ახალშობილი

რატომ წაართვეს ჩვილი მშობლებს - ჯანდაცვის სამინისტროს პასუხი

1578
ოჯახთან გოგონას დაშორების გადაწყვეტილება მიღებულია სოცმუშაკების დასკვნის საფუძველზე, რომლებმაც დეტალურად შეისწავლეს, როგორ პირობებში იცხოვრებდა ის მშობლებთან

თბილისი, 14 მაისი — Sputnik. ჩვილი, რომელიც ოჯახს ჩამოართვეს და რომლის დაბრუნებასაც მოითხოვენ მისი მშობლები, სახელმწიფოს მზრუნველობის ქვეშ დარჩება, ხოლო მისი გაშვილების შესახებ ინფორმაცია სინამდვილეს არ შეესაბამება, აცხადებენ საქართველოს ჯანმრთელობისა და სოციალური დაცვის სამინისტროში.

UNICEF: ბავშვთა უფლებები ყველა დონეზე უნდა იყოს დაცული >>

ქალმა ბავშვი გააჩინა იანვარში თბილისი რეფერალურ კლინიკაში, თუმცა იმის გამო, რომ ჩვილი დღენაკლული დაიბადა, ექიმებმა გადაწყვიტეს, რომ ის გარკვეული დროით საავადმყოფოში დარჩებოდა. როდესაც გაწერის დრო მოვიდა, ბავშვი საავადმყოფოდან სოციალურმა აგენტებმა წაიყვანეს.

ჯანდაცვის სამინისტროში აცხადებენ, რომ  ბავშვის სახელმწიფო ზრუნვაში გადაყვანა მოხდა ბავშვის საუკეთესო ინტერესებიდან გამომდინარე, რადგან შეფასდა ყველა რისკი და შესაძლო შედეგები.

„ოჯახი ცხოვრობს მძიმე სოციალურ პირობებში. შეფასება განხორციელდა საქმეში ჩართული სოციალური მუშაკების მხრიდან, გამოიკვეთა მშობლების მხრიდან არასათანადო მოპყრობის, ბავშვის უგულებელყოფის შემცველი ფაქტები და სხვა ის გარემოებები, რომლებზე დაყრდნობითაც სპეციალისტების მიერ მიღებული იქნა გადაწყვეტილება ბავშვის ოჯახიდან განცალკევების თაობაზე. აღნიშნულის შესახებ ინფორმაცია მიეწოდათ ახალშობილის მშობლებს“, - ნათქვამია უწყების განცხადებაში.

ჯანდაცვის სამინისტროში აღნიშნავენ, რომ ოჯახი ჩართულია რამდენიმე სახელმწიფო პროგრამაში. სააგენტო აქტიურ მონიტორინგს ახორციელებს ოჯახში დარჩენილი ორი არასრულწლოვანის მდგომარეობაზე.

„ბავშვის ოჯახიდან გამოყვანა არის უკიდურესი ზომა და აღნიშნულ გადაწყვეტილებას საფუძვლად მნიშვნელოვანი რისკის შემცველი გარემოებები უდევს, თუმცა ვინაიდან საქმე შეიცავს კონფიდენციალურ ინფორმაციას, სააგენტო მოკლებულია შესაძლებლობას განმარტოს საქმეში არსებული დეტალები”, - ნათქვამია განცხადებაში.

ახალშობილის მშობლები ამტკიცებენ, რომ სოცმუშაკებმა მათი თანხმობისა და ნებართვის გარეშე გაიყვანეს ჩვილი კლინიკიდან და სხვა ოჯახს მინდობით გადასცეს. ისინი ამტკიცებენ, რომ დაინახეს, როგორ მიჰყავდა ბავშვი სოცმუშაკს, შეეცადნენ მასთან მიახლოებას, მაგრამ მათ ხელი შეუშალეს. ჩვილის მშობლები კატეგორიულად მოითხოვენ ბავშვის დაბრუნებას, მათი თქმით, ისინი სოციალურად დაუცველები არიან, მაგრამ ბავშვის გაზრდა შეუძლიათ. საქმეში უკვე ჩაერთო ადვოკატი, რომელიც მშობლების ინტერესებს დაიცავს.

