სურსათის მაღაზიაში

არ ვიშიმშილებთ - ქვეყანაში სურსათის ადეკვატური მარაგებია

80
(განახლებულია 09:51 15.03.2020)
სოფლის მეურნეობის მინისტრის, ლევან დავითაშვილის განმარტებით, ევროპის ბევრ სხვა ქვეყანასთან შედარებით, საქართველო უფრო მეტად მომზადებულია შექმნილი სიტუაციისათვის.

სოფლის მეურნეობის მინისტრმა, ლევან დავითაშვილმა, მთავრობის ადმინისტრაციაში ქვეყანაში სურსათის უზრუნველყოფის თვალსაზრისით საიმედო სიტუაციაზე ისაუბრა, იუწყება საზოგადოებრივი მაუწყებლის პირველი არხი.

14 მარტის მონაცემებით, საქართველოში კორონავირუსით ინფიცირებულთა რაოდენობამ 30 ადამიანს მიაღწია. აღნიშნული ფაქტის ფონზე მოსახლეობაში შიში გაჩნდა, რომ მაღაზიების დახლებიდან პროდუქტები გაქრება და ფასები გაიზრდება.

სოფლის მეურნეობის მინისტრმა აღნიშნა, რომ საქართველო უფრო მომზადებულია, ვიდრე ევროპის ბევრი წამყვანი ქვეყანა. პანიკის საფუძველი კი არ არსებობს.

„ძალიან მნიშვნელოვანია აღინიშნოს, რომ ქვეყანაში არსებობს სურსათის ადეკვატური მარაგები. ამაზე სამინისტრო ზრუნავს მთავრობის სხვა წევრებთან ერთად. ჩვენ გვაქვს მონიტორინგის სისტემა, შექმნილია სამინისტროშიც სამუშაო ჯგუფი, რათა გვქონდეს მოწოდების ჯაჭვის ყველა რგოლთან მუდმივი და რეგულარული კომუნიკაცია“, – განაცხადა ლევან დავითაშვილმა.

სოფლის მეურნეობის მინისტრმა, კოლეგების მსგავსად, მადლობა გადაუხადა სავაჭრო სექტორში დასაქმებულ ადამიანებს და საზოგადოებას სთხოვა, გამოიჩინონ მოქალაქეობრივი სოლიდარობა პერსონალის მიმართ, რომლებიც მაღაზიებში გაზრდილ ნაკადს ემსახურებიან.

„ძალიან მნიშვნელოვანია, დავაფასოთ იმ ადამიანის ღირსეული შრომა, რომელიც დღეს საზოგადოებას ემსახურება. როგორც საზოგადოებრივი წესრიგის დამცველები, სამედიცინო სფეროს თანამშროლები, პირველ რიგში, მაგრამ მნიშვნელოვანია, ასევე აღინიშნოს სასურსათო სფეროს წარმომადგენლები, თანამშრომლები, მთელი მიწოდების ჯაჭვის განმავლობაში“, – განაცხადა სოფლის მეურნეობის მინისტრმა.

14 მარტის მდგომარეობით, საქართველოში კორონავირუსის 30 დადასტურებული შემთხვევა ფიქსირდება, კარანტინის რეჟიმში – 418 ადამიანი რჩება, სტაციონარში მეთვალყურეობის ქვეშ კი – 54.

80
ბარბარე 21

პროსტიტუციიდან ქველმოქმედებამდე - რა ბედი ეწია „მამიდას" საროსკოპოს

31
(განახლებულია 16:21 09.07.2020)
მსოფლიოს ბევრ ქვეყანას შეშურდება საქართველოში იმდენი ხუთ ვარსკვლავიანი სასტუმროა მაღალი კლასის მომსახურეობითა და სერვისით. ყველას სახელი შესაძლოა ვერ გავიხსენოთ, მაგრამ არც ისე გამორჩეული, პატარა სასტუმროს „ჭალის ჩიტების“ სახელს დღეს ბევრი ვერ ივიწყებს.

ამის მიზეზს მიხვდებით, თუ გეტყვით, რომ სასტუმროს მეპატრონე საზოგადოებისათვის „მამიდას“ ნიკით ცნობილი შორენა ხუცურაული გახლდათ. მუხედავად მავანთა მიერ ამ სასტუმროში გატარებული დღეებისა, რომელიც ზოგისთვის ტკბილი მოგონება იყო, ზოგისთვის კი იმედგაცრუება, ის სასტუმრო აღარ არის თქვენ რომ გვახსოვთ...

გასული წლის მაისში აქ საგამოძიებო მოქმედებები ჩატარდა. გამოძიებამ სასტუმრო „ჭალის ჩიტები“, როგორც პროსტიტუციის ობიექტი დალუქა. ყველა მთავრობისგან დევნილ ქალს, ერისა და ბერის „მამიდას“, როენა ხუცურაულს კი „ამაგი“ არ დაუფასეს, ხელბორკილები დაადეს და სისხლის სამართლის პასუხისგებაში მისცეს.

