ვირუსი ქალაქში

ეროვნული ბიბლიოთეკის დირექტორი საზოგადოებას ასაკოვან ადამიანებზე ზრუნვისკენ მოუწოდებს

75
(განახლებულია 09:03 16.03.2020)
ეროვნული ბიბლიოთეკა  70 წელს გადაცილებულ თანამშრომლებს ყველა საჭირო პროდუქტითა და პირველადი მოხმარების საგნებით უზრუნველყოფს

თბილისი,  15 მარტი — Sputnik.  საქართველოს პარლამენტის ეროვნული ბიბლიოთეკის დირექტორი გიორგი კეკელიძე გამოეხმაურა დაავადებათა კონტროლის ეროვნული ცენტრის ხელმძღვანელის ამირან გამყრელიძის თხოვნას – ასაკოვანი და მარტოხელა ადამიანებისთვის დახმარების გაწევის თაობაზე, რომელთათვისაც კორონავირუსის გამო დაწესებული შეზღუდვების პერიოდში რთულია საკუთარი სახლების დატოვება.

როგორც გიორგი კეკელიძემ საკუთარ Facebook–გვერდზე დაწერა, თუ ვითარება გაუარესდება, მოხალისეები უნდა დაეხმარონ ასაკოვან ადამიანებს, რომელთაც თვითიზოლაციის ეშინიათ. 

 „ყოველდღიურად მე არაერთი ხანდაზმული მწერს და შიშობს სავარაუდო იზოლაციის გამო. ცხადია ყველას ვერ, მაგრამ ამ ეტაპზე დინამიკის დაკვირვების და გარკვეული კონსულტაციის შემდეგ, ეროვნული ბიბლიოთეკის იმ თანამშრომლებს, რომლებიც 70 წელს გადასცდნენ და მარტოხელები ან სპეციალური საჭიროებების  მქონენი არიან,  ყველა სამედიცინო წესის დაცვით, პროდუქტებს მივაწვდით“, – ნათქვამია კეკელიძის განცხადებაში.

იგი იმედს გამთქვამს, რომ ინიციატივას სხვა ორგანიზაციებიც გამოეხმაურებიან.

ეროვნული ბიბლიოთეკის დირექტორის პოსტი, რომელსაც ათასობით გამომწერი ჰყავს, საკუთარ Facebook-გვერდზე ასობით მომხმარებელმა გააზიარა და მოხუცებისთვის დახმარების გაწევის სურვილი გამოთქვა, რომლებიც რისკის ჯგუფში იმყოფებიან და რომელთა ორგანიზმიც ყველაზე მეტად დაუცველია კორონავირუსის ინფექციის წინაშე.

15 მარტის მონაცემებით, საქართველოში კორონავირუსით ინფიცირების 44 შემთხვევაა დაფიქსირებული – პაციენტებიდან ოთხი 14 წლამდე მოზარდია.

75
თემები:
კორონავირუსმა საქართველომდეც მოაღწია: ბოლო ცნობები (850)
ადამიანები ხიდზე

რას ფიქრობენ ქართველები რუსეთზე ამერიკული კვლევა

40
(განახლებულია 12:05 13.08.2020)
ქართველთა უმრავლესობა მხარს უჭერს ქართულ-რუსულ დიალოგს და აღნიშნავს, რომ ქვეყნებს შორის ურთიერთობები სასურველია, საუკეთესო იყოს.

თბილისი, 13 აგვისტო – Sputnik. აშშ-ის საერთაშორისო რესპუბლიკური ინსტიტუტის (IRI) გამოკითხვამ აჩვენა, რომ ქართველთა 75% რუსეთთან შემდგომი დიალოგის მომხრეა.

საქართველოს ყოველი მესამე მცხოვრები ხმას „ქართულ ოცნებას“ მისცემს – IRI-ს გამოკითხვა>>

კითხვაზე „მხარს უჭერთ თუ არა საქართველოსა და რუსეთს შორის შემდგომ დიალოგს“, გამოკითხულთა 40% -მა უპასუხა, რომ სრულად უჭერენ მხარს, 35% კი ამას მხარს ნაწილობრივ უჭერს.

გამოკითხულთა მხოლოდ 14%-ია დიალოგის წინააღმდეგი, ნაწილობრივ წინააღმდეგია 8%. რესპონდენტთა 3% -მა უარი თქვა პასუხის გაცემაზე.

ამავე დროს, საქართველოში გამოკითხულთა 84% მიიჩნევს, რომ საქართველოსა და რუსეთს შორის არსებული ურთიერთობა ცუდია, 6% ფიქრობს, რომ კარგია,  ხოლო 8%  ნეიტრალურად მიიჩნევს.

ამავე გამოკითხვის თანახმად, ქართველთა 71% მიიჩნევს, რომ ურთიერთობები სომხეთთან კარგია, 14%  ფიქრობს, რომ ნეიტრალურია და  10% - ცუდი.

რომელი უცხოური ენაა ყველაზე პოპულარული საქართველოში – ამერიკული კვლევის შედეგები>>

აზერბაიჯანთან კარგი ურთიერთობია, მიიჩნევს გამოკითხულთა 68%, ნეიტრალურია - 13%, ხოლო 14% ფიქრობს, რომ ცუდია.

