საქართველოს პარლამენტი

საქართველოს პარლამენტმა ერთთვიანი საგანგებო მდგომარეობის რეჟიმი დაამტკიცა

154
საქართველოს დეპუტატებმა საკითხს მხარი დაუჭირეს - ამ წუთიდან საქართველოში საგანგებო მდგომარეობის რეჟიმი ამოქმედდა

თბილისი, 21 მარტი - Sputnik. საქართველოს პარლამენტმა შაბათს საგანგებო სხდომაზე 115 ხმით ორის წინააღმდეგ დაამტკიცა პრეზიდენტის დადგენილება ქვეყანაში საგანგებო მდგომარეობის რეჟიმის შემოღების შესახებ.

საგანგებო მდგომარეობა საქართველოში: კიდევ რა შეზღუდვებია მოსალოდნელი >>

საქართველოს პრეზიდენტმა სალომე ზურაბიშვილმა პრემიერ-მინისტრ გიორგი გახარიას მიმართვის საფუძველზე შაბათს გამოაცხადა ერთი თვით - 21 აპრილამდე საგანგებო მდგომარეობის რეჟიმის შემოღების შესახებ.

გარდა ამისა, პარლამენტმა დაამტკიცა საქართველოს პრეზიდენტის დეკრეტი ქვეყანაში შეზღუდვების შემოღების შესახებ - 115 დეპუტატმა დეკრეტს მხარდაჭერა გამოუცხადა.

2019 წლის 31 დეკემბერს ჩინეთის ხელისუფლებამ ჯანდაცვის მსოფლიო ორგანიზაციას ქალაქ უჰანში უცნობი პნევმონიის აფეთქების შესახებ შეატყობინა. სპეციალისტებმა დაადგინეს, რომ დაავადების გამომწვევი ახალი ტიპის კორონავირუსი იყო. ჯანდაცვის მსოფლიო ორგანიზაციამ საერთაშორისო მნიშვნელობის საგანგებო სიტუაცია გამოაცხადა და დაავადებას ოფიციალური სახელწოდება დაუდგინა – COVID-19. ჯანმომ 11 მარტს მსოფლიოში ახალი კორონავირუსის პანდემია გამოაცხადა.

საგანგებო მდგომარეობის რეჟიმები საქართველოში

საქართველოს უახლოეს ისტორიაში საგანგებო მდგომარეობის რეჟიმი მესამედ შემოიღეს. მანამდე ქვეყნის მთელს ტერიტორიაზე საგანგებო მდგომარეობა შემოღებული იყო 2003 და 2007 წლებში.

2003 წლის 22 ნოემბერს, მასობრივი აქციების ფონზე, რომლებმაც „ვარდების რევოლუცია“ გამოიწვია, საგანგებო მდგომარეობის რეჟიმი საქართველოს მეორე პრეზიდენტმა ედუარდ შევარდნაძემ შემოიღო.

საგანგებო მდგომარეობა შემოიღო ასევე საქართველოს მესამე პრეზიდენტმა  მიხეილ სააკაშვილმა - 2007 წლის 7 ნოემბერს, როდესაც პოლიციის ძალით სასტიკად იყო დარბეული ანტისამთავრობო აქციები.

გარდა ამისა, საგანგებო მდგომარეობა იყო გამოცხადებული საქართველოს ზოგიერთ რეგიონში. პირველად ფრინველის  გრიპის აფეთქების გამო საგანგებო მდგომარეობა 2006 წლის 28 თებერვალს ხელვაჩაურის რაიონში შემოიღეს. ასევე, 2008 წლის 3 სექტემბერს საგანგებო მდგომარეობა საქართველოს ცალკეულ ტერიტორიებზე აგვისტოს მოვლენების შემდეგ გამოცხადდა.

