პაატა იმნაძე

დიდი ქორწილები და ქელეხები, შესაძლოა, აიკრძალოს

294
(განახლებულია 16:40 12.03.2020)
ყველანი უნდა ვიყოთ შემზადებულები, რომ დიდი თავყრილობები შეიძლება მთავრობამ აკრძალოს. ჩვენ არ გვინდა მივიდეთ ისეთ სიტუაციამდე, როგორზეც მივიდა ზოგიერთი ევროპული ქვეყანა და შემდეგ გამოაცხადეს ასეთი ღონისძიებები...

თბილისი, 12 მარტი — Sputnik. მოსახლეობა უფრო მკაცრი შეზღუდვების დაწესებისთვის მზად უნდა იყოს, განაცხადა ბრიფინგზე დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელმა პაატა იმნაძემ.

პრობაციონერები ბიუროში გამოცხადების ვალდებულებისგან 14 აპრილის ჩათვლით თავისუფლდებიან>>

იმნაძის თქმით, მთავრობამ კორონავირუსთან დაკავშირებით, შესაძლოა, დიდი თავყრილობები, მათ შორის, ქორწილები და ქელეხები აკრძალოს.

„ჩვენი რჩევები იყო – გარდა იმისა, რომ სისტემები ქვეყანაში უნდა იყოს მზად, ამის გარდა მოსახლეობაც უნდა მოემზადოს, რომ შეზღუდვები რაღაც ეტაპზე გახდება მეტი. ეს იყო ჩვენი რეკომენდაცია მთავრობისთვის. მაგალითად, ეს არის 100-კაციანი ქორწილები, ქელეხები… მაგრამ დადგება მომენტი, როცა ეს გასაკეთებელი შეიძლება გახდეს, ამიტომ ამისთვის ყველანი უნდა ვიყოთ შემზადებულები, რომ დიდი თავყრილობები შეიძლება მთავრობამ აკრძალოს", – განაცხადა იმნაძემ.

მისი თქმით, ყველაფერი დამოკიდებული იქნება სიტუაციაზე.

„ჩვენ არ გვინდა მივიდეთ ისეთ სიტუაციამდე, როგორზეც მივიდა ზოგიერთი ევროპული ქვეყანა და შემდეგ გამოაცხადეს ასეთი ღონისძიებები. ყველაფერი დამოკიდებული იქნება ეპიდემიოლოგიური სიტუაციის განვითარებაზე", – განაცხადა პაატა იმნაძემ.

დღევანდელი მდგომარეობით, საქართველოში ახალი კორონავირუსით ინფიცირებულია 24 ადამიანი. კარანტინში რჩება 295 ადამიანი, ხოლო სტაციონარში მეთვალყურეობის ქვეშ იმყოფება 49 პირი.

მთავრობის გადაწყვეტილებით, საქართველოს მასშტაბით სასწავლო დაწესებულებებში გამოცხადებული არდადეგები ამ ეტაპზე 1 აპრილამდე გახანგრძლივდა, მთავრობამ ასევე მიიღო გადაწყვეტილება, რომ სავალდებულო სამხედრო სამსახურში გაწვევა შეჩერდეს ერთი თვით – 13 აპრილამდე.

ყველა სამთავრობო უწყება მუშაობის საგანგებო რეჟიმზე გადადის>>

როგორც დღეს გახდა ცნობილი, ყველა სამთავრობო უწყება, ასევე საქართველოს პარლამენტი მუშაობის საგანგებო რეჟიმზე გადადიან.

294
თემები:
კორონავირუსმა საქართველომდეც მოაღწია: ბოლო ცნობები (849)
ამირან გამყრელიძე

გამყრელიძე: ჩამოყალიბდა ე.წ. საბურთალოს კლასტერი

25
(განახლებულია 14:40 30.05.2020)
ცხრა ინფიცირებული პირი ნუცუბიძის პლატოს ერთ კორპუსში ცხოვრობს. ისინი ინფიცირებულთან კონტაქტის გამო თვითიზოლაციაზე იყვნენ და კორონავირუსზე ტესტი მე-14 დღეს ჩაუტარდათ.

