Директор инфекционной больницы Тенгиз Церцвадзе

COVID-19: ჯანმომ საქართველოს კვლევაში მონაწილეობა შესთავაზა

163
ნებისმიერი კვლევა ძალიან საპასუხისმგებლოა და როგორც წესი, მას ანდობენ იმ ქვეყნებსა და მკვლევართა იმ ჯგუფს, რომელსაც სპეციალისტების წრეში მაღალი ნდობა აქვს, აცხადებს თენგიზ ცერცვაძე

თბილისი, 6 მაისი — Sputnik. საქართველო კორონავირუსის მკურნალობისთვის საუკეთესო მედიკამენტის გამოსავლენად საერთაშორისო კვლევაში ჩაერთვება, იუწყება ტელეკომპანია Imedi.

თბილისის ინფექციური საავადმყოფოს დირექტორმა თენგიზ ცერცვაძემ განაცხადა, რომ ნებისმიერი კვლევა ძალიან საპასუხისმგებლოა და როგორც წესი, მას ანდობენ იმ ქვეყნებსა და მკვლევართა იმ ჯგუფს, რომელსაც სპეციალისტების წრეში მაღალი ნდობა აქვს.

„თავისთავად ის, რომ არა რომელიმე კონკრეტულად ერთმა ქვეყანამ ან ერთმა უნივერისტეტმა შესთავაზა საქართველოს კვლევაში მონაწილეობა, არამედ ჯანდაცვის მსოფლიო ორგანიზაციამ, ეს თავისთავად სერიოზულია. კონკრეტულად ეს ნიშნავს იმას, რომ ჩვენი ქვეყნის პაციენტები შეუზღუდავად მიიღებენ იმ მედიკამენტებს, რომელიც დღეისთვის მსოფლიო ექსპერტებმა შეარჩიეს, როგორც ყველაზე უფრო იმედისმომცემი, მათ შორის არის „რემდესივირი“, რომელსაც ამის გარეშე კიდევ კარგა ხანს ვერ მიიღებენ ქვეყნები“, - განაცხადა ცერცვაძემ.

მისივე განმარტებით, გარდა იმისა, რომ მათ წვდომა ექნებათ ამ მედიკამენტებზე, თითოეული ეს კვლევა უზრუნველყოფილი იქნება მკაცრი პროტოკოლებით. თითოეულ პაციენტს ჩაუტარდება ყველა მაღალტექნოლოგიური კვლევები. იქნება მჭიდრო მონიტორინგი, რაც უზრუნველყოფს მათ აბსოლუტურ უსაფრთხოებას.

საქართველოსა და სხვა ქვეყნებში კორონავირუსის საწინააღმდეგოდ იყენებენ პრეპარატ „პლაქვენილს“. თენგიზ ცერცვაძის თქმით, ვიდრე „აშშ-ის სურსათისა და წამლის ადმინისტრაცია“ ოფიციალურად მიიჩნევს, რომ ეს მედიკამენტი უნდა იყოს პროტოკოლში, ის დარჩება პროტოკოლში. როგორც კი იქნება რაიმე ახალი მედიკამენტის შესახებ მტკიცებულებები, რომ ის ამას ჯობია, ჩვენ მომენტალურად ამას გამოვეხმაურებით და შევცვლით“. თენგიზ ცერცვაძემ რამდენიმე დღის წინ ასევე განაცხადა, რომ საქართველოში ასევე წარმატებით გამოიყენება პრეპარატი „ტოცილიზუმაბი“, გამოიყენება პროტეაზას ინჰიბიტორები (პრეპარატები „ლოპინავირი“, „რიტონავირი“, „დარუნავირი“ და „კობიცისტატი“).

საქართველოში კორონავირუსი 610 ადამიანს დაუდგინდა. გამოჯანმრთელდა 269 ადამიანი, გარდაიცვალა – 9, კარანტინის რეჟიმში იმყოფება 5133, ხოლო სტაციონარებში დაკვირვების ქვეშ 523 პაციენტია.

