ადამიანები პირბადეებით

პანდემიის დროს უმუშევრად რომ არ დარჩეთ საქართველოს პროფკავშირები რჩევებს იძლევა

289
(განახლებულია 16:58 20.03.2020)
კარანტინი, თვითიზოლაცია, დახურული დაწესებულებები, თეატრები, მაღაზიები, კვების ობიექტები – ეს უმუშევრად დარჩენილი ათეულობით ათასი ადამიანია.

თბილისი, 20 მარტი – Sputnik. კორონავირუსის პანდემიის დროს დამსაქმებლებს უფლება არ აქვთ, გაათავისუფლონ ან აუნაზღაურებელ შვებულებაში გაუშვან თანამშრომლები, აცხადებს საქართველოს გაერთიანებული პროფკავშირები და მოქალაქეებს შრომის უფლებებს შეახსენებს. 

ეკონომიკური კრიზისი, რომელსაც საქართველო კორონავირუსის პანდემიის გამო განიცდის, რიგით მოქალაქეებზე აისახება. ვირუსის გავრცელების პრევენციის მიზნით ქვეყანაში იხურება კომპანიები, ბარები და რესტორნები, ღამის კლუბები, სილამაზის სალონები, ფიტნეს-ცენტრები და სხვ.

საქართველოს იმ დასაქმებული მოქალაქეების ინტერესებიდან გამომდინარე, რომლებიც კორონავირუსის პერიოდში უმუშევრად დარჩნენ ან მუშაობენ, მაგრამ მათი უფლებები ირღვევა დამსაქმებლების მხრიდან ხელფასების შემცირებით ან ზეგანაკვეთური აუნაზღაურებელი შრომით, გაერთიანებული პროფკავშირები მათ უფლებებს შეახსენებს.

შექმნილი ვითარების მიუხედავად, როგორც პროფკავშირები ირწმუნებიან, ყველა დასაქმებულმა ხელფასი დროულად უნდა მიიღოს.

„საქართველოს შრომის კოდექსის თანახმად, დამსაქმებელს მხოლოდ და მხოლოდ საკუთარი ნების საფუძველზე ხელფასის ოდენობის ცვლილების უფლებამოსილება არ გააჩნია, მიუხედავად იმისა, აღნიშნული გათვალისწინებულია თუ არა ხელშეკრულებით. დამსაქმებელი ვალდებულია ნებისმიერი ანაზღაურების თუ ანგარიშსწორების დაყოვნების ყოველი დღისათვის დასაქმებულს დაყოვნებული თანხის 0,07% გადაუხადოს“, – ნათქვამია განცხადებაში.

დამსაქმებელს ასევე არ შეუძლია დასაქმებულის თანხმობის გარეშე მისი გაშვება აუნაზღაურებელ შვებულებაში ან მისი გათავისუფლება ყოველგვარი მიზეზის გარეშე. 

„შრომის კოდექსის 37(1)„ა“ ქვეპუნქტის თანახმად, შრომითი ხელშეკრულების შეწყვეტის საფუძველია ეკონომიკური გარემოებები, ტექნოლოგიური ან ორგანიზაციული ცვლილებები, რომლებიც აუცილებელს ხდის სამუშაო ძალის შემცირებას. ეკონომიკური გარემოებების არსებობისას ან საწარმოს რეორგანიზაციის დროს უნდა შემოწმდეს, მაგალითად, შტატების შემცირების აუცილებლობა, შემოსავლის კლება“, – ნათქვამია განცხადებაში.  

ამ საფუძვლით თანამშრომლის გათავისუფლების შემთხვევაში დამსაქმებელი ვალდებულია, ამის შესახებ გააფრთხილოს დასაქმებული ერთი თვით ადრე და გადაუხადოს ერთი თვის კომპენსაცია, ან გააფრთხილოს, სულ მცირე, 3 დღით ადრე და გადაუხადოს 2 თვის კომპენსაცია.

კანონით, შრომითი ურთიერთობის შეწყვეტისას დამსაქმებელი ვალდებულია დასაქმებულთან მოახდინოს საბოლოო ანგარიშსწორება არაუგვიანეს 7 კალენდარული დღისა.

პროფკავშირები მხარეებს მოუწოდებს, ურთულეს ვითარებაში იმოქმედონ მხოლოდ ურთერთშეთანხმების საფუძველზე, რომელიც ითვალისწინებს როგორც დამსაქმებლების, ისე დასაქმებულების, ასევე საზოგადოების ინტერესებს.

საქართველოში ამჟამად კორონავირუსით ინფიცირების 43 შემთხვევაა გამოვლენილი. გამოჯანმრთელდა ერთი პაციენტი. 1925 ადამიანი კარანტინში იმყოფება, 271 მოქალაქე – ექიმების მეთვალყურეობის ქვეშ.

