საქართველოს საგარეო საქმეთა სამინისტრო

ქართველი ემიგრანტებისთვის საგრანტო კონკურსი გამოცხადდა

137
საუკეთესო პროექტები 20 ათას ლარიან გრანტებს მიიღებენ. კონკურსის საერთო ბიუჯეტი, რომელიც „დიასპორული ინიციატივების ხელშეწყობის“ პროგრამის ფარგლებში ტარდება, 750 ათას ლარს შეადგენს.

თბილისი, 20 მაისი - Sputnik. საქართველოს საგარეო საქმეთა სამინისტრო „დიასპორული ინიციატივების ხელშეწყობის“ პროგრამის ფარგლებში იწყებს საგრანტო პროექტს, რომლის მიზანია საზღვარგარეთ მყოფი კორონავირუსის პანდემიის შედეგად დაზარალებული თანამემამულეებისთვის ადგილზე ქმედითი დახმარების გაწევა, აღნიშნულია უწყების ვებგვერდზე გამოქვეყნებულ განცხადებაში.

საქართველოს საგარეო უწყება: საქართველოში 11 ათასზე მეტი თანამემამულე დაბრუნდა >>

კორონავირუსის პანდემიის გამო ქართველი ემიგრანტები განსაკუთრებულ სირთულეებს წააწყდნენ. საგარეო საქმეთა სამინისტრო საზღვარგარეთ საქართველოს დიპლომატიურ წარმომადგენლებთან ერთად აქტიურად მუშაობს ემიგრანტების დასახმარებლად. საჭიროების მიხედვით მათ ეხმარებიან საცხოვრებელით, საკვებითა და მედიკამენტებით, ასევე ხელს უწყობენ სამშობლოში დაბრუნებაში. 20 მაისის მონაცემებით, პანდემიის დაწყების შემდეგ საქართველოს საელჩო მსოფლიოს სხვადასხვა ქვეყანაში თითქმის 21 ათას თანამემამულეს დაეხმარა და სპეცრეისებით დააბრუნა 12 ათასზე მეტი ადამიანი.

სამინისტრო იწყებს საგრანტო კონკურსს „დიასპორული ინიციატივების ხელშეწყობის“ პროგრამის ფარგლებში. გრანტის მოცულობა ერთ გამარჯვებულზე 20 ათასი ლარია. სულ პროექტების ხორცშესასხმელად ბიუჯეტიდან 750 ათასი ლარია გამოყოფილი.

დაფინანსდება საზღვარგარეთ მცხოვრები საქართველოს მოქალაქეების მიერ წარდგენილი ის პროექტები, რომლებიც კორონავირუსის (COVID-19) პანდემიის შემდგომ პერიოდში უცხოეთში მყოფი საქართველოს მოქალაქეების დახმარებასა და აგრეთვე, მოქმედი დიასპორული ორგანიზაციების/გაერთიანებების ფუნქციონირების ხელშეწყობისკენ იქნება მიმართული.

კონკურსის გამარჯვებულებს გამოავლენს კომისია, რომლის შემადგენლობაში შედიან საგარეო საქმეთა სამინისტროს, განათლების, მეცნიერების, კულტურისა და სპორტის სამინისტროს, საქართველოს პრეზიდენტის ადმინისტრაციის და პარლამენტის დიასპორის და კავკასიის საკითხთა კომიტეტის წარმომადგენლები.

პროექტების განხორციელების ვადა განისაზღვრება მიმდინარე წლის 1 დეკემბრამდე, ხოლო მასში მონაწილეობის მიღება შეუძლია საქართველოს მოქალაქეს, რომელსაც აქვს ადგილსამყოფელ ქვეყანაში არანაკლებ 2020 წლის 31 დეკემბრამდე ცხოვრების უფლება. საგრანტო განაცხადების წარდგენა უნდა მოხდეს მხოლოდ ელექტრონული ფორმით, შემდეგ მისამართზე: grantebi@mfa.gov.ge.

