Tbilisi Energy 114-ის მორიგე ბრიგადა

საქართველოს მოქალაქეებს კომუნალური გადასახადების შეღავათებზე უარის თქმა შეუძლიათ

242
წყალმომარაგებისა და დასუფთავების გადასახადი დაეფარება იმ აბონენტებს, რომელთაც აქვთ 200 კვტსთ-ის ჩათვლით ელექტროენერგიის მოხმარება.

თბილისი, 2 აპრილი — Sputnik. მათთვის, ვისაც არ სურს ისარგებლოს მთავრობის მიერ შემოთავაზებული წინადადებით, დაუფაროს კომუნალური გადასახადები ბუნებრივი აირის და ელექტროენერგიის მოხმარებისთვის და შეუძლია საკუთარი გადასახადების გადახდა, სპეციალური ვებპლატფორმა შეიქმნება, ნათქვამია საქართველოს ენერგეტიკისა და წყალმომარაგების მარეგულირებელი ეროვნული კომისიის Facebook-გვერდზე გავრცელებულ განცხადებაში.

მოქალაქეებს, რომლებმაც მოიხმარეს 200 კვტსთ-ის ჩათვლით ელექტროენერგია და 200 კუბური მეტრის ჩათვლით ბუნებრივი აირი და წინასწარ გადაიხადეს მარტის თვის გადასახადი ან ვისაც უკვე ავტომატურად ჩამოეჭრა გადასახდელი თანხა, თანხები დეპოზიტის სახით სააბონენტო ბარათზე შეენახებათ და ისინი შემდგომი გადახდების დროს შეძლებენ მის გამოყენებას.

იმ აბონენტების რაოდენობა, რომლებიც ყოველთვიურად 200 კვტსთ-ის ჩათვლით ელექტროენერგიას მოიხმარენ, დაახლოებით 1,2 მილიონს შეადგენს. ამ მოქალაქეების კომუნალური გადასახადების დასაფარად სახელმწიფო 17 მილიონ ლარს გამოყოფს.

ვებ-პლატფორმის საშუალებით მოქალაქეები შეძლებენ არამარტო უარი თქვან სახელმწიფოს მიერ მათი კომუნალური გადასახადების დაფარვაზე, არამედ გამოითვლიან, რამდენი კილოვატი ელექტროენერგია და კუბური მეტრი ბუნებრივი აირი მოიხმარეს ერთ თვეში.

ასევე საქართველოში 670 ათასი აბონენტია, რომელიც ერთ თვეში 200 კუბურ მეტრ ბუნებრივ აირს მოიხმარს. ამ პირთა გადასახადების სადაფარად სახელმწიფო 27 მილიონ ლარს გამოყოფს. 

უმუშევრობა და კომუნალურები: როგორ განაწილდება ბიუჯეტი >>

წყალმომარაგებისა და დასუფთავების გადასახადი დაეფარება იმ აბონენტებს, რომელთაც აქვთ 200 კვტსთ-ის ჩათვლით ელექტროენერგიის მოხმარება.

სს „თელასის” შემთხვევაში საუბარია 37.11 ლარზე თვეში; ხოლო, სს „ენერგო პრო ჯორჯიას” შემთხვევაში - მაქსიმუმ 36.4 ლარზე.

რაც შეეხება ბუნებრივ აირს, შპს „თბილისი ენერჯის” შემთხვევაში შეღავათი შეეხება აბონენტებს, რომელთა გადასახადი შეადგენს მაქსისმუმ 92.2 ლარს, შპს „სოკარ ჯორჯია გაზის” შემთხვევაში - მასიმუმ 113.8 ლარს, ხოლო სს „საქორგგაზის” შემთხვევაში - 113.9 ლარს.

საშეღავათო პერიოდი ფიზიკურ პირებს ეხება და მოიცავს მარტს, აპრილსა და მაისს.

