იტალია

ელჩი: იტალიიდან საქართველოში დაბრუნების მსურველთა რიცხვი შემცირდა

105
(განახლებულია 18:01 15.05.2020)
იტალიაში კორონავირუსის პანდემიასთან დაკავშირებული მდგომარეობა უმჯობესდება – 18 მაისიდან იხსნება არაერთი საწარმო და მაღაზია. მოქალაქეები სამუშაოს უბრუნდებიან.

თბილისი, 15 მაისი – Sputnik. იტალიიდან სამშობლოში დაბრუნების მსურველი თანამემამულეების რაოდენობა შემცირდა, განაცხადა იტალიაში საქართველოს საგანგებო და სრულუფლებიანმა ელჩმა კონსტანტინე სურგულაძემ. 

„22 მაისისთვის კიდევ ერთი სპეცრეისი დაინიშნა, რომელზე მოთხოვნაც საგრძნობლად შემცირდა. თუ ადრე ათასზე მეტი მსურველი იყო, დღეს 200 ადამიანზე ნაკლებია“, – განაცხადა სურგულაძემ ტელეკომპანია Imedi-სთვის მიცემულ ინტერვიუში.

დიპლომატის სიტყვებით, მოთხოვნის კლება იტალიაში მდგომარეობის გაუმჯობესებას უკავშირდება – 18 მაისიდან იხსნება არაერთი საწარმო და მაღაზია. მოქალაქეები სამუშაოს უბრუნდებიან.

„ბევრმა ქართველმაც დაიწყო მუშაობა და, შესაბამისად, მათ აღარ აქვთ ის პრობლემები, რაც ადრე ჰქონდათ. ბევრად ნაკლები ადამიანი მოგვმართავს დახმარებისთვის. ის დადებითი ტენდენცია, რაც იტალიაში პანდემიას უკავშირდება, აისახება ქართველებზეც", - აცხადებს ელჩი.

ელჩის სიტყვებით, ჯერჯერობით რთულია პროგნოზი, ტურისტებისთვის როდის იქნება შესაძლებელი იტალიაში მოგზაურობა.

„შიდა ტურიზმი, ალბათ, მალე გაიხსნება. მიმდინარეობს მოლაპარაკებები ევროკავშირის სხვა ქვეყნებთან, თუ როგორი უნდა იყოს ერთიანი მიდგომა ტურიზმთან დაკავშირებით. ალბათ, გარკვეული პერიოდის შემდეგ გახდება ცნობილი, როდის იქნება შესაძლებელი იტალიაში ტურისტულად მოგზაურობა“, – განაცხადა სურგულაძემ.

დიპლომატის თქმით, დღეს იტალიაში სიტუაცია საერთო ჯამში გაუმჯობესებულია – ინფიცირებულთა საერთო რაოდენობა 223 ათასს აჭარბებს, გარდაცვლილია 31 ათასზე მეტი, თუმცა გარდაცვლილთა რაოდენობა ყოველდღე იკლებს. 

15 მაისის მონაცემებით, სააქართველოს საგარეო საქმეთა სამინისტროს ძალისხმევით კორონავირუსის პანდემიის გამოცხადების შემდეგ უცხოეთიდან სამშობლოში 11 046 თანამემამულე დაბრუნდა,  საელჩოებმა ადგილზე დახმარება 20 302 თანამემამულეს აღმოუჩინეს.

მსოფლიოში საშიში ვირუსის გავრცელებასთან დაკავშირებით საქართველოს საგარეო უწყება, უცხოეთში დიპლომატიურ მისიებთან კოორდინაციაში, აქტიურად ეხმარება ქვეყნის მოქალაქეებს, რომლებიც საქართველოს საზღვრებს გარეთ იმყოფებიან. მათ, საჭიროებისამებრ, უზრუნველყოფენ საცხოვრებლით, საკვებითა და მედიკამენტებით, ასევე ეხმარებიან სამშობლოში დაბრუნებაში. 

უწყების ცნობით, 15 მაისს ამსტერდამიდან განხორციელდება ჩარტერული რეისი, რომლითაც სამშობლოში დაბრუნებას ის თანამემამულეებიც შეძლებენ, რომლებიც ამ პერიოდში აშშ-ში იმყოფებოდნენ – სტუდენტები, სამხედროები, ტურისტები და ასაკოვანი ადამიანები.