40
თემები:
ქართულ–რუსული ურთიერთობები
პრემიერი გიორგი გახარია

სტიქიით დაზარალებულ რაჭაში ინფრასტრუქტურა 2021 წლის გაზაფხულამდე სრულად აღდგება

47
(განახლებულია 11:31 13.08.2020)
რაჭა-ლეჩხუმისა და ქვემო სვანეთის რეგიონის 12 სოფელი 29 ივლისს მოსულმა უხვმა ნალექმა გარესამყაროს მოწყვიტა

თბილისი, 13 აგვისტო - Sputnik. სტიქიის მასშტაბიდან გამომდინარე, ინფრასტრუქტურის კაპიტალურ, სრულფასოვან აღდგენას დასჭირდება დრო, დაახლოებით 2021 წლის გაზაფხულამდე, განაცხადა საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე.

28–29 ივლისს უამინდობისა და კოკისპირული წვიმების გამო რაჭა-ლეჩხუმისა და ქვემო სვანეთის რეგიონის 12 სოფელი – 2 ათასზე მეტი ადამიანი გარე სამყაროს მოწყვეტილი აღმოჩნდა. სტიქიის შედეგად დაზიანდა 10 ხიდი, 8 ადგილზე ჩაინგრა  ცენტრალური გზის სავალი ნაწილი, ასევე რამდენიმე მონაკვეთი ონიდან შოვის მიმართულებით და შიდა სასოფლო გზები.

მთავრობის მეთაურის განცხადებით, სტიქიის შედეგების აღმოფხვრა  და  სარეაბილიტაციო სამუშაოები ახლაც მიმდინარეობს.

„დღეის მონაცემებით, ყველა სოფელს მიეწოდება როგორც წყალი, ისე - ელექტროენერგია. თუმცა, კაპიტალური სამშენებლო სამუშაოები გრძელდება და დღეს ჩვენ უნდა ვიმსჯელოთ ამ სამუშაოებისთვის, საგზაო მიმართულებით, დამატებითი თანხების გამოსაყოფად“, - განაცხადა გიორგი გახარიამ.

შინაგან საქმეთა სამინისტროს სასაზღვრო პოლიციის ვერტმფრენებმა მოქალაქეების დასახმარებლად 63 გაფრენა განახორციელეს. სტიქიის ზონიდან გამოყვანილია 706 მოქალაქე, ხოლო იქ დარჩენილებისთვის შეტანილია 608 სასურსათო კალათა, 12 500 კილოგრამი პურის ფქვილი, 6310 ლიტრი საწვავი, 9485 ლარის ღირებულების მედიკამენტები.

47
ვაშლი ხის ტოტზე

ყურძნის შემდეგ ვაშლი: მთავრობამ ვაშლის შესყიდვის სუბსიდირება გადაწყვიტა

0
(განახლებულია 12:15 13.08.2020)
პრემიერის განცხადებით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა

თბილისი, 13 აგვისტო - Sputnik. ყველა ის კომპანია, რომელიც ჩაერთვება სპეციალურად ვაშლის დაბინავების მიზნით შექმნილ შემსყიდველ შტაბში, სუბსიდირებას მიიღებს დამატებითი 10 თეთრის რაოდენობით, განაცხადა საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე.

„რქაწითელი" და „კახური მწვანე": მთავრობა რთვლის სუბსიდირებას გეგმავს>>

პრემიერის  განცხადებით, ეკონომიკური კრიზისის ფარგლებში მთავრობა  სექტორულად ეხმარება სხვადასხვა დარგს და, მათ შორის, განსაკუთრებულ ყურადღებას სოფლის მეურნეობას აქცევს.

„ძირითადი მიზანი გახლავთ, რომ ჩვენი ფერმერების არც ერთი გრამი პროდუქტი ​დაუბინავებელი არ უნდა დარჩეს. ამ მოტივით იყო განპირობებული ჩვენი დახმარება მევენახეებისთვის და მოგეხსენებათ, მთავრობა ასუბსიდირებს ყურძნის შესყიდვას წელს და შემდეგი ნაბიჯი, რომელსაც ჩვენ გადავდგამთ, ეს იქნება ვაშლი“, - აღნიშნა გახარიამ.

მისი განმარტებით,  საერთაშორისო ბაზრებზე წელს ვაშლის ფასი საკმაოდ დაეცა და ამიტომ, სოფლის მეურნეობის სამინისტროს რეკომენდაციით, მთავრობამ მიიღო გადაწყვეტილება არასტანდარტული ვაშლის შესყიდვის 10 თეთრით სუბსიდირების შესახებ. საბოლოოდ, ფერმერებისთვის ვაშლის ფასი იქნება არანაკლებ 22 თეთრისა.

„ეს ძალზე მნიშვნელოვანია რეგიონისთვის, ამიტომ აქ გვმართებს სწორი და ეფექტური მუშაობა. ეს პროგრამა გაგრძელდება 2020 წლის დეკემბრამდე“, – განაცხადა გიორგი გახარიამ.

ივლისში ცნობილი გახდა, რომ მთავრობა ქართული ყურძნის ჯიშების „რქაწითელისა" და „კახური მწვანის" სუბსიდირებას განახორციელებს.

პრემიერის თქმით, ფერმერული საქმიანობის სტიმულირება მთავრობის ანტიკრიზისული გეგმის ერთ-ერთი მიზნობრივი მიმართულებაა.

0
თემები:
საქართველოს სოფლის მეურნეობა