ერთ-ერთი ვერსიით, მშობლებს ბავშვი იმიტომ ჩამოართვეს, რომ დედა უფროს შვილებთან ერთად ქუჩაში მოწყალებას ითხოვდა, და ეს არაერთხელ დააფიქსირეს სოცმუშაკებმა. ქალი ამტკიცებს, რომ ეს დიდი ხნის წინ იყო და მოწყალების თხოვნა ქმრის ავადმყოფობის გამო მოუწია.

საქართველოში ბავშვის შვილად აყვანა ძალიან რთული პროცედურაა. საქართველოში იყო 47 დიდი ბავშვთა სახლი, სადაც 5,2 ათასი ბავშვი ცხოვრობდა. ამჟამად საქართველოში მხოლოდ ორი ბავშვთა სახლი ფუნქციონირებს, ორივე თბილისში მდებარეობს. ბავშვები ოჯახური ტიპის მცირე სახლებში და მეურვეების ოჯახებში გაანაწილეს.

ბოლო მონაცემებით, მინდობით ოჯახებში იზრდება 1544 ბავშვი, აქედან 279 - შშმ ბავშვია.

1578
თემები:
შემთხვევები საქართველოში (1439)
ავტომობილი პარკინგზე

მოქალაქეები „სითი პარკის“ გადაუხდელი ჯარიმებისგან გათავისუფლდებიან

4
(განახლებულია 14:01 04.06.2020)
მოქალაქეებს ჩამოეწერებათ ის ჯარიმები,  რომლებიც დაკისრებულია 2018 წლის 10 აპრილამდე  და რომელთა აღსრულება ჯერ არ მომხდარა.

თბილისი, 4 ივნისი - Sputnik. კომპანია „სითი პარკის“ მიერ დაჯარიმებული მოქალაქეები ჯარიმებისა და მათზე დარიცხული საურავებისაგან წარმოშობილი ფინანსური ვალდებულებებისაგან გათავისუფლდებიან, განაცხადა პარლამენტის რეგიონული პოლიტიკისა და თვითმმართველობის კომიტეტის თავმჯდომარე ზაზა გაბუნიამ დღეს გამართულ ბრიფინგზე.

ზაზა გაბუნიამ პარლამენტში გამართულ ბრიფინგზე ახალი საკანონმდებლო ინიციატივა წარმოადგინა, რომელიც კომპანია „სითი პარკის“ მიერ დაჯარიმებული მოქალაქეების ჯარიმებისგან გათავისუფლებას ითვალისწინებს.

გაბუნიას განცხადებით, ასეთი ჯარიმების ოდენობა დაახლოებით 850 ათას ლარს შეადგენს და ამ კანონის საფუძველზე ათასობით მოქალაქე სრულად იქნება გათავისუფლებული ამ ფინანსური ვალდებულებისაგან.

„საქმე ეხება ჯარიმებს, რომლებიც დაკისრებულია 2018 წლის 10 აპრილამდე, ანუ კომპანია „სითი პარკთან“ ხელშეკრულების გაწყვეტამდე და რომელთა აღსრულება ჯერ არ მომხდარა. ეს გადაუხდელი ჯარიმები რჩებოდა მნიშვნელოვან ფინანსურ და ეკონომიკურ პრობლემად მოქალაქეებისათვის და ჩვენი გადაწყვეტილებით, ამ დავალიანების მქონე მოქალაქეები გათავისუფლდებიან ჯარიმის, საურავისა და აღსრულების ხარჯების გადახდისაგან და მოეხსნებათ ფინანსური დავალიანება“, -აღნიშნა გაბუნიამ.

მისი განცხადებით, აღნიშნულ საკითხზე იდეა და ინიციატივა ეკუთვნის დედაქალაქის მერს კახა კალაძეს და მას საქართველოს პარლამენტი მხარს უჭერს.