კონკურსის დეტალების გაცნობას მსურველები საგარეო საქმეთა სამინისტროს ოფიციალურ ვებგვერდზე შეძლებენ.

137
თემები:
COVID-19-ის პანდემია მსოფლიოში (890)
გიორგი გახარია

პრემიერი მთავრობის უპირველეს მიზნებს ასახელებს

15
(განახლებულია 15:04 04.06.2020)
მთავრობა პარლამენტში წარადგენს ანგარიშს საქართველოს ხელისუფლების გაწეული მუშაობის შესახებ კორონავირუსთან ბრძოლაში, განაცხადა პრემიერმა

თბილისი, 4 ივნისი — Sputnik. საქართველოს მთავრობის ძირითადი ამოცანა დღესდღეობით – ესაა ვირუსის სწრაფი გამოვლენა, სწრაფი მკურნალობა და მოქალაქეების სწრაფი დაბრუნება ნორმალურ ეკონომიკურ ცხოვრებაში, განაცხადა საქართველოს პრემიერ–მინისტრმა გიორგი გახარიამ მთავრობის დღევანდელ სხდომაზე.

მიუხედავად იმისა, რომ 4 ივნისს კორონავირუსის ინფიცირების მხოლოდ ერთი შემთხვევა დაფიქსირდა, ვირუსის გავრცელების ეფექტური კონტროლისთვის მომავალში აუცილებელია დიდი სიფრთხილე და გონივრულობა.

„ჩვენი ძირითადი ამოცანა და სტრატეგიაა ინფიცირების შესაძლო სწრაფი, უსწრაფესი გამოვლინება, მოქალაქეებისთვის ეფექტური, სწრაფი მკურნალობა და შემდგომ მათი ნორმალურ, ეკონომიკურ ცხოვრებაში, ასევე, სწრაფად დაბრუნება. ეს არის ერთადერთი შესაძლებლობა ადაპტაციისა და მართვის, ვირუსთან ერთად ცხოვრებისა. ეს არის ერთადერთი შესაძლებლობა, როგორ უნდა ვმართოთ ეს რისკები ვირუსის გავრცელების სისწრაფის და მისი გეოგრაფიის. ეს არის ჩვენი უპირველესი მიზანი – სწრაფი გამოვლენა, სწრაფი მკურნალობა და სწრაფად ადამიანის ნორმალურ ეკონომიკურ ცხოვრებაში დაბრუნება“, – განაცხადა გახარიამ.

თავის გამოსვლაში პრემიერმა ასევე აღნიშნა, რომ საქართველოს პარლამენტი დღეს მიიღებს წერლობით ანგარიშს მთავრობის მიერ კორონავირუსთან ბრძოლის საქმეში ჩატარებული მუშაობის შესახებ.

„მოგეხსენებათ, ეს ღონისძიებები დაიწყო იანვრიდან და დასრულდა 22 მაისს. ჩვენ ზუსტად ამ პერიოდის სრული ანგარიში წერილობით მომზადებული გვაქვს, ეს გაეგზავნება დღეს პარლამენტსაც და აიტვირთება მთავრობის შესაბამის ვებგვერდებზე. მივიჩნევთ, რომ ეს არის პასუხისმგებლიანი მთავრობის ნაბიჯი, რომელიც თავის მოქალაქეებს და ყველა დაინტერესებულ პირს უხსნის, ამ საგანგებო მდგომარეობის პირობებში, რა მოტივით, რა სქემით, რა სტრუქტურით იყო მიღებული გადაწყვეტილებები, რა იყო ამ გადაწყვეტილებების მოტივაცია და მიზანი“, – განაცხადა პრემიერმა.

გახარის თქმით, დოკუმენტში გაანალიზებულია მთავრობისა და თითოეული უწყების მიერ გადადგმული ნაბიჯი, მიზეზ-შედეგებრივი კავშირი ეპიდემიურ სიტუაციასა და ეკონომიკურ განვითარებს შორის.

