსაფრთხოების წესების დაცვის მიზნით ტურიზმის მსოფლიო ორგანიზაციისა და ჯანდაცვის მსოფლიო ორგანიზაციის მიერ შემუშავებულ სპეციალურ რეკომენდაციებს მიიღებენ.

მთავრობის გეგმის მიხედვით, საქართველოში ჩამოსული ტურისტები დაისვენებენ ისეთ კურორტებზე, როგორიცაა წყალტუბო, ბორჯომი, აბასთუმანი, ბაკურიანი, გუდაური, ბათუმი და ა.შ. 

პანდემიის გამო ახალი გამოწვევების ფონზე ხელისუფლების მიერ შემუშავებული კონცეფციის თანახმად, საქართველო იმიჯს შეიცვლის და პოზიციონირდება როგორც უსაფრთხო ქვეყანა.

ტურისტების მიღებამდე საქართველოს ხელისუფლება ტურიზმის მსოფლიო ორგანიზაციისა და ჯანმოს მიერ რეკომენდებული უსაფრთხოების სტანდარტების დანერგვას უზრუნველყოფს. ეს შეეხება როგორც აეროპორტებსა და საკონტროლო-გამშვებ პუნქტებს, ისე სასტუმროებს, გიდების მომსახურებას, კვების ობიექტების, ასევე ნებისმიერი სახეობის ტრანსპორტის მუშაობას.

ბოლო დღე-ღამეში საქართველოში კორონავირუსის ორი ახალი შემთხვევა გამოვლინდა და, stopcov.ge-ს განახლებული მონაცემებით, 723-ს მიაღწია. გამოჯამრთელებულია 495, გარდაცვლილია 12. კარანტინში იმყოფება 3 259 ადამიანი, სტაციონარში მეთვალყურეობის ქვეშ 323. უცხოეთიდან სამკურნალოდ საქართველოში სამი თანამემამულეა გადმოყვანილი.

საქართველოში კორონავირუსის პირველი შემთხვევა 26 თებერვალს გამოვლინდა.

 

139
თემები:
COVID-19 საქართველოში (1155)
დავით ნარმანია

მოსახლეობას კომუნალური მომსახურებისთვის ზედმეტად გადახდილი თანხები აუნაზღაურდა

168
მარეგულირებელი კომისია კვლავ იზრუნებს ელექტროენერგიისა და ბუნებრივი აირის მომხმარებელთა უფლებების დაცვაზე

თბილისი, 7 ივლისი — Sputnik. საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკი) 2019 წელს გადაუხადა კომპენსაცია იმ მოქალაქეებს, რომელთა სამომხმარებლო უფლებები კომუნალური კომპანიების მხრიდან დაირღვა, განაცხადა სემეკის თავმჯდომარემ დავით ნარმანიამ რეგულატორის წლიური ანგარიშის პრეზენტაციისას.

ნარმანიამ ისაუბრა კორონავირუსის პანდემიის დროს კომისიის მიერ გატარებულ ღონისძიებებზე: მრიცხველების დისტანციური წაკითხვის რეჟიმზე, ქოლ-ცენტრის სამუშაო საათების გახანგრძლივებაზე, დისტანციური მომსახურების გამარტივებულ პროგრამებზე, სადეპოზიტო შეღავათებზე.

საქართველოს მოქალაქეებს კომუნალური გადასახადების შეღავათებზე უარის თქმა შეუძლიათ >>

„2019 წელს კომპანიების მიერ მომხმარებელთა უფლებების დარღვევის გამო, სემეკის გადაწყვეტილებებით მოქალაქეებს დაერიცხათ კომპენსაციები, რამაც ჯამურად 818 235 ლარი შეადგინა. გარდა ამისა, მოქალაქეებს ჩამოეწერათ კომპანიების მიერ უსაფუძვლოდ დარიცხული თანხები, ჯამში - 2 122 865 ლარი“, - განაცხადა დავით ნარმანიამ.

ახალი რეფორმები

ნარმანიამ 2020 წელს ენერგეტიკული სექტორის რეფორმირების წელი უწოდა. „ენერგეტიკისა და წყალმომარაგების შესახებ“ კანონიდან გამომდინარე კომისია მიმდინარე წელს ათობით ნორმატიული აქტის მიღებას გეგმავს.

