დედაქალაქის ერთ-ერთი აფთიაქი

 კორონავირუსი საქართველოში: უნდა მოვიმარაგოთ თუ არა სურსათი და მედიკამენტები

25220
(განახლებულია 18:25 11.03.2020)
სპეციალისტები ფიქრობენ, რომ  საქართველოში სურსათსა და მედიკამენტების სავაჭრო ობიეტების დახლებიდან გაქრობა უახლოეს მომავალში მოსალოდნენლი არ არის.

საქართველოში კორონავირუსის პირველი შემთხვევის დაფიქსირებამ მოსახლეობის ნაწილში პანიკა გამოიწვია. სოციალურ ქსელში გავრცელდა ფოტოები, თუ როგორ მიაწყდნენ ადამიანები მარკეტებს  საკვებ პროდუქტების დიდი რაოდენობით მოსამარაგებლად.

„შევედი ჩემი უბნის მარკეტში და ვიამაყე ჩემი მეზობლებით“, „ფრესკოში ჰიმნიც აღარ დატოვეს“, „საპონი შეიძინეთ, საპონი, ზეთი, შაქარი და პური არ გიშველით” -  წერდნენ მომხმარებლები სოციალურ ქსელში.  

მართალია პროდუქტები დახლებიდან არ გამქრალა, მაგრამ შეიქმნა დეფიციტი ჩინურ ნაწარმზე და გაჩნდა ნეგატიური მოლოდინები სურსათის, წამლების და პირველადი მოხმარების ნივთის ქვეყანაში შემოტანასთან დაკავშირებით.

საქართველოს დისტრიბუტორთა ბიზნესასოციაციის  პრეზიდენტის ივა ჭყონიას აზრით საქართველოში დღეს პანიკის საფუძველი არ არსებობს.

„პანიკის საფუძველი არა თუ არ არსებობს, ვთვლი რომ ძალიან არასერიოზულია ამაზე საუბარი. სადისტრიბუციო კომპანიებს და მწარმოებლებს ყოველთვის აქვთ მარაგები და სულ რომ ბლოკადაში მიექცეს ჩვენი ქვეყანა  თვენახევრით  თუ ორი თვით,  საკმარისი მარაგები ყოველთვის იქნება,“-აღნიშნა ივა ჭყონიამ Sputnik საქართველოსთან საუბრისას.

ივა ჭყონიას განმარტებით, მარაგი არის იმაზე მეტი, ვიდრე სრულიად საქართველოს მოსახლეობას წარმოუდგენია. სერიოზული კომპანიები ყოველთვის აკეთებენ მარაგებს და ეს მათი ერთგვარი ვალდებულებაც არის.

„პროდუქტების იმდენი სახეობაა, ნეტა გაიყიდოს, არაფერზე დეფიციტი არ არსებობს. მაგალითად ზეთი რომ ავიღოთ,  „ოლეინა“ გათავდება იქნება „ჩუმაკი“, „ჩუმაკი“ გაიყიდება,  იქნება „მზიური“ და აშ. ანუ ალტერნატივა ყოველთვის არის.  მაგალითად,  არ შემოდის „ჰუავეის“ ტელეფონები და შეიძლება ჩინური დამტენი ვერ იშოვოს ვიღაცამ და ვერ იყიდოს 15 ლარად მაგრამ ალტერნატივაში არის 80 ლარიანი და ვიღაცეები ამაზე ხელს მოითბობენ კიდეც“- აღნიშნა ივა ჭყონიამ.

რაც შეეხება ფასების გაძვირებას ივა ჭყონიას აზრით, დღეს ქვეყანაში არც ამის საფუძველი არსებობს. მისი თქმით,  მაგალითად, მარტო „ნატახტარის“ ლიმონათი და „ვაკის“ სოსისი, რომ იყოს, შეიძლება რაღაც გათავდეს,  ვიღაცამ ეს გამოუშვას და ძვირად გაყიდოს. 

„ასეთი რამ ხდებოდა გასული საუკუნის 90- იან წლებში,  იმის მერე სამი მთავრობა გამოვიცვალეთ და პრეტენზია გვაქვს, რომ მსოფლიო რუქაზე გამოვჩნდით და თუ ისევ წარშულში ვბრუნდებით არ ვიცი“- აღნიშნა ივა ჭყონიამ.