არსად წასვლას არ აპირებს: მმართველ პარტიაში ჭორებს პრემიერის გადადგომის შესახებ უარყოფენ>>

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

დღეის მდგომარეობით ახალი კორონავირუსი საქართველოში 801 ადამიანს დაუდგინდა. ამ დროისთვის გამოჯანმრთელდა 644 ადამიანი, გარდაიცვალა – 13, კარანტინის რეჟიმში იმყოფება 2424, ხოლო სტაციონარებში ექიმების დაკვირვების ქვეშ 304 პაციენტია.

15
თემები:
COVID-19 საქართველოში
გიორგი გახარია

დაიწყე ახალი პროექტი და მიიღე მთავრობის საბანკო–საკრედიტო გარანტია: მთავრობის ინიციატივა

15
(განახლებულია 13:30 04.06.2020)
საქართველოს მთავრობა მიკროგრანტებისა და მცირე მეწარმეობის დახმარების პროგრამების ბიუჯეტს 40 მილიონამდე ზრდის, მინიმალური საგრანტო თანხა 20–დან 30 ათასამდე იქნება

 

თბილისი, 4 ივნისი - Sputnik.  ადგილობრივი კომპანიები ახალი პროექტების განხორციელების შემთხვევაში სახელმწიფოსგან 90%–ის საბანკო–საკრედიტო გარანტიას მიიღებენ, განაცხადა საქართველოს პრემიერ–მინისტრმა გიორგი გახარიამ მთავრობის სხდომაზე. 

 

ხოლო იმ კომპანიებს, რომლებსაც უკვე აქვთ აღებული სესხი არსებულ პროექტებში, სახელმწიფო მხარში დაუდგება 30%-ის გარანტიით.

პრემიერის სიტყვებით, ეს ამ კომპანიების მდგრადობის შენარჩუნებისა და მხარდაჭერის ყველაზე ეფექტური შესაძლებლობაა.

 „დღეს ჩვენ რამდენიმე საკითხი გამოგვაქვს – პირველ რიგში, ეს ეხება საკრედიტო–საგარანტიო სქემის მექანიზმის შეცვლას, საკანონმდებლო ცვლილებებს. ეს ერთ–ერთი ღონისძიებაა, რომლითაც ჩვენ ადგილობრივ კომპანიებს ვეხმარებით“, – განაცხადა გახარიამ.

მთავრობა ბიზნესს საკრედიტო-საგარანტიო სქემის ფარგლებში არსებული კრედიტების რესტრუქტურიზაციაში დაეხმარება.

ანტიკრიზისული გეგმის ფარგლებში, პროგრამა „აწარმოე საქართველოში“ უკეთ მოერგება ახალ მოთხოვნებს, ხელისუფლება გაზრდის დაკრედიტების მოცულობას, პროცენტი კი საბაზრო ვითარების გათვალისწინებით დაკორექტირდება.

კერძოდ, პრემიერის სიტყვებით, კრედიტების გარანტირების სქემის მოცულობა არანაკლებ 300 მილიონი ლარი იქნება, აუცილებლობის შემთხვევაში კი დაფინანსება გაიზრდება. 

საკრედიტო-საგარანტიო მექანიზმი წარმოადგენს საგარანტიო ფონდს, რომელიც კომერციული ბანკებისთვის მცირე და საშუალო ბიზნესის მიერ აღებული კრედიტების დაბრუნების გარანტად გამოდის. უფრო მარტივად - როდესაც ბიზნესი კრედიტს იღებს, მთავრობა ხდება მისი თავმდები და თუ კონკრეტული ბიზნესი არ გაამართლებს და ბანკიდან აღებული სესხი ისე დაიხარჯება, რომ მოგებას არ მოიტანს, მთავრობის მიერ შექმნილი ფონდი სესხს ბიუჯეტის ფულით დაფარავს.

