თენგიზ ცერცვაძე

ცერცვაძე: უახლოეს დღეებში ინფიცირებულთა მნიშვნელოვანი მატება იქნება

9774
24 მარტის მონაცემებით, საქართველოში კორონავირუსით ინფიცირებულთა რაოდენობამ 70 ადამიანს მიაღწია. მათ შორის გამოჯანმრთელებულია 9.

თბილისი, 24 მარტი - Sputnik. ჩემი პროგნოზით, საქართველოში კორონავირუსით ინფიცირებულთა მნიშვნელოვანი მატება იქნება, შესაძლოა ერთ, ორ და სამ კვირაში, განაცხადა  თბილისის ინფექციური საავადმყოფოს ხელმძღვანელმა, თენგიზ ცერცვაძემ.

ბოლნისისა და მარნეულის რაიონებში კორონავირუსთან დაკავშირებით საინფორმაციო კამპანია დაიწყო >>

24 მარტის მონაცემებით, საქართველოში კორონავირუსით ინფიცირებულთა რაოდენობამ 70  ადამიანს მიაღწია. მათ შორის გამოჯანმრთელებულია 9. საკარანტინო სივრცეში იმყოფება 4055, სტაციონარში მეთვალყურეობის ქვეშ კი 252 ადამიანია.

ცერცვაძემ არ გამორიცხა, რომ მატება ყოველდღიურად ორნიშნა ციფრითაც იყოს, თუმცა იმედი გამოთქვა, რომ საქართველო მაჩვენებლებით როგორც აქამდე, მომავალშიც დიდ დისტანციაზე იქნება ევროპული ქვეყნების მონაცემებთან.

„ჯერ ყოველდღიურად მატება მხოლოდ ერთნიშნა იყო. შეიძლება, ორციფრიანზე ავიდეთ, სამციფრიანს კი, მე პირადად არ ველოდები. თუმცა შეუძლებელი არაფერია“, - განაცხადა ცერცვაძემ.

მან სავარაუდო ლეტალურ შემთხვევებზეც ისაუბრა და აღნიშნა, რომ სამწუხაროდ, ასეთ კარგ იზოლაციაში ვერ დავრჩებით, რომ არცერთი გარდაცვლილი არ გვყავდეს.

„ასევე ჩემი პროგნოზია ერთი მკაფიო რამ, ჩვენ რაოდენობით საკმაოდ სოლიდურ დისტანციაზე მივყვებოდით დანარჩენ მსოფლიოს და დანარჩენ ევროპას, ჩემი რწმენა და შეიძლება, სურვილია, რომ როცა პიკი იქნება და შემთხვევების რაოდენობა მოიმატებს, არ მივაღწევთ ევროპის ქვეყნების დონეს, სადაც კატასტროფული სიტუაციაა. მას ისევ სოლიდურ დისტანციაზე გავყვებით. ანუ იქ თუ პიკი იყო ათასები, ჩვენთან პიკი ასეულები იქნება“, – განაცხადა თენგიზ ცერცვაძემ.

საქართველოს მთავრობამ 21 მარტს ქვეყანაში გამოაცხადა საგანგებო მდგომარეობა, ხოლო 22 მარტს – კარანტინი მარნეულისა და ბოლნისის რაიონებში. მარნეულში გამოვლინდა კორონავირუსით დაავადებული ქალი, რომლის დაინფიცირების წყარო ვერ დადგინდა.

9774
თემები:
კორონავირუსმა საქართველომდეც მოაღწია: ბოლო ცნობები (850)
საკლასო ოთახი

სწავლა შაბათობითაც იქნება? 15 სექტემბერს თითქმის შვიდი თვის შემდეგ სკოლის ზარი დაირეკება

57
(განახლებულია 15:09 14.08.2020)
განათლების სამინისტრომ გაკვეთილების ჩატარება სასკოლო სივრცეში სავალდებულოდ მხოლოდ  I-IV კლასის მოსწავლეებისთვის განსაზღვრა

თბილისი, 14 აგვისტო - Sputnik. დღევანდელი ეპიდემიოლოგიური ვითარების გათვალისწინებით, ზოგადსაგანმანათლებლო დაწესებულებებში სასწავლო პროცესი 15 სექტემბერს განახლდება, ნათქვამია  საქართველოს განათლების, მეცნიერების, კულტურისა და სპორტის სამინისტროს მიერ გავრცელებულ ინფორმაციაში.