უახლოეს დღეებში დაგეგმილი სპეცრეისების განრიგი ასეთია: 18 მაისი - ლარნაკა-თბილისი; 20 მაისი - ათენი-თბილისი; 22 მაისი - რომი-თბილისი.

„საქართველოს ფოსტამ“ საბერძნეთსა და იტალიაში ამანათების მიწოდება განაახლა>>>

ფრენებს ახორციელებს ქართული ავიაკომპანია Georgian Airways. ბილეთის ფასია 199 ევრო. თითოეული დაბრუნებული მოქალაქე სპეციალურ ზონებში მედიკოსების დაკვირვებით სავალდებულო ორკვირიან კარანტინს გაივლის.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები ჩაკეტა და ყველა მიმართულებით ავიაფრენები შეაჩერა. 21 მარტიდან ქვეყანაში საგანგებო მდგომარეობა გამოცხადდა. 

მთავრობის სპეციალურ ვებ-გვერდზე stopcov.ge გავრცელებული ინფორმაციით, საქართველოში კრონავირუსის 671 შემთხვევაა დაფიქსირებული. კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე. გამოჯანმრთელდა 393 ადამიანი, გარდაიცვალა – 12, კარანტინის რეჟიმში იმყოფება 3873, ხოლო სტაციონარებში დაკვირვების ქვეშ 404 პაციენტია.

105
თემები:
COVID-19 საქართველოში (918)
თბილისი

ტურისტების მოლოდინში: რა კრიტერიუმების დაკმაყოფილებას ითხოვს ესტონეთი

87
(განახლებულია 19:20 03.06.2020)
პირველი ქვეყანა, საიდანაც საქართველო ტურისტებს მიიღებს, ისრაელი იქნება. ბალტიის ქვეყნებთან ერთად, საქართველო მოლაპარაკებებს აწარმოებს ჩეხეთთან, პოლონეთთან, ავსტრიასთან და მეზობელ ქვეყნებთან.

თბილისი, 3 ივნისი - Sputnik.  საქართველო ერთ–ერთი პირველი ქვეყანა გახდება, რომელიც ბალტიის ქვეყნებიდან, მათ შორის ესტონეთიდან ტურისტებს მიიღებს, ნათქვამია საქართველოს ეკონომიკისა და მდგრადი განვითარების სამინისტროს განცხადებაში. 

საქართველოს ეკონომიკის მინისტრმა ნათია თურნავამ და ესტონეთის ეკონომიკისა და ინფრასტრუქტურის მინისტრმა ტაავი აასმა ონლაინ–კონფერენციაზე ორმხრივი ეკონომიკური, კერძოდ, ტრანსპორტისა და ტურიზმის სფეროში თანამშრომლობის საკითხები განიხილეს.

თურნავამ ესტონელ კოლეგას ინფორმაცია მიაწოდა საქართველოს 1 ივლისიდან საერთაშორისო მოგზაურების მიღების მზადყოფნასთან დაკავშირებით და მათ უსაფრთხო დასვენების პირობები შესთავაზა.

 „საქართველო ძალზე კარგად პასუხობს უსაფრთხოების ყველა ნორმას. ქვეყანა ერთ–ერთი პირველი გახდება, სადაც ტურისტები ჩამოვლენ ბალტიისპირეთის ქვეყნებიდან, მათ შორის ესტონეთიდან, ამასთან, ჩვენი მოქალაქეები შეძლებენ ესტონეთის მონახულებას. ჩვენ ძალზე აქტიური კომუნიკაცია გვაქვს ევროპის ქვეყნების მინისტრებთან, განსაკუთრებით მათთან, რომლებიც ტურიზმისა ტრანსპორტის საკითხებს კურირებენ. მათთან საუბრისას ჩვენ კიდევ ერთხელ დავაზუსტეთ, რა უნდა გაკეთდეს იმისთვის, რომ ჩვენი ქვეყნები გაიხსნას ტურისტებისა და ვიზიტორებისთვის“, – განაცხადა თურნავამ.

