მეტრო

EBRD თბილისის მეტროს რეაბილიტაციას 75 მილიონი ევროთი დააფინანსებს

93
(განახლებულია 15:58 01.05.2020)
სესხით გათვალისწინებულია თანამედროვე ტიპის 40 ვაგონის შეძენა და ასევე მეტროს სადგურებისა და გვირაბების აღდგენა.

თბილისი, 1 მაისი — Sputnik. ევროპის განვითარებისა და რეკონსტრუქციის ბანკი (EBRD) თბილისის მეტროპოლიტენის რეაბილიტაციისთვის 75 მლნ ევროს ოდენობით სესხს გამოყოფს, ნათქვამია ბანკის განცხადებაში. 

როგორც განცხადებაშია აღნიშნული, მეტროს რეაბილიტაცია და ახალი მოძრავი შემადგენლობები გააუმჯობესებს საზოგადოებრივი ტრანსპორტის საიმედოობას, უსაფრთხოებასა და ეფექტურობას და მგზავრებს კომფორტული და ეკოლოგიურად უსაფრთხო ტრანსპორტით უზრუნველყოფს. სესხით გათვალისწინებულია თანამედროვე ტიპის 40 ვაგონის შეძენა და ასევე მეტროს სადგურებისა და გვირაბების აღდგენა.

სესხი ორ ტრანშად იქნება წარმოდგენილი და იგი EBRD-ს და "მწვანე კლიმატის ფონდის" (GCF) თანადაფინანსებით განხორციელდება (65 მლნ – EBRD, 10 მლნ – GCF).

„მეტროპოლიტენის რეაბილიტაცია და ახალი მოძრავი შემადგენლობები გააუმჯობესებს საზოგადოებრივი ტრანსპორტის საიმედოობას და ამასთან მგზავრებს კომფორტული და ეკოლოგიურად უსაფრთხო ტრანსპორტით უზრუნველყოფს. თბილისში თითქმის 1,2 მილიონი ადამიანი ცხოვრობს და პიკის საათებში მოძრაობა გადატვირთულია. განახლებული მეტრო ხელს შეუწყობს კერძოდან საზოგადოებრივი ტრანსპორტის გამოყენებაზე გადართვას, რაც უზრუნველყოფს ჰაერის დაბინძურების საგრძნობ შემცირებას”, - ნათქვამია EBRD-ს განცხადებაში.

EBRD წამყვანი ინსტიტუციური ინვესტორია საქართველოში. ქვეყანაში ოპერირების დაწყების მომენტიდან ბანკმა 249 ფინანსურ, კორპორაციულ და ენერგეტიკულ პროექტში 3,7 მილიარდი ევროს ინვესტიცია განახორციელა. ინვესტიციების 87% კერძო სექტორზე მოდის.

ამჟამად თბილისის მეტროპოლიტენი ორ ხაზზე – ახმეტელი-ვარკეთილისა და საბურთალოს ხაზებზე 23 სადგურს ითვლის. ხაზის საერთო სიგრძეა 57 კილომეტრი (პირველი ხაზი - 40 კმ და მეორე - 17 კმ).

93
თემები:
თბილისი დღეს (1624)
გიორგი გახარია

გიორგი გახარია „ფეიკ–ნიუსების“ სამიზნე თუ თანამდებობიდან გადადგომის რეალური კანდიდატი?

2
(განახლებულია 14:06 04.06.2020)
იუსტიციის მინისტრმა თეა წულუკიანმა პრემიერ–მინისტრისა და სხვა მინისტრების თანამდებობიდან შესაძლო გადადგომის შესახებ გავრცელებული ინფორმაცია უარყო

თბილისი, 4 ივნისი – Sputnik.  ეს მცდარი ინფორმაცია, ე.წ. ფეიკ–ნიუსია, არავინ არსად არ მიდის, ბატონი გახარია არის პრემიერ–მინისტრი, რომელიც ჩვენს გუნდს არჩევნებზე საბოლოო გამარჯვებამდე მიგვიყვანს, განაცხადა საქართველოს იუსტიციის მინისტრმა თეა წულუკიანმა მთავრობის ადმინისტრაციაში გამართულ ბრიფინგზე.