„სემეკი აქტიურად მუშაობს სხვადასხვა ახალი რეგულაციის დანერგვაზე. დღემდე კომისიამ შეიმუშავა და დაამტკიცა დანახარჯების მარეგულირებელი აუდიტის წესი, ინვესტიციების შეფასების, ენერგეტიკული ბაზრების მონიტორინგის, გამანაწილებელი სისტემის ოპერატორის განცალკევების, ლიცენზირებისა და ენერგეტიკული საქმიანობის, სადავო საკითხების განხილვის წესები“, - განაცხადა ნარმანიამ.

ამავე დროს, მისი თქმით, მნიშვნელოვანია, რომ მაქსიმალურად იყოს დაცული მომხმარებლების უფლებები, მეორე მხრივ, კომუნალურ კომპანიებს ჰქონდეთ იმის შესაძლებლობა, რომ მაღალი ხარისხის მომსახურება გაუწიონ აბონენტებს.

168
თემები:
საქართველოს ენერგეტიკა
საქართვცელოს ოლიმპიური კომიტეტი

ქართველი დეპუტატები მედიას სპორტსმენების მიზანმიმართულ დისკრედიტაციაში ადანაშაულებენ

85
(განახლებულია 00:15 08.07.2020)
ქართველ სპორტსმენებს ქვეყნის წინაშე დიდი დამსახურება აქვთ, ეს კიდევ ერთხელ გაიმეორა ვეტერანმა ძიუდოისტმა, ოლიმპიურმა ჩემპიონმა შოთა ხაბარელმა

თბილისი, 7 ივლისი — Sputnik. საქართველოს პარლამენტის სპორტისა და ახალგაზრდულ საქმეთა კომიტეტის წევრები მიიჩნევენ, რომ მედიაში ქართველი სპორტსმენების მიზანმიმართული დისკრედიტაცია მიმდინარეობს.

როგორც ცნობილმა ძიუდოისტმა, ოლიმპიურმა ჩემპიონმა, ახლა კი პარლამენტის დეპუტატმა შოთა ხაბარელმა პრესკონფერენციაზე აღნიშნა, სპორტსმენებს ხშირად ამკობენ უსიამოვნო ეპითეტებს, რაც მათ სახელს უტეხს და მომავალ თაობებზე ნეგატიურ გავლენას ახდენს.

გიორგი შაქარაშვილის გარდაცვალების საქმე: სასამართლომ 17-ვე ბრალდებული პატიმრობაში დატოვა >>

„მინდა, მივუსამძიმრო გიორგი შაქარაშვილის ოჯახს, მშობლებს, ახლობლებს. მართლაც ძალიან ცუდი რაღაცა მოხდა. არ უნდა მომხდარიყო თავისთავად ცხადია, მაგრამ ეს შეფასება, რასაც ჩვენ ახლა ვხედავთ და ვისმენთ, არანაირად არ ესადაგება იმ ქართველი სპორტსმენების წარმატებას, რომელთაც არაერთხელ გაუთქვეს ქვეყანას სახელი. მინდა, მაგალითისთვის მოგიყვანოთ 2019 წლის ჩვენი სპორტსმენების შედეგები. 1 200 მედალი იქნა მოპოვებული ჩვენი სპორტსმენების მხრიდან. წარმოიდგინეთ, რომ მსოფლიოს ყველა ქვეყნიდან 1 200-ჯერ აიწია საქართველოს დროშა. ეს არის ჩვენი ქვეყნის ცნობადობა, ჩვენი ქვეყნის კიდევ ერთხელ გაცნობა მსოფლიოსთვის. საქართველოში შეტევა ხდება სპორტსმენებზე – იმ ადამიანებზე, რომლებმაც ცნობადი გახადეს ჩვენი ქვეყანა“, – განაცხადა შოთა ხაბარელმა.

მისი თქმით, ახლახან მედიის თავდასხმის ობიექტი გახდა ოლიმპიური ჩემპიონი, ძალოსანი ლაშა ტალახაძე.

„სპორტსმენებს უყვართ თავიანთი ქვეყანა“, - აღნიშნა დეპუტატმა.

კომიტეტის სხვა წევრის, ირაკლი აბუსერიძის თქმით, ნებისმიერი სპორტის სახეობის წარმომადგენელმა, როგორც ნებისმიერი პოლიტიკური ჯგუფის წევრმა, შეიძლება ჩაიდინოს დანაშაული, მაგრამ გამოძიების და სასამართლოს დასრულებამდე არავის აქვს უფლება ისინი დამნაშავეებად შერაცხოს.