ესტონეთმა უკვე გამოაქვეყნა კრიტერიუმები, რომელსაც უნდა აკმაყოფილებდეს ქვეყანა, თუ იგი ესტონეთთან სატრანსპორტო და ტურისტული კონტაქტების აღდგენას გეგმავს. ესტონეთში ტურისტი ორკვირიანი კარანტინისგან თავისუფლდება, თუ იგი იმ ქვეყნიდან ჩავა, სადაც ბოლო 14 დღის განმავლობაში კორონავირუსით ინფიცირებულთა რაოდენობა 100 ათას ადამიანზე 15–ს არ გადააჭარბებს.

საქართველომ 21 მარტიდან საჰაერო მიმოსვლა ყველა მიმართულებით შეაჩერა. კორონავირუსის პანდემიასთან წარმატებული ბრძოლის წყალობით, ხელისუფლებამ 15 ივნისიდან შიდა ტურიზმის განახლება, 1 ივლისიდან კი უცხოელი ტურისტებისთვის საზღვრების გახსნის გადაწყვეტილება მიიღო. ეს ნიშნავს, რომ ამ დროისთვის ქვეყანაში აღდგენილი იქნება სახმელეთო, სარკინიგზო და ავიამიმოსვლა. 

წინასწარი ინფორმაციით, პირველი ქვეყანა, საიდანაც საქართველო ტურისტებს მიიღებს, ისრაელი იქნება. ბალტიის ქვეყნებთან ერთად, საქართველო მოლაპარაკებებს აწარმოებს ჩეხეთთან, პოლონეთთან, ავსტრიასთან და მეზობელ ქვეყნებთან.

ამ დროისთვის 20–ზე მეტმა ავიაკომპანიამ საქართველოში ფრენების განახლების სურვილი გამოთქვა.

საქართველოში ტურისტული ინდუსტრიის აღორძინების ამბიციური გეგმის რეალიზაციისთვის, რომელიც პანდემიისგან ყველაზე მეტად დაზარალდა და შემოსავლის 70% დაკარგა, ხელისუფლებამ საქართველოს, როგორც უსაფრთხო ქვეყნის პოზიციონირების გადაწყვეტილება მიიღო. საქართველოში ჩამოსული ტურისტები ე.წ. „მწვანე ზონებში“ დაისვენებენ, სადაც უზრუნველყოფილი იქნება სრული უსაფრთხოება როგორც დამსვენებლებისთვის, ისე ადგილობრივი მოსახლეობისთვის.

87
თემები:
COVID-19 საქართველოში (918)
მატარებელი

„საქართველოს რკინიგზა“ მზადაა: ვინ და რატომ აფერხებს სარკინიგზო მიმოსვლის აღდგენას

79
(განახლებულია 18:35 03.06.2020)
მგზავრთა სარკინიგზო ტრანსპორტით გადაყვანა, კორონავირუსის გავრცელების პრევენციის მიზნით, 31 მარტს შეჩერდა.

 

თბილისი, 3 ივნისი - Sputnik.  საქალაქთაშორისო მგზავრთა გადაყვანა 8 ივნისიდან აღდგება, თუმცა, ძალაში რჩება სარკინიგზო ტრანსპორტით მგზავრთა გადაყვანაზე დაწესებული შეზღუდვა – საქართველოს მთავრობის 23 მაისის დადგენილებაში შესაბამისი ცვლილებები სამშაბათს შევიდა. 

როგორც დადგენილებაშია აღნიშნული, შეზღუდულია სარკინიგზო ტრანსპორტით მგზავრთა გადაყვანა, გარდა ოფიციალური სარკინიგზო გადაზიდვებისა, რომლის ფარგლებშიც ხორციელდება „საქართველოს რკინიგზის“ თანამშრომელთა გადაყვანა ექსპლუატაციის ადგილამდე ან პირიქით, ოპერატიულ შტაბთან შეთანხმებით.

ამასთან, „საქართველოს რკინიგზა“ მზადყოფნას გამოთქვამს მგზავრთა მომსახურებისთვის. ამ მიზნით უკვე შეძენილია სადეზინფექციო საშუალებები და უკონტაქტო თერმომეტრები. თუმცა, როდის განახლდება სარკინიგზო მიმოსვლა, ჯერჯერობით, უცნობია.

 „მოსალოდნელია, რომ ეს საკითხი უწყებათაშორისი საკოორდინაციო საბჭოს სხდომაზე გადაწყდება“, – განაცხადეს „საქართველოს რკინიგზის“ წარმომადგენლებმა ტელეკომპანია „იმედთან“. 