242
თემები:
სოციალური სფერო საქართველოში (182)
ხატია წერეთელი

„მასტერშეფში“ ამდენი დებილი სად ნახეთ?...“- ხატია წერეთელი კონკურსანტებს აკრიტიკებს

17
(განახლებულია 12:21 07.07.2020)
მომღერალმა ხატია წერეთელმა სოციალურ ქსელში პოპულარული კულინარიული შოუს მონაწილეები გააკრიტიკა. ნახეთ რამ გამოიწვია მისი გაღიზიანება

თბილისი, 7 ივლისი — Sputnik. მომღერალი ხატია წერეთელი სოციალურ ქსელში კულინარიული შოუს „მასტერშეფის“ მონაწილეებს აკრიტიკებს.

როგორც ჩანს, მომღერლის აღშფოთება მესხურ სამზარეულოსთან დაკავშირებით კონკურსანტების განცხადებებმა გამოიწვია.

„მასტერშეფი ამდენი დებილი სად ნახეთ? მესხური სამზარეულო მარტო ცომი რომ ჰგონიათ, მზად ვარ მოვიდე და მასტერკლასი ჩავატარო, ამით აქვთ პრეტენზია მასტერშეფობაზე? ამით ნადუდღნით ნუ შეურაცხყოფით მესხურ სამხარეულოს“, - წერს ხატია წერეთელი.

საზოგადოებრივ მაუწყებელზე „მასტერშეფის“ მესამე სეზონი მიმდინარეობს. ამ დროისთვის შერჩეული 11-დან გამარჯვებისთვის 7 კონკურსანტი იბრძვის.

კონკურსის ჟიური პოპულარული შეფები - ლუკა ნაჭყებია, კონსტანტინე თედელური და ლევან კობიაშვილი არიან.

ლუკა სურსათის ტექნოლოგია. ის 2010 წლიდან სურსათის ინდუსტრიაშია, სარესტორნო სფეროში კი 2012 წლიდან ჩაება. მისი კონსულტაციით 25-ზე მეტი კვების ობიექტი ამუშავდა; 2014 წლიდან დღემდე ასწავლის აგრარულ უნივერსიტეტსა და კულინარიულ აკადემიაში, ასევე ატარებს ლექციებს საერთაშორისო მასშტაბით.
არის რამდენიმე წიგნის თანაავტორი: „მესხური ტაბლა“, „მეგრული ტაბლა“, „ქართული გემო“.

კონსტანტინე სარესტორნო სფეროში 2005 წლიდანაა. იგი ყველასგან გამოირჩევა თავისი ექსტრავაგანტული კონცეპტ-სივრცეებით. არის რამდენიმე კონცეპტუალური სივრცის, მათ შორის რესტორან „შეფის ბებიას“დამაარსებელი; 2014 წელს პრეზიდენტის ადმინისტრაციის მიწვეული შეფი იყო; 2018 წელს გაიმარჯვა Gault&Millau-ს ნომინაციაში „ახალგაზრდა ტალანტი“. კონსტანტინე დღემდე აგრძელებს კულინარიულ მოღვაწეობას და ახალი გემოების ძიებას, როგორც დამოუკიდებელი შეფი.

ლევანი საქართველოს კულინარიული ფედერაციის პრეზიდენტი და მოლეკულური გასტრონომიის სპეციალისტია; მან სკოლის დამთავრებისთანავე დაიწყო კულინარიული საქმიანობა და დღეისათვის სარესტორნო სფეროში 26-წლიანი გამოცდილება აქვს. 2009 წლიდან არის ლექტორი კულინარიულ კოლეჯში „იკარუსი“, 2013-2016 წლებში კი აგრარულ უნივერსიტეტსა და კულინარიულ აკადემიაში ასწავლიდა ქართულ და მსოფლიო სამზარეულოს.

ლევანი წლების მანძილზე იყო საქართველოს საუკეთესო რესტორნების ბრენდ-შეფი: „მეამა“, „ბარბარესთან“, „ამბასადორი“, „ვერე პალასი“, „ქარავანი“, „ტერასა“ და ა.შ.

