ლაბორატორია

ქართველი ექიმები სპეციალური ეკიპირებით სრულად უზრუნველყოფილი  არიან

35
(განახლებულია 17:42 01.04.2020)
გაბუნიას განმარტებით, ქვეყანაში ყველაფერი კეთდება იმისთვის, რომ უშუალოდ ინფიცირებულ პაციენტებთან მომუშავე არცერთი მსხვილი კლინიკა აუცილებელი დამცავი ეკიპირების გარეშე არ დარჩეს.

თბილისი, 1 აპრილი — Sputnik. საქართველოში დამცავი სამედიცინო ეკიპირების საკმაო სტრატეგიული მარაგებია და ისინი მუდმივად ივსება, განაცხადა ჯანდაცვის მინისტრის მოადგილე თამარ გაბუნიამ მთავრობის ადმინისტრაციაში გამართულ ბრიფინგზე.

მისი სიტყვებით, ჯანდაცვის მსოფლიო ორგანიზაციიდან მარაგების აუცილებელი რაოდენობის შესახებ ინფორმაცია რეგულარულად მოდის. საუბარია ეკიპირების თითოეული დასახელების  ასობით ათას ერთეულზე. 

„მოცემულ მომენტში ჩვენ გვაქვს მარაგების დიდი რაოდენობა. სახელმწიფოსა და დონორების მხრიდან მუდმივად ხდება შევსება. ჩვენ ვფიქრობთ, რომ ის კლინიკები, რომლებიც  ასეთი ეკიპირების ნაკლებობას განიცდიან (საუბარია მცირე ზომის და რაიონულ სამედიცინო დაწესებულებებზე, სადაც ინფიცირებული პაციენტები არ არიან და მათი იქ მოხვედრა ნაკლებ სავარაუდოა) ასევე მიიღებენ ეკიპირებას. თუმცა, საჭიროა მარაგების რაციონალურდ გამოყენება. რაც შეეხება განსაკუთრებულ ეკიპირებას, როგორც დამცავ კომბინეზონს, რომელსაც ჩვენ იმ კლინიკებში ვიყენებთ, სადაც ინფიცირებული პაციენტები იმყოფებიან, სხვა კლინიკებს მათზე გათვლა არ უნდა ჰქონდეთ, რამდენადაც მათ ის უფრო სჭირდება. რაც შეეხება საბაზისო ეკიპირებას, მისი ყველა დაწესებულების აღჭურვა მიმდინარეობს“, – განაცხადა თამარ გაბუნიამ.

მინისტრის მოადგილის სიტყვებით, ჯანმოს ექსპერტები იმყოფებოდნენ საქართველოში და შეამოწმეს ცხრა კლინიკა ინფექციის კონტროლის და პერსონალური დაცვის საშუალებების გამოყენებისა და მედპერსონალის მზადყოფნის კუთხით.  ახლო მომავალში ასეთი ვიზიტები სხვა, ძირითადად რაიონულ კლინიკებში იგეგმება. ჯანმოს ექსპერტები მედპერსონალისთვის ტრენინგებს ჩაატარებენ.

გაბუნიას განმარტებით, ქვეყანაში ყველაფერი კეთდება იმისთვის, რომ უშუალოდ ინფიცირებულ პაციენტებთან მომუშავე არცერთი მსხვილი კლინიკა აუცილებელი დამცავი ეკიპირების გარეშე არ დარჩეს.

1 აპრილის  მონაცემებით, საქართველოში COVID-19-ით ინფიცირებულთა რაოდენობამ 115-ს მიაღწია, გამოჯანმრთელდა 23, კარანტინში იმყოფება 5783 ადამიანი, სტაციონარებში მეთვალყურეობის ქვეშ 301 პაციენტია.