მგზავრთა სარკინიგზო ტრანსპორტით გადაყვანა, კორონავირუსის გავრცელების პრევენციის მიზნით, 31 მარტს შეჩერდა. 

3 ივნისისთვის საქართველოში კორონავირუსით ინფიცირებულთა რაოდენობამ 800–ს მიაღწია. გამოჯანმრთელდა 640 ადამიანი, გარდაიცვალა 13. კარანტინში იმყოფება 2424 ადამიანი, სტაციონარში მეთვალყურეობის ქვეშ – 304.   უცხოეთიდან სამშობლოში სამკურნალოს საქართველოს სამი მოქალაქეა გადმოყვანილი.

ქვეყანაში 23 მაისიდან საგანგებო მდგომარეობა და კომენდანტის საათი, რომელიც 21 მარტს ამოქმედდა, გაუქმდა. ამ დრომდე მკაცრი კარანტინი მოქმედებს თეთრიწყაროში და ბოლნისის რაიონის ორ სოფელში: მუშევანსა და გეტაში.

გარდა ამისა, მოქმედ შეზღუდვებში შედის საერთაშორისო სახმელეთო, საჰაერო და საზღვაო მიმოსვლაზე აკრძალვა, ასევე 10 კაცზე მეტის შეკრება ტრადიციულ სოციალურ ღონისძიებებზე (ქორწილი, დაკრძალვა, იუბილე და ა.შ.).

ქვეყანაში 29 მაისიდან მუშაობა განაახლა საზოგადოებრივმა ტრანსპორტმა. 1 ივლისიდან კი საერთაშორისო ავიამიმოსვლის აღდგენა იგეგმება.

79
თემები:
COVID-19 საქართველოში (918)
სავსე მთვარე

სავსემთვარეობა 5 ივნისს: თვის გარდამტეხი მომენტი და მისი გავლენა ზოდიაქოს ნიშნებზე

0
(განახლებულია 15:45 03.06.2020)
ასტროლოგები 5 ივნისს ამ თვეში გარდამტეხ მომენტს უწოდებენ. ამ დღეს ორი ძალზე მნიშვნელოვანი მოვლენა მოხდება – სავსემთვარეობა და მთვარის დაბნელება

სავსემთვარეობას ყოველთვის მოაქვს ცვლილებები და იმის განსაზღვრა, დადებითი იქნება ეს ცვლილებები თუ უარყოფითი, რთულია. ამასთან, 5 ივნისს გველოდება მთვარის დაბნელებაც. აქედან გამომდინარე, 5 ივნისს ასტროლოგები ივნისში გარდამტეხ მომენტს უწოდებენ.

ივნისის სავსემთვარეობა საკმაოდ უჩვეულო დღეა, რომელიც ცნობისმოყვარე მშვილდოსნის ეგიდით ჩაივლის. ასტროლოგები აღნიშნავენ, რომ ამ დღეს ბევრი აუხსნელი რამ მოხდება, ამიტომ, იმისთვის, რომ დღემ მხოლოდ დადებითი ემოციები მოიტანოს, აუცილებელია სავსე მთვარის ენერგიის სათავისოდ გამოყენება.

გაეცანით, როგორი იქნება ეს დღე ზოდიაქოს თითოეული ნიშნისთვის.

ვერძი

ივნისის სავსემთვარეობა ვერძებისთვის შანსია, რომ გადადგან მნიშვნელოვანი ნაბიჯი პირად ცხოვრებაში. საუბარია როგორც ახალი ურთიერთობების დაწყებაზე, ისე ძველის შეწყვეტაზე. მნიშვნელოვანია, რომ არ დაგავიწყდეთ საკუთარი ინტერესები, სხვაგვარად მოსალოდნელია, რომ უსიამოვნო და მრავალრიცხოვანი პრობლემების პროვოცირება მოხდეს.

კურო

სავსემთვარეობა კუროებისთვის ძალზე მნიშვნელოვანი დღეა. სწორედ ამ დღეს შეიძლება მოხდეს თქვენს ცხოვრებაში საბედისწერო მოვლენა, ან მიიღოთ გადაწყვეტილება, რომელიც რადიკალურად შეცვლის თქვენს მომავალ ბედს. ასტროლოგები გირჩევენ: იმოქმედეთ თამამად.