163
თემები:
COVID-19 საქართველოში (1189)
გამვლელები თბილისში

ბრძოლა კორონავირუსთან: საქართველოს მოქალაქეები მთავრობის მუშაობით კმაყოფილები არიან

170
(განახლებულია 20:53 11.07.2020)
მოსახლეობის დიდი ნაწილი მიიჩნევს, რომ ახალი კორონავირუსის გავრცელების კონტროლ ქვეშ მოქცევა შესაძლებელია

თბილისი, 11 ივლისი – Sputnik. საქართველოს მოსახლეობა კმაყოფილია კორონავირუსის გავრცელებასთან ბრძოლისას მთავრობის მიერ მიღებული ზომებით, ნათქვამია Gallup International-ის კვლევაში, რომელიც ტელეარხ Imedi-ს ეთერში წარმოადგინეს.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი >>

Gallup-ის დაკვეთით საქართველოში კვლევა ჩაატარა ქართულმა კომპანია „გორბიმ“, რომელმაც 7-12 ივნისს დაახლოებით 1000 რესპონდენტი ტელეფონით გამოკითხა. ამ გამოკითხვის ცდომილებაა +/-2,5%.

გამოკითხვის მიხედვით, საქართველოში გამოკითხულთა 95% მიიჩნევს, რომ კორონავირუსის პანდემია კონტროლს ექვემდებარება და 17 ქვეყანაში ეს ყველაზე მაღალი მაჩვენებელია. ამ მაჩვენებლით მეორე ადგილზეა ბულგარეთი, სადაც ამაში დარწმუნებულია მოსახლეობის 72%.

ასევე, საქართველომ და მალაიზიამ გაიყვეს მოწინავე პოზიცია იმ ქვეყნების ჩამონათვალში, რომელთა მოსახლეობა დარწმუნებულია, რომ მათი ხელისუფლება კარგად უმკლავდება კორონავირუსის პანდემიას - გამოკითხულთა 94%. ამ გამოკითხვაში მეორე ადგილზეა კორეის მოსახლეობა, რომელთა 84% მთავრობის მუშაობას დადებით აფასებს.

თუმცა, საქართველოში საკმაოდ ბევრია იმ ადამიანთა რაოდენობა, რომლებიც პანდემიის ეკონომიკურმა შედეგებმა დააზარალა. იმის შესახებ, რომ პანდემიის გამო შეუმცირდათ შემოსავლები, გამოკითხულთა 74%-მა განაცხადა. ამ მაჩვენებლით საქართველო მეეექვსე ადგილზე აღმოჩნდა. ამ კუთხით ყველაზე უარესი მდგომარეობაა ინდოეთში, ფილიპინებზე, პაკისტანში, მალაიზიაში და ყაზახეთში.

თუმცა გამოკითხულთა 63% დარწმუნებულია, რომ წლის ბოლომდე ყველაფერი მოგვარდება და ეს ყაზახეთის შემდეგ მსოფლიოში მეორე მაჩვენებელია.

კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა. ამ დროისათვის სულ 981 შემთხვევა დადასტურდა.

პანდემიის პერიოდში საქართველოში 846 ადამიანი გამოჯანმრთელდა, გარდაიცვალა 15 პაციენტი.

170
თემები:
COVID-19 საქართველოში (1189)
კასპის ცემენტის ქარხანა

„ჩვენი ქალაქი გვკლავს“ - კასპში საპროტესტო აქცია გაიმართა

266
(განახლებულია 16:18 11.07.2020)
პარასკევს „ჰაიდელბერგცემენტ ჯორჯიასა“ და კასპის მუნიციპალიტეტს შორის ურთიერთთანამშრომლობის მემორანდუმი გაფორმდა

თბილისი, 11 ივლისი - Sputnik. ქალაქ კასპში, ცემენტის ქარხანასთან საპროტესტო აქცია გაიმართა, იუწყება საზოგადოებრივი მაუწყებლის პირველი არხი.

ფარნავაზის ქუჩის მცხოვრებლები აცხადებენ, რომ „ჰაიდელბერგცემენტ ჯორჯიას“ ქარხანაში მოუწესრიგებელია ფილტრები. აქციის მონაწილეების თქმით, ცემენტით დატვირთული მძიმე ტექნიკა ალტერნატიული გზით არ სარგებლობს და მათ ქუჩაზე გადაადგილდება. ეს კი, მათი თქმით, მათ ჯანმრთელობას საფრთხეს უქმნის.

ადგილობრივები ადმინისტრაციასა და ხელისუფლებას ერთთვიან ვადას აძლევენ პრობლემის მოსაგვარებლად. წინააღმდეგ შემთხვევაში კი აცხადებენ, რომ პროტესტის უკიდურეს ზომას მიმართავენ და ცენტრალურ გზას გადაკეტავენ.

„ჰაიდელბერგ ცემენტის“ ქარხანაში საპასუხო კომენტარს არ აკეთებენ.

