თბილისის ცარიელი ქუჩები

კორონავირუსი და გამოწვევები, ანუ როგორ ერთობა სახლში დარჩენილი მსოფლიო

252
(განახლებულია 19:22 16.04.2020)
კორონავირუსის პანდემიამ ადამიანებში უამრავი ფარული შესაძლებლობა გამოავლინა, ხოლო სოციალური ქსელი ნამდვილ „შემოქმედებით ველად“ იქცა...

უკვე თითქმის ერთი თვეა სახლებში ვართ გამოკეტილი. მუშაობითაც კი სახლიდან ვმუშაობთ და, გარეთ გასვლის ნატვრაში, ზოგმა კულინარიის ნიჭი აღმოაჩინა, ზოგმა მშენებლობის და ზოგმა კიდევ სახლის ყველა ნივთი გადახატა ფურცელზე...

ჰოდა, ამასობაში კორონავირუსის პანდემიამ ადამიანებში უამრავი ფარული შესაძლებლობა გამოავლინა.

სახლში დარჩენილმა საზოგადოებამ ერთმანეთის გამოწვევა დაიწყო. ბოლოს კი ისე აღმოჩნდა, რომ „ჩელენჯისთვის“ დათმობილი ერთი წუთით სხვას პოზიტივს უზიარებდნენ და სახლში დარჩენისკენ მოუწოდებდნენ. გამოწვევებს ადამიანები მსოფლიოს ყველა კუთხიდან შეუერთდნენ.

გამოწვევებმა გააერთიანა ექიმები, ჟურნალისტები, პოლიტიკოსები, ბიზნესმენები, სპორტსმენები, კომპანიები, რიგითი მოქალაქეები, უამრავი ადამიანი.

სოციალურ მედიაში უკვე პოპულარული „ტუალეტის ქაღალდის ჩელენჯი“ არაერთმა ცნობილმა ფეხბურთელმა აიტაცა, მათ შორის არიან ლეო მესი, დანი ალვესი, ვინისიუსი... გამოწვევას ქართველი ფეხბურთელებიც შეუერთდნენ, კამერის წინ ტუალეტის ქაღალდს კენწლავენ და ადამიანებს სახლში დარჩენისკენ მოუწოდებენ.

ასეა, ხალხს „ციფრული დეტოქსიკაციაც“ მობეზრდა და ვარჯიში დაიწყო. იმის გამო, რომ მრავალ სხვა დაწესებულებასთან ერთად მსოფლიოს დიდ ნაწილში სავარჯიშო დარბაზებიც დროებით დაიხურა, ადამიანებს, რომელთა ყოველდღიურობის ნაწილიც იყო ვარჯიში, ჩვეული რუტინა დაერღვათ. არც ეს ვითარება აღმოჩნდა დაუძლეველი პრობლემა. სახლის პირობებშიც გამოძებნეს მრავალი კრეატიული საშუალება სასურველი ფიზიკური ფორმების შესანარჩუნებლად.

ქართველი პატარებიც არ ჩამორჩნენ ჯანსაღ გამოწვევებს.

კორონავირუსის საფრთხის გათვალისწინებით, მხატრული ტანვარჯიშის კლუბ „პირველების“ ბავშვები საყვარელ დარბაზს დაემშვიდობნენ, თუმცა კლუბის წევრები შექმნილი მძიმე ვითარების ფონზე ოპტიმიზმს არ კარგავენ და სახლში ვარჯიშის პარალელურად საინტერესო და გასართობ ვიდეოგამოწვევებს გვთავაზობენ.

პატარებმა თავდაპირველად ერთმანეთი, შემდეგ მწვრთნელები და ბოლოს ოლიმპიური ჩემპიონებიც კი გამოიწვიეს.
„პირველების“ აღსაზრდელები ამბობენ, რომ ისინი მთელი ამ დროის განმავლობაში სახლიდან ივარჯიშებენ, მეგობრებს გამოიწვევენ და ვიდეოებს ერთმანეთს გაუზიარებენ, და ამ ჟესტით ერთმანეთს გაამხნევებენ.

 

სახლში დარჩენილი ქართველები თავადაც იგონებენ ახალ გამოწვევებს. ახალგაზრდა ბიჭმა დიმიტრი ჩხეიძემ ვიდეომიმართვით პოლიტიკოსი მამუკა მდინარაძე და ჟურნალისტი ინგა გრიგოლია გამოიწვია. ახალგაზრდა მოუწოდებს საზოგადოებას, ძველი ქართული სტილით მივესალმოთ ერთმანეთს და არა ხელის ჩამორთმევით, ჩახუტებით და გადაკოცნით, რათა თავიდან ავიცილოთ ახალი კორონავირუსით დაინფიცირება.