„გიორგის ოჯახსაც არ გაუკეთებია ასეთი განცხადება. იმ ხალხს აინტერესებთ, უბედური შემთხვევა იყო თუ მკვლელობა. ამიტომ დაველოდოთ და მე ვთხოვ საზოგადოებას, რომ ერთ ქვაბში ნუ მოვხარშავთ ყველას, სპორტის სახეობას ჩრდილს ნუ მივაყენებთ და დამნაშავეებად ნუ შევრაცხავთ. რომელიღაც ადამიანმა შესაძლოა რაღაც ჩაიდინოს, მაგრამ იმის გამო, რომ მთლიანი ჯგუფი, მთლიანი სახეობა დამნაშავედ შერაცხო, მგონია, უსამართლობაა“, – განაცხადა აბუსერიძემ.

ამ ზაფხულს ორ გახმაურებულ საქმეში - 19 წლის გიორგი შაქარაშვილის გარდაცვალების და ბათუმელი ახალგაზრდის ცემის საქმეებში ერთბაშად ექვსი სპორტსმენი ფიგურირებს.

შაქარაშვილის დაღუპვის საქმე: პოლიციამ ტრაგიკული წვეულების მასპინძელი გოგონა გამოკითხა >>

შაქარაშვილის საქმეში საუბარია სამ მორაგბეზე და ერთ ძიუდოისტზე, ხოლო ბათუმის საქმეში ფიგურირებენ იური და ლუკა ლომაძეები - ერთ-ერთია მოჭიდავე და ევროპის ჩემპიონატის პრიზიორი, მეორე - ფეხბურთელია,

სპორტსმენების მიმართ აღძრულია სისხლის სამართლის საქმე „თავისუფლების უკანონო აღკვეთის“ და „პირთა ჯგუფის მიერ ჩადენილი ძალადობის“ მუხლებით.

85
თემები:
გახმაურებული სასამართლო პროცესები
ნახევარმთვარე

როგორ მოქმედებებს ახალმთვარეობა ზოდიაქოს ნიშნებზე

0
(განახლებულია 12:40 07.07.2020)
ახალმთვარეობა ცხოვრებაში ახალი ეტაპის სიმბოლოა. როგორ მოქმედებს ის ზოდიაქოს ნიშნებზე, ვინ უნდა იყოს უფრო ფრთხილად და ვისთვის კი ეს ძალზე ხელსაყრელი დროა - ამის შესახებ გაეცანით ჩვენს სტატიას

მთვარე დედამიწასთან ყველაზე ახლოს მყოფი პლანეტაა, ამიტომ ის სხვა პლანეტებზე უფრო ძლიერ გავლენას ახდენს ადამიანებზე.

მთვარის ოთხი ძირითადი ფაზა არსებობს - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ ახალმთვარეობის გავლენას ზოდიაქოს ნიშნებზე.

ვერძი

ახალმთვარეობის დადგომისთანავე ვერძებს ძველისგან, დრომოჭმულისგან გათავისუფლების სურვილი უჩნდებათ. სერიოზული ცვლილებების დაჩქარება არ ღირს, მაგრამ, მაგალითად, ძველი ნივთების გადაყრა, ტელეფონის გაწმენდა არასაჭირო კონტაქტებისგან, ვისთანაც დიდი ხანია, ურთიერთობა აღარ გაქვთ, ძალიან წაგადგებათ.

კურო

ახალმთვარეობას ნებისმიერ შემთხვევაში მოაქვს ცვლილებები, მაგრამ პრობლემა ისაა, რომ კონსერვატიულ კუროებს ის მაინცდამაინც არ გიყვართ. ამასთან, ახალმთვარეობას თქვენთვის ენერგიის ძლიერი მუხტის მოცემა შეუძლია, რათა პრიორიტეტებს გადახედოთ. ასე რომ, ეცადეთ, მთლიანად დაიმუხტოთ ამ დღის ენერგიით. ამაში დაგეხმარებათ სეირნობა, მედიტაცია ან საყვარელი ჰობი.

როგორ უნდა გავაძლიეროთ ჩვენი ენერგეტიკა ზოდიაქოს ნიშნის მიხედვით>>

ტყუპი

ტყუპებისთვის, რომლებიც ისედაც ენერგიას „აფრქვევენ", დამატებითი, ახალმთვარეობის ნაკადი უკვე შეიძლება ზედმეტი აღმოჩნდეს. აქედან გამომდინარე, ამ პერიოდში არ მიიღოთ ნაჩქარევი გადაწყვეტილებები. სჯობს, ყურადღება შემდგომი თვის დაგეგმვაზე გაამახვილოთ.

