ლევან დავითაშვილი

ლევან დავითაშვილი: დაცარიელებული დახლები საქართველოში არ ყოფილა და არც იქნება

70
(განახლებულია 16:08 03.04.2020)
მინისტრის განცხადებით, საქართველოს ხელისუფლება მნიშვნელოვანი მარაგების კუთხით მონიტორინგს ატარებს და დეფიციტი ქვეყანას არ ემუქრება.

თბილისი, 3 აპრილი – Sputnik. დაცარიელებული დახლები საქართველოში არ ყოფილა და არც იქნება, მუდმივ რეჟიმში ვმუშაობთ, რათა ყველა რგოლთან გვქონდეს მუდმივი კომუნიკაცია, განაცხადა საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა ტელეკომპანია Imedi-ს ეთერში. 

ქვეყანაში ახალი კორონავირუსის გავრცელების პრევენციის მიზნით პრემიერ-მინისტრის ხელმძღვანელობით მოქმედი უწყებათშორისი საკოორდინაციო საბჭოს ფარგლებში სასურსათო მარაგების მართვაზე, ლოგისტიკასა და ტრანსპორტირებაზე ზედამხედველობას გარემოს დაცვისა და სოფლის მეურნეობის მინისტრი ლევან დავითაშვილი ახორციელებს.

მინისტრის განცხადებით, იყო მოლოდინი, რომ ვირუსთან ბრძოლის პირობებში შესაძლებელი იყო, სხვა ქვეყნებს მიეღოთ გარკვეული პოლიტიკური გადაწყვეტილებები, რაც შეზღუდავდა სხვადასხვა მიმართულებით სავაჭრო ნაკადებს, რაც საქართველოს ხელისუფლებამ წინასწარ განსაზღვრა. მონიტორინგი მნიშვნელოვანი მარაგების კუთხით მუდმივად ტარდება და დეფიციტი ქვეყანას არ ემუქრება.

„ხორბლისა და ფქვილის მარაგები, იმისთვის, რომ ჩვენთან იყოს პური და პური იყოს სტაბილურ ფასად, კონტროლდება სამინისტროს მხრიდან, დანარჩენი სასურსათო პროუქტებიც ქვეყანაში არსებობს იმ დონეზე, რომ არ გვქონდეს წყვეტა და დახლი არ დავინახოთ ცარიელი", – განაცხადა ლევან დავითაშვილმა.

მინისტრის თქმით, დანარჩენ სასურსათო პროდუქტებზეც არსებობს რამდენიმე თვის მარაგი და ხდება მისი მუდმივი შევსება-განახლებაც.

საქართველოს მთავრობამ პირველადი მოხმარების სასურსათო პროდუქტებზე ფასების შენარჩუნების პროგრამა დაამტკიცა, რისთვისაც სახელმწიფო ბიუჯეტიდან 10 მლნ ლარი გამოიყო სურსათის ცალკეულ სახეობებზე ფასების დაზღვევისთვის. პროგრამა გულისხმობს ფასების სხვაობის დაზღვევას გაცვლითი კურსის მიხედვით ცხრა სახეობის პროდუქტებზე: ბრინჯი, მაკარონის ნაწარმი, წიწიბურა, მზესუმზირის ზეთი, შაქარი, ხორბალი, ხორბლის ფქვილი, მშრალი რძე და ლობიო.

3 აპრილის დილის მონაცემებით, საქართველოში კორონავირუსით ინფიცირებულთა რაოდენობამ 134-ს მიაღწია. საკარანტინო რეჟიმში 5 550 პირი რჩება, ხოლო სტაციონარებში მეთვალყურეობის ქვეშ 281 პაციენტია.

საქართველოს მთავრობამ 21 მარტს ქვეყანაში საგანგებო მდგომარეობა გამოაცხადა, რომელიც 21 აპრილამდე გაგრძელდება. 31 მარტიდან კი ქვეყნის მთელ ტერიტორიაზე კარანტინის რეჟიმი ამოქმედდა. 