როდის განახლდება სააღმზრდელო პროცესი თბილისის ბაგა-ბაღებში>>

დღეს ცნობილი გახდა ის რეკომენდაციები, რომლებიც საქართველოს განათლების სამინისტრომ ახალი სასწავლო წლის დაწყებასთან დაკავშირებით სკოლებისთვის შეიმუშავა. სწორედ არსებული რეკომენდაციების საფუძველზე განახლდება საქართველოს 2084 საჯარო სკოლაში ახალი სასწავლო წელი საკლასო ოთახებში 15 სექტემბერს.

განათლების სამინისტრომ გაკვეთილების ჩატარება I-IV კლასის მოსწავლეებისთვის სასკოლო სივრცეში სავალდებულოდ განსაზღვრა.

რაც შეეხება დანარჩენ კლასებს, მოსწავლეების უსაფრთხოებისა და ინფრასტრუქტურის გათვალისწინებით, სკოლის ადმინისტრაციას შეუძლია, შერეული (ე.წ. ჰიბრიდული მოდელი, რაც გულისხმობს სწავლას როგორც საკლასო ოთახებში, ასევე დისტანციურად) სწავლების საკუთარი მოდელი დანერგოს.

ამ შემთხვევაში გასათვალისწინებელია, რომ V-VI კლასებში დისტანციური სწავლება შესაძლებელი იქნება კვირაში მაქსიმუმ 1 დღე, VII – XI კლასებში მაქსიმუმ 2 დღე, ხოლო XII კლასში - მაქსიმუმ 3 დღე.

შერეული სწავლების მოდელი სკოლის ადმინისტრაციამ  განათლების სამინისტროსთან და საგანმანათლებლო რესურსცენტრთან უნდა შეათანხმოს.

განათლების სამინისტრო ყველა სკოლას საშუალებას აძლევს, ინდივიდუალური შესაძლებლობების, მოსწავლეთა რაოდენობისა და სასკოლო ფართს შორის თანაფარდობის გათვალისწინებით, დაგეგმოს სასწავლო პროცესი. კერძოდ,  სკოლებს შესაძლებლობა ექნებათ:

  • თავად განსაზღვრონ გაკვეთილის ხანგრძლივობა (მინიმუმ 30-წუთიანი გაკვეთილები);
  • განსაზღვრონ საგაკვეთილო პროცესის დაწყების დრო საფეხურების/კლასების მიხედვით (08:30 სთ; 08:45 სთ; 09:00 სთ);
  • განსაზღვრონ და მოქნილი ორგანიზება გაუკეთონ ცვლებს;
  • საჭიროების შემთხვევაში ერთცვლიანი სკოლები გადავიდნენ რამდენიმეცვლიან მოდელზე და სხვადასხვა საფეხურის მოსწავლეებმა იარონ ცვლების მიხედვით;
  • სასწავლო პროცესის დაგეგმვისას, სკოლის ინფრასტრუქტურიდან გამომდინარე და სკოლების განტვირთვის მიზნით, მხოლოდ საჭიროების შემთხვევაში, შესაძლებელია სასწავლო დღედ გამოყენებული იქნას შაბათი დღე.

სასწავლო პროცესი საქართველოს ყველა სასწავლო დაწესებულებაში კორონავირუსის პანდემიის გამო 2 მარტს შეჩერდა. სწავლის განახლების ვადა სამჯერ გადაიტანეს. 24 აპრილს კი პრემიერმა გიორგი გახარიამ განაცხადა, რომ სასწავლო დაწესებულებები მუშაობას სექტემბრამდე არ აღადგენდენ.

