სასწრაფო დახმარება

ე.წ. ტრაილერის მძღოლის კლასტერი: რუხის საავადმყოფოდან პაციენტი თბილისში გადმოიყვანეს

76
(განახლებულია 17:55 22.05.2020)
გავრცელებული ინფორმაციით, პაციენტის თბილისში გადაყვანის მიზეზი ჯანმრთელობის მდგომარეობის გაუარესება გახდა.

თბილისი, 22 მაისი – Sputnik. რუხის მულტიფუნქციური საავადმყოფოდან თბილისის ინფექციურ საავადმყოფოში COVID-19-ით ინფიცირებული ერთი პაციენტი გადაიყვანეს, იუწყება „Sputnik-საქართველოს“ კორესპონდენტი. 

ასაკოვანი ქალი ე.წ. ტრაილერის მღოლის კლასტერს მიეკუთვნება, რომელსაც ვირუსი გასულ კვირაში დაუდგინდა.

საავადმყოფოს ადმინისტრაციის ინფორმაციით, პაციენტის თბილისში გადაყვანის მიზეზი ჯანმრთელობის მდგომარეობის გაუარესება გახდა. 

„დამატებითი კვლევებია საჭირო. პაციენტის ლაბორატორიულ და ინსტრუმენტულ კვლევებში მკვეთრი ცვლილებები დაფიქსირდა, საჭიროა მკურნალობაში დამატებითი ჩარევა, რაც თბილისის ინფექციური საავადმყოფოსთვის გაცილებით იოლად მოგვარებადია“, - განაცხადეს კლინიკაში.

ამ დროისთვის რუხის მულტიფუნქციურ კლინიკაში 29 პაციენტიდან კორონავირუსით ინფიცირებული ცხრა პაციენტი მკურნალობს. ერთ-ერთი ინფიცირებული არასრულწლოვანია.

„არასრულწოვანი პაციენტის მდგომარეობა საყურადღებოა, თუმცა - სტაბილური. რაც შეეხება დანარჩენ პაციენტებს, მათი ჯანმრთელობის მდგომარეობა დამაკმაყოფილებელია და მკურნალობა გეგმურ რეჟიმში მიმდინარეობს“, – განაცხადა რუხის საავადმყოფოს კლინიკურმა დირექტორმა ნიკოლოზ ქარცივაძემ.

ნიკა ლატარია

 

76
თემები:
COVID-19 საქართველოში (828)
პოლიცია აჯარიმებს დამრღვევს

თბილისში პარკირების წესების დამრღვევები ჯარიმას არ გადაიხდიან - ვის ეხება ცვლილება

20
(განახლებულია 01:11 26.05.2020)
ყველა საქმეზე მოხდება განხილვის შეწყვეტა და ადმინისტრაციული სახდელისგან – ჯარიმისგან და შესაბამისი საურავისგან გათავისუფლება, რაც ჯამში დაახლოებით 850 000 ლარს შეადგენს.

თბილისი, 26 მაისი - Sputnik. ჯარიმის ან შესაბამისი საურავისგან გათავისუფლდებიან პირები, რომელთაც 2018 წლის 10 აპრილამდე, დედაქალაქის ტერიტორიაზე ავტოტრანსპორტის პარკირების წესების დარღვევისთვის ადმინისტრაციული სამართალდარღვევა ჩაიდინეს, იუწყება საზოგადოებრივი მაუწყებლის პირველი არხი.

შესაბამის კანონმდებლობაში განსახორციელებელი კანონპროექტის ინიციატორები არიან: საპარლამენტო უმრავლესობის წევრები ზაზა გაბუნია, მერაბ ქვარაია, კობა ლურსმანაშვილი, გოგა გულორდავა.

საუბარია „ადმინისტრაციული სახდელისაგან გათავისუფლების შესახებ“ კანონის 125-ე მუხლის მე-8 ნაწილსა და 1252 მუხლზე, რომელიც ამკრძალავი ნიშნის – „გაჩერება აკრძალულია“ და „დგომა აკრძალულია“ მოთხოვნის დაუცველობას, ასევე დგომა-გაჩერების წესებით გათვალისწინებული სხვა მოთხოვნის დაუცველობასა და დედაქალაქის ტერიტორიაზე ავტოტრანსპორტის პარკირების წესების დარღვევას გულისხმობს.