ჟურნალისტმაც და პოლიტიკოსმაც გამოწვევა მიიღეს.

ამ ბოლო დროს მოკლე, სახალისო და კრეატიული ვიდეოგამოწვევები იმსახურებს მილიონობით ნახვასა და რეაქციას. ყველა ასაკის ადამიანისთვის მსოფლიოს მასშტაბით სოციალურ ქსელებში პლატფორმა „ტიკტოკის“ ვიდეოკონტენტი სულ უფრო პოპულარული ხდება. ვიდეოეფექტებისა და ვიდეომონტაჟის გამოყენება მომხმარებლებისთვის თვითგამოხატვის საკმაოდ აქტუალურ გზად იქცა. საზოგადოება სახალისო ვიდეოებით მოუწოდებს ერთმანეთს, თუ რატომ უნდა დარჩნენ სახლში და რა უნდა აკეთონ სახლში დარჩენილებმა.

საქართველოში სოციალური მედიის ამ პლატფორმაზე ბევრი ფიქრობს, რომ მხოლოდ თინეიჯერებისთვისაა. საზღვარგარეთ კი უამრავი წარმატებული მოდელი, მომღერალი, ჰოლივუდის მსახიობი, ბიზნესმენი იყენებს საკმაოდ გონივრულად და პროდუქტიულად.

ერთმანეთისთვის გაზიარებულმა პოზიტივმა მსოფლიოს მასშტაბით ექიმებიც აამღერა, ააცეკვა და გაახალისა. მედიკოსები საავადმყოფოში ჩაწერილ პოზიტიურ ვიდეოებს აქვეყნებენ და მოსახლეობას ეუბნებიან - „ყველაფერი კარგად იქნება, ჩვენ ვმუშაობთ თქვენთვის, დარჩით სახლში ჩვენთვის“.

ასე გვითხრეს - სახლში დარჩითო. ჩვენც, ჩვენი მხრიდან და სახლებიდან გთავაზობთ გამოწვევას: მოვიძიოთ როგორ გამოითქმის „დარჩი სახლში“ იმ ქვეყნის მეზობელი ქვეყნების ენაზე, სადაც ახლა ვიმყოფებით, რათა კიდევ ერთხელ შევახსენოთ ჩვენ მეგობრებს, რომ სახლში დარჩენა დღეს ერთმანეთზე ზრუნვაა.

რუსულად - оставайтесь дома

სომხურად - մնալ տանը

აზერბაიჯანულად - vdə qalmaq

თურქულად - evde kal

252
თბილისი

ტურისტების მოლოდინში: რა კრიტერიუმების დაკმაყოფილებას ითხოვს ესტონეთი

26
(განახლებულია 19:20 03.06.2020)
პირველი ქვეყანა, საიდანაც საქართველო ტურისტებს მიიღებს, ისრაელი იქნება. ბალტიის ქვეყნებთან ერთად, საქართველო მოლაპარაკებებს აწარმოებს ჩეხეთთან, პოლონეთთან, ავსტრიასთან და მეზობელ ქვეყნებთან.

თბილისი, 3 ივნისი - Sputnik.  საქართველო ერთ–ერთი პირველი ქვეყანა გახდება, რომელიც ბალტიის ქვეყნებიდან, მათ შორის ესტონეთიდან ტურისტებს მიიღებს, ნათქვამია საქართველოს ეკონომიკისა და მდგრადი განვითარების სამინისტროს განცხადებაში. 

საქართველოს ეკონომიკის მინისტრმა ნათია თურნავამ და ესტონეთის ეკონომიკისა და ინფრასტრუქტურის მინისტრმა ტაავი აასმა ონლაინ–კონფერენციაზე ორმხრივი ეკონომიკური, კერძოდ, ტრანსპორტისა და ტურიზმის სფეროში თანამშრომლობის საკითხები განიხილეს.

თურნავამ ესტონელ კოლეგას ინფორმაცია მიაწოდა საქართველოს 1 ივლისიდან საერთაშორისო მოგზაურების მიღების მზადყოფნასთან დაკავშირებით და მათ უსაფრთხო დასვენების პირობები შესთავაზა.

