Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

რა პრინციპით მიმდინარეობს კორონავირუსის ტესტების შეძენა - ჯანდაცვის სამინისტროს განმარტება

© photo: Sputnik / Evgeny Vyatov / გადასვლა მედიაბანკშიექსპრეს-დიაგნპოსტიკა ანტისხეულებზე
ექსპრეს-დიაგნპოსტიკა ანტისხეულებზე - Sputnik საქართველო
გამოწერა
ამჟამად საქართველოში კორეაში შეძენილ ავსტრიულ სწრაფ ტესტებს იყენებენ, მაგრამ პრაქტიკამ აჩვენა, რომ მათ ჩვენებაზე ბოლომდე დაყრდნობა არ შეიძლება

თბილისი, 13 მაისი - Sputnik. საქართველოს ჯანდაცვის მინისტრის მოადგილემ, თამარ გაბუნიამ ბრიფინგზე განმარტა, რა ფაქტორებს ითვალისწინებს უწყება კორონავირუსის ტესტების შეძენისას.

ტესტი კორონავირუსზე - Sputnik საქართველო
სამხრეთ კორეამ საქართველოს COVID-19–ის ანტისხეულების გამოსავლენი ტესტები გამოუგზავნა

პირველ რიგში, ტესტები დარეგისტრირებული უნდა იყოს ქვეყანაში. რეგისტრაცია ერთგვარი ფილტრია - უთითებს მწარმოებელს, ქვეყანას და ა.შ., აღნიშნა გაბუნიამ.

გარდა ამისა, ჯანდაცვის მსოფლიო ორგანიზაცია, აშშ-ის დაავადებათა კონტროლის ნაციონალური ცენტრი, მსოფლიო ბანკი და სხვა დონორი ორგანიზაციები, რომლებიც ქვეყანას ტესტების შეძენაში ეხმარებიან, საიმედო მომწოდებლების სარეკომენდაციო სიას აქვეყნებენ.

„რასაკვირველია, გარკვეული რისკები ყოველთვის არსებობს, ტესტების სპეციფიკა და მგრძნობელობა ანტისხეულებზე ისედაც არ არის ასპროცენტიანი. ყველა ამ ტესტს თავისი მახასიათებელი აქვს“, - განაცხადა გაბუნიამ.

მისი თქმით, შეუძლებელია წინასწარ პროგნოზირება, როდის და რომელი მომწოდებლის მიმართ გაჩნდება კითხვა.

ამ მომენტისთვის საქართველოში კორეიდან შემოტანილი 50 ათასი სწრაფი ტესტია, რომელთა მწარმოებელი ქვეყანა ავსტრიაა.

პსრ-ტესტი ორგანიზმში ვირუსის არსებობას ბიოლოგიური მასალის კვლევის გზით ავლენს და უფრო ზუსტ შედეგს იძლევა. საქართველოში მას კორონავირუსით ინფიცირების პრაქტიკულად პირველივე დღიდან იყენებენ. ეს ტესტი ვირუსს ავლენს ინფიცირებისთანავე, მანამ, სანამ სიმპტომები იჩენს თავს.

მეორენაირი ტესტი არის სწრაფი ანუ ექსპრეს-ტესტი, რომელიც ავლენს კორონავირუსის ანტისხეულებს. ამ ანტისხეულებმა ინფიცირებიდან მე-3-მე-7 დღეს შეიძლება იჩინონ თავი. ანუ ექსპრეს-ტესტი შედეგს პირველივე დღეებში არ იძლევა. სწრაფი ტესტების მეშვეობით შესაძლებელია ასევე დადგენა, გადაიტანა თუ არა ადამიანმა ვირუსი.

ბილოგიური მასალა სინჯარებში - Sputnik საქართველო
გამყრელიძე: სწრაფი ტესტები არ გამოიყენება კორონავირუსის დიაგნოსტიკისთვის

საქართველოში ბოლო დღე-ღამეში ინფიცირებულთა რაოდენობა რვა ადამიანით გაიზარდა, ნათქვამია სამთავრობო ვებგვერდ stopcov.ge-ზე. დღეისათვის ქვეყანაში კორონავირუსის 647 შემთხვევაა გამოვლენილი. გამოჯანმრთელებულია 372 პაციენტი. 11 გარდაიცვალა. კარანტინშია 4 461 ადამიანი, სტაციონარებში ექიმების მეთვალყურეობის ქვეშ - 394. სამი მოქალაქე სამკურნალოდ საზღვარგარეთიდან ჩამოიყვანეს.

გუშინ, საქართველოში ეპიდემიის დაწყებიდან პირველად, ერთ დღეში მხოლოდ ერთი ინფიცირებული გამოვლინდა.

ქვეყანაში საგანგებო მდგომარეობა 22 მაისამდე გაგრძელდება.

ყველა ახალი ამბავი
0