ამასთან, გუშინ „ჰაიდელბერგცემენტ ჯორჯიასა“ და კასპის მუნიციპალიტეტს შორის ურთიერთთანამშრომლობის მემორანდუმი გაფორმდა.

მემორანდუმის ფარგლებში ქარხანამ შემოვლითი გზის მოწყობა უნდა დაასრულოს, რის შემდეგაც კომპანიის კუთვნილი სატვირთო მანქანები ფარნავაზის ქუჩის დასახლებული მონაკვეთის ნაცვლად ისარგებლებენ ალტერნატიული გზით.

ფარნავაზის ქუჩას, რომლითაც აქამდე ქარხანასთან მისასვლელი გზა იყო და დაზიანებულია, კომპანიისა და მერიის ერთობლივი ფინანსური ჩართულობით რეაბილიტაცია ჩაუტარდება. ასევე იგეგმება ბეტონის გზის მოწყობა კასპის ცემენტის ქარხნიდან კავთისხევი-კასპის მიმართულებით ე.წ. კარიერის დასახლებამდე.

კომპანია HeidelbergCement-ის განახლებული თანამედროვე ცემენტის ქარხანა კასპში გასულ წელს გაიხსნა. კომპანიამ  საქართველოში მუშაობა 2006 წელს დაიწყო. დღეისათვის ის ფლობს კასპის ცემენტის ქარხანას, რუსთავის ორ ცემენტის ქარხანას, ასევე ფოთში ცემენტის წისქვილს და ცემენტის ტერმინალს სუფსაში. ის საქართველოში კლინკერის ერთადერთი მწარმოებელია.

266
თემები:
გარემოს დაცვა და ეკოლოგია
ეთერ თუთბერიძე

თუთბერიძე საუკეთესოა! ქართველი სპეციალისტი მსოფლიოში უძლიერეს მწვრთნელად აღიარეს

0
რუსეთში მოღვაწე ქართველმა სპეციალისტმა გაუსწრო ბევრ მწვრთნელს, რომლებმაც სახელოვანი სპორტსმენები აღზარდეს

თბილისი, 11 ივლისი – Sputnik. მოციგურავეთა საერთაშორისო კავშირმა (ISU) ფიგურულ ციგურაობაში დამსახურებული მწვრთნელი ეთერ თუთბერიძე მსოფლიოში უძლიერეს მწვრთნელად აღიარა, იუწყება РИА Новости.

ოთხმაგი სალხოვი: თუთბერიძის 13 წლის მოსწავლემ ურთულესი ნახტომი შეასრულა >>

ქართველმა Skating Awards-ს პრემიის „საუკეთესო მწვრთნელის“ ნომინაციაში გაიმარჯვა. დაჯილდოების პირველი ცერემონია ონლაინ-რეჟიმში მიმდინარეობს.

ეთერ თუთბერიძემ აჯობა ამერიკელ სპეციალისტ რაფაელ არუთინიანს, რომელიც მსოფლიოს ორგზის ჩემპიონ ნატან ჩენს წვრთნის, და კანადელ ბრაიან ორსერს, რომელიც ორგზის ოლიმპიურ ჩემპიონს, იაპონელ იუძურუ ჰანიუს და მსოფლიოს ორგზის ჩემპიონ ევგენია მედვედევას ავარჯიშებს, რომელმაც თავის ყველა მნიშვნელოვან გამარჯვებას თუთბერიძის ხელმძღვანელობით მიაღწია.

მწვრთნელი მუშაობს 2018 წლის ოლიმპიურ ჩემპიონ ალინა ზაგიტოვასთან, 2020 წლის ევროპის ჩემპიონ ანა კოსტორნაიასთან, რუსეთის ორგზის ჩემპიონ ანა შჩერბაკოვასთან, იუნიორთა შორის რუსეთის ორგზის ჩემპიონ დანიილ სამსონოვთან. სპეციალისტმა ასევე იუნიორთა შორის მსოფლიოს ჩემპიონატის ორ უმაღლეს ჯილდომდე ალექსანდრა ტრუსოვა მიიყვანა.

კოსტორნაიამ თავის ვიდეომიმართვაში თუთბერიძეს თავისი საქმის მსოფლიოში საუკეთესო სპეციალისტი უწოდა.

„ეთერი თუთბერიძე ძალიან მომთხოვნია, ის გვეხმარება მივაღწიოთ მაღალ შედეგებს შეჯიბრებებზე“, - აღნიშნა ანა შჩერბაკოვამ.

0
თემები:
სპორტის ამბები