ტყუპი

ტყუპები სავსემთვარეობისგან მაქსიმალური სარგებლის მიღებას შეძლებთ. იღბალი თქვენი თანმდევი იქნება როგორც სასიყვარულო წამოწყებებში, ისე ყოველდღიურ საქმეებში. გამძაფრებული ინტუიცია გიკარნახებთ, რომელ საქმეებთან ღირს შეჭიდება და რომლის გადადება.

კირჩხიბი

კირჩხიბებისთვის ეს სავსემთვარეობა იღბლიანი იქნება შინაგანი ჰარმონიის მოპოვებისა დაპირადი ცხოვრების მოგვარების კუთხით. შეგიძლიათ გქონდეთ ბედის ბედნიერი შემობრუნების იმედი, რომელიც დაგეხმარებათ უთანხმოებების მოგვარებასა და კეთილდღეობისკენ მიმავალი საკუთარი გზის პოვნაში.

ლომი

მშვილდოსანი ცეცხლის ნიშნების ენერგეტიკას გააძლიერებს, განამტკიცებს, რაც ნიშნავს წარმატებებს საქმეებში და პირად ცხოვრებაში. მაგრამ, ამასთან, ექსპერტები გაფრთხილებენ, რომ მოსალოდნელია სტრესული ვითარებების გამწვავებასთან დაკავშირებული რისკები. გაუფრთხილდით თავს, საკუთარ ჯანმრთელობას.

სასწორი

ნებისმიერი უმნიშვნელო კამათი 5 ივნისს, რომელშიც სასწორი იქნება ჩართული, შესაძლოა, სერიოზულ კონფლიქტში გადაიზარდოს. ასტროლოგები გირჩევენ, არ დაივიწყოთ ტაქტი, კეთილმოსურნეობა და მანერები. გახსოვდეთ, უფრო მარტივია კონსტრუქციული დიალოგი, ვიდრე შემდეგ უამრავი პრობლემის მოგვარება.

მორიელი

ასტროლოგები გირჩევენ, ცოტა მოთოკოთ თქვენი სიჯიუტე, ჟინი და ყოველ წვრილმანზე გამოდევნების ჩვევა, რათა სავსემთვარეობამ კარგად ჩაიაროს, მტკიცე საძირკველი შეიქმნას თქვენი კარიერისა და პირადი ცხოვრების ნაყოფიერად განვითარებისთვის. თუ ასე არ მოიქცევით მთელი თვე შინაგანი ჰარმონიისა და საკუთარი რეპუტაციის აღდგენას მოანდომებთ.

მშვილდოსანი

სავსემთვარეობის დღე გაატარეთ სასიამოვნო საქმეში, საყვარელი ადამიანების გარემოცვაში. მოველენები, ფინანსური ოპერაციების გარდა, ყველა სფეროში ხელსაყრელად განვითარდება. კარგი დღეა ურთიერთობებისთვის – განამტკიცეთ არსებული კავშირები და გაიცანით ახალი ადამიანები.

თხის რქა

სავსე მთვარი თხის რქებისთვის კარგი საბაბი იქნება იმისთვისრომ გადახედოთ საკუთარ შესაძლებლობებს, პრიორიტეტებსა დასურვილებს. ღამის მანათობელი მინიშნებით დაგეხმარებათ გაიგოთ,კონკრეტულად რა გჭირდებათ ბედნიერებისთვის და როგორ მიაღწიოთ მას.

მერწყული

სავსემთვარეობა მშვილდოსნის ნიშანში მერწყულებს უამრავ ახალ მოვლენასა და ცვლილებას გპირდებათ. აქედან ზოგიერთი საბედისწეროც შეიძლება აღმოჩნდეს. აქედან გამომდინარე, ასტროლოგები გირჩევენ, ყურადღებით იყოთ თითოეული ნათქვამი სიტყვის, გადაწყვეტილებებისა და მომედებების მიმართ.სჯობს, არ გადაუხვიოთ გეგმას და მკაფიოდ მისდიოთ მას.

თევზები

ვარსკვლავები გირჩევენ, პარასკევი რაც შეიძლება მშვიდად გაატაროთ, ყურადღებით მოუსმინოთ საკუთარ ინტუიციას. არ არის გამორიცხული, რომ მალე თქვენი ცხოვრება კარდინალურად შეიცვალოს, ამიტომ, სჯობს, ამისთვის წინასწარ მოემზადოთ.

0