„მამიდა“ პატიმრობიდან გირაოს სანაცვლოდ გაათავისუფლეს. მან სასამართლოშივე განაცხადა, რომ აღიშნულ ობიექტზე ქველმოქმედების მიზნით სათნოების სახლის დაარსებას აპირებდა…

 „Sputnik საქართველოს“ როენა ხუცურაულმა მოუთხრო, თუ როგორ აქირავებს დღეს სიმბოლურ ფასად სასტუმროს შშმ პირების დასახმარებლად და არც სამომავლო გეგმები დამალა. მისი ნათქვამიდან ყველაზე ნიშანდობლივი კი მაინც ერთი რამ იყო - „ჩემს სიბერეს ჩემს სასტუმროში ვხედავ“.

ბარბარე 21
© Sputnik / Shota Nozadze
ბარბარე 21

„ქველმოქმედების მიზნით სასტუმროში სათნოების სახლის გახსნას ვაპირებდი. ჯანმრთელობის მდგომარეობის გამო ვეღარ შევძელი, შშმ პირებისთვის ადაპტირებული გავხადე და პანსიონატისთვის სიმბოლურ ფასად, 1 ათას ლარად გავაქირავე. ესეც დახმარებაა. თუ ჯანმრთელობა ხელს შემიწყობს, ამ კეთილ საქმეში თავადაც ჩავერთვები. ყველაფერი ღვთის ნებაა. როცა წლებში შედიხარ ადამიანი, უკვე სხვანაირად ფიქრობ. ჩემს სიბერეს კი ჩემს სასტუმროში ვხედავ“ - გვითხრა როენა ხუცურაულმა.

ქველმოქმედება - ლამაზი სიტყვაა, ქმედება - კიდევ უფრო ლამაზი. ხოლო ნებისმიერი ქმედება, თუ სიკეთეს არ ემსახურება მხოლოდ შიშველი ინსტინქტია. ძნელია ისაუბრო ქველმოქმედი ადამიანის მოტივაციაზე. ალბათ, ეს უფრო ბუნებრივი მოთხოვნილებაა, სიამოვნებაა, რაც ნებისმიერ ხორციელ სიამოვნებაზე გაცილებით ძლიერია.

„მამიდას“ ნათქვამის პატივისცემის მიუხედავად, ჩვენმა ჟურნალისტმა მისი მონათხრობი გადაამოწმა, ესტუმრა ახლა უკვე თავშესაფარს და როგორც აღმოჩნდა მას პირობა შეუსრულებია…

Ბარბარე 21
© Sputnik / Shota Nozadze
Ბარბარე 21

დაწყებული საქმიანობა მოხუცთა თავშესაფრის, „ბარბარე 21“-ის მფლობელმა, „ქართული ოცნების“ ყოფილმა წევრმა მერაბ შათირიშვილმა განაგრძო. დაწესებულების კედლებში კი ახალი სიცოცხლე დაიწყო. მთლიანი შენობა და ცალკეული ოთახები მოძღვარმა აკურთხა, აურა გაიწმინდა და ახლა შენობის ფანჯრებიდან ბენეფიციარების ბედნიერი ხმა გამოდის.

შენობა 16 ბენეფიციარზეა გათვლილი. თითოეულ ოთახს აქვს თავისი სველი წერტილი, ცხელი და ცივი წყალი, გათბობა. სართულებს შორის გადასაადგილებლად კი არის ადაპტირებული ლიფტიც.

სააგენტოსთან საუბრისას მერაბ შათირიშვილმა აღნიშნა, რომ შენობა ხუთი წლით იქირავა, სხვა სასტუმროებს კი მოუწოდა როენა ხუცურაულისაგან მაგალითი აიღონ.

Ბარბარე 21
© Sputnik / Shota Nozadze
Ბარბარე 21

„მეპატრონეს თავად სურდა თავშესაფრის დაარსება. ნებართვაც ჰქონდა, თუმცა, შემდეგ ცოტა გაუჭირდა თავის გართმევა, დამიკავშირდა და ბოლოს იგივე მიზნით ხუთი წლით ვიქირავე. ქირას სიმბოლური თანხაც შეიძლება ვუწოდოთ. მანამდე მეპატრონეს არ ვიცნობდი. მიკვირს რატომ არის როენას სასტუმრო ასეთი ყურადღების ცენტრი, ან დღეს რა აზრი აქვს ადრე აქ რა იყო. თვითონ ცხოვრებამ გარკვეულწილად იმ გზით წაიყვანა, რომ გართობის ადგილი ყოფილიყო, მაგრამ თბილისის სხვა ნებისმიერ სასტუმროშიც, წყვილს შეუძლია ღამის გათენება. ასეთ სასტუმროებს ვურჩევ ასეთ სიკეთის სახლებად გადაკეთებას, ვიდრე შეფარულად ყოფნას“ - ისაუბრა შათირიშვილმა.