 

70
თემები:
კორონავირუსმა საქართველომდეც მოაღწია: ბოლო ცნობები (850)
ბლოკპოსტი ლენჯერში

Covid-19 სვანეთში: რა ვითარებაა მესტიის მუნიციპალიტეტში

23
დაავადებათა კონტროლისა და  საზოგადოებრივი ჯანმრთელობის ეროვნული ცენტრი სვანეთში 4 ათასამდე მცხოვრების ტესტირებას გეგმავს

თბილისი, 14 აგვისტო - Sputnik. სვანეთში ეპიდსიტუაცია კონტროლს ექვემდებარება და სიტუაცია აღარ გაუარესდება,  განაცხადა რეგიონულ საკითხებში პრემიერ-მინისტრის მრჩეველმა სოზარ სუბარმა.

რამდენიმე დღის წინ სვანეთში, კერძოდ, მესტიის მუნიციპალიტეტში კორონავირუსით ინფიცირების 17 შემთხვევა დაფიქსირდა, ყველა შემთხვევა უკავშირდებოდა სოფელ ლენჯერს. ამის შემდეგ საქართველოს მთავრობამ მესტიაში საკარანტინო შეზღუდვების დაწესების გადაწყვეტილება მიიღო და ახალი ინფიცირებულების გამოსავლენად რეგიონში ეპიდემიოლოგები გაგზავნა.

როგორც სუბარმა განაცხადა, მესტიის მუნიციპალიტეტში ძალიან სწრაფად იქნა მიღებული ეფექტური და გადამჭრელი ზომები.

„ბოლო სამი დღის განმავლობაში იყო სამი საქმე, რომელიც ძალიან საყურადღებოა – ორი გუშინ და ერთი გუშინწინ. ეს შემთხვევები ლენჯერს გასცდა და მესტიაში მოხდა მათი იდენტიფიცირება. თუმცა ყველა კონტაქტის დადგენა და ყველა პირის გამოკვლევა მოხდა“,- განაცხადა პრემიერის მრჩეველმა.

მისი თქმით, დაბა მესტიაში არ უნდა დარჩეს არცერთი ადამიანი, რომლის ტესტირება არ მოხდება.

„ვფიქრობ, რომ მალე მოხდება ამ აფეთქების ლოკალიზება. საბოლოოდ, დღევანდელი და ხვალინდელი პასუხები იქნება ძალიან მნიშვნელოვანი, ამის შემდეგ შეგვეძლება სრული სურათის შექმნა“, - განაცხადა სუბარმა.

დღეს საქართველოში კორონავირუსის 23 ახალი შემთხვევა დადასტურდა, აქედან 6 უკავშირდება მესტიის მუნიციპალიტეტს. დღეისათვის სვანეთში კორონავირუსის უკვე 38 შემთხვევა გამოვლინდა.

დაავადებათა კონტროლის ეროვნული  ცენტრი სვანეთში 4 ათასამდე მცხოვრების ტესტირებას გეგმავს. მესტიის მუნიციპალიტეტის საავადმყოფოს სწრაფი PCR-ტესტის აპარატი გადაეცა.

კორონავირუსის ახალი შემთხვევები და ინფიცირების წყაროები >>

მესტიის მუნიციპალიტეტის მოსახლეობა, 2018 წლის 1 იანვრის მონაცემებით, 9 511 ადამიანს შეადგენდა. მუნიციპალიტეტში 132 დასახლებული პუნქტია, მათ შორის ქალაქის ტიპის ერთი დასახლება – მესტია.

საქართველოში, ბოლო მონაცემებით, კორონავირუსის 1306 შემთხვევა გამოვლინდა. გამოჯანმრთელდა 1085, გარდაიცვალა – 17, კარანტინში იმყოფება 7597 ადამიანი, ხოლო სტაციონარებში ექიმების დაკვირვების ქვეშ 261 პაციენტია.

23
თემები:
COVID-19 საქართველოში
სოფო ნიჟარაძე

„გაგაფრთხილე, ნუ მკოცნი ტუჩებში“ - რა მოხდა სოფო ნიჟარაძესა და გიორგი ვარდოსანიძეს შორის?

4553
(განახლებულია 14:58 31.07.2020)
სოციალურ ქსელში ვრცელდება ვიდეო, სადაც მომღერალი სოფო ნიჟარაძე და მსახიობი გიორგი ვარდოსანიძე ჩხუბობენ. ნახეთ, რა მოხდა წყვილს შორის.

