მესაკუთრე მშობლები, ანუ რატომ დაავიწყდათ ქართველ ახალგაზრდებს სიტყვები: „მე თვითონ“

175
(განახლებულია 18:09 21.03.2020)
ყველას უნდა რომ თავისი შვილი ბედნიერად ცხოვრობდეს. რას არ აკეთებენ მშობლები ამის გამო, ისინი კეთლი სურვილებით ერევიან სრულწლოვანი შვილების ცხოვრებაში, თუმცა ხშირად მოძალადეები უფრო გამოდიან ვიდრე მოკეთეები.

„ბებიკო აქითკენ გამოდი, აქით ითამაშე. კედელს დაურტყი ბურთი, რა გინდა სხვა ბავშვებთან“ - ასე დაუგეგმა ბებიამ მთელი თამაში შვილიშვილს. არადა იქნებ ბავშვს სულ სხვა რამე უნდოდა, მაგრამ არავინ არაფერი კითხა. ისეთი შემართებით დარაჯობდა მოხუცი ქალი „ბებიას სიცოცხლეს“, რომ ლამის მის მაგივრადაც ეთამაშა ფეხბურთი თუ შვილიშვილი დაიღლებოდა.

ერთი შეხედვით ისეთი არაფერი იყო, ბებია შვილიშვილს ასეირნებდა გარეთ... მერე რა რომ, თავად აირჩია როგორ უნდა ეთამაშა პატარას. ბავშვს ხომ ჯერ არ შეუძლია სწორი არჩევნის გაკეთება. ზუსტად ასე მოექცა ქალბატონი თავის შვილსაც, ეროვნულ გამოცდებზე რეგისტრაციისას ფაკულტეტების სია თვითონ შეუდგინა „დედას სიხარულს“ და იურიდიულზე სულ ძალით ჩააბარებინა. ახლა ბიჭი 25 წლისაა, სწავლა ორი წელია დაამთავრა, მაგრამ დღემდე დედა არჩენს. მთავარია დიპლომი ხომ აიღო.

ეს პატარა ოჯახი მშობლებისა და შვილების ტოქსიკური ურთიერთობის ყველაზე კარგი მაგალითია, რომლის შედეგადაც ახალგაზრდები მარტივად ზარმაცდებიან და სიცოცხლის ბოლომდე სხვებზე ხდებიან დამოკიდებულები.

სტატისტიკის მიხედვით, საქართველოში 18-დან 30 წლამდე ახალგაზრდების 62%-ს კვლავ მშობლები არჩენენ, ხოლო 70% ისევ მშობლებთან ცხოვრობს.

ცდებით თუ ფიქრობთ, რომ ამ ყველაფერში შვილები არიან დამნაშავეები. ჩემს სამეგობრო წრეში ჩატარებული პატარა გამოკვლევით გავარკვიე, რომ შვილების დამოუკიდებელ ცხოვრებასთან შეგუება მშობლებს უფრო უჭირთ ვიდრე ახალგაზრდებს.

მათ რომ კითხო შვილების ბედნიერება ყველაზე მნიშვნელოვანია, სწორედ ამიტომ არიან მესაკუთრეები და ამიტომ უსრულებენ ყველაფერს შვილებს, ამიტომ აკეთებენ მათ მაგივრად  ყველა საქმეს და ცივ ნიავს არ აკარებენ. მოკლედ რომ ვთქვათ ასეთი მშობლები შვილებს თითის გასანძრევსაც არ უტოვებენ. სინამდვილეში ამით ისინი თავიანთ ეგოიზმს იკმაყოფილებენ, ხოლო რამდენადაა ეს ყველაფერი ბედნიერების მომტანი შვილისთვის ეს ცალკე საკითხია.

„რამდენჯერაც დამოუკიდებლად ცხოვრების სურვილი გამოვთქვი იმდენჯერვე პანიკა ატყდა ოჯახში. მამაჩემისთვის წარმოუდგენელია როგორ შეიძლება ვიმუშაო. არაფერი არ დაგვიკლია შენთვისო, სულ ამას მიმეორებენ. არადა 20 წლის უკვე, რა გავაკეთო თუ არ ვიმუშავე.“ - მიყვება ჩემი მეგობარი.

