ბიჭი ტელევიზორის ეკრანს უყურებს

მოსწავლეებს, იძულებითი არდადეგების დროს, განათლებაში საზოგადოებრივი მაუწყებელი დაეხმარება

223
პროექტი, რომელსაც საქართველოს საზოგადოებრივი მაუწყებელი იწყებს, გათვლილია მოსწავლეებზე, რომლებსაც „COVID-19“-ისგან თავდასაცავად პირველ აპრილამდე არდადეგები აქვთ.

თბილისი, 15 მარტი - Sputnik. საქართველოს პირველი არხი სკოლის მოსწავლეებისთვის ახალ ტელე-ონლაინ საგანმანათლებლო პროექტს იწყებს, იუწყება საზოგადოებრივი მაუწყებლის პირველი არხი.

ჯანდაცვის მსოფლიო ორგანიზაციის რეკომენდაციების შესაბამისად, საქართველოს მთავრობის გადაწყვეტილებით, კორონავირუსის საქართველოში გავრცელების მიზნით, როგორც სკოლებში, ასევე უმაღლეს სასწავლებლებში გაკვეთილები და ლექციები 1 აპრილამდე გადაიდო.

მაუწყებლის ცნობით, განათლების სამინისტროსთან ერთად მომზადებული პროექტი წარმოებაში დღეიდან ჩაეშვა.

„მეორე არხი, ვებ-პორტალი 1tv.ge, საქართველოს პირველი არხის იუთუბ და ფეისბუქ-გვერდები ის მედია-პლატფორმებია, რომლითაც სასწავლო პროგრამები მოსწავლეებისთვის ხელმისაწვდომი იქნება“, - ნათქვამია საზოგადოებრივი მაუწყებლის განცხადებაში.

 პროექტში ჩართულები არიან მასწავლებლები, სასწავლო პროგრამებთან ერთად მომზადებულია საგნობრივი რეკომენდაციები და ინსტრუქციები. პირველი არხი გეგმავს, რომ მსოფლიოს ცნობილი ტელევიზიების და სტუდიების მიერ მომზადებული სასწავლო-დოკუმენტური ფილმებიც თარგმნოს და ახალი პროექტის ფარგლებში მოსწავლეებს აჩვენოს.

მაუწყებლის განცხადებით, ტელე-ონლაინ პროექტი კორონავირუსთან დაკავშირებული მდგომარეობის დასრულების შემდეგაც გაგრძელდება.

223
თემები:
COVID-19-ის პანდემია მსოფლიოში (1300)
ხატია შამუგია

„გამოწვევების დროა...“ - ხატია შამუგიამ „ისი პარი“ საყვარელი მამაკაცის გამო დატოვა?

87
(განახლებულია 13:38 20.01.2021)
ხატია შამუგიამ მრავალწლიანი კარიერა მიატოვა და ამის შესახებ სოციალურ ქსელში დაწერა. რა გახდა ამის მიზეზი?

თბილისი, 20 იანვარი — Sputnik. ცნობილმა პიარ-მენეჯერმა ხატია შამუგიამ პარფიუმერულ მაღაზიათა ქსელი „ისი პარი“ დატოვა. მას კომპანიასთან მრავალწლიანი ურთიერთობა აკავშირებდა და შეიძლება ითქვას, პარფიუმერული სამყარო მის გარეშე წარმოუდგენელი იყო.

რა გახდა კომპანიიდან წასვლის მიზეზი ეს უცნობია. ხატია სოციალურ ქსელში წერს, რომ ცვლილებების დრო მოვიდა. ხატია შამუგიას ამ პოსტს დიდი გამოხმაურება მოჰყვა. რასაკვირველია, წერენ, რომ ეს კომპანია ხატიას გარეშე ვერ წარმოუდგენიათ. ხატიას ამ სტატუსს სამასზე მეტი კომენტარი მოჰყვა, მათ შორის ცნობილი ადამიანებისგანაც. პიარმენეჯერს უწერენ, რომ ის ნებისმიერი დიდი კომპანიისთვის დიდი შენაძენი იქნება.