კერძოდ, პროექტში ნათქვამია, რომ ყველა ის პირი გათავისუფლდება ადმინისტრაციული სახდელისგან – ჯარიმის და შესაბამისი საურავისგან, რომლებმაც ადმინისტრაციული სამართალდარღვევა ჩაიდინეს 2018 წლის 10 აპრილამდე და რომელთა მიმართაც ადმინისტრაციული სახდელის დადების შესახებ დადგენილება ამ კანონის ამოქმედებამდე არ აღსრულებულა.

კანონპროექტის ინიციატორები განმარტავენ, რომ დღეის მდგომარეობით, ასეთი მიმდინარე საქმეები არის აღსრულების ეროვნულ ბიუროში, თბილისის მუნიციპალიტეტის მერიასა და სასამართლოებში.

შესაბამისად, ყველა ამ საქმეზე მოხდება განხილვების შეწყვეტა და ადმინისტრაციული სახდელისგან – ჯარიმისგან და შესაბამისი საურავისგან გათავისუფლება, რაც ჯამში დაახლოებით 850 000 ლარს შეადგენს.

კანონპროექტით დაზუსტებულია, რომ ადმინისტრაციული სახდელისგან გათავისუფლება ვრცელდება ადმინისტრაციული სახდელისა და საურავის მხოლოდ აღუსრულებელ ნაწილზე.

20
თემები:
სოციალური სფერო საქართველოში
საქართველოს დამოუკიდებლობის დღე

საქართველო დამოუკიდებლობის დღეს აღნიშნავს

27
(განახლებულია 09:37 26.05.2020)
საქართველოს დამოუკიდებლობის დღეს სახელმწიფო უწყებები, კორონავირუსის პანდემიის გამო, ხალხმრავლობის თავიდან აცილების მიზნით, სხვადასხვა ფორმატის მცირემასშტაბიანი ღონისძიებებით აღნიშნავენ

თბილისი, 26 მაისი – Sputnik. 26 მაისი ქვეყნის მთავარი დღესასწაულის – საქართველოს დამოუკიდებლობის აღდგენის დღეა, რომელიც ყოველ წელს მასშტაბურად აღინიშნება, თუმცა, კორონავირუსის მსოფლიო პანდემიიდან გამომდინარე საქართველოს დამოუკიდებლობის დღის აღსანიშნავი მასშტაბური ღონისძიებები წელს არ გაიმართება.

დამოუკიდებლობის დღე 1918 წლის 26 მაისს საქართველოს პირველმა დემოკრატიულმა რესპუბლიკამ ნოე ჟორდანიას ხელმძღვანელობით ქვეყნის დამოუკიდებლობა გამოაცხადა. პირველმა დამოუკიდებელმა რესპუბლიკამ სულ ორნახევარი წელი იარსება.

დამოუკიდებლობის აღდგენა 1991 წელს მოხერხდა. რესპუბლიკის უზენაესმა საბჭომ საყოველთაო რეფერენდუმის შედეგების საფუძველზე 9 აპრილს შესაბამისი აქტი მიიღო.

გავრცელებული ინფორმაციით, პრემიერ-მინისტრი 26 მაისს ვაზიანის მე-4 მექანიზებული ბრიგადის ბაზაზე, საქართველოს თავდაცვის ძალებთან ერთად აღნიშნავს.

დამოუკიდებლობის დღესთან დაკავშირებით საქართველოს კინოცენტრი 26 ფილმს აჩვენებს>>

საქართველოს დამოუკიდებლობის დღეს სახელმწიფო უწყებები, ხალხმრავლობის თავიდან აცილების მიზნით, სხვადასხვა ფორმატის მცირემასშტაბიანი ღონისძიებებით აღნიშნავენ.

27
თემები:
საქართველოს დამოუკიდებლობის დღე