თბილისი, 30 მაისი - Sputnik. საქართველოში ახალი, ე.წ. საბურთალოს კლასტერი ჩამოყალიბდა და დიდი ალბათობით, შესაძლოა, ინფიცირების პირველწყარო მედიკოსი იყოს, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

საქართველოში დღეს კორონავირუსის 11 ახალი შემთხვევა დადასტურდა, რომელთაგან ცხრა ორი დღის წინ დადასტურებული შემთხვევების კონტაქტებია. გამყრელიძის განმარტებით, ისინი ერთი ოჯახის წევრები და ოჯახის ახლო კონტაქტები არიან.

მისი თქმით, თბილისში დადასტურებული კორონავირუსის კონტაქტების კვლევა მიმდინარეობს და ხდება მათი გადაყვანა საკარანტინო სივრცეებში.

„ამ კონტაქტების კვლევა გუშინ და დღეს მიმდინარეობს ძალიან ინტენსიურად. უკვე გამოკვლეულია დაახლოებით 50-მდე კონტაქტი.  ამ კონტაქტებიდან,  გარდა გუშინწინ დადგენილი ორისა ანუ პირველწყაროსი,  ცხრას დაუდგინდა კოვიდინფექცია. კონტაქტების კვლევა ამ წუთშიც გრძელდება. კოვიდინფიცირებულები გადაყვანილი არიან საავადმყოფოებში,  ხოლო კონტაქტების გადაყვანა ხდება თანდათან საკარანტინო სივრცეებში თბილისში“, – განაცხადა ამირან გამყრელიძემ.

დაავადებათა კონტროლის  ცენტრის ხელმძღვანელის განცხადებით, ინფიცირების პირველადი წყარო, შესაძლებელია, იყოს მედიკოსი. 

„მე პერსონალურ ინფორმაციას არასოდეს გავცემ. შემიძლია, გითხრათ, რომ ესენი არიან ერთი ოჯახის და ოჯახთან ძალიან ახლო კონტაქტები. კიდევ ერთხელ გიდასტურებთ, რომ ეს კლასტერი გახლავთ საბურთალოზე და გიდასტურებთ იმას, რომ მიმდინარეობს ამ კლასტერის, როგორც ინფიცირებულის ყველა კონტაქტის კვლევა. ესენი არიან დევნილები თუ ადგილობრივი მცხოვრებლები, მე ამას ვერ დავაზუსტებ“, – აღნიშნა ამირან გამყრელიძემ.

გამყრელიძემ მოსახლეობას სიმშვიდისკენ და წესების მკაცრად დაცვისკენ მოუწოდა.

გავრცელებული ინფორმაციით, ცხრა ინფიცირებული პირი ნუცუბიძის პლატოს ერთ კორპუსში ცხოვრობს. ისინი ინფიცირებულთან კონტაქტის გამო თვითიზოლაციაზე იყვნენ და კორონავირუსზე ტესტი მე-14 დღეს ჩაუტარდათ.

ბოლო  მონაცემებით, საქართველოში კორონავირუსის შემთხვევები 757–მდე გაიზარდა, გამოჯანმრთელდა 600 ადამიანი, გარდაიცვალა – 12.

კარანტინში იმყოფება 2966 ადამიანი, ხოლო სტაციონარებში – 250. საქართველოს სამი მოქალაქე სამშობლოში უცხოეთიდან გადმოიყვანეს სამკურნალოდ.

კორონავირუსის პირველი შემთხვევა საქართველოში 26 თებერვალს დადასტურდა. 