მან პრემიერ–მინისტრის შესაძლო გადადგომის თაობაზე გავრცელებულ ინფორმაციასთან დაკავშირებით კომენტარი გააკეთა.

წულუკიანის სიტყვებით, ყველა მინისტრი თავის ადგილზე რჩება და სამთავრობო გუნდი დეზინფორმაციის პირველწყაროს წინააღმდეგ ბრძოლას დაიწყებს. 

 „ეს იქნება გუნდი, რომელიც არამარტო პანდემიაზე გაიმარჯვებს, ქვეყანას მოუტანს არამარტო უვიზო რეჟიმს, არამედ დიდ ევროინტეგრაციამდე მიიყვანს. ეს იქნება ასევე სახელისუფლებო გუნდი, მთავრობა, პარლამენტი, რომელიც დემოკრატიული არჩევნებით კვლავ გაიმარჯვებს იმ სერიოზულ პრობლემაზე, რომელსაც „ფეიკ–ნიუსების“ შემქმნელი ოპოზიცია და მათი მასმედია“, – განაცხადა წულუკიანმა.

იუსტიციის მინისტრმა ასევე უარყო გავრცელებული ხმები  პარლამენტის სპიკერის ან საკონსიტუტციო სასამართლოს თავმჯდომარის პოსტზე მისი შესაძლო დანიშვნის შესახებ.

უკვე რამდენიმე დღეა ქართულ მედიასაშუალებებში პერმანენტულად ვრცელდება ინფორმაცია გიორგი გახარიას და მთავრობაში რამდენიმე მინისტრის თანამდებობიდან გადადგომის შესახებ.


2
სახლი, სადაც კორონავირუმა იფეთქა. საბურთალოს კლასტერი

კორონავირუსი საქართველოში: „საბურთალოს კლასტერი“ კიდევ გაიზარდა

8
(განახლებულია 15:04 04.06.2020)
კლინიკებში, სადაც კორონავირუსით ინიფიცირებულ პაციენტებს იღებენ, ამ დროისთვის 144 პაციენტს მკურნალობს

თბილისი, 4 ივნისი – Sputnik. ბოლო დღე–ღამეში გამოვლენილი კორონავირუსის ერთადერთი შემთხვევა ე.წ. საბურთალოს კლასტერს უკავშირდება, განუცხადა ჟურნალისტებს თბილისის ინფექციური საავადმყოფოს სამედიცინო დირექტორმა მარინა ეზუგბაიამ.

ამ დროისთვის ინფექციურ საავადმყოფოში კორონავირუსის დიაგნოზის მქონე 57 პაციენტი მკურნალობს.

პაციენტების ჯანმრთელობის მდგომარეობა სტაბილურია. კლინიკებში ორი მძიმე პაციენტი იმყოფება პნევმონიით.

„გამოჯანმრთელებულების რაოდენობა უკვე თითქმის სამნახევარჯერ უსწრებს ამჟამად მკურნალობაზე მყოფ პაციენტებს. გამოჯანმრთელებულების მაჩვენებელი უკვე 80 პროცენტზე მეტია“,– განაცხადა ეზუგბაიამ.

რა შეეხება თბილისის პირველ საუნივერსიტეტო კლინიკას, აქ კორონავირუსულ ინფექციაზე მხოლოდ სამი პაციენტი მკურნალობს. რეანიმაციულ განყოფილებაში ერთი ადამიანია.

ამჟამად იმ კლინიკებში, რომლებიც კორონავირუსის მქონე პაციენტებს იღებენ, 144 პაციენტი მკურნალობს ამ დიაგნოზით.

COVID-19 საქართველოში: გამოჯანმრთელებულთა რიცხვი იზრდება>>

დღეისთვის ინფიირებულთა რაოდენობამ 801–ს მიაღწია. გამოჯანმრთელდა 644 ადამიანი, გარდაიცვალა – 13. კარანტინში რჩება 2424 ადამიანი, ხოლო სტაციონარებში – 304.

კორონავირუსის პირველი შემთხვევა საქართველოში 26 თებერვალს დაფიქსირდა.

8
თემები:
COVID-19 საქართველოში