მიკროგრანტებისა და მცირე საწარმოების დახმარების პროგრამის ბიუჯეტი 40 მლნ ლარამდე გაიზრდება, მინიმალური საგრანტო თანხა კი 20–დან 30 ათას ლარამდე იქნება, განაცხადა მან.

მთავრობის მეთაურის თქმით, ეს არის იმ მოქალაქეების პირდაპირი დახმარება, რომლებიც მზად არიან, დაიწყონ ახალი ბიზნესი, აიღონ გარკვეული რისკი თავიანთ თავზე და წარმატების შემთხვევაში დაასაქმონ სხვებიც.

 „ეს არის უკიდურესად მნიშვნელოვანი და ყველას უნდა გვესმოდეს, რომ ამ ღონისძიების გატარებას აქვს არა მარტო სოციალური, არამედ მნიშვნელოვანი ეკონომიკური დატვირთვა“, – განაცხადა გიორგი გახარიამ.

მთავრობის მეთაურის თქმით, მოქალაქეებს აღნიშნულ პროგრამებთან დაკავშირებით ინფორმაციის მიღება და სარგებლობის შესაძლებლობა უახლოეს ერთ თვეში, საზოგადოებრივი ცენტრებისა და იუსტიციის სახლების მეშვეობით ექნებათ. ყველა პროგრამა, რომელსაც სახელმწიფო ახორციელებს ბიზნესის, ადგილობრივი წარმოებისა და მცირე მეწარმეების მხარდასაჭერად,  იუსტიციის სამინისტროს 100 ადგილობრივ სივრცეში იქნება განთავსებული. პროგრამის დეტალების გასაცნობად ფერმერებსა და მეწარმეებს თბილისში ჩამოსვლა არ მოუწევთ. ყველა პროგრამა ხელმისაწვდომი იქნება მათ რაიონებში, აღნიშნა გახარიამ.

15
თემები:
საქართველოს ეკონომიკა
კაფეების რიგი აღმაშენებლის კვარტალში

კაფეები და რესტორნები: უსაფრთხოების წესები

0
(განახლებულია 14:33 04.06.2020)
შიდაიზოლაციის დროს ალბათ ძალიან გენატრებოდათ საყვარელ ადამიანთან ერთად კაფეში, ან რესტორანში დაჯდომა. ეს ყველაფერი 1 ივნისიდან უკვე შესაძლებელია ღია კაფეებსა და რესტორნებში, ხოლო რაც შეეხება დახურულ რესტორნებს, აქ ვიზიტი 8 ივნისიდან იქნება შესაძლებელი.

საქართველოს მთავრობის გადაწყვეტილებით, კორონავირუსის გამო დაწესებული შეზღუდვების ეტაპობრივი მოხსნის ფარგლებში, ქვეყანაში  ღია რესტორნებმა და კაფეებმა მუშაობა უკვე  განაახლეს. თუმცა კაფეში მოსახვედრად მოქალაქეებს კონკრეტული რეკომენდაციების დაცვა მოუწევთ.

გაგაცნობთ იმ რეკომენდაციების ჩამონათვალს, რომელთა დაცვაც კაფეში შესვლამდე მოგეთხოვებათ:

პირველ რიგში აუცილებელია სოციალური დისტანცია. კაფის შესასვლელში დაგხვდებათ სპეციალური მაგიდა, სადაც მოთავსებული იქნება სადეზინფექციო ხსნარი, რომლითაც აუცილებლად უნდა დაიმუშაოთ ხელები. რაც მთავარია, კაფეში ვერ მოხვდებით, თუ არ გაივლით თერმოსკრინინგს.

ასევე, თუ მოგიწევთ დახურულ სივრცეში შესვლა, მაგალითად საპირფარეშოში, შესასვლელში დაგხვდებათ პირბადე, ხელთათმანი, რომელთა გარეშეც დახურულ სივრცეში შესვლას ვერ შეძლებთ.