კანონის მიხედვით კი 18 წლიდან ახალგაზრდებს სრული უფლება და ამასთან ერთად მოვალეობაც აქვთ, რომ იზრუნონ საკუთარ თავზე და პასუხი აგონ საკუთარ ქმედებებზე. ქართველი ახალგაზრდების ნაწილი რომელთა ასაკიც უკვე დიდი ხანია გადასცდა 18-ს, 20-ს და 30-საც კი, დღემდე ვერ ჩამოყალიბდა ზრდასრულ ადამიანად მხოლოდ იმის გამო, რომ თავის დროზე ამის საშუალება არ მისცეს.

მშობლები შვილების ცხოვრებაში თითქოს კეთილი სურვილებით ერევიან, მაგრამ საბოლოოდ მოძალადეები გამოდიან. ასეთ მშობლებს საერთოდ არ სმენიათ უფლებებისა ან პირადი სივრცის შესახებ. ანდა რა პირად სივრცეზეა საუბარი როცა, ასეთი მესაკუთრე მშობლები  ზრდასრულ შვილებისთვის თვითონ ურჩევენ ვარცხნილობას, ჩაცმულობას, მომავალ პროფესიას და თქვენ წარმოიდგინეთ საცოლესაც კი. მოეწონებათ ეს ყველაფერი თუ არა თავიანთ შვილებს ამაზე ნაკლებად ფიქრობენ.

ასეთი მშობლების უმეტესობა შვილების უმუშევრობაშიც ვერ ხედავს პრობლემას და მეტიც, თავს ვალდებულად თვლის რომ სიცოცხლის ბოლომდე არჩინონ ისინიც და მისი ოჯახებიც. რაც უმუშევრობის სტატისტიკაზეც აისახება.  საქართველოს სტატისტიკის ეროვნულ სამსახურის ინფორმაციაზე დაყრდნობით საქართველოში 20-24 წლამდე ახალგაზრდებში უმუშევრობის დონე ყველაზე მაღალია და 30,8%-ს შეადგენს. 25-იდან 29 წლამდე ახალგაზრდების 20% არ მუშაობს, ხოლო 30-34 წლამდე ახალგაზრდების 16,2%.

ეკონომიკური დამოუკიდებლობა თავისუფლების საწყისია, ფინანსურად სხვაზე თუ ხარ დამოკიდებული, მორჩა მის გავლენის ქვეშ ხარ. ალბათ ამიტომ არ აძლევენ მშობლები შვილებს მუშაობის საშუალებას.

„მე თვითონ“ -  ეს სიტყვები ქართველი ახალგაზრდების ნაწილს დიდი ხანია დაავიწყდათ. ზემოთ მოყვანილი სტატისტიკა ჯერ კიდევ გვიჩვენებს, რომ დრო ისევ უფროსი თაობის ხელშია, რაც მათ საშუალებას აძლევს გვიკარნახონ რა ვისწავლოთ, რა ჩავიცვათ და როგორ ვიცხოვროთ. ზედმეტი ჩარევა კი უმეტეს შემთხვევაში უკმაყოფილებას წარმოშობს, თუმცა მშობლების გავლენის ქვეშ მყოფი შვილები ხშირად ვერ ბედავენ ხმამაღლა ილაპარაკონ თავისი პრობლემის შესახებ, რაც შემდეგ კომპლექსებში და დეპრესიაში გადაიზრდება ხოლმე.

არასწორად ნუ გამიგებთ, ის რომ მშობელს უნდა იცოდეს რას აკეთებს თავისი შვილი, სულაც არ არის დანაშაული. მეორე მხრივ მშობლების შიში არც ისე უსაფუძვლოა, რადგან მოგეხსენებათ საფრთხე ყველგან შეიძლება იყოს. თუმცა, უკვე სრულწლოვან შვილს არ უნდა სჭირდებოდეს ყოველი გარეთ გასვლისას ახსნა განმარტებების გაკეთება თუ სად მიდის, რადგან ყველას ჭირდება პირადი სივრცე. პირადი სივრცის გარეშე დამოუკიდებლობა არ არსებობს.

