სასწრაფო დახმარების მანქანა. საგანგებო რეჟიმი

კარანტინი საქართველოში: ორ რაიონში სამხედრო ტექნიკა შევიდა

179
(განახლებულია 12:45 23.03.2020)
მარნეულისა და ბოლნისის მუნიციპალიტეტების მცხოვრებთ ეკრძალებათ ტერიტორიის დატოვება, ხოლო იმ შემთხვევაში, თუ მათ ტემპერატურა მოემატებათ, აუცილებლად უნდა მიმართონ კლინიკას.

თბილისი, 23 მარტი – Sputnik. მარნეულისა და ბოლნისის რაიონებში, სადაც კარანტინი გამოცხადდა, შედის სამხედრო ტექნიკა, ასევე სატვირთო ავტომობილები, რომლებიც დატვირთულია კარვებითა და სპეცტექნიკით.

წუხელ საქართველოს მთავრობამ ამ ორ რაიონში მკაცრი საკარანტინო რეჟიმის დაწესება გადაწყვიტა.

კარანტინის პერიოდში საზოგადოებრივ წესრიგს მარნეულისა და ბოლნისის რაიონებში შინაგან საქმეთა სამინისტრო დაიცავს, ხოლო თავდაცვის ძალები კოორდინირებას გაუწევენ და შსს-სთან და მარნეულისა და ბოლნისის მუნციპალიტეტებთან კოორდინაციაში დაიცავენ სპეციალურ საკონტროლო-გამშვებ პუნქტებს.

დაავადებათა კონტროლის ცენტრის ხელმძღვანელმა ამირან გამყრელიძემ განაცხადა, რომ აღნიშნული რაიონების მცხოვრებლებმა თავიანთი ტერიტორია არ უნდა დატოვონ.

მისი თქმით, მარნეულში კლინიკა „ჯეო ჰოსპიტალსი“ საკარანტინო ცენტრად გარდაიქმნება და ყველა მოქალაქემ, რომელსაც ტემპერატურა მოემატება, ამ სამედიცინო დაწესებულებას უნდა მიმართოს. იქ მათ კორონავირუსზე შეამოწმებენ.

„სამედიცინო პერსონალი... ყველა სოფელში ესტუმრებიან ყველა ოჯახს და სთხოვენ, თუ სადმე არის ადამიანი ტემპერატურით, აუცილებლად მივიდნენ ამ ჰოსპიტალში. იქ იმუშავებენ ჩვენი – დაავადებათა კონტროლის ცენტრის წარმომადგენლები, აიღებენ ყველა სიცხიანი ადამიანის ნიმუშს ცხვირ-ხახიდან და თითოეული ნიმუში გაიტესტება ახალ კორონავირუსზე“, – განაცხადა ამირან გამყრელიძემ პირველი არხის ეთერში.

მისი თქმით, საავადმყოფოში მიყვანილების სინჯები 24 საათის განმავლობაში გადამოწმდება და უარყოფითი პასუხის შემთხვევაში მოქალაქეები ცხოვრების ჩვეულ რეჟიმს დაუბრუნდებიან.

„სადაც იქნება დადებითი შემთხვევა, ისინი დარჩებიან კლინიკაში და შემდგომ სამკურნალოდ გადაიყვანენ უკვე სპეციალიზებულ ინფექციურ კლინიკებში, რომლებიც დასახელებულია კორონავირუსის სამკურნალოდ“, – განაცხადა გამყრელიძემ.

საქართველოს მთელ ტერიტორიაზე 21 მარტიდან 21 აპრილამდე საგანგებო მდგომარეობა გამოცხადდა.

დღეს, დილის 09:00 საათის მდგომარეობით, კორონავირუსის დადასტურებული შემთხვევაა – 54, მათ შორის გამოჯანმრთელებული – 3, კარანტინის რეჟიმში – 3254, სტაციონარებში მეთვალყურეობის ქვეშ – 233.

ამასთან, გუშინ, საღამოს გავრცელდა ინფორმაცია, რომ კორონავირუსისგან განიკურნა კიდევ ხუთი ადამიანი, მაგრამ ეს ოფიციალურ მონაცემებში ჯერ არ ასახულა.

179
თემები:
კორონავირუსმა საქართველომდეც მოაღწია: ბოლო ცნობები (850)
ეკა ხოფერია

„ჩემი სიხარულის კივილს ისმენდა მთელი სამეზობლო...“- რა მოხდა ჟურნალისტის დაბადების დღემდე?