როგორც რესტორატორთა ასოციაციის დამფუძნებელმა კოტე გაბრიჩიძემ აღნიშნა, რესტორნებმა და კაფეებმა გახსნამდე არა ერთი სამუშაო ჩაატარეს.

„რეგულაციების მიღებაში ჩვენმა ასოციაციამ მიიღო აქტიური მონაწილეობა, რამაც ხელი შეუწყო ასოციაციის 200 წევრს, რომ საქმის კურსში ყოფილიყო. ისინი უკვე კვირეების განმავლობაში მობილიზებულები იყვნენ. ბოლოს მცირე ცვილებები იყო შეტანილი რეგულაციებში, თუმცა ძირითადი ჩონჩხი უცვლელი იყო. მაგალითად, ეს არის შემოსასვლელში თერმომეტრით სიცხის გაზომვა, პერსონალის მუშაობის წესები, სამზარეულოს მუშაობის წესები, დისტანციები მაგიდებს შორის და ა.შ.“, - განაცხადა გაბრიჩიძემ.

მისივე ინფორმაცით, მნიშვნელოვანია მაგიდასთან, სკამებს შორის იყოს დაშორება, რომელიც ერთ მეტრს უნდა შეადგენდეს. როგორც გაბრიჩიძემ აღნიშნა, დისტანციის დაცვის მიზნით,  კაფეებს მოუხდათ გარკვეული რაოდენობის მაგიდების გაუქმება.

რეკომადიის თანახმად, კონკრეტული მითითებები უნდა გაითვალისწინოს მომსახურე პერსონალმაც. მაგალითად, კაფეში მისვლისთანავე, ყოველ დილით უნდა გაიარონ  თერმოსკრინინგი. მუდმივად უნდა იყვნენ უზრუნველყოფილი  დაცვის ინდივიდუალური საშუალებებით: სპეცტანსაცმელი, ფეხსაცმელი, თავსაბურავი, ხელთათმანი, პირბადე, ფარი ან სათვალე. ობიექტის ხელმძღვანელობამ ასევე უნდა გააკონტროლოს მათი სწორად გამოყენება.

გამოყენებული ჰიგიენური ნარჩენებისთვის უნდა დაიდგას დახურული კონტეინერები. ხშირად უნდა გაირეცხოს და დეზინფექცია ჩაუტარდეს პროდუქტების დასამუშავებლად განკუთვნილ ზედაპირებს. 

რესტორატორთა ასოციაციის დამფუძნებელმა  იმედი გამოთქვა, რომ ახლო მომავალში წესები კიდევ უფრო გამარტივდება.

„ბიზნესში ვინც ვიწყებთ მუშაობას ვართ ოპტიმისტები. ეს ოპტიმიზმი, რომ არ გვქონდეს რთული იქნებოდა ბიზნესის დაწყება. ვიმედოვნებთ, რომ ახლო მომავალში სიტუაცია უკეთესობისკენ შეიცვლება და მოხდება უფრო ლმობიერ წესებზე გადასვლა. დღესდღეობით აი, ასეთი მოცემულობით ვიწყებთ. იმას, თუ გავითვალისწინებთ, რომ ორ თვე ნახევარი საერთოდ დაკეტილები ვიყავით, ამ რეგულაციებით მუშაობის დაწყება დამაბრკოლებელი აღარ არის“, -  აღნიშნა გაბრიჩიძემ.

რაც შეეხება შიდა სივრცეების გახსნას, ასეთი ტიპის რესტორნები და კაფეები როგორც უკვე აღვნიშნეთ 8 ივნისიდან გაიხსნებიან.

ღია კაფეების მსგავსად, დახურულ კაფეში შესვლამდე აუცილიბელია თერმოსკრინინგი, ხელის დამუშავება სპეციალური ხსნარით, დეზობარიერის გავლა.