სოციალურ ქსელში ვრცელდება ვიდეო, რომელიც მუსიკისა და დრამის თეატრში სპექტაკლის მიმდინარეობისას არის გადაღებული, თუმცა მნახველს უჭირს იმის გარჩევა, სოფო ნიჟარაძემ და გიორგი ვარდოსანიძემ სერიოზულად იჩხუბეს, თუ ეს სპექტაკლის ნაწილია.

ზურაბ ანტონოვის პიესაში „მზის დაბნელება საქართველოში“ მთავარ როლს სოფო ნიჟარაძე ასრულებს, რომელიც ცოტა ხნის წინ გარკვეული პერიოდით მიუზიკლში მომღერალმა ლიზა ყენიამ ჩაანაცვლა. პიესა „მზის დაბნელება საქართველოში“ საფუძვლად დაედო სპექტაკლს „შეყრა“, რომელიც მუსიკისა და დრამის თეატრის რეპერტუარში განსაკუთრებულ ადგილს იკავებს.

სოფოს პატრნიორობას სპექტაკლში მსახიობი გიორგი ვარდოსანიძე უწევს. სოციალურ ქსელში გავრცელებულ ვიდეოში ინტიმური სცენაა ასახული, სადაც ვარდოსანიძე სოფოს კოცნის, ეს უკანასკნელი კი მას ურჩევს, რეპეტიციაზე აღარ აკოცოს და სილას აწნის. სოციალური ქსელის მომხმარებლები ირწმუნებიან, რომ სცენა სპექტაკლის ნაწილია, თუმცა მომხმარებლების ნაწილს ამის დაჯერება უჭირს.

4553
თემები:
სელებრითების ცხოვრება
მთავრობის ადმინისტრაციის შენობა

ამერიკული კომპანია გიორგი გახარიასთან შეხვედრას ითხოვს

0
„ფრონტერა“ საქართველოს მთავრობას მოუწოდებს, დაემორჩილოს საარბიტრაჟო სასამართლოს გადაწყვეტილებას და პატივი სცეს კონტრაქტის პირობებს

თბილისი, 14 აგვისტო - Sputnik. ამერიკული ნავთობმომპოვებელი კომპანია Frontera Resources Corporation განაგრძობს საქართველოს ხელისუფლების დადანაშაულებას ტყუილსა და დეზინფორმაციაში და მთავრობასთან შეხვედრასა და მუშაობის შეუფერხებლად გაგრძელების გარანტიებს ითხოვს.

„ფრონტერამ“ გაავრცელა მორიგი განცხადება საქართველოს პრემიერ-მინისტრ გიორგი გახარიას მისამართით, რომელშიც მთავრობის მეთაურს მოუწოდებს, შეასრულოს 23 ივნისის გადაწყვეტილება იმის შესახებ, რომ კონტრაქტი კომპანიასთან არ შეწყდება. კომპანია აღნიშნავს, რომ მთავრობას არც კი უცდია პრემიერის სიტყვების შესრულება.

„მთავრობისგან მივიღეთ შეტყობინება, რომ ხელისუფლება მხოლოდ „დროებით აჩერებს“ კონტრაქტის შეწყვეტის პროცედურას. ჩვენ გვქონდა მრავალგზის მცდელობა, შევხვედროდით ხელისუფლების წარმომადგენლებს, რათა „ფრონტერას" მიერ მომავალში განსახორციელებელი და ყველა მხარისთვის მომგებიანი ინვესტიციებისათვის შეგვექმნა საფუძველი, თუმცა ხელისუფლება პრემიერ-მინისტრის და მთავრობის გადაწყვეტილებას არ სცემს პატივს და კვლავ აგრძელებს დაშინების და დეზინფორმაციის კამპანიას“, - ნათქვამია „ფრონტერას“ განცხადებაში.

გარდა ამისა, „ფრონტერა“ მოუწოდებს საქართველოს მთავრობას, დაემორჩილოს საარბიტრაჟო სასამართლოს გადაწყვეტილებას, პატივი სცეს კონტრაქტის პირობებს, შეხვდეს კომპანიის წარმომადგენლებს კონსტრუქციული დიალოგისთვის და გასცეს გარანტიები მუშაობის გასაგრძელებლად.

