კომპიუტერი

ფრთხილად! კორონავირუსის პანდემიის ფონზე კიბერთაღლითობის რისკი იზრდება

83
(განახლებულია 15:46 07.05.2020)
საქართველო კიბერთაღლითების სამიზნე მას შემდეგ გახდა, რაც ქვეყანამ დისტანციური არხების განვითარება დაიწყო.

თბილისი, 7 მაისი — Sputnik. პლასტიკური ბარათების ხშირმა მოხმარებამ კიბერთაღლითობის რისკი გაზარდა, საქართველოში მოქმედი კომპანიები და სპეციალისტები მოქალაქეებს იმ სქემების შესახებ აფრთხილებენ, რომელთა საშუალებითაც მათი კუთვნილი თანხების მითვისება შეიძლება მოხდეს, იუწყება ტელეკომპანია Rustavi 2.  

კორონავირუსის პანდემიის გამო ბევრი კომპანია ონლაინ-სივრცეში მუშაობის რეჟიმზე გადავიდა, აქტიური ონლაინ-მუშაობისა და კომერციის ფონზე კი უფრო მეტად გაიზარდა რისკი, რომ მომხმარებელი კიბერთაღლითობის მსხვერპლი გახდეს.

თუ Zoom-ით სარგებლობთ: ოპციები, რომლებიც უნდა გათიშოთ- კიბერუსაფრთხოების ექსპერტების რჩევა>>>

კიბერთაღლითები თანხის მითვისების რამდენიმე სქემას იყენებენ. კიბერანალიტიკოსები მოქალაქეებს აფრთხილებენ, საბანკო ოპერაციებისას არ გამოიყენონ ინტერნეტის ღია არხები.

საქართველო კიბერთაღლითების სამიზნე მას შემდეგ გახდა, რაც ქვეყანამ დისტანციური არხების განვითარება დაიწყო.

თაღლითები იყენებენ სატელეფონო ქსელებსაც. კომპანია MagtiСom-მა აბონენტები უკვე გააფრთხილა, რომ არაკეთილსინდისიერი პირები რამდენიმე სქემით მოქმედებენ. მომხმარებლები შეტყობინებას იღებენ ვებ–გვერდის მითითებით, სადაც გადასვლის შემდგომ საბანკო მონაცემების შეყვანას სთხოვენ. აბონენტებთან ფიქსირდება გამოტოვებული საერთაშორისო ზარებიც. გადარეკვის შემთხვევაში კი ანგარიშიდან თანხა იჭრება.

სპეციალისტები აღნიშნავენ, რომ კორონავირუსის პანდემიის ფონზე კიბერთაღლითობის ფაქტები შეიძლება კიდევ უფრო გაიზარდოს, რამდენადაც ნაღდი ფული პლასტიკურმა ბარათებმა ჩაანაცვლა, სავაჭრო ობიექტები კი ონლაინ-მაღაზიებმა.

83
მომხმარებელი კომპიუტერთან

ჯანდაცვის სამინისტრო დახმარების მისაღებად რეგისტრაციისას შეფერხების გამო ბოდიშს იხდის

58
რეგისტრაციის ვებგვერდი დილიდან შეფერხებით მუშაობდა, შუადღისთვის კი საერთოდ გაითიშა. როგორც უწყებაში განმარტავენ, ფულადი დახმარების სწრაფად მიღების მსურველი ძალიან ბევრია

თბილისი, 15 აგვისტო  — Sputnik. საქართველოში 17 წლის ჩათვლით ბავშვებისთვის 200-ლარიანი დახმარების მიღების მსურველებმა სპეციალურ პორტალზე რეგისტრაცია ვერ მოახერხეს - მშობელთა გაზრდილი ნაკადის გამო პლატფორმის მუშაობა შეფერხდა, იუწყებიან ჯანდაცვის სამინისტროში.

საქართველოს პრემიერ-მინისტრმა გიორგი გახარიამ 6 აგვისტოს მთავრობის სხდომაზე მოსახლეობის დახმარების ახალი ეტაპის დაწყების შესახებ განაცხადა, რომლის ფარგლებშიც 18 წელს ქვემოთ ასაკის ყველა მოზარდი სახელმწიფოსგან 200 ლარის ფარგლებში ერთჯერად დახმარებას მიიღებს. გახარიას თქმით, დღეისათვის საქართველოში 18 წლამდე ასაკის დაახლოებით 880 ათასი მოზარდია. შაბათს ვებგვერდზე daxmareba.moh.gov.ge დაიწყო რეგისტრაცია დახმარების მისაღებად. თუმცა რეგისტრაციის გავლის მსურველები პრობლემას გადააწყდნენ - ვებგვერდი არ მუშაობდა.