 „საქართველო ძალზე კარგად პასუხობს უსაფრთხოების ყველა ნორმას. ქვეყანა ერთ–ერთი პირველი გახდება, სადაც ტურისტები ჩამოვლენ ბალტიისპირეთის ქვეყნებიდან, მათ შორის ესტონეთიდან, ამასთან, ჩვენი მოქალაქეები შეძლებენ ესტონეთის მონახულებას. ჩვენ ძალზე აქტიური კომუნიკაცია გვაქვს ევროპის ქვეყნების მინისტრებთან, განსაკუთრებით მათთან, რომლებიც ტურიზმისა ტრანსპორტის საკითხებს კურირებენ. მათთან საუბრისას ჩვენ კიდევ ერთხელ დავაზუსტეთ, რა უნდა გაკეთდეს იმისთვის, რომ ჩვენი ქვეყნები გაიხსნას ტურისტებისა და ვიზიტორებისთვის“, – განაცხადა თურნავამ.

ესტონეთმა უკვე გამოაქვეყნა კრიტერიუმები, რომელსაც უნდა აკმაყოფილებდეს ქვეყანა, თუ იგი ესტონეთთან სატრანსპორტო და ტურისტული კონტაქტების აღდგენას გეგმავს. ესტონეთში ტურისტი ორკვირიანი კარანტინისგან თავისუფლდება, თუ იგი იმ ქვეყნიდან ჩავა, სადაც ბოლო 14 დღის განმავლობაში კორონავირუსით ინფიცირებულთა რაოდენობა 100 ათას ადამიანზე 15–ს არ გადააჭარბებს.

საქართველომ 21 მარტიდან საჰაერო მიმოსვლა ყველა მიმართულებით შეაჩერა. კორონავირუსის პანდემიასთან წარმატებული ბრძოლის წყალობით, ხელისუფლებამ 15 ივნისიდან შიდა ტურიზმის განახლება, 1 ივლისიდან კი უცხოელი ტურისტებისთვის საზღვრების გახსნის გადაწყვეტილება მიიღო. ეს ნიშნავს, რომ ამ დროისთვის ქვეყანაში აღდგენილი იქნება სახმელეთო, სარკინიგზო და ავიამიმოსვლა. 

წინასწარი ინფორმაციით, პირველი ქვეყანა, საიდანაც საქართველო ტურისტებს მიიღებს, ისრაელი იქნება. ბალტიის ქვეყნებთან ერთად, საქართველო მოლაპარაკებებს აწარმოებს ჩეხეთთან, პოლონეთთან, ავსტრიასთან და მეზობელ ქვეყნებთან.

ამ დროისთვის 20–ზე მეტმა ავიაკომპანიამ საქართველოში ფრენების განახლების სურვილი გამოთქვა.

საქართველოში ტურისტული ინდუსტრიის აღორძინების ამბიციური გეგმის რეალიზაციისთვის, რომელიც პანდემიისგან ყველაზე მეტად დაზარალდა და შემოსავლის 70% დაკარგა, ხელისუფლებამ საქართველოს, როგორც უსაფრთხო ქვეყნის პოზიციონირების გადაწყვეტილება მიიღო. საქართველოში ჩამოსული ტურისტები ე.წ. „მწვანე ზონებში“ დაისვენებენ, სადაც უზრუნველყოფილი იქნება სრული უსაფრთხოება როგორც დამსვენებლებისთვის, ისე ადგილობრივი მოსახლეობისთვის.

26
თემები:
COVID-19 საქართველოში
მატარებელი

„საქართველოს რკინიგზა“ მზადაა: ვინ და რატომ აფერხებს სარკინიგზო მიმოსვლის აღდგენას

39
(განახლებულია 18:35 03.06.2020)
მგზავრთა სარკინიგზო ტრანსპორტით გადაყვანა, კორონავირუსის გავრცელების პრევენციის მიზნით, 31 მარტს შეჩერდა.

 

თბილისი, 3 ივნისი - Sputnik.  საქალაქთაშორისო მგზავრთა გადაყვანა 8 ივნისიდან აღდგება, თუმცა, ძალაში რჩება სარკინიგზო ტრანსპორტით მგზავრთა გადაყვანაზე დაწესებული შეზღუდვა – საქართველოს მთავრობის 23 მაისის დადგენილებაში შესაბამისი ცვლილებები სამშაბათს შევიდა. 