შესაძლოა ხატია ირლანდიაშიც მიდის. დაახლოებით ერთი წლის წინ პიარმენეჯერმა აღიარა, რომ პრინცი იპოვა, რო­მე­ლიც ირ­ლან­დი­ა­ში ცხოვ­რობს. ეს ქარ­თვე­ლი მა­მა­კა­ცი მის ბავ­შვო­ბა­შიც არ­სე­ბობ­და, მერ­ვე კლა­სამ­დე უბ­ნე­ლე­ბი იყ­ვნენ, შემ­დეგ ხა­ტი­ამ სა­ცხოვ­რე­ბე­ლი სახ­ლი შე­იც­ვა­ლა და მათი გზე­ბიც გა­ი­ყო. ამა­სო­ბა­ში ხა­ტია წარ­მა­ტე­ბულ ქა­ლად იქცა, ის ქარ­თვე­ლი ბიჭი კი ირ­ლან­დი­ა­ში წა­ვი­და, ბიზ­ნე­სი აა­წყო და იმ ქვეყ­ნის მო­ქა­ლა­ქეც გახ­და. მათი გზე­ბი წლე­ბის შემ­დეგ გა­და­იკ­ვე­თა და ძვე­ლი, ბავ­შვუ­რი ნაც­ნო­ბო­ბა სე­რი­ო­ზულ სიყ­ვა­რულ­ში გა­და­ი­ზარ­და.

გასულ წელს „ფორტუნა პლუსის“ გადაცემა „ვიზიტორში“ ხატია შამუგიამ მსმენელს პირად ცხოვრებასთან დაკავშირებული სიახლე გაუზიარა. ხატია ამბობდა, რომ მეუღლესთან მალე თავადაც გაემგზავრებოდა. როგორც ჩანს, მის გეგმებს ხელი პანდემიამ შეუშალა, ახლა კი ყველაფერი მოაგვარა და საყვარელ მამაკაცთან მიემგზავრება.

87
თემები:
სელებრითების ცხოვრება
ტაქსი

ტაქსის მძღოლებისთვის კორონავირუსზე ტესტის ორ კვირაში ერთხელ ჩაბარება სავალდებულო ხდება

32
(განახლებულია 12:35 20.01.2021)
„თბილისის ტაქსის“ მძღოლების ტესტირების პროცესზე მონიტორინგს დედაქალაქის მერია და ცენტრალური ხელისუფლება ერთობლივად განახორციელებენ.

თბილისი, 20 იანვარი – Sputnik. ტაქსის ნებისმიერი კატეგორიის მძღოლი ორ კვირაში ერთხელ სავალდებულო PCR ტესტირებას დაექვემდებარება, განაცხადა დედაქალაქის მერმა კახა კალაძემ მუნიციპალიტეტის მთავრობის დღევანდელ სხდომაზე.

კალაძე: თბილისში 18 ათასამდე ტაქსის მძღოლს კორონავირუსზე უფასო ტესტირება ჩაუტარდება>>

კალაძის თქმით, ვირუსის გავრცელების რისკების თავიდან აცილების მიზნით მუდმივად მიმდინარეობს რისკ-ჯგუფების დადგენა და მათი PCR ტესტირება. ერთ-ერთ ასეთ რისკ-ჯგუფს მიეკუთვნებიან „თბილისის ტაქსის“ როგორც A, ასევე B კატეგორიის მძღოლები.

„ძალიან მნიშვნელოვანია, რომ მაქსიმალურად ვიყოთ დაზღვეული... როგორც თავად ტაქსის მძღოლების ჯანმრთელობის უსაფრთხოებაა მნიშვნელოვანი, ასევე იმ კონკრეტული ადამიანების, რომლებიც ტაქსის სერვისით სარგებლობენ. შესაბამისად, საკოორდინაციო საბჭოს გადაწყვეტილებით, უნდა განხორციელდეს „თბილისის ტაქსის“ როგორც A, ისე B კატეგორიის მძღოლების სავალდებულო PCR ტესტირება“, - განაცხადა კახა კალაძემ.

მისი თქმით, დედაქალაქში დაფიქსირდა სამწუხარო შემთხვევები, როდესაც ტაქსის დაინფიცირებული მძღოლები მუშაობას განაგრძობდნენ.

ტესტირების პროცესის მონიტორინგს დედაქალაქის მერია და ცენტრალური ხელისუფლება ერთობლივად განახორციელებენ.

ეპიდვითარების გაუარესების გამო 2 დეკემბერს საქართველოში მოქალაქეთა ინტენსიური ტესტირების პროგრამა ამოქმედდა, რომელიც 1 თებერვლამდე გაგრძელდება.

ქვეყანაში რიგი შეზღუდვები მოქმედებს, მათ შორის – არ მოძრაობს საზოგადოებრივი ტრანსპორტი. აქედან გამომდინარე, ტაქსით მგზავრობა მოქალაქეებს უფრო ხშირად უწევთ და აქ, შესაბამისად, იზრდება ინფიცირების რისკი.

