Пандемия коронавируса - COVID-19 и человеческие клетки изучаются под микроскопом - Sputnik საქართველო
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

იმნაძე: საქართველოში ზაფხულის სეზონი მშვიდი იქნება

© Sputnik / Vladimir Umikashviliთბილისის უბნები
თბილისის უბნები - Sputnik საქართველო
გამოწერა
ხელისუფლება მშვიდ ზაფხულს პროგნოზირებს და შიდა ტურიზმისთვის 15 ივნისიდან, ხოლო უცხოელი ტურისტებისთვის საზღვრის 1 ივლისიდან გახსნას გეგმავს.

თბილისი, 12 მაისი – Sputnik. საქართველოში ზაფხულის სეზონი მშვიდი იქნება, თუმცა კორონავირუსის ახალი შემთხვევების მცირე რაოდენობა მაინც იქნება, განაცხადა დაავადებათა კონტროლის ეროვნული ცენტრის უფროსის მოადგილემ პაატა იმნაძემ.

იმნაძის თქმით, ჯანდაცვის სისტემა დღეში 30–40 ახალი პაციენტის მიღებას უპრობლემოდ შეძლებს.

„ქვეყანაში ყოველდღიურად 30 ახალი შემთხვევა რომც იყოს, არ იქნება პრობლემა. ეს არ არის ის რიცხვი, რომელსაც ჩვენი ჯანდაცვის სისტემა პრობლემის გარეშე ვერ აუვა და ვერ მოუვლის სათანადოდ თითოეულ პაციენტს. ამაზეა დამოკიდებული ჩვენი ადამიანების სიცოცხლე“, – განაცხადა პაატა იმნაძემ. 

ტესტები - Sputnik საქართველო
საქართველოში კორონავირუსი 639 ადამიანს დაუდგინდა

კორონავირუსის პანდემიასთან წარმატებული ბრძოლის წყალობით ხელისუფლებაც მშვიდ ზაფხულს პროგნოზირებს და შიდა ტურიზმისთვის 15 ივნისიდან, ხოლო უცხოელი ტურისტებისთვის საზღვრის 1 ივლისიდან გახსნას გეგმავს.

ქვეყნის ტურისტული ინდუსტრიის აღორძინების კუთხით, რომელიც პანდემიის პირობებში ყველაზე მეტად დაზარალდა და შემოსავლების 70% დაკარგა, ხელისუფლებამ საქართველოს, როგორც უსაფრთხო ქვეყნის პოზიციონირების გადაწყვეტილება მიიღო.

საქართველოში ჩამოსული ტურისტები ე.წ. „მწვანე ზონებში“ დაისვენებენ, სადაც უზრუნველყოფილი იქნება სრული უსაფრთხოება როგორც დამსვენებლებისთვის, ისე ადგილობრივი მოსახლეობისთვის. სეზონის გახსნისთვის ქვეყნის ხელისუფლება მსოფლიო ტურიზმის ორგანიზაციიდან კონკრეტულ რეკომენდაციებს ელოდება.

ასევე მიღწეულია შეთანხმება სექტემბერში საქართველოში ტურიზმის მინისტერიალის გამართვის შესახებ, რომელზეც განხილული იქნება, თუ როგორ მოხდება ტურიზმის ინდუსტრიის განვითარება და ეს იქნება კორონავირუსის პანდემიის შემდეგ ტურიზმის კუთხით ჩატარებული პირველი ღონისძიება.

ყველა ახალი ამბავი
0