როგორც დადგენილებაშია აღნიშნული, შეზღუდულია სარკინიგზო ტრანსპორტით მგზავრთა გადაყვანა, გარდა ოფიციალური სარკინიგზო გადაზიდვებისა, რომლის ფარგლებშიც ხორციელდება „საქართველოს რკინიგზის“ თანამშრომელთა გადაყვანა ექსპლუატაციის ადგილამდე ან პირიქით, ოპერატიულ შტაბთან შეთანხმებით.

ამასთან, „საქართველოს რკინიგზა“ მზადყოფნას გამოთქვამს მგზავრთა მომსახურებისთვის. ამ მიზნით უკვე შეძენილია სადეზინფექციო საშუალებები და უკონტაქტო თერმომეტრები. თუმცა, როდის განახლდება სარკინიგზო მიმოსვლა, ჯერჯერობით, უცნობია.

 „მოსალოდნელია, რომ ეს საკითხი უწყებათაშორისი საკოორდინაციო საბჭოს სხდომაზე გადაწყდება“, – განაცხადეს „საქართველოს რკინიგზის“ წარმომადგენლებმა ტელეკომპანია „იმედთან“. 

მგზავრთა სარკინიგზო ტრანსპორტით გადაყვანა, კორონავირუსის გავრცელების პრევენციის მიზნით, 31 მარტს შეჩერდა. 

3 ივნისისთვის საქართველოში კორონავირუსით ინფიცირებულთა რაოდენობამ 800–ს მიაღწია. გამოჯანმრთელდა 640 ადამიანი, გარდაიცვალა 13. კარანტინში იმყოფება 2424 ადამიანი, სტაციონარში მეთვალყურეობის ქვეშ – 304.   უცხოეთიდან სამშობლოში სამკურნალოს საქართველოს სამი მოქალაქეა გადმოყვანილი.

ქვეყანაში 23 მაისიდან საგანგებო მდგომარეობა და კომენდანტის საათი, რომელიც 21 მარტს ამოქმედდა, გაუქმდა. ამ დრომდე მკაცრი კარანტინი მოქმედებს თეთრიწყაროში და ბოლნისის რაიონის ორ სოფელში: მუშევანსა და გეტაში.

გარდა ამისა, მოქმედ შეზღუდვებში შედის საერთაშორისო სახმელეთო, საჰაერო და საზღვაო მიმოსვლაზე აკრძალვა, ასევე 10 კაცზე მეტის შეკრება ტრადიციულ სოციალურ ღონისძიებებზე (ქორწილი, დაკრძალვა, იუბილე და ა.შ.).

ქვეყანაში 29 მაისიდან მუშაობა განაახლა საზოგადოებრივმა ტრანსპორტმა. 1 ივლისიდან კი საერთაშორისო ავიამიმოსვლის აღდგენა იგეგმება.

39
თემები:
COVID-19 საქართველოში
ძლიერმა ქარმა გორში სახლებს სახურავები გადახადა

ძლიერმა ქარმა გორში სახლებს სახურავები გადახადა

0
(განახლებულია 20:29 03.06.2020)
ამ კვირის ბოლომდე საქართველოს ტერიტორიაზე მოსალოდნელია ცვალებადი ამინდი - თითქმის ყველგან იწვიმებს, შესაძლებელია ელჭექი, ქარი და სეტყვა

თბილისი, 3 ივნისი – Sputnik. ძლიერმა ქარმა გორში საცხოვრებელ სახლებს სახურავები გადახადა, იუწყება პირველი არხი.

დაზიანებული კორპუსები სტალინის ქუჩაზე მდებარეობს. სახურავის ფრაგმენტი მსუბუქ ავტომობილს დაეცა.

ქარმა პრობლემები ჩოჩიშვილის ქუჩაზეც შექმნა, სადაც ქარის შედეგად მოტეხილი ხე ასევე ავტომობილს დაეცა.

შემთხვევის შედეგად არავინ დაშავებულა.

როგორც გარემოს დაცვის ეროვნული სააგენტო იუწყებოდა, საქართველოს მთელ ტერიტორიაზე 6 ივნისამდე ცვალებადი ამინდია ნავარაუდევი – უმეტეს რაიონებში მოსალოდნელია წვიმა ელჭექით, ზოგან ძლიერი სეტყვა, ქარი, ზღვაზე შტორმი.

0
თემები:
უამინდობა საქართველოში