32
თემები:
თბილისი დღეს
კახა კალაძე

რას სთავაზობს კალაძე იმ მესაკუთრეებს, ვის მიწებსაც ზონის სტატუსი გაუუარესდა

0
(განახლებულია 14:24 20.01.2021)
თბილისის მერიაში შექმნილია კომისია, რომელიც იმ მოქალაქეების განცხადებებს განიხილავს, ვის საკუთრებაში არსებულ მიწის ნაკვეთებსაც ახალი გენერალური გეგმის ფარგლებში ზონის სტატუსი გაუუარესდა.

თბილისი, 20 იანვარი — Sputnik. მესაკუთრეებმა, რომელთა მიწის ნაკვეთებსაც გენგეგმით ზონის სტატუსი გაუუარესდა, თბილისის მერიაში შექმნილ სპეციალურ კომისიას უნდა მიმართონ, განაცხადა დედაქალაქის მერმა კახა კალაძემ დედაქალაქის მთავრობის სხდომაზე.

თბილისის მიწათსარგებლობის გენერალური გეგმის პროექტი დედაქალაქის საკრებულომ 2019 წელს დაამტკიცა.

როგორც კალაძემ აღნიშნა, არსებობდა ისეთი მიწის ნაკვეთები, რომლის მესაკუთრეს 2019 წლამდე ჰქონდა შესაძლებლობა, საკუთარ მიწის ნაკვეთზე სხვადასხვა ტიპის მშენებლობა განეხორციელებინა, თუმცა 2019 წელს მიღებული გენგეგმის ფარგლებში, რომელიც ქალაქის პრიორიტეტებიდან გამომდინარეობდა, ზონა შეიცვალა და თუ გუშინ დაშვებული იყო მშენებლობა, მოხდა ზონის ცვლილება და ზოგიერთ ნაკვეთს რეკრეაციული ზონის სტატუსი მიენიჭა, ზოგს - ლანდშაფტური, ზოგს სატყეო და ასე შემდეგ.

მერის თქმით, თბილისის მერიაში შექმნილია შესაბამისი კომისია, რომელიც მსგავს საკითხებს განიხილავს. კალაძემ მოქალაქეებს, ვის საკუთრებაში არსებულ მიწის ნაკვეთებსაც ახალი გენერალური გეგმის ფარგლებში ზონის სტატუსი გაუუარესდა, მოუწოდა, აუცილებლად მომართონ თბილისის მერიას.

„ურბანული სამსახური არქიტექტურის სამსახურთან ერთად გაივლის ამ კონკრეტული მიწის ნაკვეთის არსებულ სტატუსს - რა იყო გენგეგმის მიღებამდე და რა მდგომარეობა გვაქვს ახლა, არის თუ არა შესაძლებელი, დაუბრუნდეს ძველი სტატუსი, თუ ეს არ დააზიანებს ქალაქის ურბანულ განვითარებას. თუ ამ თვალსაზრისით პრობლემაა, მზად ვართ, ასეთ შემთხვევაში, ადგილმონაცვლეობა განვახორციელოთ. არც ერთი შემოსული განცხადება პასუხგაუცემელი არ დარჩება“, - თქვა კალაძემ.

თბილისის მერის თქმით, რაც შეეხება რეკრეაციული სივრცეებსა და სპორტულ მოედნებს, მათ  ხარჯზე მშენებლობების ნებართვა აღარ გაიცემა.

„დარწმუნებული ვარ, დედაქალაქის მოსახლეობის უმრავლესობას, ვისაც ეს ქალაქი უყვარს და თბილისზე გული შესტკივა, არ მოსწონდა ის, რაც წლების განმავლობაში ხდებოდა - კოეფიციენტის გადამეტება, არასწორი სამშენებლო სამუშაოები, ქალაქის არასწორი განვითარება, რეკრეაციული სივრცეებისა და სპორტული მოედნების ხარჯზე მშენებლობებზე ნებართვების გაცემა. ეს კატეგორიულად მიუღებელი და დაუშვებელია“, - განაცხადა კალაძემ.

მისი თქმით, გენგეგმის მიღება იყო ძალიან მნიშვნელოვანი, თუმცა დედაქალაქის მერია კერძო მესაკუთრის ინტერესებს არავითარ შემთხვევაში არ დაარღვევს.

0
თემები:
თბილისი დღეს