ეკონომიკის მეცნიერებათა დოქტორის ნიკა შენგელიას თქმით, საქართველოში პროდუქტები ძირითადად შემოდის თურქეთიდან, ირანიდან, უკრაინიდან, რუსეთიდან, გერმანიიდან, პოლონეთიდან და საბერძნეთიდან.

მისივე თქმით, 2020 წლის იანვარში, საქართველოში 619, 8 მილიონი აშშ დოლარის  პროდუქციის ექსპორტი განხორციელდა. გასული წლის ანალოგიურ პერიოდში კი ეს მაჩვენებელი 596, 2 მლნ აშშ დოლარი იყო. ზოგადად  მედიკამენტებზე და საკვებ პროდუქტებზე მთლიანი იმპორტის დაახლოებით  35% მოდის.

„მარაგების შევსებაზე ფიქრი სავარაუდოდ მარტის ბოლოდან დაიწყება. რაც შეეხება ფასებს, თუ გავითვალისწინებთ, რომ მარტსა და აპრილში სასტუმროებში ტურისტების მიერ გაკეთებული ჯავშნების  90% მოიხსნილია,  ვალუტაზე ეს სადღაც მაისის თვიდან უნდა აისახოს,  ვგულისხმობ დოლარზე მოთხოვნის ზრდას, რის შედეგადაც მაღალი ალბათობით ლარის კურსი დაიწყებს შესუსტებას, რაც თავის მხრივ აისახება სასურსათო პროდუქციის ფასზეც “- აღნიშნა ნიკა შენგელიამ Sputnik საქართველოსთან საუბრისას.

ეკონომიკის დოქტორი რატი აბულაძეც იზიარებს მოსაზრებას, რომ ქვეყანაში პანიკის საფუძველი არ არსებობს, თუმცა შექმნილი ატმოსფერო დამშვიდების შესაძლებლობას არ იძლევა. ვითარების გამწვავებისა და ეპიდემიის ესკალაციის შემთხვევისთვის კი, საქართველოს სავაჭრო ინდუსტრიის სფერო მოქმედების გეგმას უნდა ფლობდეს.

„ქვეყანას განსაზღვრული უნდა ჰქონდეს საკვები პროდუქტების შეუფერხებელი მიწოდების მექანიზმები. დადგენილი უნდა ჰქონდეს მიმწოდებლების მიერ პირველ რიგში მისაწოდებელი პროდუქტების ასორტიმენტი, ასევე  შეთანხმება უნდა ჰქონდეს მიღწეული იმ პოტენციურ ორგანიზაციებთან, რომლებიც პრიორიტეტული პროდუქტების დეფიციტის შევსების რესურსი აქვთ„ - განუცხადა რატი აბულაძემ Sputnik საქართველოს.

მისივე თქმით, იმისათვის რომ ქვეყანაში სურსათისა და მედიკამენტების პრობლემა შემდეგშიც არ შეიქმნას, ხელისუფლება ყველა დარგის წარმომადგენლებთან კომპლქსურად უნდა მუშაობდეს.  

ბოლო მონაცემებით, საქართველოში კორონავირუსით ინფიცირებულთა რიცხვი 23-მდე გაიზარდა.

კორონავირუსთან დაკავშირებით საქართველომ ავიამიმოსვლა შეაჩერა ირანთან, ჩინეთთან და იტალიასთან. ირანთან ასევე ჩაიკეტა სახმელეთო საზღვარიც. გარდა ამისა, ქვეყანაში დაწესდა აუცილებელი კარანტინი ირანიდან, ჩინეთიდან, იტალიიდან და სამხრეთ კორეიდან დაბრუნებული პირებისთვის. ჯანდაცვის სამინისტროს წარმომადგენლები მოქალაქეებს მოუწოდებენ, თავი შეიკავონ საზღვარგარეთ გამგზავრებისგან.

2019 წლის 31 დეკემბერს ჩინეთის ხელისუფლებამ ჯანდაცვის მსოფლიო ორგანიზაციას ქალაქ უჰანში უცნობი პნევმონიის აფეთქების შესახებ შეატყობინა. სპეციალისტებმა დაადგინეს, რომ დაავადების გამომწვევი ახალი ტიპის კორონავირუსი იყო. ჯანდაცვის მსოფლიო ორგანიზაციამ საერთაშორისო მნიშვნელობის საგანგებო სიტუაცია გამოაცხადა და დაავადებას ოფიციალური სახელწოდება დაუდგინა – COVID-2019.