154
თემები:
კორონავირუსმა საქართველომდეც მოაღწია: ბოლო ცნობები (850)
მოგზაურები თბილისის აეროპორტში

ფასიანი კარანტინი ან ტესტი კორონავირუსზე:როგორ დახვდებიან საქართველოში უცხოელ ბიზნესმენებს

36
საქართველოში უცხოელ ბიზნესმენებს შესთავაზებენ ორ ვარიანტს: კარანტინს ან კორონავირუსზე ტესტის რეგულარულ გავლას

თბილისი, 4 ივლისი – Sputnik. საქართველოს ხელისუფლება უცხოელ ბიზნესმენებს შესთავაზებს ორ ვარიანტს: კარანტინში ყოფნის საფასურის გადახდას ან კორონავირუსზე ტესტის რეგულარულ გავლას, განაცხადა ეკონომიკისა და მდგრადი განვითარების მინისტრმა ნათია თურნავამ.

სახიფათო მდგომარეობა: COVID-19 სომხეთში სწრაფი ტემპებით ვრცელდება >>

საქართველო ეტაპობრივად ხსნის საზღვრებს საერთაშორისო მოგზაურებისთვის და უკვე ცნობილია, რომ პირველები ქვეყანაში ჩამოსვლას ბიზნესმენები შეძლებენ.

„მათ შეუძლიათ აირჩიონ ტესტირების რეჟიმი, თავად უნდა შეიძინონ ტესტი და 14 დღის განმავლობაში, ყოველ 3 დღეში უნდა ჩაიტარონ ტესტირება. ეს არ ეხება მხოლოდ ევროკავშირიდან ჩამოსულ ბიზნესვიზიტორებს“, - განაცხადა თურნავამ ტელეკომპანია Imedi-ს ეთერში.

ამასთან მან აღნიშნა, რომ კარანტინის და COVID-19-ის ტესტის ფასები საკმაოდ მისაღები იქნება.

„ეს ბიზნესმენებმა უნდა გააკეთონ იმისთვის, რომ თავადაც იყონ უსაფრთხოდ და ჩვენც ვიყოთ დარწმუნებულები, რომ ვართ უსაფრთხოდ და ამავდროულად, არ შეფერხდეს ინვესტორებთან კომუნიკაცია“, - განმარტა თურნავამ.

მისი თქმით, ფასიანი კარანტინი დაეხმარება სასტუმროებს, რომლებიც ძალიან დაზარალდნენ პანდემიის პერიოდში.

უცხოელების ბიზნეს-ვიზიტები არ წარმოადგენს საქართველოში ტურიზმის სფეროს შემოსავლების ძირითად წყაროს. გასულ წელს, როდესაც საქართველოში ტურიზმი აქტიურად ვითარდებოდა, მათზე უცხოელთა ვიზიტების საერთო რაოდენობის 17,4% მოდიოდა.

36
თემები:
COVID-19 საქართველოში
რესპირატორი მანქანაში

საქართველოში კორონავირუსი კიდევ ორ ადამიანს აღმოაჩნდა: დეტალები

118
(განახლებულია 21:16 04.07.2020)
კორონავირუსით ინფიცირების შემთხვევები გამოვლინდა აჭარაში. ვირუსი აღმოაჩნდა ერთ-ერთი კლინიკის სანიტარს

თბილისი, 4 ივლისი — Sputnik. საქართველოში ახალი კორონავირუსით დაავადებულთა რაოდენობა ორით გაიზარდა და 948-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

მედიის ინფორმაციით, ორივე ახალი შემთხვევა დაფიქსირდა აჭარაში. ერთ-ერთი არის 27 წლის მამაკაცი, რომელიც თურქეთის გავლით ყაზახეთიდან დაბრუნდა, მეორე არის ქალი და ის ერთ-ერთი კლინიკის სანიტარია.

ამ დროისათვის გამოჯანმრთელებულია 825 ადამიანი, გარდაცვლილია – 15, კარანტინის რეჟიმში იმყოფება 3569, ხოლო სტაციონარებში ექიმების დაკვირვების ქვეშ 199 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა. მას შემდეგ ხელისუფლება შეზღუდვებს ეტაპობრივად ხსნის.

118
თემები:
COVID-19 საქართველოში