35
თემები:
კორონავირუსმა საქართველომდეც მოაღწია: ბოლო ცნობები (849)
დეზინფექცია ოფისებში

საჯარო დაწესებულებების თანამშრომლებმა მუშაობა შესაძლოა კვლავ დისტანციურად გააგრძელონ

92
კორონავირუსის გავრცელების პრევენციის მიზნით, ყველა საჯარო უწყება და კერძო ორგანიზაციების დიდი ნაწილი მუშაობის დისტანციურ რეჟიმზე მიმდინარე წლის მარტში გადავიდა. 

თბილისი, 30 მაისი - Sputnik. საჯარო სამსახურის ბიურო საჯარო დაწესებულებებს თხოვნით მიმართავს, თანამშრომელთა მიერ უფლებამოსილებების განხორციელება შენარჩუნდეს დისტანციურ რეჟიმში, ნათქვამია უწყების მიერ გავრცელებულ განცხადებაში.

აღნიშნული რეკომენდაცია არ ვრცელდება იმ დასაქმებულებზე, რომელთა ფუნქციების შესრულება შეუძლებელია დისტანციურად. დისტანციურ რეჟიმში მუშაობის პირობების თაობაზე შესაბამისი სარეკომენდაციო წესი მოგვიანებით გავრცელდება.

კორონავირუსის გავრცელების პრევენციის მიზნით, ყველა საჯარო უწყება და კერძო ორგანიზაციების დიდი ნაწილი მუშაობის დისტანციურ რეჟიმზე მიმდინარე წლის მარტში გადავიდა. 

კორონავირუსის პირველი შემთხვევა საქართველოში 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა. ახლა საქართველოში შეზღუდვების ეტაპობრივად მოხსნა მიმდინარეობს.

ბოლო ორ დღეებში კორონავირუსით ინფიცირების შემთხვევების მატება შეინიშნება. მათი უმრავლესობა თბილისში დაფიქსირდა.

 

92
თემები:
COVID-19 საქართველოში
მაია ასათიანი

ასეთი მაია ასათიანი ჯერ არ გინახავთ - ჟურნალისტის შეუდარებელი გარდასახვა

120
(განახლებულია 15:29 30.05.2020)
თოქ-შოუ „პროფილის“ ავტორი და წამყვანი ახალი გადაცმის ჩაწერისთვის ემზადება. მაია ახალი იმიჯით აღფრთოვანებას იწვევს. ნახეთ მისი ახალი ვარცხნილობა და გამომწვევი კაბა

მისი სოციალური ქსელის ფოტო-ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და კატა დომინირებს. მაიამ სიმშვიდე საკუთარ თავთან განმარტოებაში იპოვნა, თუმცა ოჯახის წევრებს უფრო და უფრო დაუახლოვდა. რამდენიმე თვის წინ, გადაცემაში დედაც ჰყავდა მიწვეული, რომელმაც ჟურნალისტის ცხოვრების ბევრი ფაქტი გაიხსენა. მაიამ კი, თავის მხრივ, დედას ყველაფრისთვის მადლობა გადაუხადა. საქართველოში პანდემიის შემსუბუქებით  გადაცემების დაგეგმვა დაიწყო. მაია ასათიანმა უახლესი სურათი სტუდიიდან გამოაქვეყნა. შეუდარებელ ფორმაში გამოწყობილი ის ახალი გადაცემის სტუმრებს ელოდებოდა, მანამდე კი, საკუთარი „ლუქი“ „ფოლოვერებს“ გაუზიარა. ნახეთ როგორ გამოიყურება 43 წლის ტელესახე.