ამ კვირის პირველ დღეებში კორონავირუსის სულ რამდენიმე შემთხვევა გამოვლინდა - 1-3 ერთ დღეში. გუშინ 8 ახალი შემთხვევა დაემატა. ექსპერტები ვარაუდობენ, რომ ასეთი ნახტომისებური ზრდა მკაცრი შეზღუდვების მოხსნას უკავშირდება.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

25
თემები:
COVID-19 საქართველოში
ანუკი არეშიძე

ანუკი არეშიძის მოულოდნელი ჰობი - რით არის გატაცებული თავისუფალ დროს დიზაინერი?

127
(განახლებულია 11:23 30.05.2020)
თბილისის მერის მეუღლე ახალი ჰობით დაინტერესდა. ვინ წარმოიდგენდა, რომ ანუკი მიწადმოქმედებას დაიწყებდა? ნახეთ მისი მოყვანილი მარწყვი

„ჩვენი მარწყვები“- ამ სათაურით ვიდეო ანუკიმ კახეთიდან, მამის ფერმიდან გამოაქვეყნა. როგორც ჩანს, თვითიზოლაციამ დიზაინერის შეხედულებები და ინტერესები შეცვალა. ანუკი მრავალწლოვან ბალახს დასტრიალებს. მას ახალი ჰობი პანდემიის პერიოდში გაუჩნდა, თუმცა წყნეთის სახლის დათვალიერებისას, ასევე მისი ბლოგის გადახედვისას ბუნებისადმი დიზაინერის დამოკიდებულება ნათლად ჩანს. ანუკი არეშიძე უსიმპათიურესი ვაჟების სურათების გაზიარებას არ წყვეტს. საზოგადოებას ბავშვების გართობა-მოგზაურობის ფოტო-ვიდეოებს აქტიურად უზიარებს. მის ობიექტივში ვაჟები ყველაზე საყვარელ ვითარებაში ხვდებიან.

View this post on Instagram

This small lake is creation of my dad🤍

A post shared by ANOUKI ARESHIDZE (@anoukigold) on

დიზაინერი ნიკოლა კალაძეს სიტყვების წარმოთქმაშიც ავარჯიშებს. პატარა ბიჭუნამ პირველი სიტყვები დედის დახმარებით თქვა. ნიკოლა კალაძე საფრანგეთში დაიბადა. ანუკი არეშიძემ ვაჟი 2018 წლის სექტემბერში გააჩინა. წყვილი შვილის სახეს დიდი ხნის მანძილზე მალავდა. გაქრისტიანების შემდეგ, პოპულარულმა მშობლებმა საზოგადოებას ნიკოლა კალაძე ანახეს. მიუხედავა იმისა, რომ პოპულარული ცოლ-ქმრის სოცქსელები შვილების სურათებითაა აჭრელებული, ანუკის ასოციალურმა აქტივობამ შოკი გამოიწვია.

ის ნარგავებს გაფაციცებით უვლის. ანუკიმ სათანადო აღჭურვილობაც მოიმარაგა და მიწაზე სამუშაოდ შესაფერისი სამოსი მოირგო. ცისფერი თავშალი, „ოვერსაის“ პიჯაკი და შარვალი, და რაც მიწაზე სამუშაოდ ყველაზე მნიშვნელოვანია რეზინის ფეხსაცმელი. და... ყოფილი მოდელი ამ შემთხვევაშიც ტრენდულად გამოიყურება.

ანუკი არეშიძეს და კახა კალაძეს ოთხი ვაჟი ჰყავთ. მშობლები უსიმპათიურეს შვილებთან ერთად ხშირად მოგზაურობენ და ულამაზეს სურათებს აქვეყნებენ. წყვილის უფროსი ვაჟი 12 წლისაა, მეორე შვილი კახაბერი 8 წლის გახდა, ხოლო ვაჩე კალაძე მალე 6 წლის გახდება. აღსანიშნავია, რომ ისინი მუდამ ერთად მოგზაურობდნენ. ახლა კი, მხოლოდ სახლის ეზოში ახერხებენ გართობას. როგორც ჩანს, რამდენიმე თვეა ოჯახის წევრები წყნეთის აგარაკს ვერ შორდებიან.

127
თემები:
სელებრითების ცხოვრება