გაგოშას გრაფიტი

რა დახატა ქართველმა ბენქსიმ: თბილისში კორონავირუსს გრაფიტი მიუძღვნეს

79
(განახლებულია 23:52 16.03.2020)
თავისი ახალი ნამუშევარი Gagosh-ამ აღმაშენებლის გამზირზე ერთ-ერთ ეზოში დახატა და მას Dis-Coronation-ი უწოდა

თბილისი, 16 მარტი — Sputnik. პოპულარულმა ქართველმა მხატვარმა გიორგი გაგოშიძემ, რომელსაც უფრო Gagosh-ას ფსევდონიმით იცნობენ, კორონავირუსს გრაფიტი მიუძღვნა, ამის შესახებ მან თავის Facebook-გვერდზე დაწერა.

როგორც ვხედავთ, გაგოშამ წინა პლანზე დახატა ექიმის სახე, რომელიც გამადიდებელ შუშაში იყურება და ვირუსის მოლეკულას პინცეტით გვირგვინს („კორონას“) აცლის.

ეს ნამუშევარი გაგოშამ აღმაშენებლის გამზირზე ერთ-ერთ საცხოვრებელ ეზოში დახატა. მხატვარმა ნახატს უწოდა Dis-Coronation.

„ცოტა გავმხიარულდეთ, თორემ ძალიან დაგვჩაგრა ამ ვირუსმა“, - ასეთი წარწერა დაურთო ნახატს გიორგი გაგოშიძემ, რომლის Instagram-ზე კორონავირუსის თემაზე სხვა ნამუშევრებსაც ვნახავთ.

View this post on Instagram

#streetartingeorgia #corona #coronavirus #urbanwalls #streetartnews #globalstreetart

A post shared by gagosh (@gagoshstreetart) on

„გაგოშა“, რომელსაც ქართველ ბენქსის უწოდებენ, 33 წლისაა და ბავშვობიდან ხატავს. მის მიერ შექმნილი ღრმა მნიშვნელობის მქონე ნამუშევრებით გალამაზებულია შენობების კედლები როგორც საქართველოში, ისე ევროპის სხვადასხვა ქვეყნებში. თავისუფლების მოყვარული მხატვარი თანამედროვეობის სხვადასხვა სოციალურ პრობლემებს ეხება. გრაფიტის გარდა, ის ქმნის ასევე კაშკაშა მოზაიკებს და კედლის პოეზიას.

View this post on Instagram

Eden Inside

A post shared by gagosh (@gagoshstreetart) on

ერთი პერიოდი მხატვარი მუშაობდა ერთ-ერთ ქართულ ბანკში IT-პროექტების მენეჯერად, ახლა კი ბევრს მოგზაურობს და თითოეულ ქვეყანაში ცდილობს დატოვოს თავისი ფერწერის ერთი ნაწილი.

79
თემები:
კორონავირუსმა საქართველომდეც მოაღწია: ბოლო ცნობები (852)
კახი კავსაძე

კახი კავსაძე კორონავირუსის დიაგნოზით საავადმყოფოში გადაიყვანეს

87
(განახლებულია 22:37 28.11.2020)
პირ­ველი სა­უ­ნი­ვერ­სი­ტე­ტო კლი­ნი­კის კლინიკური დირექტორის, ლალი ტურძელაძის განცხადებით, მსახიობის ჯანმრთელობის მდგომარეობა მძიმეა.

თბილისი, 28 ნოემბერი - Sputnik. ცნობილი ქართველი მსახიობი კახი კავსაძე კორონავირუსის დიაგნოზით საავადმყოფოში გადაიყვანეს, ამის შესახებ ქართული მედია იუწყება.

მსახიობის ძმის ინფორმაციით, კორონავირუსი მათი ოჯახის ყველა წევრს დაუდასტურდა და ყველანი თვითიზოლაციაში არიან.

თავად კახი კავსაძე პირ­ველ სა­უ­ნი­ვერ­სი­ტე­ტო კლი­ნი­კა­შია გა­დაყ­ვა­ნი­ლი.

სამედიცინო დაწესებულების კლინიკური დირექტორის, ლალი ტურძელაძის განცხადებით, მსახიობის ჯანმრთელობის მდგომარეობა მძიმეა.