57
თემები:
COVID-19 საქართველოში
ალექსანდრე სუდაძე

მომავლის პროფესიები - რა იქნება მოთხოვნადი საქართველოს შრომის ბაზარზე  5 წლის შემდეგ

67
(განახლებულია 14:21 14.08.2020)
როგორ უნდა ავირჩიოთ პროფესია და რა მოთხოვნები ექნებათ დამსაქმებლებს სულ რაღაც  5 წლის შემდეგ , Sputnik - საქართველოსთან ციფრული ტექნოლოგიების სპეციალისტი და კრიპტოვალუტის ექსპერტი ალექს სუდაძე საუბრობს, რომელმაც თავად შეისწავლა რამდენიმე პროფესია.

როგორ უნდა ავირჩიოთ პროფესია?

პირველ რიგში ჩამოვწეროთ სახელმძღვანელო სია:  რისი კეთება გვიყვარს ყველაზე ძალიან, რა გვეხერხება და შესაბამისად სად შეგვიძლია ვიყოთ „ჩემპიონები“ (თუ საკუთარ თავთან გულახდილი ვიქნებით, 2-3 საქმიანობაზე მეტს ვერ დავწერთ)

ამ 2-3 პროფესიიდან უნდა ავირჩიოთ ისეთი, სადაც დღევანდელ გარემოში, მოთხოვნა უფრო მეტია ვიდრე მიწოდება და სასურველია, მოთხოვნის მაჩვენებელი იყოს ზრდადი უახლოეს წლების მანძილზე (მაგალითად ინფლუენსერები, პროგრამისტები, დიზაინერები და ა.შ.)

ასევე გასათვალისწინებელია საკმაოდ მნიშვნელოვანი ფაქტორიც, ამ სფეროში შედეგის მიღწევა უნდა იყოს არც ისე ადვილი, ანუ ე.წ  „შესვლის მაღალი ქვედა ზღვარი“(დაბალი ქვედა ზღვრის შემთხვევაში კონკურენცია ძალიან მაღალია და ამონაგები ძალიან მცირე, მაგალითად მძღოლი ან სანტექნიკოსი)

აუცილებლად უნდა არსებობდეს თქვენს გარშემო, იგივე თემით დაინტერესებული პროფესიონალები, ვისგანაც შეძლებთ პრაქტიკული ცოდნის მიღებას მოცემულ დარგში(ინტერნეტში მოძიებულიც, ხშირად საკმაოდ სასარგებლო ინფორმაციაა).

და რაც მთავარია 10 000 საათი სრული მონდომებით და მაღალი მოტივაციით მიჰყვეთ ამ პროფესიის შესწავლას.

შედეგიც არ დააყოვნებს, მე-2-3 წლის შემდეგ, თქვენ უკვე ყურადღებას მიიქცევთ როგორც ამ დარგის ახალბედა სპეციალისტი და თქვენს რჩევებსაც ყურადღებით მოუსმენენ (არ აქვს მნიშვნელობა, მეღვინე გახდებით თუ ელექტროშემდუღებელი)

შემდეგ დაიწყება უკვე სხვა სპეციალისტებთან შეჯიბრებითობა, თვითდამკვიდრება, აღიარება და უეცრად აღმოაჩენთ რომ თქვენი ანაზღაურება იმაზე მეტია ვიდრე ეს 4-5 წლის წინ წარმოგედგინათ.

რომელია დღეს ყველაზე მოთხოვნადი პროფესიები და რამდენად შეეასაბამება ისინი თანამედროვე შრომის ბაზარზე არსებულ მოთხოვნებს?

თუ ვისაუბრებთ ამ საუკუნის განვლილი პირველი 20 წლის გადმოსახედიდან, აშკარად იკვეთება პროფესიები, რომლებიც დაკავშირებულია ინტერნეტის აქტიურ მოხმარებასთან და მაღალ ტექნოლოგიებთან, როგორიცაა IT-ს სპეციალისტები, სახვადასხვა რანგის პროგრამისტები, web-დეველოპერები, ციფრული მარკეტინგის სპეციალისტები, IT-უსაფრთხოების და დანერგვის თანამშრომლები, როგორც დამწყები ასევე ექსპერტებიც.

