კოტე მათითაშვილი ეკა ბალანჩივაძე

ეკა ბალანჩივაძის დიეტა ნახეთ როგორ იკლებს თვითიზოლაციაში მყოფი დღეში 1 კილოგრამს

891
(განახლებულია 15:31 23.03.2020)
კოტე მა­თი­თაშ­ვი­ლი გან­სა­კუთ­რე­ბით პო­პუ­ლა­რუ­ლი გა­და­ცე­მა „ექი­მებ­ში“ გა­მო­ჩე­ნის შემ­დეგ გახ­და. წყვილი ორი წელია ქორწინებაშია.

თვითიზოლაციის და საგანგებო მდგომარეობის ერთ-ერთი საფრთხე წონაში მომატებაა. დიზაინერმა ეკა ბალანჩივაძემ სოციალურ ქსელში სპეციალური ჯგუფი შექმნა, სადაც გოგონები ვარჯიშის, დიეტის და სწორი კვების მოტივაციას აძლევენ ერთმანეთს. პირველი, ვინც პანდემიის დროს დიეტა დაიწყო, სწორედ ეკა ბალანჩივაძე იყო, რომელმაც ორ დღეში 2 კილოგრამი მოიკლო.


ბალანჩივაძის დიეტა ასე გამოიყურება: 10:00 საათზე – ხაჭო; 13:00 საათზე – კეფირი; 16:00 საათზე – ბოსტნეული, ან ხორცეული, 19:00 საათზე – კეფირი. დღის მანძილზე აუცილებელია ორი ლიტრი წყალი. ასევე კარგია ფიზიკური აქტივობა.

ეკა ბალანჩივაძე ცნობილი პლასტიკური ქირურგის კოტე მათითაშვილის მეუღლეა. ისინი ორი წლის წინ დაქორწინდნენ. თანაცხოვრების დაახლოებით ერთი წლის თავზე, ივნისში მათ ურთიერთობას ოფიციალური სახე მისცეს და ხელი მოაწერეს. წყვილს უამრავი საერთო ინტერესი აქვს, მათ შორის არის ხატვის სიყვარული. კოტეს ნახატები ეკამ მაისურებზე გადაიტანა, რომლებიც, დიზაინერის თქმით, საკმაოდ კარგად იყიდება.

კოტე მა­თი­თაშ­ვი­ლი გან­სა­კუთ­რე­ბით პო­პუ­ლა­რუ­ლი გა­და­ცე­მა „ექი­მებ­ში“ გა­მო­ჩე­ნის შემ­დეგ გახ­და. ის დამ­სა­ხუ­რე­ბუ­ლად იკა­ვებს ერთ-ერთი სიმ­პათი­უ­რი ექი­მი მა­მა­კა­ცის წო­დე­ბას და რე­ი­ტინ­გებ­შიც ხში­რად ხვდე­ბა. პირ­ვე­ლი ქორ­წი­ნე­ბი­დან ორი­ვეს ჰყავს შვი­ლე­ბი.

891
თემები:
სელებრითების ცხოვრება (2091)
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 21 სექტემბერს

10
(განახლებულია 19:46 20.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 21 სექტემბერი — Sputnik. სააქციო საზოგადოება „თელასი" იუწყება, რომ 21 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ნაძალადევის რაიონი

10:30 საათიდან 18:00 საათამდე შეზღუდვა შეეხება: ზღვისუბნის დასახლების X კვარტლის, ანაპის 414-ე დივიზიის და შატილის ქუჩების მოსახლეობას.

გლდანის რაიონი

11:00 საათიდან 16:00 საათამდე შეზღუდვა შეეხება: მუხიანის IVბ მიკრორაიონის მოსახლეობას.

საბურთალოს რაიონი

12:00 საათიდან 14:00 საათამდე შეზღუდვა შეეხება: პეკინის გამზირის (ნაწილობრივ) მოსახლეობას.

ვაკის რაიონი

10:00 საათიდან 12:00 საათამდე შეზღუდვა შეეხება: არაყიშვილის ქუჩის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

10
თემები:
თბილისი დღეს
მესტია

ახალგაზრდობის სააგენტომ პროექტი ინოვაციური ცენტრი მომავლისთვის“ დაიწყო

33
(განახლებულია 22:16 20.09.2020)
სააგენტოს უფლებამოსილებში შედის ახალგაზრდული პოლიტიკის ჩამოყალიბება და მის განხორციელებაში მონაწილეობა, მთავრობის დახმარება ახალგაზრდობასთან დაკავშირებული სამოქმედო გეგმის შემუშავებაში.

თბილისი, 21 სექტემბერი  — Sputnik.  საქართველოს ახალგაზრდობის სააგენტო მილიონიანი ფონდის საგრანტო კონკურსის ფარგლებში გამარჯვებული ორგანიზაციების მხარდასაჭერად რეგიონულ ტურს ახორციელებს, იუწყება ტელეკომპანია Imedi.

სააგენტოს წარმომადგენლებმა საგრანტო კონკურსის ფარგლებში დაფინანსებული პროექტი „ინოვაციური ცენტრი მომავლისთვის“ გახსნეს. 

პროექტი მიზნად ისახავს მესტიის მუნიციპალიტეტის შვიდ სკოლაში 14–29 წლამდე 150 ახალგაზრდის გადამზადებას, მათთვის STEM განათლების შესახებ ცნობიერების ამაღლებას, პროგრამირებისა და რობოტექნიკის კურსის სწავლებას.

10–თვიან კურსის დასრულების შემდეგ პროექტის მონაწილეები მიღებული ცოდნის გაზიარების მიზნით  მესტიის სკოლებში საინფორმაციო შეხვედრებს გამართავენ, სადაც შექმნიან კლუბებს და მენტორობას გაუწევენ კლუბის წევრებს.

სააგენტოს უფლებამოსილებში შედის ახალგაზრდული პოლიტიკის ჩამოყალიბება და მის განხორციელებაში მონაწილეობა, მთავრობის დახმარება ახალგაზრდობასთან დაკავშირებული სამოქმედო გეგმის შემუშავებაში.

სააგენტო შექმნის პროგრამებსა და რეკომენდაციებს ჯანსაღი ცხოვრების წესის დანერგვის შესახებ და ხელს შეუწყობს პროფილური კლუბებისა და სტუდიების ჩამოყალიბებას არაფორმალური ინფორმაციის წასახალისებლად.

მილიონიანი ფონდის სახსრები მიმართულია ახალგაზრდული ორგანიზაციების განმტკიცების, ახალგაზრდობის ინიციატივების მხარდაჭერისა და მათი რეგიონის სოციალურ, ეკონომიკურ და კულტურულ ცხოვრებაში ჩართვისკენ.

33