„დიახ, ჩვენთან არის მოთავსებული, მძიმეა მდგომარეობა. მეტს ვერაფერს გეტყვით“, – განაცხადა ლალი ტურძელაძემ.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

 

87
თემები:
COVID-19 საქართველოში
დაკეტილი რესტორნები შარდენის ქუჩაზე

„რესტორატორთა ასოციაციის“ პრეზიდენტი : „ეპიდემიოლოგები საკუთარ კომპეტენციას გაცდნენ...“

71
28 ნოემბერს ქვეყანაში შექმნილი ეპიდვითარების გამო დაწესებული შეზღუდვების მიხედვით, რესტორნები და კვების ობიექტები მთლიანად მიტანის სერვისზე გადავიდნენ

თბილისი, 28 ნოემბერი - Sputnik. შექმნილი ეპიდემიოლოგიური ვითარებიდან გამოსავალი იყო ოქროს შუალედი, რითაც შეიძლებოდა პანდემიის მართვა და ამდენი ადამიანიც არ დარჩენილიყო უმუშევარი. განაცხადა რესტორატორთა ასოციაციის დამფუძნებელმა, შოთა ბურჯანაძემ ჟურნალისტებთან საუბრისას.

ბურჯანაძის აზრით, რეგულაციები, რომელიც საკოორდინაციო საბჭომ სარესტორნო ბიზნესის კუთხით დააწესა, უნდა ყოფილიყო უფრო მეტად დაბალანსებული. სწორედ ეს იქნებოდა ოქროს შუალედი.

„აქ გამოსავალი იყო ოქროს შუალედი, ეს არის ის, რითაც შეგვეძლო გვემართა კოვიდიც და ამდენი ადამიანიც არ დარჩენილიყო უმუშევარი. ეს უფრო რთული გზაა, რადგან მეტი ადამიანური და სახელმწიფოებრივი რესურსი სჭირდება“, - განაცხადა ბურჯანაძემ.

მისი თქმით, ეპიდემიოლოგებმა, რომლებიც ვერ მართავენ სიტუაციას, ყველაზე მარტივი გადაწყვეტილება მიიღეს.

„რეალურად, ეპიდემიოლოგები არ არიან იმ კომპეტენციაში, რომ ორივე მხარე მართონ, ამიტომ თავის ჩარჩოში უნდა ჩაეტიონ. ისინი გადიან ამ ჩარჩოდან და ისეთ მითითებებს იძლევიან, რომლებიც ქვეყანას უდიდეს პრობლემამდე მიიყვანს“, - განაცხადა შოთა ბურჯანაძემ.

საქართველოში 28 ნოემბრიდან რთული ეპიდვითარების გამო  ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

შეზღუდვების მიხედვით, რესტორნები და კვების ობიექტები ქვეყნის მასშტაბით მთლიანად გადადიან მიტანის სერვისზე.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

71
თემები:
COVID-19 საქართველოში
მდგომარეობა მსოფლიოში კორონავირუსთან დაკავშირებით

მსოფლიოში COVID-19-ით ინფიცირების ახალი შემთხვევების და გარდაცვალების რეკორდი დაფიქსირდა

0
კორონავირუსის მეორე ტალღამ ქვეყნებს გაცილებით დიდი ძალით გადაუარა, ვიდრე პირველმა, და ინფიცირებულთა რაოდენობა გამუდმებით იზრდება

თბილისი, 28 ნოემბერი – Sputnik. მსოფლიოში კორონავირუსით ინფიცირების ახალი შემთხვევების რაოდენობა ბოლო 24 საათში 747 082-ით გაიზარდა, რაც პანდემიის დაწყებიდან რეკორდული მაჩვენებელია, ნათქვამია ჯანდაცვის მსოფლიო ორგანიზაციის ვებგვერდზე მოყვანილ მონაცემებში.

ერთ დღე-ღამეში გარდაიცვალა 13 296 ადამიანი, რაც ასევე რეკორდული რიცხვია.

COVID-19-ის ყველაზე მეტი შემთხვევა დაფიქსირდა ჩრდილოეთ და სამხრეთ ამერიკაში (405 ათასზე მეტი) და ევროპაში (236 ათასზე მეტი).

მსოფლიოში კორონავირუსით ინფიცირების 61,2 მილიონზე მეტი შემთხვევა დაფიქსირდა, გარდაიცვალა 1,4 მილიონზე მეტი ადამიანი.

ჯანდაცვის მსოფლიო ორგანიზაციამ 11 მარტს ახალი კორონავირუსის აფეთქებას პანდემია უწოდა.

0
თემები:
COVID-19-ის პანდემია მსოფლიოში