აქტიურად იკვეთება ყველა მიმართულებით ექსპერტიზის გაზიარების - დარგობრივი ექსპერტების და საკონსულტაციო ბიზნესის ზრდა, იქნება ეს მედიცინა, იურისპრუდენცია თუ ტექნოლოგიური დარგები. ეს ძირითადად განპირობებული იმით, რომ მეცნიერება საკმაოდ სიღრმისეულად შეისწავლის სხვადასხვა მიმართულებებს და პერიოდულად საჭიროა ვიწრო სპეციალობის ექსპერტები. ასე მაგალითად, თუ ადრე ექიმ-პედიატრი შეიძლება ყოფილიყო ზოგადად პედიატრი, ბოლო 20-25 წლის მანძილზე ის რამდენიმე ვიწრო სპეციალობად დაიყო და უკვე ცალკეულ მიმართულებებზეა ორიენტირებული.

დღეს ბაზარზე ყველაზე მოთხოვნად სპეციალობებად მაინც IT-სფეროს დარგები ჩაითვლება, როგორიცაა, რობოტოტექნიკის პროგრამისტები და ინჟინრები, IT-უსაფრთხოების და დაგეგმარების ადმინისტრატორები და ა.შ.  თუმცა სხვა მიმართულებებიც არ ჩამორჩება და იქაც მოხდება პროფესიების ტრანსფორმაცია. ქვემოთ მოცემულ სიაში ვეცადე ჩამომეწერა სია მოთხოვნის კლებადობის მიხედვით:

მობილური აპლიკაციების და საიტების დიზაინერი

რობოტების პროგრამისტი

ინფლუენსერები და ციფრული მარკეტოლოგები

სოციალური ქსელების მენეჯერები, დიდ მონაცემთა დამუშავების სპეციალისტები

ბიზნესანალიტიკოსები, პირადი ფინასური მრჩეველები

ესთეტიკური მედიცინის მაღალი პროფესიის სპეციალისტები და სტომატოლოგები

მაღალი რანგის მენეჯერები, ტრანსნაციონალურ კორპორაციებში

დისპეჩერიზაციის და ლოგისტიკის სპეციალისტები

სახელმწიფო სამსახურების ადმინისტრაციული თანამშრომლები

მძღოლები და ავტომობილის ხელოსნები

გამომდინარე იქიდან, რომ ტექნოლოგიები და განსაკუთრებით რობოტები აქტიურად ანაცვლებენ ადამიანის შრომას (განსაკუთრებით მძიმე და დაბინძურებულ გარემოში), მათი ხვედრით წილი შრომის ბაზარზე სულ უფრო და უფრო იზრდება, ერთი უმთავრესი მიზეზის გამო, დამქირავებელს ანუ ბიზნესის მეპატრონეს, რობოტების მიერ შექმნილი მატერიალური დოვლათი თუ მომსახურება გაცილებით იაფიც უჯდება და უფრო საიმედოა წლების მანძილზე(რობოტებს არც შვებულება ესაჭიროებათ და არც ბიულეტენი)

ასე მაგალითად ბანკების უმეტესობამ უარი თქვა ოპერატორების აყვანაზე თავიანთ ფილიალებში და მომხმარებლებს დისტანციურად ემსახურებიან აპლიკაციების მეშვეობით. რეალურად დღეს მობილური საბანკო აპლიკაციით თითქმის ყველა საბანკო ოპერაციის შესრულებაა შესაძლებელი, რაც 5 ან 10 წლის წინ წარმოუდგენელიც იყო და ამისთვის ფიზიკურად ბანკში მისვლა და ოპერატორებთან უშუალო შეხვედრა იყო საჭირო. იგივე პრინციპით მუშაობენ სხვადასხვა სახელმწიფო სერვისები და მსხვილი კომპანიები. აქტიურად ინერგება დისტანციურად ბოტების მომსახურება, როდესაც ადამიანის მაგივრად რობოტი გპასუხობს, როგორც მესიჯინგის საშუალებით ასევე ხმით (ტელეფონით).