114
(განახლებულია 14:51 10.07.2020)
ჟურნალ „სითის“ რედაქტორი ეკა ხოფერია სოციალურ ქსელში დაუჯერებელ ისტორიას ყვება. ნახეთ რა შეემთხვა ჟურნალისტს

თბილისი, 10 ივლისი – Sputnik. ჟურნალისტი ეკა ხოფერია გუშინ 48 წლის გახდა. სოციალურ ქსელში ჟურნალისტი სახალისო ისტორიას აზიარებს. მისი თქმით, რამდენიმე დღის წინ ეგონა, რომ 49 წლის ხდებოდა.

„ჩემი სიხარულის კივილს ისმენდა მთელი სამეზობლო, ალბათ. რა მაგარია, 48 წლის ვხდები თურმე! ( ციფრებთან ვერ ვარ კარგად), ამ ამბავს ყველას ისე ვუყვები, როგორც საოცრებას. თითქოს ვიღაცამ მაჩუქა ეს წელი“, - წერს ეკა ხოფერია.

პოპულარული ტელეწამყვანი პირველად საკმაოდ პატარა ასაკში დაოჯახდა. მისი თამამი ნაბიჯი უამრავ სირთულესთან იყო დაკავშირებული. პარალელურად ეკა ხოფერია „რუსთავი 2“-ის კორესპონდენტი იყო და პროფესიულ გამოწვევებს სირთულეების გარეშე უმკლავდებოდა. გამოწვევებთან ერთად  ეკა ახალ მწვერვალებს იპყრობდა. ტელეწამყვანი მეორედ ექიმ მიშა ხუჯაძეზე წლების წინ დაქორწინდა და ისინი საფრანგეთში ცხოვრობდნენ. ეკა იხსენებს, რომ ანანოს მამინაცვლის მიმართ ეჭვიანობა გაუჩნდა, მაგრამ მიშას გულწრფელობამ და სიკეთემ ყველაფერი შეცვალა. ახლა გოგონა და დედის ახალი რჩეული მეგობრები არიან.

View this post on Instagram

ჩქიმ ზუგდიდი❤️

A post shared by Eka Khoperia (@ekakhoperiacity) on

მას შემდეგ რაც ერთ-ერთმა გამორჩეულმა ჟურნალისტმა ტელეკომპანია „იმედში“ ბოლო სამსახური დატოვა, მისი ცხოვრება ახალი გამოწვევების ფონზე განვითარდა. ტელევიზიის გამოჩენილი სახე ტელეეკრანებზე აღარ ჩანს. ეკამ ჟურნალის შეფ-რედაქტორობას მოჰკიდა ხელი. მან ჟურნალი „სითი“ დააფუძნა, რომელიც 9 წელია ბაზარზე დიდი წარმატებით სარგებლობს. მორიგი უახლესი სურათი ჟურნალ „სითის“ ახალ ნომერში მოხვდება. ეკა ხოფერია უმცროს ვაჟებთან ერთად პოზირებს. ჟურნალი ფაქტობრივად მის მეოთხე შვილად იქცა. პატარა „ხუჯიკებზე“ ფეხმძიმობის დროს გაჩენილმა იდეამ ძალიან მალე იპოვა საკუთარი ადგილი ქართულ ბაზარზე.

View this post on Instagram

Me and my khujiks ) for @citymagazineofficial @kidsgallery.ge photo @anna_kostomarova

A post shared by Eka Khoperia (@ekakhoperiacity) on

47 წლის პოპულარული ჟურნალისტი თანამედროვეობას თვალს უსწორებს და სოციალურ ქსელში მიკრობლოგს უფრო ააქტიურებს. ყველასათვის საყვარელ ეკა ხოფერიას სამი შვილი ჰყავს. როგორც თავად ჰყვებოდა, ტელევიზიაში მუშაობისას ბავშვებთან ხშირად კომუნიკაციას ვერ ამყარებდა, რის გამო ძალიან ღელავდა. ახლა ტელეწამყვანს ახალი პროფესია აქვს. გამოცდილმა ჟურნალისტმა ახალი გამოწვევა რამდენიმე წლის წინ მიიღო, როცა ბომონდური ჟურნალის „სითის“ მთავარი რედაქტორი გახდა.