289
თემები:
კორონავირუსმა საქართველომდეც მოაღწია: ბოლო ცნობები (852)
ფეხბურთის ბურთი

„მერანის“ ფეხბურთელებს კორონავირუსი აღმოაჩნდათ 

45
საფეხბურთო კლუბის ადმინისტრაციის ცნობით, ფეხბურთელების ინფიცირების გამო გადაიდო მარტვილის „მერანისა“ და ბოლნისის „სიონის“ მატჩი.

თბილისი, 29 ოქტომბერი – Sputnik. საფეხბურთო კლუბ „მერანის“ ფეხბურთელებს კორონავირუსი დაუდასტურდათ, წერია კლუბის ოფიციალურ გვერდზე.

კლუბის ადმინისტრაციის ცნობით, ფეხბურთელების ინფიცირების გამო გადაიდო მარტვილის „მერანისა“ და ბოლნისის „სიონის“ მატჩი.

„5 ნოემბერს გასამართი მატჩი ეროვნულ ლიგა 2-ში, სადაც მარტვილის „მერანს“ ბოლნისის „სიონისთვის“ უნდა ემასპინძლა, გადადებულია. მიზეზი, კორონავირუსით გამოწვეული სიტუაციაა („მერანის“ რამდენიმე ფეხბურთელს COVID-19 დაუდასტურდა)“, – აღნიშნულია კლუბის Facebook-გვერდზე გავრცელებულ ინფორმაციაში.

ეროვნული ლიგის გვერდზე „მერანისა“ და „სიონის“ მატჩის ჩატარების ოფიციალურ თარიღად 25 ნოემბერია ჩანიშნული. ეს პირველი შემთხვევა არაა, როდესაც მატჩი გადაიდო. ანალოგიური მიზეზით თამაშები გადაუდეს „ლოკომოტივს“, ქუთაისის „ტორპედოს“ და ქობულეთის „შუქურას“.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1709-ით გაიზარდა და საერთო რიცხვმა 35567-ს მიაღწია. გამოჯანმრთელდა 16904 ადამიანი, გარდაიცვალა 273 პაციენტი.

საქართველოში კორონავირუსის პირველი შემთხვევა 26 თებერვალს დაფიქსირდა.

45
თემები:
COVID-19 საქართველოში
ნუკა კვალიაშვილი ეკა კვალიაშვილი

ეკა კვალიაშვილის გოგონა მეორედ გათხოვდა ნახეთ მისი რჩეულის ფოტოები

218
(განახლებულია 00:13 30.10.2020)
ორიგინალური და ექსტრავაგანტული მომღერალი კვლავ შეყვარებულია. ნახეთ ვინ არის ნუკა კვალიაშვილის ახალი რჩეული.

მომღერალ ეკა კვალიაშვილის ერთადერთი ქალიშვილი – ნუკა კვალიაშვილი მეორედ დაქორწინდა. სოციალურ ქსელში გამოქვეყნებული ფოტოებიდან ირკვევა, რომ მისი მეუღლე 29 წლის მუსიკოსია და სოციალურ ქსელში ფსევდონიმად „ბენი“ აქვს მითითებული.

მომღერალი ნუკა კვალიაშვილი პირველ მეუღლეს ნიკუშა კობახიძეს 12-წლიანი ურთიერთობის შემდეგ დაშორდა. ამის შესახებ მან სოციალურ ქსელში თავად დაწერა. ინტერვიუებში მომღერალი ამბობდა, რომ წყვილი ერთმანეთს ვერ შეეწყო.

ნუკა კვალიაშვილი საზოგადოებამ რამდენიმე წლის წინ გაიცნო. ორიგინალური გარეგნობით კონკურსზეც გამოირჩეოდა, მაგრამ ახლა იმიჯი რადიკალურად შეიცვალა და ანიმაციის ულამაზეს გმირს დაემსგავსა.

View this post on Instagram

A post shared by Nuka Kvaliashvili's Fans (@nuka_kvaliashvili_erti_ertshi) on

ნუკა გვალიას სახელითა და გვარით სცენაზე 2013 წელს გამოჩნდა. „რუსთავი 2“-ის რეიტინგულ პროექტში „საქართველოს ვარსკვლავი“ მის პირველ შესრულებას დიდი დაინტერესება და გამოხმაურება მოჰყვა.

