ფინანსთა სამინისტრო

როგორ მიიღებენ დახმარებას თვითდასაქმებულები: რა უნდა ვიცოდეთ

1443
რა დოკუმენტები უნდა წარადგინონ თვითდასაქმებულებმა და ვის მიმართონ კომპენსაციის მისაღებად - იხილეთ „Sputnik-საქართველოს“ მასალაში

თბილისი, 28 აპრილი - Sputnik. თვითდასაქმებული მოქალაქეები მაისში უკვე შეძლებენ ერთჯერადი 300 ლარიანი დახმარების მიღებას და ამისათვის მათ კატეგორიის მიხედვით რამდენიმე პროცედურა უნდა გაიარონ, ნათქვამია ანტიკრიზისულ გეგმაში, რომელიც საქართველოს ფინანსთა სამინისტრომ წარადგინა.

ფინანსთა სამინისტრომ შეიმუშავა სპეციალური და დეტალური ინსტრუქცია ყველა იმ კატეგორიის მოქალაქის დასახმარებლად, ვისაც ეკუთვნის დახმარება საქართველოს მთავრობის მიერ გასულ კვირას წარმოდგენილი ანტიკრიზისული გეგმის შესაბამისად.

ვინ მიიჩნევა თვითდასაქმებულად

ფინანსთა სამინისტროს გადაწყვეტილებით, თვითდასაქმებულად მიიჩნევა ის პირი, რომელიც ახორციელებდა რაიმე ეკონომიკურ საქმიანობას და იღებდა შემოსავალს, გარდა იმ პირების, ვინც კონტრაქტით მუშაობდა.

თვითდასაქმებულების რეგისტრაცია სახელმწიფო დახმარების მისაღებად 21 მაისს დაიწყება >>

სამინისტრომ ისინი პირობითად ორ კატეგორიად დაყო: შემოსავლების სამსახურში ინდივიდუალურად დარეგისტრირებული პირები და ის პირები, რომელთა ეკონომიკური აქტივობა ოფიციალურად არსად არ ფიქსირდება.

ბოლო მონაცემებით, პირველ კატეგორიაში მოხვდა 150 ათასამდე ადამიანი, მეორე კატეგორიაში მოხვედრილი ადამიანების რაოდენობა უცნობია.

ვინ შევიდა პირველ კატეგორიაში

ის პირები, რომელთა მიერ გახორციელებული ეკონომიკური საქმიანობა იბეგრება, კუთვნილი 300 ლარის მიღებას იმ შემთხვევაში შეძლებენ, თუ მათ 2020 წლის პირველ კვარტალში საშემოსავლო გადასახადის დეკლარაცია შეავსეს და გადასახადები გადაიხადეს.

უფრო მარტივად არის საქმე მიკრობიზნესის შემთხვევაში, რომელიც რეგისტრირებულია შემოსავლების სამსახურში.

ინდმეწარმეების შემთხვევაში საკმარისი იქნება 2020 წლის პირველ კვარტალში წარდგენილი საშემოსავლო გადასახადის წლიური დეკლარაცია, ან საკონტროლო სალარო აპარატით დაფიქსირებული ბრუნვა.

მცირე ბიზნესის შემთხვევაშიც საკმარისი იქნება პირველ კვარტალში შევსებული საშემოსავლო გადასახადის დეკლარაცია ან სალარო აპარატის ბრუნვა.

ბაზრის მოვაჭრეებისთვის ასევე საკმარისი იქნება პირველ კვარტალში შევსებული საშემოსავლო გადასახადის დეკლარაცია ან სალარო აპარატის ბრუნვა, თუმცა შემოსავლების სამსახურში მათი საქმიანობის დადასტურება ბაზრის დირექციასაც შეუძლია.

როგორ მივიღოთ 300 ლარი

კომპენსაციის მიღების მსურველმა უნდა შეავსოს ელექტრონული განაცხადი სოციალური დაცვის სამინისტროს ვებგვერდზე.