114
თემები:
სელებრითების ცხოვრება
გამოცდების ეროვნული ცენტრი

კორონავირუსი ერთიან ეროვნულ გამოცდებზე ერთ–ერთ აბიტურიენტს ინფექცია დაუდასტურდა

84
კორონავირუსით ინფიცირებულ აბიტურიენტთან კონტაქტში მყოფ ცხრა აბიტურიენტზე მიმდინარეობს დაკვირვება და ტარდება შესაბამისი ეპიდსაწინააღმდეგო ღონისძიებები

თბილისი, 10 ივლისი - Sputnik. ერთ-ერთ აბიტურიენტს, რომელიც 7 ივლისს გამოცდაზე იმყოფებოდა, კორონავირუსი დაუდასტურდა, განაცხადა დაავადებათა კონტროლის ეროვნული ცენტრის დირექტორმა ამირან გამყრელიძემ განათლების სამინისტროში გამართულ ბრიფინგზე.

რატომ მოიხსნა ხუთი აბიტურიენტი ეროვნული გამოცდიდან>>

როგორც ამირან გამყრელიძემ აღნიშნა, აბიტურიენტის ინფიცირების წყარო, სავარაუდოდ, ოჯახის წევრია.

„გუშინ რეგიონში ერთ-ერთ ქალბატონს დაუდასტურდა კორონავირუსი. დავიწყეთ კონტაქტების მოძიება და მასთან კონტაქტში მყოფ ადამიანს, ერთ-ერთ ახალგაზრდას, გოგონას, რომელიც 7 ივლისს ერთიანი ეროვნულ გამოცდებზე იყო გასული, კორონავირუსი დაუდასტურდა. ინფიცირებული პაციენტის მდგომარეობა დამაკმაყოფილებელია“, - განაცხადა გამყრელიძემ.

მისი თქმით, გამოკვლეულია აბიტურიენტთან კონტაქტში მყოფი 27 ადამიანი და მათი ტესტის პასუხი უარყოფითია.

ამასთან, ცხრა აბიტურიენტი, რომელიც ინფიცირებულ აბიტურიენტთან  იყო საგამოცდო ოთახში, ამჟამად დაკვირვების ქვეშ, საკარანტინო სივრცეში იმყოფება და მათ ყოველი გამოცდის წინ PCR ტესტი ჩაუტარდება.

ერთიანი ეროვნული გამოცდები 6 ივლისს დაიწყო და 25 ივლისს დასრულდება. გრანტების კონკურსი გაიმართება 25 ივლისს, ხოლო სამაგისტრო გამოცდები – 1-4 აგვისტოს. გამოცდები მასწავლებლებისთვის 22-30 ივლისს ჩატარდება. სულ წელს გამოცდებში 55 ათასზე მეტი აბიტურიენტი და სტუდენტი მონაწილეობს.

კორონავირუსის პანდემიის გამო, წელს  ერთიანი ეროვნული გამოცდები სპეციალურად შემუშავებული რეკომენდაციების გათვალისწინებითა და უსაფრთხოების წესების  დაცვით ტარდება.

კერძოდ, დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების თანახმად, აბიტურიენტები საგამოცდო ცენტრებში პირბადეებით უნდა გამოცხადდნენ, თუმცა ადგილის დაკავების შემდეგ შეუძლიათ ის მოიხსნან. თუ ისინი საგამოცდო ცენტრში პირბადის გარეშე გამოცხადდებიან, გამოცდაზე არ დაუშვებენ. თითოეულ აბიტურიენტს თერმოსკრინინგი ჩაუტარდება. თუ საგამოცდო ცენტრებში ტემპერატურა 30 გრადუსს მიაღწევს, კონდიციონერს ჩართავენ, მაგრამ ამ შემთხვევაში აბიტურიენტებმა პირბადეები უნდა გაიკეთონ.

რა ბედი ელით მაღალი სიცხის გამო გამოცდიდან მოხსნილ აბიტურიენტებს>>

საგამოცდო სექტორში მაგიდებს შორის სიგანეში დაშორება იქნება მინიმუმ 2 მეტრი, ერთმანეთის მიმდევრობით განლაგებულ მაგიდებს შორის მანძილი კი 1 მეტრი იქნება.

