პოლიციის თანამშრომელი

საგანგებო მდგომარეობა საქართველოში: კიდევ რა შეზღუდვებია მოსალოდნელი

583
(განახლებულია 17:18 21.03.2020)
საგანგებო მდგომარეობის რეჟიმს საქართველოში შესაბამისი კანონი არეგულირებს. ხელისუფლებას ჯერ ბოლომდე არ გამოუყენებია თავისი რესურსები

თბილისი, 21 მარტი - Sputnik. საქართველოში საგანგებო მდგომარეობის პირობებს განსაზღვრავს სპეციალური კანონი „საგანგებო მდგომარეობის შესახებ“, რომელშიც გაწერილია, რა ნაბიჯების გადადგმა შეუძლია მთავრობას ამ სიტუაციაში.

საგანგებო მდგომარეობა საქართველოში: რა შეზღუდვები წესდება >>

კანონის თანახმად, მთავრობას აქვს უფლება გააძლიეროს საზოგადოებრივი წესრიგის და იმ ობიექტების დაცვა, რომელთა ფუნქციონირება აუცილებელ საჭიროებას წარმოადგენს.

გარდა ამისა, მას უფლება აქვს გამოასახლოს მოსახლეობა სიცოცხლისთვის საშიში რაიონებიდან და მოქალაქეებს დროებითი საცხოვრისი შესთავაზოს.

ასევე საქართველოს მოქალაქეებს შეიძლება დაუწესონ შესვლა-გამოსვლის განსაკუთრებული რეჟიმი, შეუზღუდონ გადაადგილების თავისუფლება, აუკრძალონ სახლებიდან გამოსვლა განსაკუთრებული ნებართვის გარეშე. მთავრობას შეუძლია გააძევოს ქვეყნიდან დამრღვევები, რომლებიც არ არიან საქართველოს მოქალაქეები.

სახელმწიფოს საგანგებო მდგომარეობის პერიოდში ასევე აქვს უფლება დააწესოს შეზღუდვები სპეციალური ნივთიერებებზე, ტექნიკასა თუ იარაღზე.

საქართველოში საგანგებო მდგომარეობის დროს, შეიძლება აიკრძალოს მიტინგები და სხვა მასობრივი ღონისძიებები, შეიძლება შეიცვალოს საწარმოების ფუნქციონირების წესი,  პროდუქციის მიწოდების წესი, საწარმოების მუშაობაზე დაწესდეს სპეციალური კონტროლი და აიკრძალოს ტრანსპორტის მოძრაობა.

სახელმწიფოს აქვს უფლება შემოიღოს კომენდანტის საათი, გამოიყენოს სახელმწიფო და კერძო ორგანიზაციებისა და საწარმოების რესურსები, მოქალაქეთა ქონება, გამოაცხადოს შრომისუნარიანი მოქალაქეების მობილიზაცია, დააწესოს კარანტინი, გააკონტროლოს მედია და შემოიღოს კავშირგაბმულობის საშუალებების გამოყენების განსაკუთრებული წესები.

საგანგებო მდგომარეობა დღეს საქართველოში

საქართველოს მთავრობამ მიიღო გადაწყვეტილება გამოაცხადოს საგანგებო მდგომარეობა, რადგან ქვეყანაში კორონავირუსის შიდა გავრცელება დაიწყო.

საქართველოს პრემიერ-მინისტრის, გეორგი გახარის ინფორმაციით, საგანგებო მდგომარეობის დროს დაწესებულია შეზღუდვები საქართველოს ყველა სახელმწიფო საზღვრის გადაკვეთაზე, გარდა ტვირთის გადაზიდვისა.

საქართველოში აიკრძალა 10-ზე მეტი ადამიანის შეკრება, მათ შორის მაღაზიებში.

ყველა საჯარო სამსახური მუშაობის ახალ რეჟიმზე გადადის და საქართველოს მთავრობას უფლება აქვს შეზღუდოს საკუთრების უფლება და სამედიცინო მიზნებით ან კარანტინის მოსაწყობად გამოიყენოს კერძო პირების ან ორგანიზაციების ქონება და მატერიალური ბაზა.