განაცხადში უნდა იყოს მითითებული სახელი, გვარი და პირადი ნომერი, საკონტაქტო მონაცემები, საბანკო რეკვიზიტები, საგანგებო მდგომარეობის გამოცხადებამდე შემოსავლის წყაროს შესახებ ინფორმაცია და შემოსავლის დამადასტურებელი დოკუმენტები.

იმათთვის, ვინც არ არის რეგისტრირებული შემოსავლების სამსახურის ბაზაში, ეს შეიძლება იყოს საბანკო ამონაწერი, ადგილობრივი ხელისუფლების მიერ გაცემული ცნობა, ნებართვა ან ლიცენზია, ანდა იურიდიული პირის მიერ გაცემული დოკუმენტი, რომელიც ადასტურებს შემოსავალს ან ეკონომიკურ საქმიანობას.

დოკუმენტების შესახებ დეტალური ინფორმაცია შეგიძლიათ შეიტყოთ შემოსავლების სამსახურის ცხელ ხაზზე - 032 299 299.

ის, ვინც რეგისტრირებული შემოსავლების სამსახურში, თავის კუთვნილ კომპენსაციას 10 სამუშაო დღეში, მის მიერ წარდგენილი ინფორმაციის შემოწმების შემდეგ მიიღებს.

საქართველოში პანდემიისგან დაზარალებულ კომპანიებს EBRD დაეხმარება >>

ხოლო არარეგისტრირებულ პირებს მოუწევთ ლოდინი, სანამ დასაქმების ხელშეწყობის სააგენტო სამუშაო ჯგუფთან ერთად შეამოწმებს ყველა მონაცემებს და ორი კვირის შემდეგ უწყებათაშორისი კომისიას თავის დასკვნას წარუდგენს.

კომისიის მიერ დამტკიცების შემდეგ ეს ადამიანები თავის კუთვნილ თანხას 10 სამუშაო დღის განმავლობაში მიიღებენ.

1443
თემები:
COVID-19 საქართველოში (1413)
ბლოკპოსტი ლენჯერში

Covid-19 სვანეთში: რა ვითარებაა მესტიის მუნიციპალიტეტში

227
(განახლებულია 23:24 14.08.2020)
დაავადებათა კონტროლისა და  საზოგადოებრივი ჯანმრთელობის ეროვნული ცენტრი სვანეთში 4 ათასამდე მცხოვრების ტესტირებას გეგმავს

თბილისი, 14 აგვისტო - Sputnik. სვანეთში ეპიდსიტუაცია კონტროლს ექვემდებარება და სიტუაცია აღარ გაუარესდება,  განაცხადა რეგიონულ საკითხებში პრემიერ-მინისტრის მრჩეველმა სოზარ სუბარმა.

რამდენიმე დღის წინ სვანეთში, კერძოდ, მესტიის მუნიციპალიტეტში კორონავირუსით ინფიცირების 17 შემთხვევა დაფიქსირდა, ყველა შემთხვევა უკავშირდებოდა სოფელ ლენჯერს. ამის შემდეგ საქართველოს მთავრობამ მესტიაში საკარანტინო შეზღუდვების დაწესების გადაწყვეტილება მიიღო და ახალი ინფიცირებულების გამოსავლენად რეგიონში ეპიდემიოლოგები გაგზავნა.

როგორც სუბარმა განაცხადა, მესტიის მუნიციპალიტეტში ძალიან სწრაფად იქნა მიღებული ეფექტური და გადამჭრელი ზომები.

„ბოლო სამი დღის განმავლობაში იყო სამი საქმე, რომელიც ძალიან საყურადღებოა – ორი გუშინ და ერთი გუშინწინ. ეს შემთხვევები ლენჯერს გასცდა და მესტიაში მოხდა მათი იდენტიფიცირება. თუმცა ყველა კონტაქტის დადგენა და ყველა პირის გამოკვლევა მოხდა“,- განაცხადა პრემიერის მრჩეველმა.

მისი თქმით, დაბა მესტიაში არ უნდა დარჩეს არცერთი ადამიანი, რომლის ტესტირება არ მოხდება.