ადრე ყავა ან ჩაი რომ დაგველია ან რაიმე წვრილმანი გვეყიდა (ბოთლით წყალი ან შეფუთული საკვები), აუცილებლად უნდა მივსულიყავით მაღაზიაში, დახლთან, გამყიდველს დავლაპარაკებოდით და ის გაატარებდა სალაროში, დღეს ამისთვის ქუჩის ავტომატები არსებობს (მარტივი რობოტები), რომლებიც თითქმის ნებისმიერ პროდუქტს მოგაწვდიან, გადახდის პროცედურის დასრულებისთანავე. ბევრ სავაჭრო ცენტრებშიც ზუსტად მსგავსი სერვისები ინერგება, განსაკუთრებით პანდემიის შემდგომ.

დაბალკვალიფიციური ადამიანური შრომა, აქტიურად ჩანაცვლდება რობოტებით და ავტომატური სერვისებით.

რომელია ისეთი პროფესია, რომლის წარმომადგენლებსაც საქართველოში უმუშევრობა არ ემუქრებათ?

დღეს უკვე კომუნიკაციის დონემ ისე აიწია, ხშირ შემთხვევაში აღარაა საჭირო ფიზიკურად გადაადგილება, სამსახურის მოძებნაში ან დამსაქმებელთან უშუალოდ ხშირ შეხვედრაში. პანდემიის მერე, თანამშრომლების დისტანციურად აყვანის და დასაქმების უფრო მეტი საშუალებაც მიეცათ კომპანიებს და ახალი თანამშრომლების სახლიდან მუშაობაც საკმაოდ ეფექტური აღმოჩნდა(არ იხარჯება დრო ტრანსპორტზე, ოფისის ხარჯები შემცირებულია მინიმუმადე, თანამშრომელი სახლში უფრო კომფორტულად და ადვილად მუშაობს)

შესაბამისად, ხშირად  აღარაა აუცილებელი, საქართველოს გარეთ ფიზიკურად წასვლა ან  სხვა რაიონში მოგზაურობა, რაც freelancer-ის ტიპის თანამშრომლებს, უფრო მოქნილს ხდის.

იგივე პროგრამისტები და ვებ-დიზაინერები მუდამ დასაქმებული იქნებიან, თავისი კვალიფიკაციის შესაბამისად, თუ სწორად მოახდენენ საკუთარი თავის პოზიციონირებას. ასევე აქტიური მოთხოვნაა დისტანციური მხარდაჭერის სერვისებშიც, როგორიცაა კონსულტანტები, ლექტორები ან სხვადასხვა online შეხვედრების ორგანიზატორები.

რომელი პროფესიები იქნება მოთხოვნადი შროომის ბაზარზე მაგალითად 5 წლის შემდეგ და რა შეიცვლება?

უმეტეს წილად ის ახალი პროფესიები რომლებიც ზემოთ ჩამოვთვალე, უფრო მოთხოვნადი გახდება და მეტ სფეროებს მოიცავს. როგორც google -ის ტექნიკური დირექტორი Ray Kurzweil -მა განაცხადა, უახლოეს 5-10 წლის მანძილზე ბევრი ახალი სპეციალობა გაჩნდება და არსებული სპეციალობებიც ტრანსფორმირდება სხვა ნაირსახეობებში:

ვირტუალური გარემოს დიზაინერი

რობოეთიკის იურისტი

ციფრული ტექნოლოგიების დამნერგავი

ბიოხაკერი (დაეხმარება ადამიანებს საკუთარი ორგანოების განახლებაში

IoT manager  - ინტერნეტ ნივთების დამპროგრამებელი და დიზაინერი

კოსმოსური ექსკურსიების მენეჯერი

ბუნებრივი გარემოს და რესურსების აღდგენის მენეჯერი (ენერგიის ალტერნატიული წყაროების სპეციალისტი)

ადამიანის სხეულის დიზაინერი  (იმპლანტების და ხელოვნური ორგანოების დიზაინერი).ნატა