 

ნატა პატარაია

 

25220
ბათუმის რესპუბლიკური საავადმყოფო

მძიმე მდგომარეობაში იყვნენ: დეტალები კორონავირუსის ორი ახალი მსხვერპლის შესახებ

112
(განახლებულია 21:43 29.09.2020)
მამაკაცს ორმხრივი პნევმონია და გულის უკმარისობა ჰქონდა, ხოლო ქალს – გულის იშემიური დაავადება და შაქრიანი დიაბეტი

თბილისი, 29 სექტემბერი – Sputnik. სამშაბათს, საღამოს გარდაცვლილი ორივე პაციენტი ასაკოვანი ადამიანია ქრონიკული დაავადებებით, განაცხადეს ბათუმისა და ქუთაისის კლინიკის ექიმებმა ჟურნალისტებთან.

დღეს საქართველოში კორონავირუსისგან ოთხი ადამიანი გარდაიცვალა. გარდაცვლილთა საერთო რაოდენობა უკვე 36–ია.

ერთ–ერთი გარდაცვლილი 82 წლის ქალია, მეორე კი – 79 წლის მამაკაცი.

მამაკაცი ბათუმის კლინიკაში გარდაიცვალა. მას ორმხრივი პნევმონია და გულის უკმარისობა ჰქონდა. ქალი კი ქუთაისის საავადმყოფოში გარდაიცვალა. მას კორონავირუსის გარდა ჰქონდა პნევმონია, გულის იშემიური დაავადება და შაქრიანი დიაბეტი.

ექიმები აცხადებენ, რომ პაციენტების გადასარჩენად ყველაფერი გააკეთეს, მაგრამ მათი ძალისხმევა ამაო აღმოჩნდა.

112
თემები:
COVID-19 საქართველოში
განათლების სამინისტრო

განათლების სამინისტრო: ზოგიერთ სკოლაში წერტილოვანი შეზღუდვები დაწესდება

131
(განახლებულია 21:12 29.09.2020)
უწყების ინფორმაციით, დისტანციური სწავლებისთვის 600 ათასზე მეტ მოსწავლესა და 55 ათასამდე მასწავლებელს სპეციალური პროფილები უკვე გააქტიურებული აქვს.

თბილისი, 29 სექტემბერი – Sputnik. წერტილოვანი შეზღუდვები იმ სკოლებში დაწესდება, სადაც კორონავირუსით ინფიცირების ფაქტი დადასტურდება, ნათქვამია საქართველოს განათლების, მეცნიერების, კულტურისა და სპორტის სამინისტროს მიერ გავრცელებულ განცხადებაში.

ბავშვების დაბრუნება სკოლებში შეიძლება, თუ წესებს დავიცავთ – იმნაძე>>

ქვეყანაში სასწავლო წელი 15 სექტემბერს განახლდა, მაგრამ ეპიდვითარების გაუარესების გამო ზოგიერთ ქალაქსა და სოფელში სასწავლო პროცესი დისტანციურად დაიწყო. 1 ოქტომბრიდან კი პირველიდან მეექვსე კლასის ჩათვლით ის მოსწავლეები, რომელთათვისაც სასწავლო პროცესი დისტანციურად მიმდინარეობს, სწავლას საკლასო ოთახებში გააგრძელებენ. გამონაკლისია აჭარის რეგიონი.

უწყების ცნობით, იმ შემთხვევაში, თუ რომელიმე სკოლაში კორონავირუსით ინფიცირების ფაქტი დაფიქსირდება, ყველა პედაგოგი და მოსწავლე გადავა თვითიზოლაციაში, სკოლას ჩაუტარდება დეზინფექცია, სწავლა კი დისტანციურ რეჟიმში გაგრძელდება.

სამინისტროს ინფორმაციით, დისტანციური სწავლებისთვის 600 ათასზე მეტ მოსწავლესა და 55 ათასამდე მასწავლებელს სპეციალური პროფილები უკვე გააქტიურებული აქვს.