„ვფიქრობ, რომ მალე მოხდება ამ აფეთქების ლოკალიზება. საბოლოოდ, დღევანდელი და ხვალინდელი პასუხები იქნება ძალიან მნიშვნელოვანი, ამის შემდეგ შეგვეძლება სრული სურათის შექმნა“, - განაცხადა სუბარმა.

სოზარ სუბარმა ასევე ისაუბრა სურსათით მომარაგების თემაზე მესტიაში. მისი თქმით, სურსათის დეფიციტი მუნიციპალიტეტში არ შექმნილა.

„მსგავსი პრობლემა არ არსებობს და თუ არსებობს, თუ რომელიმე პროდუქტზე გაჩნდა მოთხოვნა, ეს არის საათების თემა, რომელშიც ეს მოგვარდება. უშუალოდ სოფლის მეურნეობის მინისტრის მოადგილე სოლომონ პავლიაშვილი ხელმძღვანელობს, ჩართულია საქმეში. მესტიაში პროდუქტებით მომარაგების პრობლემა არ არსებობს. მაგალითად, დღეს დაიწერა, რომ სოფელ ბეჩოში არის პროდუქტების ნაკლებობა. ზუსტად 15 წუთში ჩამიყარეს იმავე სოფლიდან, ბეჩოდან მაღაზიის სურათები, სადაც მსგავსი პრობლემა არ არსებობს. შეიძლება, რამე ერთ კონკრეტულ პროდუქტზე გაჩნდეს სადმე პრობლემა, მაგრამ ეს დისკომფორტს ნამდვილად არ შექმნის“, – განაცხადა სოზარ სუბარმა.

დღეს საქართველოში კორონავირუსის 23 ახალი შემთხვევა დადასტურდა, აქედან 6 უკავშირდება მესტიის მუნიციპალიტეტს. დღეისათვის სვანეთში კორონავირუსის უკვე 38 შემთხვევა გამოვლინდა.

დაავადებათა კონტროლის ეროვნული  ცენტრი სვანეთში 4 ათასამდე მცხოვრების ტესტირებას გეგმავს. მესტიის მუნიციპალიტეტის საავადმყოფოს სწრაფი PCR-ტესტის აპარატი გადაეცა.

კორონავირუსის ახალი შემთხვევები და ინფიცირების წყაროები >>

მესტიის მუნიციპალიტეტის მოსახლეობა, 2018 წლის 1 იანვრის მონაცემებით, 9 511 ადამიანს შეადგენდა. მუნიციპალიტეტში 132 დასახლებული პუნქტია, მათ შორის ქალაქის ტიპის ერთი დასახლება – მესტია.

საქართველოში, ბოლო მონაცემებით, კორონავირუსის 1306 შემთხვევა გამოვლინდა. გამოჯანმრთელდა 1085, გარდაიცვალა – 17, კარანტინში იმყოფება 7597 ადამიანი, ხოლო სტაციონარებში ექიმების დაკვირვების ქვეშ 261 პაციენტია.

227
თემები:
COVID-19 საქართველოში (1413)
სოფო ნიჟარაძე

„გაგაფრთხილე, ნუ მკოცნი ტუჩებში“ - რა მოხდა სოფო ნიჟარაძესა და გიორგი ვარდოსანიძეს შორის?

4779
(განახლებულია 14:58 31.07.2020)
სოციალურ ქსელში ვრცელდება ვიდეო, სადაც მომღერალი სოფო ნიჟარაძე და მსახიობი გიორგი ვარდოსანიძე ჩხუბობენ. ნახეთ, რა მოხდა წყვილს შორის.

სოციალურ ქსელში ვრცელდება ვიდეო, რომელიც მუსიკისა და დრამის თეატრში სპექტაკლის მიმდინარეობისას არის გადაღებული, თუმცა მნახველს უჭირს იმის გარჩევა, სოფო ნიჟარაძემ და გიორგი ვარდოსანიძემ სერიოზულად იჩხუბეს, თუ ეს სპექტაკლის ნაწილია.

