პრემიერი გახარია

გახარია: ციფრები იზრდება, მთავარი ამოცანაა მსუბუქი შემთხვევების სახლის პირობებში მართვა

122
(განახლებულია 18:09 06.04.2020)
COVID-19-ით ინფიცირებულთა რაოდენობის ზრდასთან ერთად ძალზე მნიშვნელოვანია, რომ ვირუსთან ბრძოლაში კლინიკებთან ერთად აქტიურად ჩაერთოს პირველადი ჯანდაცვაც, აღნიშნა პრემიერმა.

თბილისი, 6 აპრილი – Sputnik. საქართველოში კორონავირუსით ინფიცირებულთა რიცხვი იზრდება, ამიტომ ძალზე მნიშვნელოვანია, რომ პირველადი ჯანდაცვა მზად იყოს – მართოს მსუბუქი შემთხვევები სახლში, განაცხადა საქართველოს პრემიერ–მინისტრმა გიორგი გახარიამ უწყებათშორისი საკოორდინაციო საბჭოს სხდომის დაწყებამდე.

გახარიას განცხადებით, ასევე მნიშვნელოვანია ე.წ. ცხელების კლინიკების მზადყოფნა.

„არის ახალი 18 შემთხვევა. სამწუხაროდ, გვაქვს გარდაცვალების ორი შემთხვევა და უკვე ინფიცირებულების საერთო რაოდენობა მიუახლოვდა 200-ს, არის 188. საბედნიეროდ, აქედან გვყავს გამოჯანმრთელებული 36 პაციენტი. თუმცა, ფაქტია ის, რომ ციფრები იზრდება. მთავარი ამოცანა გვაქვს ის, რომ ნელ-ნელა [გვქონდეს] პირველადი ჯანდაცვა, მსუბუქი შემთხვევების სახლის პირობებში მართვის მზაობა, ისევე, როგორც ცხელების კლინიკების ეფექტურობა“, – განაცხადა გახარიამ.

საქართველოში ამ დღეებში ამოქმედდა ექიმთან სატელეფონო კონსულტაციის სამსახური. „112“-ზე დარეკვით შესაძლებელია არა მხოლოდ რჩევის მიღება, არამედ ასევე ექიმთან ან სტაციონარში ვიზიტის დაგეგმვა. პაციენტები, რომლებსაც კორონავირუსი მსუბუქ ფორმებში უვითარდებათ, სახლში იმკურნალებენ ექიმების დისტანციური ზედამხედველობით.

მასშტაბური დეზინფექცია – საქართველოში კორონავირუსს ებრძვიან>>

საქართველოში 6 აპრილს კორონავირუსით ინფიცირების კიდევ 14 ახალი შემთხვევა გამოვლინდა. ქვეყანაში ამ დროისათვის არის 188 ინფიცირებული, აქედან განიკურნა 36, გარდაიცვალა – 2, კარანტინშია 5056 ადამიანი, ხოლო სტაციონარებში მეთვალყურეობის ქვეშ 386 პაციენტია.

122
თემები:
COVID-19 საქართველოში (925)
ნიკოლოზ ბასილაშვილი

ნიკოლოზ ბასილაშვილი ურთიერთობას აღარ მალავს - წყვილის რომანტიული ფოტო პიკნიკიდან

4
(განახლებულია 13:55 04.06.2020)
ნიკოლოზ ბასილაშვილი შეყვარებულია და მისი რჩეული ულამაზესი გერმანელი სპორტსმენია. ნახეთ წყვილის უახლოესი ფოტოები სოციალური ქსელიდან

მსოფლიოს 27-ე ჩოგანი შეყვარებულია და მალე დაქორწინებასაც აპირებს. ნიკოლოზ ბასილაშვილის რჩეული უმშვენიერესი გერმანელი სპორტსმენი შარლოტა ჰელენია, რომელიც ბასილაშვილმა ნათესავებს უკვე გააცნო და გოგონა რამდენიმე თვეა საქართველოში იმყოფება.

მას შემდეგ, რაც ნიკოლოზი ყოფილ ცოლზე, ნეკა დოროყაშვილზე შესაძლო ძალადობისთვის სასამართლომ გირაოთი გაათავისუფლა, შარლოტამ „ინსტაგრამის“ „სთორიზე“ ჩოგბურთელთან ერთად გადაღებული ფოტო დადო, სადაც ჩანს, რომ წყვილი პიკნიკზე იმყოფებოდა.

ნიკოლოზ ბასილაშვილი 22 მაისს დააკავეს. პროკურატურის ინფორმაციით, 21 მაისს თბილისში, ავჭალის დასახლებაში ბასილაშვილმა ურთიერთშელაპარაკების ნიადაგზე ყოფილი მეუღლის მიმართ ფიზიკური ძალადობა განახორციელა. სისხლის სამართლის საქმეზე გამოძიება 126-ე პრიმა მუხლის მეორე ნაწილით მიმდინარეობს.

გავრცელებული ინფორმაციით, საქართველოს ნომერ პირველი ჩოგანი მას შემდეგ დააკავეს, რაც ბასილაშვილი და მისი მამა ჩოგბურთელის ყოფილ ცოლს ფიზიკურად გაუსწორდნენ. ამ ფაქტს შეესწრო მათი არასრულწლოვანი შვილიც. ნიკოლოზ ბასილაშვილი და მისი მეუღლე ნეკა დოროყაშვილი ერთმანეთს დაახლოებით ერთი წლის წინ დაშორდნენ, თუმცა ამაზე ოფიციალურად არც ერთს არ უსაუბრია. წყვილი ქორწინებაში 2013 წლიდან იმყოფებოდა, მათ 2015 წელს ვაჟი შეეძინათ.