84
თემები:
COVID-19 საქართველოში
ქეთევან ქარჩავა

როგორ აქციო ჰობი შემოსავლის წყაროდ: ხავერდის დახვეწილი ჩანთები ქეთევან ქარჩავასგან

0
(განახლებულია 14:45 10.07.2020)
ბევრ ადამიანს აქვს ჰობი, რომელიც ხელსაქმეს უკავშირდება. ზოგს ქარგვა იზიდავს, ზოგს ქსოვა, ზოგს კერვა. ბევრი ხერხებს თავის გატაცება შემოსავლის წყაროდ აქციოს.

ქეთევან ქარჩავა პროფესიით ისტორიკოსია, თუმცა პროფესიით არასოდეს უმუშავია. ყოველთვის სურდა საკუთარი საქმე ქონოდა. გზა, რომლიც ქალბატონმა ქეთევანმა დიასახლისობიდან დღემდე გაიარა, არ იყო მარტივი. დღეს უკვე საკუთარი ბიზნესი აქვს. ხავერდისგან ულამაზე ჩანთებს ქმნით, რომელსაც თავისივე ხელით, დიდი რუდუნებით ქარგავს.

ქეთევან ქარჩავა
photo: courtesy of Ketevan Karchava
ქეთევან ქარჩავა

- პროფესიით ისტორიკოსი ვარ, თუმცა ჩემი პროფესიით არასოდეს მიმუშავია, ვიყავი უბრალოდ დიასახლისი. ვერ ვიტყვი, რომ ამ გადაწყვეტილებით კმაყოფილი ვიყავი, რადგან მუდმივად ვცდილობდი შემევსო ის დანაკლისი, რასაც პროფესიულად ვერ რეალიზება იწვევდა. კითხვა მიყვარდა ბავშვობიდან და ბევრს ვკითხულობდი, ვეძებდი სხვადასხვა გატაცებებს, მებაღეობაც კი ვცადე სახლის პირობებში. კერვა, ხატვა, თექაზე მუშაობა, თუმცა ეს გატაცებები ხანგრძლივი არ აღმოჩნდა. მიუხედავად ამისა ყველა მათგანმა გარკვეული კვალი დატოვა ჩემი გემოვნებისა   და თვითრწმენის ჩამოყალიბებაში.

შვილების გაზრდის მერე უფრო მწვავედ ვიგრძენი, რომ რაღაც  მჭირდებოდა, რაც ჩემს როგორც  დიასახლისის ცხოვრებას უფრო საინტერესოს გახდიდა. ამავე დროს სკუთარ თავს დავუმტკიცებდი, რომ ნებისმიერ ასაკში  შესაძლებელია შენი ცხოვრება გახადო უფრო საინტერესო და ნაყოფიერი.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- ვინ იყო ადამიანი, ვინც ამ პერიოდის განმავლობაში სტიმულს და მოტივაციას გაძლევდათ, გვერდით გედგათ და ყველაზე მეტად გამხნევებდათ?

- მთელი ამ თვითძიების პროცესს ჩემი მეუღლე, ძალიან წარმატებული იურისტი, ინტერესით, ცოტა იუმორით, მაგრამ საკმაოდ გაგებით ეკიდებოდა, რაც არ იყო მარტივი  ამ გადმოსახედიდან. ჩემი ინტერესები და გატაცებები ელვის სისწრაფით იცვლებოდა, რაც საკმაო დისკომფორტს იწვევდა ოჯახში. ჩემი მეუღლეა ის ადამიანი, რომელიც დღემდე მხარს უჭერს ჩემს ყველა წამოწყებას და იდეას. ინსპირაციის წყარო კი ჩემი ქალიშვილია, რომელსაც ბავშობიდან დღემდე  ნებით თუ ძალით ვარგებ ჩემს მიერ შექმნილ სამოსს თუ აქსესუარებს.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- როგორი იყო თქვენი პირველი ნაბიჯები ამსფეროში?

- დაახლოებით 2015 წელს შევქმენი ონლაინ გვერდი ფეისბუქზე. მაშინ ვმუშაობდი თექაზე, ფაქტიურად ამ დროიდან გარდაიქმნა ჰობი საქმიანობად. მომიწვიეს რამდენიმე ჯგუფურ გამოფენაზე საქართველოში და საზღვარგარეთ, ინტერვიუ მთხოვა რამდენიმე ტელეარხმა, გაიყიდა ბევრი ნამუშევარი, შემომთავაზეს ტრადიციული რეწვის ასოციაციის წევრობა.  ამ ყველაფერმა დიდი გავლენა მოახდინა ჩემზე, როგორც თვითნასწავლ შემოქმედზე. ასევე მინდა ვთქვა, ყველაზე მასტიმულირებელი იყო ადამიანების აღტაცება ჩემს  ნამუშევრებით.  გარკვეული დროის მერე თექის ჩანთაზე ამოქარგვა დავიწყე, ქარგვამ  ძალიან გამიტაცა. შემდეგ ქსოვილზე ვცადე და დღემდე მხოლოდ ქარგვით და კერვით ვარ დაკავებული. გასაკუთრებით ხავერდზე მომწონს ქარგვა, რადგან თვითონ ეს ქსოვილი განსაკუთრებულად ლამაზი და შესახებად სასიამოვნოა.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- ხავერდზე მუშაობა რთული არ არის?

