გზის მშენებლობა

ვითარება გზებზე: ხაშურის შემოვლითი გზის მშენებლობა ინტენსიურად მიმდინარეობს

66
(განახლებულია 22:27 01.04.2020)
პროექტი ითვალისწინებს ოთხზოლიანი ასფალტ-ბეტონის გზის მშენებლობას, ხუთი გვირაბითა და 21 ხიდით, ასევე სადრენაჟე სისტემითა და მიწისქვეშა გადასასვლელებით.

თბილისი, 1 აპრილი – Sputnik.  ხაშურის შემოვლითი გზის მშენებლობა, რომელიც აღმოსავლეთი–დასავლეთის ავტომაგისტრალის შემადგენელი ნაწილია, ინტენსიურ რეჟიმში მიმდინარეობს, ნათქვამია საავტომობილო გზების დეპარტამენტის განცხადებაში. 

გზის 13–კილომეტრიანი მონაკვეთის მშენებლობის დასრულება მიმდინარე წელს იგეგმება, რაც ხელს შეუწყობს ხაშურის ტრანზიტული მოძრაობისგან განტვირთვას. პროექტი ითვალისწინებს ოთხზოლიანი ასფალტ-ბეტონის გზის მშენებლობას, ხუთი გვირაბითა და 21 ხიდით, ასევე სადრენაჟე სისტემითა და მიწისქვეშა გადასასვლელებით.

„გზის მშენებლობა, კორონავირუსის გავრცელების პრევენციის მიზნით,  ჯანდაცვის სამინისტროს მიერ შემუშავებული სპეციალური რეკომენდაციების შესაბამისად ხორციელდება“, – ნათქვამია განცხადებაში.

დასრულებულია აღნიშნულ მონაკვეთზე არსებული ყველაზე რთული კონსტრუქციების მშენებლობა. ამ დროისთვის ასფალტ-ბეტონის საფარის დაგება და სახიდე გადასასვლელების მშენებლობის დასკვნითი სამუშაოები მიმდინარეობს.

ზემო ოსიაური–ჩუმათელეთის მონაკვეთი ქვეყნის მთავარი ავტომაგისტრალის ნაწილია, რომლის ექსპლუატაციაში ჩაშვების შემდეგ გაიზრდება ჩქაროსნული გზის გამტარუნარიანობა, მოძრაობის უსაფრთხოების დონე და შემცირდება მგზავრობის დრო.

გზის ახალი მონაკვეთების მშენებლობის წყალობით წითელი ხიდიდან სარფამდე მანძილის დასაფარი დრო 8 საათიდან 4-4,5 საათამდე შემცირდება.


ახალი გზა  საგზაო უსაფრთხოების ყველა სტანდარტების შესაბამისი იქნება. მშენებლობა 2022 წლის ივნისში დასრულდება.

აღმოსავლეთი–დასავლეთის ავტომაგისტრალი, ანუ ევროპული სატრანზიტო გზა Е-60 სიდიდით მეორე ევროპული სატრანზიტო დერეფანია, რომელიც იწყება ბრესტში (საფრანგეთი) და მთავრდება ირკეშტამში (ყირგიზეთი). საქართველოში Е-60 ფოთთან ახლოს იწყება და აზერბაიჯანთან საზღვარზე მთავრდება. საქართველოში დერეფნის სიგრძე 392 კილომეტრს შეადგენს.

66
თემები:
ტრანსპორტი საქართველოში (296)
დეზინფექცია ოფისებში

საჯარო დაწესებულებების თანამშრომლებმა მუშაობა შესაძლოა კვლავ დისტანციურად გააგრძელონ

68
კორონავირუსის გავრცელების პრევენციის მიზნით, ყველა საჯარო უწყება და კერძო ორგანიზაციების დიდი ნაწილი მუშაობის დისტანციურ რეჟიმზე მიმდინარე წლის მარტში გადავიდა. 

თბილისი, 30 მაისი - Sputnik. საჯარო სამსახურის ბიურო საჯარო დაწესებულებებს თხოვნით მიმართავს, თანამშრომელთა მიერ უფლებამოსილებების განხორციელება შენარჩუნდეს დისტანციურ რეჟიმში, ნათქვამია უწყების მიერ გავრცელებულ განცხადებაში.

აღნიშნული რეკომენდაცია არ ვრცელდება იმ დასაქმებულებზე, რომელთა ფუნქციების შესრულება შეუძლებელია დისტანციურად. დისტანციურ რეჟიმში მუშაობის პირობების თაობაზე შესაბამისი სარეკომენდაციო წესი მოგვიანებით გავრცელდება.

კორონავირუსის გავრცელების პრევენციის მიზნით, ყველა საჯარო უწყება და კერძო ორგანიზაციების დიდი ნაწილი მუშაობის დისტანციურ რეჟიმზე მიმდინარე წლის მარტში გადავიდა. 

კორონავირუსის პირველი შემთხვევა საქართველოში 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა. ახლა საქართველოში შეზღუდვების ეტაპობრივად მოხსნა მიმდინარეობს.

ბოლო ორ დღეებში კორონავირუსით ინფიცირების შემთხვევების მატება შეინიშნება. მათი უმრავლესობა თბილისში დაფიქსირდა.