რეკომენდაციის ერთი პუნქტი გულისხმობს ჭურჭლის რეცხვის განსაკუთრებულ წესს. 8 ივნისს თუ თქვენ მიბრძანდებით რესტორანში, თქვენს მიერ გამოყენებულ ჭურჭელს რამდენჯერმე გარეცხავენ. ჭურჭელი უნდა გაირეცხოს 40 გრადუსზე, გარეცხვის შემდეგ ჭურჭელი უნდა გაივლოს არანაკლებ 65 რადუსიან ცხელ წყალში. ეს არის რეკომენდაციების ერთი ნაწილი, თუმცა ჩამონათვალი საკმაოდ ვრცელია.

სურსათის ეროვნულომა სააგენტომ კვების ობიექტებს სპეციალური რეკომენდაციების ვრცელი ჩამონათვალი უკვე მისცა და მონიტორინგსაც გაუწევს.

„ერთ-ერთი უმნიშვნელოვანესი საკითხია იმ რეკომენდაციების შესრულება, რომელიც მომდინარეობს საქართველოს ჯანდაცვის სამინისტროსგან და სურსათის ეროვნული სააგენტოს სპეციალისტების ჩართულობით არის შემუშავებული. ეკონომიკის შეჩერების პროცესამდე, თბილისში ჩვენი მონაცემებით მუშაობდა 3 000-მდე საზოგადოებრივი კვების ობიექტი და დღეს, როდესაც უკვე დადგა საკითხი ამ ობიექტების ამუშავების, სააგენტო ყოველდღიურ რეჟიმში, სისტემატიურად ახორციელებს, როგორც ამ რეკომენდაციების გაცემას, ისე მონიტორინგს, თუ რამდენად სწორად ასრულებს ესა თუ ის ბიზნესოპერატორი ამ მოთხოვნებს“, - განაცხადა სურსათის უვნებლობის სამსახურის ინსპექტორმა ვასილ კვერნაძემ.

თუ თქვენ დახურულ რესტორანს ესტუმრებით,  ერთ მაგიდასთან  ექვს ადამიანზე მეტი ვერ მოთავსდებით, თქვენს შორის დისტანცია კი ერთი მეტრი უნდა იყოს. ისე, როგორც ღია კაფეებში, დახურულ სივრცეშიც სავალდებულოა მაგიდებს შორის ორ მეტრიანი დისტანციის დაცვა.

იმ შემთხვევაში, თუ ვერ ხერხდება ორ მეტრიანი უსაფრთხო დისტანციის დაცვა, შესაძლებელია გამოყენებულ იქნას დროებითი დამცავი ბარიერი. თუმცა,  დამცავი ბარიერების გამოყენება დაუშვებელია 30 მ2-მდე საერთო სასადილო ფართში.

ობიექტებმა განსაკუთრებული ყურადღება უნდა მიანიჭონ ვენტილაციას. სააგენტოს რეკომენდაციით, დახურული სივრცეები  უზრუნველყოფილი უნდა იყოს ბუნებრივი ვენტილაციით. თუ ამის შესაძლებლობა არ არის, გამოიყენებული უნდა იქნას ხელოვნური ვენტილაცია.

დახურულ ობიექტებში, საპირფარეშოებში, დერეფნებსა და ლიფტებში გამკაცრდება დასუფთავების და დეზინფექციის ზომები. დასუფთავებისას განსაკუთრებული ყურადღება მიექცევა იმ საგნებს, რომლებსაც ხშირად ეხებიან ხელით, მაგალითად სახელურებს, ლიფტის ღილაკებს, ჩამრთველებს და ა.შ. დასუფთავებაზე პასუხისმგებელ პერსონალს კი დამატებით ჩაუტარდებათ შესაბამისი ინსტრუქტაჟი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. ჩინეთში პნევმონიის აფეთქება 2019 წლის დეკემბერში დაიწყო, რაც გამოწვეულია კორონავირუსის აქამდე უცნობი შტამით.

 

0