View this post on Instagram

A post shared by maia asatiani (@maia.assatiani) on

პოპულარული ჟურნალისტი სკანდალური ცხოვრების მიუხედავად უამრავ ადამიანს უყვარს. მის გარშემო განსაკუთრებულად გულწრფელი ადამიანები ერთადერთი ქალიშვილის გარდაცვალების შემდეგ გამოჩნდნენ. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან. როგორც ოჯახის წევრებს შეეფერებათ, მაიას დებთან ძალიან ახლო და მეგობრული ურთიერთობა აქვს. უმცროსი და ვერონიკა მაიას ჰგავს, გოგონები ერთად ხშირად მოგზაურობენ მიუხედავად იმისა, რომ მაიას ბოლო პერიოდის მანძილზე საზოგადოებრივი თავშეყრის ადგილებში გამოჩენა აღარ ხიბლავს. თუმცა ბოლო პერიოდის მანძილზე სოციალურ ქსელში გააქტიურდა და თაყვანისმცემლებს ყოველდღიურ რუტინას სულ უფრო და უფრო ხშირად უზიარებს.

View this post on Instagram

A post shared by maia asatiani (@maia.assatiani) on

მაია ასათიანს სოციალურ ქსელში დიდი ხნის მანძილზე აბულინგებდნენ. ამის შესახებ ტელესახემ საჯაროდ არაერთხელ ისაუბრა, თუმცა – უშედეგოდ. მისი მისამართით უმიზეზო ჩაგვრა-დამცირება არ წყდებოდა. მის სატელევიზიო იმიჯს უამრავი ადამიანი განიხილავდა, ხოლო მაიას მიერ დასმული კითხვებით სარკასტულ მიმებს აკეთებდნენ და ვირტუალურ სივრცეში გაბოროტებული კომენტარები არ წყდებოდა. ამის შესახებ, ჟურნალისტმა არა ერთი განცხადება გაავრცელა, თუმცა უშედეგოდ. ამ ბოლო პერიოდის მანძილზე მან საკუთარი გვერდის კონტენტი შეცვალა და გულშემატკივრები სხვა ინტერესებით გააერთიანა.

120
თემები:
სელებრითების ცხოვრება
პოლიციის ლენტი

სისხლიანი გარჩევა თბილისში: პოლიციამ ორი პირი დააკავა

0
თბილისში ქუჩური გარჩევის დროს ბოროტმოქმედებმა ცივი იარაღი და ხელკეტები გამოიყენეს. ეჭვმიტანილები დააკავეს

თბილისი, 30 მაისი - Sputnik. პოლიციის თანამშრომლებმა თბილისში ჯგუფურად ჩადენილი ორი ან მეტი პირის მიმართ ჯანმრთელობის განზრახ მძიმე დაზიანების ბრალდებით ორი პირი დააკავეს, ნათქვამია შსს-ს მიერ გავრცელებულ განცხადებაში.

გამოძიებამ დაადგინა, რომ წერეთლის გამზირზე პარასკევს საღამოს ბრალდებულებმა ცივი იარაღით დაჭრეს ერთი პირი, ხოლო მეორეს ბლაგვი საგნით სხეულზე დაზიანება მიაყენეს.

დაშავებულების გადარჩენა მოხერხდა: ერთი კლინიკაში გადაიყვანეს, მეორეს დახმარება ადგილზე აღმოუჩინეს.

სამართალდამცველებმა იმ ავტომობილის ჩხრეკისას, რომლითაც ბრალდებულები გადაადგილდებოდნენ, დანაშაულის ჩადენის იარაღები - ორი ხელკეტი ნივთმტკიცებად ამოიღეს.

მომხდარ ფაქტზე გამოძიება სსკ-ის 117-მუხლის მე-5 ნაწილის "ე" ქვეპუნქტით და მე-7 ნაწილის "ა" ქვეპუნქტით მიმდინარეობს, რაც ჯგუფურად ჩადენილ ორი ან მეტი პირის მიმართ ჯანმრთელობის განზრახ მძიმე დაზიანებას გულისხმობს. ბრალდებულებს 9-დან 13 წლამდე ვადით პატიმრობა ემუქრება.

გრძელდება ოპერატიულ-სამძებრო და საგამოძიებო მოქმედებები ინციდენტში მონაწილე სხვა პირების დადგენა-დაკავების მიზნით.

0
თემები:
კრიმინალი საქართველოში