ნატა პატარაია

67
ამოუცნობი ობიექტი ცაზე

მასმედია: ამოუცნობი მფრინავი ობიექტების შესასწავლად პენტაგონი სამუშაო ჯგუფს შექმნის

0
(განახლებულია 15:27 14.08.2020)
მეორე მსოფლიო ომის შემდგომ წლებში აშშ-ში ამოუცნობი მფრინავი ობიექტების შესასწავლად არაერთხელ შეიქმნა სხვადასხვა დონის სამუშაო ჯგუფები

თბილისი, 14 აგვისტო - Sputnik. აშშ-ის თავდაცვის სამინისტრომ გადაწყვიტა სამუშაო ჯგუფის შექმნა ამოუცნობი მფრინავი ობიექტების შესასწავლად, რომლებსაც სამხედრო-საჰაერო ძალების მფრინავები აწყდებიან ხოლმე, იუწყება CNN სამხედრო უწყებაში წყაროზე დაყრდნობით.

პენტაგონმა ამოუცნობი მფრინავი ობიექტის ვიდეო ოფიციალურად გამოაქვეყნა - სენსაციური მასალა>>

„თავდაცვის მინისტრის მოადგილე დევიდ ნორკვისტი უხელმძღვანელებს სამუშაო ჯგუფს, რომელიც, როგორც მოსალოდნელია, ოფიციალურად იქნება წარდგენილი უახლოეს დღეებში“, - აღნიშნავს ტელეარხი.

CNN-ის ცნობით, ივლისში ამოუცნობ საფრენ ობიექტებთან დაკავშირებით შეშფოთება გამოთქვეს აშშ-ის კონგრესში, სადაც არ გამორიცხეს, რომ ეს ობიექტები, შესაძლოა, დედამიწაზე იყოს დამზადებული და „პოტენციური მოწინააღმდეგის“ დასაზვერად გამოიყენებოდეს.

აპრილის ბოლოს პენტაგონმა თავის ვებგვერდზე გამოაქვეყნა ვიდეოჩანაწერები, რომლებზეც აღბეჭდილია „ამოუცნობი მოვლენები“. უწყების მონაცემებით, აშშ-ის სამხედრო-საზღვაო ძალების სამი არასაიდუმლო ვიდეორგოლიდან ერთ-ერთი გადაღებულია 2004 წლის ნოემბერში, ორი დანარჩენი კი - 2015 წლის იანვარში. სამივე 2007-2017 წლებში მოხვდა ინტერნეტსივრცეში პენტაგონის სანქციის გარეშე. მათი ავთენტურობა აღიარებულია სამხედრო-საზღვაო ძალებში. მოგვიანებით სამხედროებმა გამოაქვეყნეს რამდენიმე ანგარიში, რომლებშიც პილოტები 2013 წლის 27 ივნისიდან 2019 წლის 13 თებერვლამდე ამოუცნობ საფრენ ობიექტებთან შეხვედრაზე საუბრობენ.

ივნისში აშშ-ის პრეზიდენტმა დონალდ ტრამპმა განაცხადა, რომ ბევრი საინტერესო რამაა ცნობილი 1947 წელს ნიუ-მექსიკოს შტატში ამოუცნობი მფრინავი ობიექტის სავარაუდო კატასტროფის თაობაზე და არ გამორიცხა, რომ აქამდე საიდუმლო ინფორმაცია ამ ინციდენტზე შეიძლება ფართო საზოგადოებისთვის გახდეს ცნობილი. სხვადასხვა წყაროებში პოპულარობით სარგებლობს ვერსია, რომ ობიექტი, რომელიც ქალაქ როზუელის მახლობლად ჩამოვარდა, იყო არამიწიერი ხომალდი, მისი პილოტი კი - უცხოპლანეტელი, რომელიც აშშ-ის მთავრობამ დაიჭირა და გაასაიდუმლოა. აშშ-ის სამხედრო-საჰაერო ძალების ოფიციალური პოზიციის თანახმად, როზუელში აღმოჩენილი ობიექტი არის მეტეოზონდი, გამოყენებული საიდუმლო პროგრამის ფარგლებში.

0
თემები:
მსოფლიო დღეს