View this post on Instagram

<3

A post shared by Nuka Kvaliashvili's Fans (@nuka_kvaliashvili_erti_ertshi) on

გოგონას დიდ მომავალს უწინასწარმეტყველებდნენ. იმ პერიოდში ნუკა შეყვარებული იყო. მისი რჩეული ნიკუშა კობახიძე გახლდათ, რომელიც თინეიჯერობისას გაიცნო. თანატოლებს შორის წყვილი საკმაოდ დიდი პოპულარობით სარგებლობდა მაგრამ, ურთიერთობამ კონკურსის და ნუკას ცნობადობის შემდეგ გარდატეხა განიცადა. ნუკას და ნიკას თანაცხოვრებიდან ორი ვაჟი გაუჩნდათ – ლუკა და სანი.

View this post on Instagram

A post shared by Nuka Kvaliashvili's Fans (@nuka_kvaliashvili_erti_ertshi) on

ტაბლოიდებთან ნუკა აღნიშნავს, რომ არც ერთი ფსიქოლოგი ან ანტიდეპრესანტი არ შველის ისე, როგორც გარეგნობაში ცვლილება. ვარდისფერ თმას ლურჯი ცვლის, ლურჯს მწვანე ენაცვლება, მწვანეს ქერა, ქერას შავი და ასე დაუსრულებლად პირსინგებისა და ტატუების მომრავლებით.

View this post on Instagram

A post shared by Nuka Kvaliashvili's Fans (@nuka_kvaliashvili_erti_ertshi) on

ორიგინალური და ექსტრავაგანტული გარეგნობის მქონე მომღერალი ანიმაციებითაა გატაცებული. მის სოციალურ ქსელში მითოლოგიური გმირები ჭარბობენ, რომლებსაც ცდილობს დაემსგავსოს. გარდა ამისა, უყვარს სიგამხდრე და მაქსიმალურად ცდილობს წონა შეინარჩუნოს.

218
თემები:
სელებრითების ცხოვრება
სავსე მთვარე

მთვარის კალენდარი: 30 ოქტომბერი რისი გაკეთება შეიძლება და რისი არა

0
(განახლებულია 11:28 28.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 30 ოქტომბერი, პარასკევი. ამ დღეს ვენერა მართავს. მზარდი მთვარე ვერძის ნიშანშია.

ვერძის დღეებში საჭიროა აქტიურობა, ორიგინალურად და მტკიცედ მოქმედება, მაგრამ ასევე დიპლომატია. თავი უნდა აარიდოთ აჩქარებას, იმპულსურობას, აუცილებელია მოთმინების გამოჩენა. არ ივარგებს სამუშაოზე ზუსტი გათვლების ჩატარება და ანგარიშების შედგენა, გრძელვადიანი საქმეების წამოწყება. არასასურველია შეთანხმებებსა და კონტრაქტებზე ხელმოწერა, მნიშვნელოვანი მოლაპარაკებების გამართვა.

როდესაც მთვარე ვერძის ნიშანშია, იზრდება ინტერესი საწინააღმდეგო სქესის მიმართ. მამაკაცები მზად არიან, თავიანთი ვაჟკაცობა დაამტკიცონ, ხოლო ქალები ნამდვილი ამორძალები ხდებიან. კარგი დროა სიყვარულში გამოტყდომისთვის.

მთვარე ვერძში ხელს უწყობს აქტიურ, სწრაფ ნაცნობობას. ამ დღეს დაწყებული სასიყვარულო რომანი მგზნებარე და ცეცხლოვანი იქნება, მაგრამ, სავარაუდოდ, ხანმოკლე.

რეკომენდებულია აქტიური და მტკიცე მოქმედებები, მნიშვნელოვანი და სერიოზული საქმეების დაწყება, თითოეული ნაბიჯის მოზომილად და გააზრებულად გადადგმა, სხვადასხვა ადამიანებთან ურთიერთობები, ოჯახური კავშირების გამტკიცება, ახლობლებთან ურთიერთობების მოგვარება, კარიერული და ბიზნეს–საქმიანობა, ფინანსური საკითხების გადაჭრა, ზედმეტი საქმეებისა და სხვისი პრობლემებისთვის თავის არიდება.

არარეკომენდებულია უსაქმოდ ყოფნა, ენერგიის დახარჯვა უმნიშვნელო მოვლენებსა და საქმეებზე.

არცთუ ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ვერძის დღეებში სასურველია, თმის შეჭრისა და შეღებვისგან თავი შეიკავოთ. ნებისმიერი ქიმიური საშუალებები ამ დღეს უარყოფითად მოქმედებს თმის ხარისხზე, თავის კანზე.

მანიკურისთვის ნეიტრალური დღეა.

მებაღეობა: ვერძის დღეებში შეიძლება მოსავლის აღება, მარცვლოვანი, ნაყოფიანი კულტურებისა და ბოსტნეულისთვის სასუქის მიცემა, გასხვლა, შეწამვლა დაავადებებისა და მავნებლებისგან დასაცავად, სარეველისგან გაწმენდა.

0