ზურაბ ანტონოვის პიესაში „მზის დაბნელება საქართველოში“ მთავარ როლს სოფო ნიჟარაძე ასრულებს, რომელიც ცოტა ხნის წინ გარკვეული პერიოდით მიუზიკლში მომღერალმა ლიზა ყენიამ ჩაანაცვლა. პიესა „მზის დაბნელება საქართველოში“ საფუძვლად დაედო სპექტაკლს „შეყრა“, რომელიც მუსიკისა და დრამის თეატრის რეპერტუარში განსაკუთრებულ ადგილს იკავებს.

სოფოს პატრნიორობას სპექტაკლში მსახიობი გიორგი ვარდოსანიძე უწევს. სოციალურ ქსელში გავრცელებულ ვიდეოში ინტიმური სცენაა ასახული, სადაც ვარდოსანიძე სოფოს კოცნის, ეს უკანასკნელი კი მას ურჩევს, რეპეტიციაზე აღარ აკოცოს და სილას აწნის. სოციალური ქსელის მომხმარებლები ირწმუნებიან, რომ სცენა სპექტაკლის ნაწილია, თუმცა მომხმარებლების ნაწილს ამის დაჯერება უჭირს.

4779
თემები:
სელებრითების ცხოვრება
ნახევარმთვარე

მთვარის კალენდარი: 15 აგვისტო რისი გაკეთება შეიძლება და რისი არა

0
(განახლებულია 14:35 13.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 15 აგვისტო, შაბათი. ამ დღეს სატურნი მართავს. კლებადი მთვარე კირჩხიბის ნიშანშია.

კირჩხიბის დღეებში ძლიერდება რომანტიკული განწყობა, ადამიანები უფრო მგრძნობიარე, სენტიმენტალური, მეოცნებე ხდებიან. საწინააღმდეგო სქესის მიმართ იღვიძებს არა ვნება, არამედ უფრო სინაზე. ამ დღეს დაწყებული ურთიერთობები ხშირად ხანგრძლივი და მტკიცე ქორწინებით სრულდება.

რეკომენდებულია ჩვეულებრივი სამუშაოს შესრულება, მეგობრების რჩევების მოსმენა და გათვალისწინება, მარტივი საკითხების გადაჭრა, კოლეგების საქმიანობაში მონაწილეობა, ან ნეიტრალური მდგომარეობის დაკავება, სამსახურის დატოვება, თუ ეს თქვენს გეგმებში შედიოდა, ნებისყოფისა და ამტანობის გამოჩენა, სიმშვიდის შენარჩუნება, ირგვლივ განვითარებული მოვლენებისადმი ყურადღებით ყოფნა, გზაზე ყურადღების გამოჩენა.

არარეკომენდებულია პროვოკაციებზე და ცდუნებებზე აყოლა, სერიოზული გადაწყვეტილებების მიღება, ბიზნეს–საქმიანობა, მოგზაურობა.

არასასურველი დღეა მგზავრობისთვის.

თმის შეჭრა, შეღებვა: ძალზე მგრძნობიარე დღეა. ნებისმიერ პროცედურას განსაკუთრებული ყურადღება სჭირდება. არარეკომენდებულია თმის შეჭრა და შეღებვა, ასევე მანიკური.

მებაღეობა: შეიძლება სინესტის მოყვარული და დეკორატიულ–ფოთლოვანი მცენარეების დარგვა, ნაყოფიანი ხეებისა და ბუჩქების შეწამვლა, ოთახის მცენარეების მორწყვა.

რეკომენდებულია მწვანილეულისა და სამკურნალო მცენარეების გამოშრობა. შეიძლება ყველაფრის დაკრეფა, რაც დიდი ხნით არ უნდა შეინახოთ. კარგი დღეებია ზამთრის მარაგის გასაკეთებლად კომპოტებისა და კონსერვების სახით.

არასასურველია იმ მცენარეების დარგვა ან დათესვა, რომლებიც მაღალი იზრდებიან, ხილისთვისა და ბუჩქებისთვის გამხმარი ტოტების მოშორება.

0