„ლიბერთი ბანკი“

„ლიბერთი ბანკის“ ვადაგასულ სოციალური ტიპის ბარათებს მოქმედების ვადა უგრძელდება

177
(განახლებულია 20:05 21.03.2020)
21 მარტის მონაცემებით, საქართველოში კორონავირუსით ინფიცირების 49  შემთხვევა ფიქსირდება, მათ შორის გამოჯანმრთელებულია ერთი

თბილისი, 21 მარტი - Sputnik. დღეიდან „ლიბერთი ბანკის“ სოციალური ტიპის ბარათებს, რომელთა ბანკომატში და სავაჭრო ობიექტებში ბარათის (პინ კოდის) მოქმედების ვადა უკვე დასრულდა ან დასრულდება 31 მაისის ჩათვლით, პინ კოდის მოქმედების ვადა ავტომატურად 2020 წლის პირველ ივლისამდე გაუგრძელდება, იუწყება საზოგადოებრივი მაუწყებლის პირველი არხი.

აღნიშნულის შესახებ  „ლიბერთი ბანკმა“ და საქართველოს მთავრობამ ერთობლივი გადაწყვეტილება მიიღეს.

„ამ გადაწყვეტილებით, ჩვენი მომხმარებლისთვის, კიდევ უფრო გავამარტივეთ პროცედურა და შევამცირეთ მომხმარებლის სახლიდან გამოსვლისა და ბანკში ვიზიტის საჭიროება. „ლიბერთი“ ყოველდღიურად აგრძელებს ზრუნვას და დღეიდან, ჩვენი საზოგადოების ყველაზე მოსაფრთხილებელი ნაწილი, პენსიონერები და სოციალური სარგოს მიმღები მომხმარებლები შეუფერხებლად ისარგებლებენ „ლიბერთის“ ბარათებით“, – განაცხადა „ლიბერთის“ გენერალურმა დირექტორმა, ვასილ ხოდელმა.

„ლიბერთის“ ინფორმაციით,  სერვისცენტრებში მომხმარებლების ნაკადის შესამცირებლად, სოციალური ტიპის ბარათებს, რომელთა მოქმედების ვადა თებერვალში, მარტში, აპრილში ან მაისში სრულდება, ბანკომატში და სავაჭრო ობიექტებში სოციალური ტიპის ბარათის მოქმედების ვადა ავტომატურად სამი თვით უკვე გაუგრძელდათ.

21 მარტის მონაცემებით, საქართველოში კორონავირუსით ინფიცირების 49  შემთხვევა ფიქსირდება, მათ შორის გამოჯანმრთელებულია ერთი. საკარანტინო სივრცეში იმყოფება 1966, სტაციონარში მეთვალყურეობის ქვეშ კი 259 ადამიანია.

 

177
თემები:
სოციალური სფერო საქართველოში (182)
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/7 ივლისი

85956
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 7 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 953 ადამიანს შეადგენს, აქედან 830 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3903, სტაციონარებში მეთვალყურეობის ქვეშ კი 202 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
85956
თემები:
COVID-19 საქართველოში
აბიტურიენტები

რატომ მოიხსნა ხუთი აბიტურიენტი ეროვნული გამოცდიდან

176
2 ახალგაზრდას შემთხვევაში მიზეზი დაგვიანება, ორის კი სამედიცინო შემოწმების შედეგად დაფიქსირებული მაღალი ტემპერატურა გახდა

თბილისი, 6 ივლისი — Sputnik. ერთიანი ეროვნული გამოცდიდან პირველივე დღეს ხუთი აბიტურიენტი მოიხსნა, იუწყება ტელეკომპანია Rustavi 2.

ქართველ აბიტურიენტებს პანდემიის პირობებში პირველად მოუწია უმაღლესში მისაღები გამოცდების ჩაბარება. პირველი გამოცდა 6 ივლისს ქართულ ენასა და ლიტერატურაში ჩატარდა. ქვეყანაში 24 საგამოცდო ცენტრია გახსნილი. გამოცდებზე აბიტურიენტების 93% გამოცხადდა.

2 ახალგაზრდას შემთხვევაში მიზეზი დაგვიანება იყო, ორს კი სამედიცინო შემოწმებისას მაღალი ტემპერატურა აღმოაჩნდა.

კიდევ ერთ აბიტურიენტს გამოცდაზე დასწრების უფლება მობილური ტელეფონის აღმოჩენის შემდეგ აღარ მისცეს.

დღეს გამოცდა ჩატარდა ქართულ ენასა და ლიტერატურაში. საგამოცდო პროცესი კი 25 ივლისს დასრულდება.

176
თემები:
განათლება საქართველოში