კომპანია უარყოფს ინფორმაციას, რომ საქართველომ მოიგო საარბიტრაჟო დავა და რომ კომპანიას 84 თანამშრომლისთვის 17-თვიანი სახელფასო დავალიანება აქვს.

ამის მიუხედავად...

კომპანიის ყოფილ თანამშრომლებს არაერთხელ გაუმართავთ საპროტესტო აქცია სახელფასო დავალიანების გასტუმრების მოთხოვნით. მათ სასამართლოსაც მიმართეს. როგორც ისინი აღნიშნავენ, კომპანიის ვალი 1 მილიონამდე ლარს შეადგენს.

ამ ადამიანების დასახმარებლად მთავრობამ მათთვის 1,2 ათასი ლარის ოდენობის ერთჯერადი ფულადი დახმარების აღმოჩენის გადაწყვეტილება მიიღო. ამასთან, „ფრონტერას“ მოუწოდა, დაფაროს სახელფასო დავალიანება იმის გათვალისწინებით, რომ ვალდებულების შესასრულებლად არანაირი დაბრკოლება არ არსებობს.

ერთი კვირის წინ ეკონომიკის მინისტრმა ნათია თურნავამ განაცხადა, რომ მთავრობა საკმაოდ პოზიტიურ და აქტიურ კომუნიკაციას აწარმოებს კომპანიასთან და მხარეები ემზადებიან შეხვედრისთვის გარკვეული ტექნიკური საკითხების განსახილველად.

ხანგრძლივი დავა

კომპანიასა და ქვეყანას შორის დიდი ხანია დავა მიმდინარეობდა ნავთობის მოპოვებისას პროდუქციის წილობრივ გადანაწილებასთან დაკავშირებით კონტრაქტის თაობაზე. ქართულმა მხარემ რამდენიმე პირობა წამოაყენა, რომელთაგან მთავარი იყო იმ ტერიტორიის დაბრუნება, რომელსაც „ფრონტერა" არ იყენებდა დაზვერვისა და ნავთობის მოპოვების მიზნით. ეს ტერიტორია სალიცენზიო ბლოკის დაახლოებით 99%-ს შეადგენს. ტერიტორია უნდა დაბრუნებულიყო ჯერ კიდევ 2017 წელს.

საქმე საარბიტრაჟო სასამართლომდე მივიდა. გაიმარჯვა საქართველომ, რომელსაც „საქართველოს ნავთობისა და გაზის კორპორაცია" და „ნავთობისა და გაზის სახელმწიფო სააგენტო“ წარმოადგენდნენ. საქართველო კომპანიასთან თავდაპირველად კონტრაქტის გაწყვეტას აპირებდა.

თუმცაღა, იქიდან გამომდინარე, რომ მთავრობა ზრუნავს თავის საინვესტიციო რეპუტაციაზე, Frontera-ს საშუალება მისცეს მუშაობა გააგრძელოს ტერიტორიის იმ ნაწილში, სადაც სამუშაოები ჯერ კიდევ საბჭოთა პერიოდში წარმოებდა. საუბარია საკონტრაქტო ტერიტორიის დაახლოებით 1%-ზე, რადგანაც საარბიტრაჟო სასამართლოს გადაწყვეტილებით დანარჩენი 99% კომპანიამ სახელმწიფოს უკვე დაუბრუნა.

თავდაპირველად კომპანიის ხელმძღვანელობამ შეთავაზებულ პირობებზე უკმაყოფილება გამოთქვა და თავის პრობლემებში საქართველოს ხელისუფლება დაადანაშაულა, აღნიშნა, რომ კომპანიის მიმართ ადგილი აქვს ცილისწამებასა და დეზინფორმაციას.

Frontera Resources Corporation – ამერიკული კომპანიაა, რომელიც გაზისა და ნავთობის საბადოების მოძიებითა და მოპოვებითაა დაკავებული. დაარსდა 1996 წელს. კომპანიის სტრატეგიაა პერსპექტივების ძიება ნახშირწყალბადების მოსაპოვებლად აღმოსავლეთ ევროპის ბაზრებზე, რომლებიც შავი ზღვის აუზს განეკუთვნებიან. ამჟამად კომპანია მუშაობს საქართველოსა და მოლდოვაში. 

0
თემები:
საქართველოს ეკონომიკა