 

68
თემები:
COVID-19 საქართველოში
მაია ასათიანი

ასეთი მაია ასათიანი ჯერ არ გინახავთ - ჟურნალისტის შეუდარებელი გარდასახვა

109
(განახლებულია 15:29 30.05.2020)
თოქ-შოუ „პროფილის“ ავტორი და წამყვანი ახალი გადაცმის ჩაწერისთვის ემზადება. მაია ახალი იმიჯით აღფრთოვანებას იწვევს. ნახეთ მისი ახალი ვარცხნილობა და გამომწვევი კაბა

მისი სოციალური ქსელის ფოტო-ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და კატა დომინირებს. მაიამ სიმშვიდე საკუთარ თავთან განმარტოებაში იპოვნა, თუმცა ოჯახის წევრებს უფრო და უფრო დაუახლოვდა. რამდენიმე თვის წინ, გადაცემაში დედაც ჰყავდა მიწვეული, რომელმაც ჟურნალისტის ცხოვრების ბევრი ფაქტი გაიხსენა. მაიამ კი, თავის მხრივ, დედას ყველაფრისთვის მადლობა გადაუხადა. საქართველოში პანდემიის შემსუბუქებით  გადაცემების დაგეგმვა დაიწყო. მაია ასათიანმა უახლესი სურათი სტუდიიდან გამოაქვეყნა. შეუდარებელ ფორმაში გამოწყობილი ის ახალი გადაცემის სტუმრებს ელოდებოდა, მანამდე კი, საკუთარი „ლუქი“ „ფოლოვერებს“ გაუზიარა. ნახეთ როგორ გამოიყურება 43 წლის ტელესახე.

View this post on Instagram

A post shared by maia asatiani (@maia.assatiani) on

პოპულარული ჟურნალისტი სკანდალური ცხოვრების მიუხედავად უამრავ ადამიანს უყვარს. მის გარშემო განსაკუთრებულად გულწრფელი ადამიანები ერთადერთი ქალიშვილის გარდაცვალების შემდეგ გამოჩნდნენ. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან. როგორც ოჯახის წევრებს შეეფერებათ, მაიას დებთან ძალიან ახლო და მეგობრული ურთიერთობა აქვს. უმცროსი და ვერონიკა მაიას ჰგავს, გოგონები ერთად ხშირად მოგზაურობენ მიუხედავად იმისა, რომ მაიას ბოლო პერიოდის მანძილზე საზოგადოებრივი თავშეყრის ადგილებში გამოჩენა აღარ ხიბლავს. თუმცა ბოლო პერიოდის მანძილზე სოციალურ ქსელში გააქტიურდა და თაყვანისმცემლებს ყოველდღიურ რუტინას სულ უფრო და უფრო ხშირად უზიარებს.

View this post on Instagram

A post shared by maia asatiani (@maia.assatiani) on

მაია ასათიანს სოციალურ ქსელში დიდი ხნის მანძილზე აბულინგებდნენ. ამის შესახებ ტელესახემ საჯაროდ არაერთხელ ისაუბრა, თუმცა – უშედეგოდ. მისი მისამართით უმიზეზო ჩაგვრა-დამცირება არ წყდებოდა. მის სატელევიზიო იმიჯს უამრავი ადამიანი განიხილავდა, ხოლო მაიას მიერ დასმული კითხვებით სარკასტულ მიმებს აკეთებდნენ და ვირტუალურ სივრცეში გაბოროტებული კომენტარები არ წყდებოდა. ამის შესახებ, ჟურნალისტმა არა ერთი განცხადება გაავრცელა, თუმცა უშედეგოდ. ამ ბოლო პერიოდის მანძილზე მან საკუთარი გვერდის კონტენტი შეცვალა და გულშემატკივრები სხვა ინტერესებით გააერთიანა.

109
თემები:
სელებრითების ცხოვრება
პოლიციის ლენტი

სისხლიანი გარჩევა თბილისში: პოლიციამ ორი პირი დააკავა

0
თბილისში ქუჩური გარჩევის დროს ბოროტმოქმედებმა ცივი იარაღი და ხელკეტები გამოიყენეს. ეჭვმიტანილები დააკავეს

თბილისი, 30 მაისი - Sputnik. პოლიციის თანამშრომლებმა თბილისში ჯგუფურად ჩადენილი ორი ან მეტი პირის მიმართ ჯანმრთელობის განზრახ მძიმე დაზიანების ბრალდებით ორი პირი დააკავეს, ნათქვამია შსს-ს მიერ გავრცელებულ განცხადებაში.

გამოძიებამ დაადგინა, რომ წერეთლის გამზირზე პარასკევს საღამოს ბრალდებულებმა ცივი იარაღით დაჭრეს ერთი პირი, ხოლო მეორეს ბლაგვი საგნით სხეულზე დაზიანება მიაყენეს.

დაშავებულების გადარჩენა მოხერხდა: ერთი კლინიკაში გადაიყვანეს, მეორეს დახმარება ადგილზე აღმოუჩინეს.

სამართალდამცველებმა იმ ავტომობილის ჩხრეკისას, რომლითაც ბრალდებულები გადაადგილდებოდნენ, დანაშაულის ჩადენის იარაღები - ორი ხელკეტი ნივთმტკიცებად ამოიღეს.

მომხდარ ფაქტზე გამოძიება სსკ-ის 117-მუხლის მე-5 ნაწილის "ე" ქვეპუნქტით და მე-7 ნაწილის "ა" ქვეპუნქტით მიმდინარეობს, რაც ჯგუფურად ჩადენილ ორი ან მეტი პირის მიმართ ჯანმრთელობის განზრახ მძიმე დაზიანებას გულისხმობს. ბრალდებულებს 9-დან 13 წლამდე ვადით პატიმრობა ემუქრება.

გრძელდება ოპერატიულ-სამძებრო და საგამოძიებო მოქმედებები ინციდენტში მონაწილე სხვა პირების დადგენა-დაკავების მიზნით.

0
თემები:
კრიმინალი საქართველოში