- მასზე საკმაოდ რთულია მუშაობა და ესკიზის გადატანა, ამიტომ პირდაპირ ვქარგავ და არასოდეს ვიცი რა იქნება საბოლოო შედეგი, ასე უფრო საინტერესოა ჩემთვის. აქვე მინდა აღვნიშნო, ბებიას უყვარდა  ქარგვა. მახსოვს ბავშვობაში ძალიან ლამაზი საზეიმო კაბა მომიქარგა, მამიდაც ქარგავდა  და კერავს დღემდე, მეც ალბათ მათგან გამომყვა ხელსაქმის სიყვარული.

ხელნაკეთი ჩანთა
photo: courtesy of Ketevan Karchava
ხელნაკეთი ჩანთა

- როგორ ფიქრობთ, რით არის თქვენი ჩანთები გამორჩეულო? როგორ დაიპყარით ამდენი ქალბატონის გული?

- ჩემი ჩანთები ვინტაჟური სტილისაა. ასე მგონია მე-19-ე საუკუნის ვიქტორიანული  სული ცოცხლდება მათში. აქ ალბათ გავლენას ახდენს ჩემი სიყვარული ისტორიისადმი. ასევე მიყვარს ბუნება, ყვავილები, ყველაფერი რაც ცოცხალია და სუნთქავს. ვფიქრობ, რაც იზიდავს ქალბატონებს ჩემს მიერ შექმნილ აქსესუარებში არის  ცოტაოდენი რომანტიზმი, ფერთა გამა, ყვავილების  სილამაზე და რა თქმა უნდა ხარისხი.

ასევე მინდა ვთქვა, ყველა ნივთი იქმნება დიდი სიყვარულით და გულმოდგინებით, ყველა მათგანი გამორჩეულია ინდივიდუალიზმით, რადგან არ კეთდება  შაბლონით. მე მათში ვქარგავ ჩემი სულის ნაწილს და ამიტომაც ვფიქრობ ყველა ჩემს მიერ შექმნილი  აქსესუარი ყვება ამბავს. ხანდახან მიჭირს კიდევაც მათთან განშორება.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- ყველაზე დიდი მოთხოვნა როგორი სტილის ჩანთებზეა?

- ვერ გეტყვით, რადგან რასაც ვაკეთებ თითქმის ყველაფერი იყიდება. ხანდახან რომელიღაც მოდელის გამეორებას მთხოვენ, თუმცა  იდენტურის გაკეთება შეუძლებელია. ძირითადად მენდობიან  და მაძლევენ შემოქმედებით თავისუფლებას, ასეთი დამკვეთების მიმრთ  საოცრად კეთილგანწყობილი ვხდები და ნამუშევარიც შესაბამისი გამოდის.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- ჩანთების გარდა სხვა აქსესუარებასაც ამზადებთ?

- დიახ.  ჩანთების გარდა, ამ ეტაპზე ვაკეთებ მოქარგულ გულსაკიდებს, საყელოებს, თმის რკალებს, ყაბალახებს და შარფებს.

- სამომავლოდ რა გეგმები გაქვთ?

წინასწარ ამის პროგნოზირება რთულია, თუმცა მომხმარებელს ვპირდები საინტერესო და ხარისხიან ნამუშევრებს. ზოგადად, გადაწყვეტილებებს სწრაფად  ვიღებ.  ცვლილებები  არ მაშინებს.  ამ ეტაპზე, ვმუშაობ ინტერნეტ გაყიდვების გაზრდაზე და ამიტომაც ვგეგმავ სოციალურ ქსელებში მეტად გააქტიურებას. ასევე, ჩემი სამომავლო გეგმაა უცხოეთის ბაზარზე ნამუშევრების გატანა.

0