„განათლების მართვის საინფორმაციო სისტემის (EMIS) წარმომადგენლებმა საქართველოს საჯარო სკოლების ყველა კლასისთვის პროგრამა TEAMS-ში ვირტუალური საკლასო ოთახები შექმნეს და პედაგოგებს ეხმარებიან სწავლა-სწავლების პროცესის მხარდამჭერი ტექნოლოგიური ინსტრუმენტების გამართვასა და დანერგვაში“, – აღნიშნულია განცხადებაში.

უწყების ცნობით, დისტანციური სწავლების მიმართულებით ერთ-ერთი მთავარ რესურსს წარმოადგენს „ტელესკოლაც“, რომელიც ახალ სასწავლო წელს ახალი სეზონით განახლდა. „ტელესკოლა“ განათლების სამინისტროსა და საზოგადოებრივი მაუწყებლის ერთობლივი პროექტია, რომელმაც სტარტი 30 მარტს აიღო. განათლების სამინისტრომ მოამზადა გაკვეთილების ცხრილი, რომელიც მოიცავს საქართველოს ეროვნული სასწავლო გეგმით გათვალისწინებულ დისციპლინებს. 

კორონავირუსის პანდემიის გამო საქართველოს ყველა სკოლაში სწავლა 2 მარტს შეწყდა და მეცადინეობები დისტანციურად წარიმართა.

131
თემები:
განათლება საქართველოში
შემოდგომა

ოქტომბრის ასტროლოგიური პროგნოზი ზოდიაქოს ნიშნებისთვის

0
(განახლებულია 17:42 29.09.2020)
ოქტომბერში ვარსკვლავები შეეცდებიან, მხარი დაგვიჭირონ, რათა საკუთარი თავის რეალიზება შევძლოთ. საჭიროა აქტიურობა – გახსოვდეთ, რომ ყველაფერი ჩვენ ხელთაა.

ოქტომბერი უფრო მეტ სტაბილურობას გვპირდება, ვიდრე ეს სექტემბერში იყო. ვარსკვლავები და პლანეტები ხელსაყრელ განლაგებაში იქნებიან და განწყობას ხშირად არ შეიცვლიან.

ვერძი

ვერძებისთვის ძალზე მნიშვნელოვანი პერიოდი იწყება. ეს განსაკუთრებით მათ ეხება, ვინც მარტოა და მეორე ნახევრის პოვნა სურს. ვარსკვლავები დაგეხმარებიან, გაზრდიან თქვენს მომხიბვლელობასა და ქარიზმას. ეს უკვე ოქტომბრის პირველ რიცხვებში გახდება შესამჩნევი.

რაც შეეხება მუშაობას, ამ სფეროში ასევე წარმატებები გელოდებათ. განსაკუთრებით გაუმართლებს იმ ვერძებს, რომელთა საქმიანობა ურთიერთობებთან არის დაკავშირებული.

კურო

კუროებისთვის ძალზე მნიშვნელოვანი იქნება სახლის ენერგეტიკული გაწმენდა. პირველივე დღეებში გადაყარეთ უსარგებლო ნივთები და ძველმანები, დაასუფთავეთ სახლი საფუძვლიანად და გადააადგილეთ ავეჯი. ეს ყველაფერი შესანიშნავად აისახება თქვენს განწყობასა და იღბალზე.

ოქტომბერი თქვენთვის წარმატებების მომტანი თვე იქნება. ასტროლოგები გირჩევენ, არ ჩაებათ კონფლიქტებში, განსაკუთრებით თვის მესამე დეკადაში. მშვიდად შეხვდით კრიტიკას. ოქტომბერში მეტი ყურადღება დაუთმეთ ოჯახსა და ნათესავებს.

ტყუპი

ამურულ სფეროში ყველაფერი წესრიგშია. ოქტომბერში მარტოხელებს საინტერესო ადამიანთან შეხვედრის დიდი შანსი გაქვთ. ვისაც ჰყავს პარტნიორი, მათ ასტროლოგები გირჩევენ, მეტი დრო გაატაროთ საყვარელ ადამიანთან.

ოქტომბრის პირველ თვეში ძალზე მნიშვნელოვანია, რომ ტოქსიკურ ადამიანებსა და მტრებს მოერიდოთ, გამოიჩინოთ სიფრთხილე. არ ღირს ვინმესთან საკუთარ სამომავლო გეგმებზე, მიზნებსა და ამბიციებზე საუბარი.