Ბარბარე 21
© Sputnik / Shota Nozadze
Ბარბარე 21

კითხვაზე, თუ როგორ ახდენს თავშესაფარი შეზღუდული შესაძლებლობების მქონე პირთა ინტეგრაციას საზოგადოებაში და მათთვის თანაბარი შესაძლებლობების უზრუნველყოფას, მერაბ შათირიშვილმა აღნიშნა, რომ მაგალითად შაბათს, ვაკის პარკში გაიმართება საქველმოქმედო კონცერტი, სადაც მათი თავშესაფრიდან ბენეფიციარი იღებს მონაწილეობას.

ასე მოხდა... ქართულ საზოგადოებას კიდევ ერთი ქველმოქმედი და პატიოსანი ადამიანი შეემატა, „სასტუმროების ბიზნესს“ კი ერთი მზრუნველი ადამიანი გამოაკლდა.

რამდენად ქველმოქმედია „მამიდა“ ეს საზოგადოებამ განსაჯოს, თუმცა აქვე ცნობილი ფრაზა აგეკვიატება - ყველამ თავის მამიდას მიხედოს...

ჩვენ კი დავსძენთ, სასიამოვნო სიახლეები კარგია, თუნდაც მოულოდნელი იყოს!

31
შორენა ბეგაშვილი

შორენა ბეგაშვილს პირდაპირ ეთერში სიურპრიზი მოუწყვეს - ვიდეო

83
(განახლებულია 17:44 09.07.2020)
შორენა ბეგაშვილი 38 წლის გახდა. მოდელსა და ტელეწამყვანს კოლეგებმა სიურპრიზი მოუწყვეს, რამაც ბეგაშვილი ძალიან ააღელვა

შორენა ბეგაშვილს 38 წელი შეუსრულდა და თაყვანისმცემლებს დაბადების დღის ულამაზესი ფოტოები დაუღალავად გაუზიარა. მის ოფიციალურ გვერდზე არ წყდება კეთილი სურვილები და მისალოცი ბარათები. შორენამ Instagram-ზე ვიდეო გამოაქვეყნა, სადაც ჩანს უზარმაზარი ბრილიანტისთვლიანი ბეჭედი ვარდების ფონზე.

View this post on Instagram

❤️

A post shared by Shorena Begashvili (@shorenabegashviliofficial) on

მეორე ფოტოზე შორენა უამრავი ვარდის და ბუშტის ფონზე დგას. სავარაუდოდ, საჩუქრების ავტორი მისი ახალი პარტნიორი - კრიმინალური ავტორიტეტი ლაშა ბარათელია, რომელმაც რამდენიმე დღის წინ გრანდიოზული სიურპრიზი შორენას იუბილარ შვილს ევას გაუკეთა და ძვირადღირებული ავტომობილი აჩუქა.

View this post on Instagram

❤️

A post shared by Shorena Begashvili (@shorenabegashviliofficial) on

ბეგაშვილი, რომელიც „რადიო იმედზე“ გადაცემა „17:17 შორენა ბეგაშვილთან ერთად“ წამყვანია, კოლეგებმა სიუპრიზი მოუწყვეს და გადაცემის მიმდინარეობისას ანთებული ტორტით შევიდნენ ეთერში. რადიოწამყვანისთვის სიურპრიზი მოულოდნელი აღმოჩნდა და ემოციები ვერ დამალა.

View this post on Instagram

@radioimedi ❤️❤️❤️❤️❤️❤️

A post shared by Shorena Begashvili (@shorenabegashviliofficial) on

სააგენტო „ნიუპოსტის“ ინფორმაციით, მოდელი ე.წ. კანონიერ ქურდზე, თურქეთში მცხოვრებ ლაშა ბარათელზეა შეყვარებული და სწორედ მის გამო დაანგრია ბიზნესმენ ირაკლი ნანაძესთან ფარულად შექმნილი ოჯახი. სააგენტოს ინფორმაციით, ბარათელი მოდელს ძვირადღირებული საჩუქრებით ნანაძესთან ქორწინების დროსაც ხშირად ანებივრებდა.

View this post on Instagram

A post shared by Shorena Begashvili (@shorenabegashviliofficial) on

მოდელსა და ტელეწამყვან შორენა ბეგაშვილს პირად ცხოვრებაზე საჯაროდ საუბარი არ უყვარს. ის რომ მეორე ქორწინებაში იმყოფებოდა, საზოგადოებამ მხოლოდ მაშინ გაიგო, როდესაც ბეგაშვილმა იუსტიციის სახლიდან განქორწინების მოწმობა გამოაქვეყნა.

83
თემები:
სელებრითების ცხოვრება