თბილისი, 24 მარტი — Sputnik. ხობში, ავტოსადგურთან მდებარე სავაჭრო ობიექტის მეპატრონემ ბანერი განათავსა, რომლის მიხედვით, მოქალაქეებს შეუძლიათ პროდუქტები მიიტანონ, ხოლო მათ, ვისაც ეს სჭირდება – აიღონ.
ობიექტის მეპატრონე, რომელიც ძირითადად სასოფლო-სამეურნეო პროდუქტებით ვაჭრობს, ამბობს, რომ ეს გადაწყვეტილება ქვეყანაში არსებული კრიზისის ფონზე მიიღო.
საქართველოში კორონავირუსით ინფიცირებულების რაოდენობა 67-მდე გაიზარდა. კარანტინის რეჟიმში იმყოფება 4055 ადამიანი, ხოლო სტაციონარებში დაკვირვების ქვეშ – 252.