კირჩხიბი

კირჩხიბები ოქტომბერში ერთ–ერთი ყველაზე იღბლიანი და ბედნიერი ადამიანები გახდებით. ერთადერთი, რასაც უნდა მოერიდოთ, ეს ძვირადღირებული რამის შეძენაა. სამსახურში დიდი წარმატებები გელოდებათ, თუ საქმეებს მთლიანად მიუძღვნით თავს. ახლა თქვენი მთავარი მტერი სიზარმაცე და საქმეების სამომავლოდ გადადებაა.

იღბალი თქვენ გვერდით იქნება, რომ გარკვეული ყურადღება უნდა მიაქციოთ ჯანმრთელობას. საუბარია ცხოვრების ჯანსაღ წესზე. ასევე ასტროლოგები გირჩევენ, არ გაცივდეთ და საჭესთან ფრთხილად იყოთ.

ლომი

ლომებისთვის ოქტომბერში უმთავრესი სიყვარული და ურთიერთობები გახდება. ამ თვეში არ შეიძლება დიდხანს მარტო დარჩენა, ამიტომ იაქტიურეთ და ხშირად იქონიეთ კონტაქტი ახლობლებთან. ექსპერტები გირჩევენ, რომ ენდოთ საყვარელ ადამიანს, რომელიც სასარგებლო რჩევებს მოგცემთ.

ლომებს 4 ოქტომბრიდან ფინანსური მდგომარეობა გამოგისწორდებათ. გაჩნდება ახალი შესაძლებლობები ბიზნესსა და სამუშაოზე. დიდი წარმატებები გელოდებათ მომსახურების სფეროსთან დაკავშირებული პროფესიების მქონე მშვილდოსნებს. თვის მეორე ნახევარში შეგიძლიათ იმოგზაუროთ, ეწვიოთ სავაჭრო ცენტრებს. შოპინგი განწყობას აგიმაღლებთ.

ქალწული

ქალწულებმა ჯანმრთელობასა და ენერგიის დონეს უნდა მიხედოთ. ამაში ძალიან წაგადგებათ სხვაგან გადასვლა, მოგზაურობა ან საქმიანი მივლინება. გარემოს გამოცვლა სასარგებლოა ენერგეტიკისტვის და განწყობასა და იღბალზე კარგად აისახება. თვის ბოლოს ვარსკვლავები სიმხნევეს შეგმატებენ, მანამდე კი ამაზე თავად უნდა იზრუნოთ.

ოქტომბერში ნებისმიერი შესაძლებლობა უნდა გამოიყენოთ, რომ შეურიგდეთ ნათესავებს, მეგობრებს, საყვარელ ადამიანს. ექსპერტები გირჩევენ, არ ჩაიდოთ გულში წყენა. უნდა დაივიწყოთ ყველაფერი ცუდი, რათა პოზიტიური ემოციებისთვის ადგილი გაათავისუფლოთ.

სასწორი

პრიორიტეტების თვალსაზრისით ფინანსური სფერო სასწორებისთვის პირველი ნომერი უნდა გახდეს. დაასრულკეთ დაწყებული საქმეები და გამოავლინეთ მაქსიმალური პასუხისმგებლობა.13 ოქტომბრიდან იღბალი გაგიღიმებთ. გაძლიერდება თქვენი ინტუიცია.

აჯობს, უარი თქვათ ურთიერთობების გამორკვევაზე, მით უმეტეს – სახალხოდ. სამუშაოზეცა და სახლშიც ყველაფერი თავსთავად მოგვარდება, თქვენ მხოლოდ მოთმინება გჭირდებათ. პროვოკაციებს არ უპასუხოთ აგრესიით, ეს ძალზე ნეგატიურ შედეგებს მოიტანს. ოქტომბერში იაქტიურეთ ფიზიკურად, მაგრამ ზედმეტად არ დაიტვირთოთ თავი.

მორიელი

ოქტომბერში დასვენება თქვენთვის უპრიანი იქნება. ეს თქვენს იღბალსა და ენერგეტიკას წაადგება. თუ დაღლას იგრძნობთ, მაშინვე თავი გაანებეთ ყველაფერს და მოდუნდით. შეგიძლიათ წახვიდეთ სადმე და ბუნების პეიზაჟებით დატკბეთ.