„ხარვეზი პორტალზე ბევრი ადამიანის ერთდროულად დარეგისტრირებითაა განპირობებული“, - განმარტეს ჯანდაცვის სამინისტროში და ბოდიში მოიხადეს.

ამავე დროს უწყებამ დაამშვიდა მშობლები და განმარტა, რომ რეგისტრაცია 1 დეკემბრამდე გაგრძელდება და დახმარების მიღებას ყველა მსურველი მოასწრებს.

მშობელმა ელექტრონულ პორტალზე შემდეგი სახის ინფორმაცია უნდა განათავსოს:

  • ბავშვის სახელი, გვარი, დაბადების თარიღი, პირადი ნომერი
  • მშობლის/კანონიერი წარმომადგენლის სახელი, გვარი, პირადი ნომერი
  • მშობლის/კანონიერი წარმომადგენლის სახელზე კომერციულ საბანკო დაწესებულებაში გახსნილი საბანკო ანგარიშის რეკვიზიტები (ბანკის ანგარიშის ნომერი)
  • საკონტაქტო მობილური, რომელზეც მოკლე ტექსტური შეტყობინებები გაიგზავნება.

ამ ეტაპების გავლის შემდეგ სისტემა დაარეგისტრირებს განაცხადს. ერთ ბავშვზე დახმარების ოდენობა 200 ლარს შეადგენს.

58
თემები:
სოციალური სფერო საქართველოში
მაგიდა კაფეში

იმნაძე მოსახლეობას აფრთხილებს: რა ხდება ქობულეთში

80
(განახლებულია 17:18 15.08.2020)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია

თბილისი, 15 აგვისტო - Sputnik. ყველა იმ მოქალაქემ, რომლებიც ქობულეთში, კაფე „ჰავანაში“ 9, 10 და 11 აგვისტოს იმყოფებოდნენ,  სიმპტომების გამოჩენისთანავე ცხელების ცენტრებს უნდა მიმართოს, განაცხადა დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ.

დღეს საქართველოში ახალი კორონავირუსით დაავადებულთა რაოდენობა ბოლო დღე-ღამეში 15-ით გაიზარდა და 1321-ს მიაღწია. დღეს გავრცელდა ინფორმაცია, რომ ერთ-ერთი ინფიცირებულია ქალი, რომელიც ქობულეთში, კაფე „ჰავანაში“ მუშაობს.

„ეს ქალბატონი თბილისიდან ქობულეთში სამუშაოდ არის ჩასული. ის ქობულეთში კაფე „ჰავანაში“ მუშაობდა. აქ მომუშავე პერსონალი, ყველა, ვინც კონტაქტში იყო ამ თანამშრომელთან, ყველა მოკვლეულია და იზოლაციაშია გადაყვანილი. მათ გამოიკვლევენ, მაგრამ მინდა, მაქსიმალურად გავაფრთხილო ისინი, ვინც 9, 10 და 11 აგვისტოს ამ კაფეში იმყოფებოდა, რომ ფრთხილად იყვნენ და თუ ოდნავ მაინც გამოუვლინდებათ სიმპტომები, აუცილებლად მიმართონ ცხელების ცენტრებს“, – განაცხადა  იმნაძემ.

რაც შეეხება დანარჩენ შემთხვევებს, იმნაძის თქმით, ცხრა ინფიცირებული იმყოფებოდა მესტიაში, ერთი - ყაზბეგში ინფიცირებულის ოჯახის წევრია, სამი - ადრე დადასტურებული შემთხვევის კონტაქტია, ხოლო ერთი - სომხეთიდან ჩამოსული მძღოლია.

ამ დროისათვის გამოჯანმრთელებულია 1088 ადამიანი, გარდაცვლილია – 17, კარანტინის რეჟიმში იმყოფება 7597, ხოლო სტაციონარებში ექიმების დაკვირვების ქვეშ 261 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

80
თემები:
COVID-19 საქართველოში