დამოუკიდებლობა კი ის ბუნებრივი მოთხოვნილებაა, რომლის გარეშეც ადამიანებს განვითარება არ შეუძლიათ, ამიტომ მშობლებო თქვენი ეგოიზმის გამო ნუ აუკრძალავთ შვილებს იყვნენ ინდივიდუალურები და აკეთონ ის რაც უყვართ. განვითარებული ახალგაზრდობა ახლა ყველაზე მეტად სჭირდება საქართველოს და ასეთ ახალგაზრდების პოტენციალი მესაკუთრე მშობლების ეგოისტურ სურვილებს არ უნდა ეწირებოდეს.

 

175
კორონავირუსთან დაკავშირებით არსებული ვითარება ინდონეზიაში

ჯანმო: რიგ ქვეყნებში COVID-19–ის ხელმეორე პიკია და არა მეორე ტალღა

160
კორონავირუსის გავრცელების მეორე ტალღა – ეს მეცნიერული ვარაუდია, მაგრამ დამტკიცებით იმის თქმა, ნამდვილად იქნება ის თუ არა, არ შეიძლება, მიიჩნევს ჯანმოს წარმომადგენელი

თბილისი, 3 ივლისი – Sputnik. ზოგიერთ ქვეყანაში ახლა მიმდინარეობს არა კორონავირუსის მეორე ტალღა, არამედ გამეორებითი პიკი, განაცხადა გაეროს ჟენევის განყოფილებასთან არსებული უცხოელი კორესპონდენტების ასოციაციის ბრიფინგზე ჯანდაცვის მსოფლიო ორგანიზაციის (ჯანმო) ჯანდაცვის სფეროში საგანგებო სიტუაციების პროგრამის დირექტორმა მაიკლ რაიანმა.

„რომ იქნება მეორე ტალღა, ამაში დარწმუნებული არავინაა. ეს მეცნიერული ვარაუდია, რაც ეფუძნება იმას, რომ ვიცით კორონავირუსები და რესპირატორული ვირუსები. ის, რაც ახლა ხდება ბევრ ქვეყანაში – ეს მეორე ტალღა არაა, არამედ მეორე პიკია პირველი ტალღის“, – განაცხადა რაიანმა, იუწყება РИА Новости.

ჯანმოს წარმომაგდენლის თქმით, სადაც ვირუსის გავრცელების წინააღმდეგ საკმარისი ზომები არ გამოიყენეს, დროის იმავე პერიოდში დაავადების მეორე პიკი მოხდა.

„შეიძლება აღმოვჩნდეთ ვითარებაში, როდესაც ვირუსის მაღალი ეპიდემიურობა გვექნება, ან დაავადების მუდმივი დონე, შესაძლოა, იმაზე მაღალი, ვიდრე ვისურვებდით“, – განაცხადა მან.

მაიამიში კომენდანტის საათი გამოცხადდა: ერთ დღეში ინფიცირებულთა რაოდენობა რეკორდს ხსნის>>

მისი თქმით, მეორე ტალღის პერსპექტივები ეფუძნება იმას, რომ ეს რესპირატორული დაავადებაა, ხოლო რესპირატორული ვირუსები ადამიანების სეზონურ მოძრაობებზეა დამოკიდებული და სწრაფად ვრცელდება ადამიანების მჭიდრო ჯგუფებში და უფრო დაბალი ტემპერატურის პირობებში.

160
თემები:
COVID-19-ის პანდემია მსოფლიოში
საქართველოსა და დიდი ბრიტანეთის დროშები

დიდმა ბრიტანეთმა თავისი მოქალაქეების საქართველოში ჩამოსვლა სარისკოდ მიიჩნია

258
(განახლებულია 23:34 03.07.2020)
ბრიტანეთის საგარეო უწყების რეკომენდაცები სხვა ქვეყნებში გამგზავრებასთან დაკავშირებით ეფუძნება რისკებს თავისი მოქალაქეებისთვის, მათ შორის, იმ ქვეყნის საზოგადოებრივი ჯანდაცვის მდგომარეობის შეფასებას, სადაც მისი მოქალაქეები აპირებენ ჩასვლას

თბილისი, 3 ივლისი – Sputnik. დიდი ბრიტანეთის მთავრობამ გამოაქვეყნა იმ ქვეყნების ჩამონათვალი, სადაც მათ მოქალაქეებს ახალი კორონავირუსით ინფიცირების რისკი არ ემუქრება. ამ სიაში საქართველო არ აღმოჩნდა.