17
თემები:
სელებრითების ცხოვრება
აუზი

ფიტნეს–ცენტრებისა და საცურაო აუზების მფლობელებს პირობები წაუყენეს

26
(განახლებულია 12:20 07.07.2020)
საქართველოში არსებული გამაჯანსაღებელი ცენტრები საქმიანობის განახლებას  შემოწმების წარმატებით გავლის შემთხვევაში შეძლებენ

 

თბილისი, 7 ივლისი — Sputnik.  საქართველოში კორონავირუსის პანდემიის გამო შემოღებული უსაფრთხოების ზომების დაცვასთან დაკავშირებით საცურაო აუზებისა და სპორტული დარბაზების ინსპექტირება იწყება, იუწყება საზოგადოებრივი მაუწყებლის პირველი არხი. 

გამაჯანსაღებელმა ცენტრებმა რეგისტრაცია ჯანდაცვის სამინისტროს ვებგვერდზე უნდა გაიარონ. შემოწმების წარმატებით გავლის შემთხვევაში, ობიექტები საქმიანობას განაახლებენ.

რეგულაციების თანახმად, ფიტნეს–ცენტრებში ყოველ ექვს კვადრატულ მეტრზე დაიშვება ერთი ადამიანი. ამასთან, საშხაპეები ტიხრებით უნდა იყოს გამოყოფილი, კარადების გამოყენება ჭადრაკის პრინციპით უნდა მოხდეს, ხოლო პირსახოცები  ერთჯერადი შეფუთვის უნდა იყოს.

რაც შეეხება ჯგუფურ ვარჯიშებს,  დარბაზში ნებადართულია ერთდროულად არაუმეტეს 10 ადამიანის ყოფნა.

საქართველოს ჯანდაცვის სამინისტროს შრომის პირობების ინსპექტირების დეპარტამენტის უფროსის ბექა ფერაძის განცხადებით, შემოღებული რეგულაციები ვირუსისგან თითოეულ მოქალაქეს დაიცავს.

რაც შეეხება აუზებს, მოცემულ შემთხვევაში წყლის ლაბორატორიული კვლევები ჩატარდება. შეზლონგებზე აკრძალულია შეწოვადი რბილი მასალების გამოყენება. ამასთან, ყოველი გამოყენების შემდეგ შეზლონგების დეზინფექცია უნდა ჩატარდეს. 

საცურაო აუზების მფლობელები უკმაყოფილებას გამოთქვამდნენ იმის გამო, რომ ახალი წესების თანახმად, მათ ყოველდღიურად მოუწევდათ აუზებში წყლის 10%–ის შეცვლა. კერძო სექტორის წარმომადგენლებს კომპრომისული ვარიანტი შესთავაზეს.

 „ეს იყო გამოწვევა, რაზეც აქცენტს აკეთებდნენ აუზების წარმომადგენლები. ჩვენ გავითვალისწინეთ და გადავწყვიტეთ, რომ 24 საათის განმავლობაში წყლის 5%–ის შეცვლა იქნება აუცილებელი.  ამ გზით მოხდა მათი მოთხოვნის გათვალისწინება და  კომპრომისული ვარიანტის შეთავაზება“, – განაცხადა ბექა ფერაძემ.

როგორც ადრე თბილისის ინფექციური საავადმყოფოს დირექტორმა თენგიზ ცერცვაძემ განაცხადა, კორონავირუსის გავრცელების კუთხით უფრო დიდი საფრთხის შემცველია მასობრივი თავშეყრის ადგილები, ვიდრე ფიტნეს–ცენტრები და საცურაო აუზები.

კორონავირუსის გავრცელების პრევენციის მიზნით მთავრობის მიერ დაწესებული შეზღუდვების გაუქმების ექვსეტაპიანი გეგმის თანახმად, ფიტნეს–დარბაზებისა და საცურაო აუზების გახსნა ბოლო ეტაპზე იყო დაგეგმილი.

26
თემები:
COVID-19 საქართველოში