საჭიროების შემთხვევაში, საქართველოს მთავრობა დაარეგულირებს ფასებს მედიკამენტებზე, სამედიცინო მომსახურებასა და სურსათზე.

მთავრობა ასევე განსაზღვრავს განათლების ახალ წესებს და, საჭიროების შემთხვევაში, მთავრობას შეეძლება სამედიცინო განათლების მქონე ყველა პირის მობილიზება.

გარდა ამისა, საგანგებო მდგომარეობის დროს, სასამართლო სხდომები დისტანციურად გაიმართება.

საგანგებო მდგომარეობის ან კარანტინისა და იზოლაციის პირობების დარღვევისთვის ფიზიკური პირი ჯარიმდება სამი ათასი ლარის ოდენობით, ხოლო იურიდიული პირი - 15 ათასი ლარით. განმეორებითი დარღვევის შემთხვევაში, გათვალისწინებულია სისხლისსამართლებრივი პასუხისმგებლობა 3 წლამდე ვადით თავისუფლების აღკვეთის სახით.

583
თემები:
კორონავირუსმა საქართველომდეც მოაღწია: ბოლო ცნობები (850)
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი

86407
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 10 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 968 ადამიანს შეადგენს, აქედან 844 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 4851, სტაციონარებში მეთვალყურეობის ქვეშ კი 231 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
86407
თემები:
COVID-19 საქართველოში
მოგზაურობა

რამდენს დახარჯავს მთავრობა უცხოეთიდან საქართველოს მოქალაქეების ჩამოყვანაზე

120
(განახლებულია 23:19 09.07.2020)
ფრენებს განახორციელებენ ავიაკომპანიები Myway Airlines და Wizz Air. ბილეთის ღირებულება საქართველოს მოქალაქეებისთვის 200 ევრო იქნება.

თბილისი, 9 ივლისი — Sputnik. მთავრობა უცხოეთიდან საქართველოს მოქალაქეების ჩამოყვანაზე მაქსიმუმ 261 000 ევროს დახარჯავს, აღნიშნულია მთავრობის განკარგულებაში, რომელიც „საკანონმდებლო მაცნეში“ გამოქვეყნდა.

„საქართველოს ტურიზმის ეროვნულმა ადმინისტრაციამ უზრუნველყოს, კორონავირუსის გავრცელების პრევენციისათვის საერთაშორისო ფრენებზე დაწესებული შეზღუდვებიდან გამომდინარე, შესაბამისი ჩარტერული რეისების ნაწილობრივი სუბსიდირება, ჯამურად არაუმეტეს 261 000 ევროს ეკვივალენტი ლარის ოდენობით“, - წერია განკარგულებაში.

საქართველოს საგარეო საქმეთა სამინისტროს მონაცემებით, პანდემიის პერიოდში საჰაერო, სახმელეთო და საზღვაო გზით საქართველოში 12 720 თანამემამულე დაბრუნდა, ადგილებზე დახმარება კი 22 391 ადამიანს აღმოუჩინეს.

კორონავირუსის პანდემიასთან დაკავშირებით საქართველომ უცხოელი ტურისტებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა ყველა მიმართულებით შეწყვიტა. პანდემიის პერიოდში საგარეო საქმეთა სამინისტრომ, საზღვარგარეთ დიპლომატიურ წარმომადგენლობებთან თანამშრომლობით, სპეცრეისებით თანამემამულეთა სამშობლოში ეტაპობრივი დაბრუნება უზრუნველყო. ჩარტერულ რეისებს ავიაკომპანია Georgian Airways ახორციელებდა. ბილეთის ღირებულება, რომელიც რეისამდე ორი დღით ადრე ონლაინ იყიდებოდა, 199 ევრო იყო.

120
თემები:
COVID-19-ის პანდემია მსოფლიოში