ოჯახური ძალადობა – საქართველოში ერთ-ერთი ყველაზე გავრცელებული დანაშაულია. კერძოდ, 2019 წელს ოჯახური ძალადობის ბრალდებით სისხლის სამართლებრივი პასუხისმგებლობა დაეკისრა 4,6 ათას ადამიანს, რომელთა უმეტესობა დაკავებულია. სულ 2019 წელს გამოძიება დაიწყო ოჯახური ძალადობის 6 ათას ფაქტზე, მაშინ, როცა 2018 წელს ეს მაჩვენებელი 5,6 ათასი იყო.

4
თემები:
სელებრითების ცხოვრება
გიორგი გახარია

პრემიერი მთავრობის უპირველეს მიზნებს ასახელებს

17
(განახლებულია 15:04 04.06.2020)
მთავრობა პარლამენტში წარადგენს ანგარიშს საქართველოს ხელისუფლების გაწეული მუშაობის შესახებ კორონავირუსთან ბრძოლაში, განაცხადა პრემიერმა

თბილისი, 4 ივნისი — Sputnik. საქართველოს მთავრობის ძირითადი ამოცანა დღესდღეობით – ესაა ვირუსის სწრაფი გამოვლენა, სწრაფი მკურნალობა და მოქალაქეების სწრაფი დაბრუნება ნორმალურ ეკონომიკურ ცხოვრებაში, განაცხადა საქართველოს პრემიერ–მინისტრმა გიორგი გახარიამ მთავრობის დღევანდელ სხდომაზე.

მიუხედავად იმისა, რომ 4 ივნისს კორონავირუსის ინფიცირების მხოლოდ ერთი შემთხვევა დაფიქსირდა, ვირუსის გავრცელების ეფექტური კონტროლისთვის მომავალში აუცილებელია დიდი სიფრთხილე და გონივრულობა.

„ჩვენი ძირითადი ამოცანა და სტრატეგიაა ინფიცირების შესაძლო სწრაფი, უსწრაფესი გამოვლინება, მოქალაქეებისთვის ეფექტური, სწრაფი მკურნალობა და შემდგომ მათი ნორმალურ, ეკონომიკურ ცხოვრებაში, ასევე, სწრაფად დაბრუნება. ეს არის ერთადერთი შესაძლებლობა ადაპტაციისა და მართვის, ვირუსთან ერთად ცხოვრებისა. ეს არის ერთადერთი შესაძლებლობა, როგორ უნდა ვმართოთ ეს რისკები ვირუსის გავრცელების სისწრაფის და მისი გეოგრაფიის. ეს არის ჩვენი უპირველესი მიზანი – სწრაფი გამოვლენა, სწრაფი მკურნალობა და სწრაფად ადამიანის ნორმალურ ეკონომიკურ ცხოვრებაში დაბრუნება“, – განაცხადა გახარიამ.

თავის გამოსვლაში პრემიერმა ასევე აღნიშნა, რომ საქართველოს პარლამენტი დღეს მიიღებს წერლობით ანგარიშს მთავრობის მიერ კორონავირუსთან ბრძოლის საქმეში ჩატარებული მუშაობის შესახებ.

„მოგეხსენებათ, ეს ღონისძიებები დაიწყო იანვრიდან და დასრულდა 22 მაისს. ჩვენ ზუსტად ამ პერიოდის სრული ანგარიში წერილობით მომზადებული გვაქვს, ეს გაეგზავნება დღეს პარლამენტსაც და აიტვირთება მთავრობის შესაბამის ვებგვერდებზე. მივიჩნევთ, რომ ეს არის პასუხისმგებლიანი მთავრობის ნაბიჯი, რომელიც თავის მოქალაქეებს და ყველა დაინტერესებულ პირს უხსნის, ამ საგანგებო მდგომარეობის პირობებში, რა მოტივით, რა სქემით, რა სტრუქტურით იყო მიღებული გადაწყვეტილებები, რა იყო ამ გადაწყვეტილებების მოტივაცია და მიზანი“, – განაცხადა პრემიერმა.

გახარის თქმით, დოკუმენტში გაანალიზებულია მთავრობისა და თითოეული უწყების მიერ გადადგმული ნაბიჯი, მიზეზ-შედეგებრივი კავშირი ეპიდემიურ სიტუაციასა და ეკონომიკურ განვითარებს შორის.

არსად წასვლას არ აპირებს: მმართველ პარტიაში ჭორებს პრემიერის გადადგომის შესახებ უარყოფენ>>

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

დღეის მდგომარეობით ახალი კორონავირუსი საქართველოში 801 ადამიანს დაუდგინდა. ამ დროისთვის გამოჯანმრთელდა 644 ადამიანი, გარდაიცვალა – 13, კარანტინის რეჟიმში იმყოფება 2424, ხოლო სტაციონარებში ექიმების დაკვირვების ქვეშ 304 პაციენტია.

17
თემები:
COVID-19 საქართველოში (925)