კირჩხიბი

როგორც შემოქმედებითი პიროვნებები, კირჩხიბები მუდამ მოხარული ხართ, რომ მოსინჯოთ რამე ახალი. ახალმთვარეობა ამისთვის საუკეთესო პერიოდია. მთვარის ეს ფაზა, შესაძლოა, დაგეხმაროთ ცხოვრების უკეთესობისკენ შეცვლაში თვითგამოხატვის საშუალებით.

ლომი

ახალმთვარეობის პერიოდში ლომებს ყურადღების ცენტრში ყოფნის სურვილი გიმძაფრდებათ. ამიტომ თამამად შეხვდით მეგობრებს, წადით პაემანზე, გაიცანით ადამიანები. ეს ბევრ საინტერესო მომენტს გპირდებათ.

ზოდიაქოს რომელ ნიშნებს აქვთ ძლიერი ენერგეტიკა>>

ქალწული

ქალწულები შესანიშნავი ორგანიზატორები ხართ, ხოლო ახალმთვარეობისას ეს უნარი მრავალგზის ძლიერდება. აქედან გამომდინარე, მთვარის ეს ფაზა შესანიშნავი დროა იმისთვის, რომ დაუბრუნდეთ გადადებულ პროექტებს, საქმეებს, გადაწყვიტოთ, ღირს თუ არა მათი რეალიზება და თუ საჭიროდ ჩათვლით, რომ ღირს, მაშინ შეუდგეთ კიდეც მოქმედებებს.

სასწორი

სასწორების ნაკლი ისაა, რომ გადაწყვეტილების მიღება გიჭირთ. მაგრამ ახალმთვარეობის მაღალი ენერგია თითქოს „გაცოცხლებთ" და აუცილებელ ძალას გაძლევთ. ამიტომ ამ დღეებში კარგი იქნება, თუ მიხედავთ გრძელვადიან გეგმებს და ადამიანებთან კომუნიკაციას. ყველა საკითხი წარმატებით გადაიჭრება.

მორიელი

ჯიუტი მორიელებისთვის ახალმთვარეობა კარგი დროა იმისთვის, რომ დაფიქრდეთ საკუთარ საქციელზე და გულისყური მიმართოთ იმაზე, რომ რაღაც შეცვალოთ თქვენს თავში. ეს დღეები კიდევ იმისთვისაა კარგი, რომ ძველი წყენები დაივიწყოთ.

ყველაზე, ყველაზე... ზოდიაქოს ნიშნების ძლიერი მხარეები>>

მშვილდოსანი

მშვილდოსანი ის ნიშანია, რომელსაც მუდამ სწამს მომავლის და ცვლილებების არ ეშინია. ახალმთვარეობის ცინცხალი ენერგია გაძლევთ სტიმულს, რომ გაარღვიოთ ჩაკეტილი წრე, ცხოვრების რა სფეროსაც არ უნდა ეხებოდეს და სცადოთ რამე ახალი.

თხის რქა

რამდენადაც თხის რქებს არ გიყვართ დროისა და ენერგიის ტყუილუბრალოდ დახარჯვა, ეს მშვენიერი დროა იმისთვის, რომ საკუთარ ცხოვრებას გვერდიდან შეხედოთ და გათავისუფლდეთ იმ ყველაფრისგან, რასაც სარგებლობა არ მოაქვს.

მერწყული

მერწყულებში ახალმთვარეობისას განსაკუთრებით ძლიერდება სურვილი, რომ იყოთ ორიგინალური და სხვებისგან განსხვავდებოდეთ. უბრალოდ, საჭიროა ამ ყველაფრის სწორ კალაპოტში მიმართვა. მაგალითად, ძველი ჩვევებისგან გათავისუფლება, რომლებიც არაფერში აღარ გჭირდებათ და ცხოვრებაში ახალი, პროდუქტიული უნარების ჩართვა.

როგორ გავწმინდოთ სახლი ნეგატიური ენერგიისგან - სასარგებლო რჩევები>>

თევზები

ახალმთვარეობის ენერგია გაიძულებთ, დაფიქრდეთ იმაზე, თუ რა გიშლით ხელს საკუთარი მიზნების მიღწევაში. მთავარი კი ისაა, რომ ეს პერიოდი სტიმულს გაძლევთ, დაბრკოლებებისგან უმტკივნეულოდ გათავისუფლდეთ.

0