ამგვარად, საქართველო საზღვარგარეთ გამსვლელი ბრიტანელებისთვის „მიუღებლად მაღალი რისკის“ ქვეყანა აღმოჩნდა.

ამასთან, დიდი ბრიტანეთის მთავრობაში აღნიშნავენ, რომ ბრიტანეთის საგარეო უწყების რეკომენდაციები ეფუძნება რისკებს თავისი მოქალაქეებისთვის, რომელთა შორის არის იმ ქვეყანაში არსებული საზოგადოებრივი ჯანდაცვის მდგომარეობის შეფასება, სადაც ბრიტანელებს სურთ წასვლა.

ამგვარად, ყველამ, ვინც საქართველოდან დიდ ბრიტანეთში დაბრუნდება, 14–დღიანი კარანტინი უნდა გაიაროს.

ევროკავშირმა საქართველო იმ 15 ევროკავშირის არაწევრი ქვეყნის ჩამონათვალში შეიყვანა, რომლებისთვისაც ის საზღვრებს ხსნის 1 ივლისიდან. საზღვრები საქართველოსთვის გახსნეს შვეიცარიამ, გერმანიამ, ლარვიამ, საფრანგეთმა, ესპანეთმა, ნიდერლანდებმა, იტალიამ.

ევროკავშირი საქართველოსთვის საზღვრებს 1 ივლისიდან ხსნის>>

საქართველო თავის ცას კონკრეტული ავიაკომპანიებისთვის 1 ივლისიდან ხსნის მიუხედავად იმისა, რომ რეგულარული ავიამიმოსვლის აღდგენა 1 აგვისტომდე გადაიდო, განაცხადა პრემიერმა. ამასთან, მისი თქმით, საქართველოს მთავარი საზრუნავია მოქალაქეების ჯანმრთელობა და სწორედ ამით იყო განპირობებული გადაწყვეტილება რეგულარული ავიამიმოსვლის აღდგენის გადავადების შესახებ.

258
თემები:
COVID-19-ის პანდემია მსოფლიოში
სავსე მთვარე

მთვარის კალენდარი: 4 ივლისი რისი გაკეთება შეიძლება და რისი არა

0
(განახლებულია 19:15 03.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 ივლისი, შაბათი. ამ დღეს სატურნი მართავს. მზარდი მთვარე თხის რქის ნიშანშია.

კარგი დღეა ჯგუფური მუშაობისთვის, ახალი ინფორმაციის მიღებისთვის. ამ დღეს რეკომენდებულია კორექტივების შეტანა ბიზნესში, გავლენის სფეროს გაფართოება, შეთანხმებებზე ხელმოწერა, საზოგადოებრივი ღონისძიებების ჩატარება, ახალი ცოდნის მიღებს, მუშაობა, მატერიალურ საკითხებზე მუშაობა.

არარეკომენდებულია სერიოზული საქმეების წამოწყება, განსაკუთრებით – მარტო, ასევე დიდი ხნით უსაქმოდ ყოფნა, დასვენება. დღე კატეგორიულად არ მიესადაგება დიდ ხარჯებს, ანუ არ შეიძინოთ ძვირადღირებული არაფერი.

თმის შეჭრა, შეღებვა: მთვარე თმის ზოგად მდგომარეობაზე ძალიან დადებითად მოქმედებს, შეჭრა თმას ძალასა და სიჯანსაღეს მისცემს, თმა უფრო ძლიერი გახდება და შეცერდება მისი ცვენა.

კარგი დღეა თმის შეღებვისთვის, განსაკუთრებით ჭაღარის. ასევე ქიმიური დახვევისთვის.

მებაღეობა: რეკომენდებული არ არის დარგვა, დათესვა, გასხვლა, გადარგვა. მოსავალი კარგი არ იქნება და ბევრ პრობლემას მოგიტანთ.

შეიძლება სარეველასთან, მავნებლებთან ბრძოლა, მორწყვა და სასუქის მიცემა იმ მცენარეებისთვის, რომლებსაც სუსტი ფესვები აქვთ.

0