თუნდაც მცირევადიანი შვებულება მოგიწესრიგებთ ფიქრებს, გრძნობებს, სამყაროზე სხვაგვარად შეხედვაში დაგეხმარებათ. შესანიშნავი დროა ნიჭის განვითარებისთვის, თვალსაწიერის გაფართოებისთვის, ახალი ცოდნის, უნარების თვისებისა და ახალი ემოციების მიღებისთვის. თუ გეგმები ჩაგეშალათ, საპანიკო არაფერია.

მშვილდოსანი

მშვილდოსნებს ოქტომბრის დასაწყისში სიფრთხილე გმართებთ, რადგან, შესაძლოა, წინა პლანზე გამოვიდეს თქვენი (და ასევე ზოდიაქოს სხვა ნიშნების) ხასიათის ცუდი თვისებები. ეს რთული დღეები იქნება, რადგან საკუთარ თავთან მოგიწევთ ბრძოლა, შინაგანი ბარიერების გადალახვა.

თვის მეორე დეკადიდან უკვე დიდი წარმატებებისა და გამარჯვებების პერიოდი გეწყებათ. ეს შეეხება მუშაობასაც, სწავლასაც და სიყვარულსაც. შეგიძლიათ რამდენიმე საქმეს ერთდროულად შეეჭიდოთ, მაგრამ მოვლენების არ დააჩქაროთ. ვარსკვლავები გირჩევენ, არ „ჩაიციკლოთ“ წყენებზე და წვრილმანების გამო არ განაწყენდეთ.

თხის რქა

თუ თქვენი გეგმები მოულოდნელად ჩაიშალა, არ ინერვიულოთ. აუცილებელია საკუთარი თავის რწმენა და წინსვლა. ძალიან დაგეხმარებათ ინტუიცია. პოზიტიურ განწყობას დაგაკარგვინებთ არა მხოლოდ უარყოფითი აზრები, არამედ ზოგიერთი მავნე ჩვევაც.

ოქტომბრის ბოლო კვირა ძალზე პროდუქტიული და დადებითი იქნება. ფინანსური საკითხები და პრობლემები სამუშაოზე სწრაფად გადაწყდება. ასტროლოგები გირჩევენ, მოერიდოთ არასაჭირო ხარჯებს, ებრძოლოთ ცდუნებებს. თვის მეორე ნახევარში ბევრად იოლი იქნება საერთო ენის გამონახვა გარშემომყოფებთან.

მერწყული

ოქტომბერი იდეალური დროა ფიზიკური აქტიურობისთვის, მგზავრობისა და გარემოს შეცვლისთვის. ეს ყველაფერი შესანიშნავად აისახება თქვენს იღბალსა და ენერგეტიკაზე. ოქტომბრის შუა რიცხვები იდეალური დროა საკუთარ გარეგნობასა და სტილზე ზრუნვისთვის, გარდერობის განახლებისთვის.

ასტროლოგები გირჩევენ, მოერიდოთ ტოქსიკურ ადამიანებს და იმათ, ვინც არ მოგწონთ. იქნებიან ფარული არაკეთილმოსურნეებიც, რომელთა ამოცნობაში ინტუიცია დაგეხმარებათ. ოქტომბერში მარტოხელებს ძალიან დიდი შანსი გაქვთ, რომ საყვარელ ადამიანს შეხვდეთ და ბედნიერი ურთიერთობები დაიწყოთ.

თევზები

თევზებისთვის იდუმალებით მოცული და უცნაური დრო დგება. ვარსკვლავები და პლანეტები თქვენგან ზოგიერთ მნიშვნელოვან რამეს დამალავენ და მხოლოდ მინიშნებებს მოგცემენ. მეორე მხრივ, მათ ზოგიერთ საბედისწერო და უაღრესად მნიშვნელოვან კითხვებზე პასუხი შეიძლება მოგცენ.

მოგზაურობისა და სავაჭრო ცენტრებში სტუმრობისთვის საუკეთესო პერიოდია 10–დან 25 ოქტომბრამდე პერიოდი. ვინც ახლა იწყებს ურთიერთობებს, სჯობს, არ დააჩქაროთ მოვლენები. სიყვარული თქვენზე დადებითად იმოქმედებს – გააძლიერებს სიმხნევესა და შემოქმედებით პოტენციალს.

0