დღეიდან პარკირების სისტემას „თბილისის სატრანსპორტო კომპანია“ გააკონტროლებს>>

კომპანია „სითი პარკმა" 2007 წელს თბილისის მთავრობის მიერ გამოცხადებულ აუქციონში გაიმარჯვა და ქალაქის პარკირების მართვის ექსკლუზიური უფლება 15 წლის ვადით მოიპოვა. თუმცა, თბილისის მერიის გადაწყვეტილებით, კომპანიასთან კონტრაქტი 2018 წლის 10 აპრილიდან  გაუქმდა, რის შემდეგაც მისი ფუნქციები „თბილისის სატრანსპორტო კომპანიამ" შეითავსა.

4
თემები:
საქართველოს პარლამენტი
ნიკოლოზ ბასილაშვილი

ნიკოლოზ ბასილაშვილი ურთიერთობას აღარ მალავს - წყვილის რომანტიული ფოტო პიკნიკიდან

4
(განახლებულია 13:55 04.06.2020)
ნიკოლოზ ბასილაშვილი შეყვარებულია და მისი რჩეული ულამაზესი გერმანელი სპორტსმენია. ნახეთ წყვილის უახლოესი ფოტოები სოციალური ქსელიდან

მსოფლიოს 27-ე ჩოგანი შეყვარებულია და მალე დაქორწინებასაც აპირებს. ნიკოლოზ ბასილაშვილის რჩეული უმშვენიერესი გერმანელი სპორტსმენი შარლოტა ჰელენია, რომელიც ბასილაშვილმა ნათესავებს უკვე გააცნო და გოგონა რამდენიმე თვეა საქართველოში იმყოფება.

მას შემდეგ, რაც ნიკოლოზი ყოფილ ცოლზე, ნეკა დოროყაშვილზე შესაძლო ძალადობისთვის სასამართლომ გირაოთი გაათავისუფლა, შარლოტამ „ინსტაგრამის“ „სთორიზე“ ჩოგბურთელთან ერთად გადაღებული ფოტო დადო, სადაც ჩანს, რომ წყვილი პიკნიკზე იმყოფებოდა.

ნიკოლოზ ბასილაშვილი 22 მაისს დააკავეს. პროკურატურის ინფორმაციით, 21 მაისს თბილისში, ავჭალის დასახლებაში ბასილაშვილმა ურთიერთშელაპარაკების ნიადაგზე ყოფილი მეუღლის მიმართ ფიზიკური ძალადობა განახორციელა. სისხლის სამართლის საქმეზე გამოძიება 126-ე პრიმა მუხლის მეორე ნაწილით მიმდინარეობს.

გავრცელებული ინფორმაციით, საქართველოს ნომერ პირველი ჩოგანი მას შემდეგ დააკავეს, რაც ბასილაშვილი და მისი მამა ჩოგბურთელის ყოფილ ცოლს ფიზიკურად გაუსწორდნენ. ამ ფაქტს შეესწრო მათი არასრულწლოვანი შვილიც. ნიკოლოზ ბასილაშვილი და მისი მეუღლე ნეკა დოროყაშვილი ერთმანეთს დაახლოებით ერთი წლის წინ დაშორდნენ, თუმცა ამაზე ოფიციალურად არც ერთს არ უსაუბრია. წყვილი ქორწინებაში 2013 წლიდან იმყოფებოდა, მათ 2015 წელს ვაჟი შეეძინათ.

ოჯახური ძალადობა – საქართველოში ერთ-ერთი ყველაზე გავრცელებული დანაშაულია. კერძოდ, 2019 წელს ოჯახური ძალადობის ბრალდებით სისხლის სამართლებრივი პასუხისმგებლობა დაეკისრა 4,6 ათას ადამიანს, რომელთა უმეტესობა დაკავებულია. სულ 2019 წელს გამოძიება დაიწყო ოჯახური ძალადობის 6 ათას ფაქტზე, მაშინ, როცა 2018 წელს ეს მაჩვენებელი 5,6 ათასი იყო.

4
თემები:
სელებრითების ცხოვრება