ჟურნალისტები აქციაზე

რატომ უნდა მოაგვაროთ პირადი ცხოვრება საპროტესტო აქციაზე წასვლამდე რჩევები ჟურნალისტებს

82
(განახლებულია 20:19 19.02.2020)
სანამ წახვალთ პოტენციურად სტრესული დავალების შესასრულებლად, დარწმუნდით, რომ ყველა პირადი საკითხი და გეგმა მოგვარებულია, რათა შეამციროთ შფოთვა და სტრესი ველზე მუშაობისას და უფრო მეტად კონცენტრირდეთ საკუთარ უსაფრთხოებაზე.

საპროტესტო აქციის გაშუქების დროს ჟურნალისტური საქმიანობა საკმაოდ სტრესულია და მაღალ რისკს შეიცავს. სცენა მწერლებსა და პოეტებს ხშირად არ ეთმობა. ცხელ წერტილში, პირდაპირ ეთერში მუშაობისას თუ საჭირო კადრებისა და რესპონდენტების ძიებაში რეპორტიორი მიკროფონის ანაბარა საფრთხეს თვალებში უყურებს.

ზოგჯერ ჟურნალისტების მიმართ თავად აქციის მონაწილეებიც აგრესიით გამოირჩევიან. არც ისე იშვიათად გვესმის, თუ როგორ არ მისცეს ინფორმაციის გავრცელების შესაძლებლობა ჟურნალისტებს, როგორ დაუზიანეს კამერა, მიაყენეს სიტყვიერი და ფიზიკური შეურაცხყოფა...

Журналисты на акции
© Sputnik / Alex Shlamov
ჟურნალისტები აქციაზე

საქართველოს სისხლის სამართლის კოდექსის 154-ე მუხლი ჟურნალისტის პროფესიული საქმიანობის ხელის შეშლას კრძალავს. ხელის შეშლა – ესე იგი მისი იძულება, გაავრცელოს ინფორმაცია ან თავი შეიკავოს მისი გავრცელებისაგან ისჯება ჯარიმით ან საზოგადოებისთვის სასარგებლო შრომით ვადით 120-დან 140 საათამდე, ან გამასწორებელი სამუშაოთი ვადით ორ წლამდე, ანდა შინაპატიმრობით ვადით ექვსი თვიდან ორ წლამდე. იგივე ქმედება, ჩადენილი ძალადობის მუქარით ან სამსახურებრივი მდგომარეობის გამოყენებით, ისჯება ჯარიმით ან თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

ჟურნალისტი, თავის მხრივ, ვალდებულია ცხელ წერტილშიც აცნობიერებდეს, რომ მოქალაქეების მიმართ მოვალეობა უფრო მაღლა დგას, ვიდრე პროფესიული ეგოიზმი. აუდიტორიის მიმართ ერთგულება არის ის, რაც პირველობას არ კარგავს დამქირავებლის მიმართ ერთგულებასა და საკუთარი თავის ერთგულებას შორის. ადრე თუ გვიან, დარბევის თუ ძალადობის დროს, როდესაც ასობით ადამიანი შველას ითხოვს, დილემის წინაშე დადგებით – კადრი ან მოქმედება... რომელს აირჩევთ, ეს უკვე თქვენზეა დამოკიდებული...

Разгон акции протеста у здания парламента Грузии в ночь с 20 на 21 июня. Спецназ и полиция
© Sputnik / STRINGER
როდესაც ასობით ადამიანი შველას ითხოვს, დილემის წინაშე დადგებით - კადრი, ან მოქმედება... რომელს აირჩევთ, ეს უკვე თქვენზეა დამოკიდებული...

ინტერაქცია

არ შეხვიდეთ მეგობრულ კომუნიკაციაში სამართალდამცველებთან და არ გადაკვეთოთ პოლიციის კორდონი. შეინარჩუნეთ ნეიტრალურობა. საჭიროების შემთხვევაში გაეცალეთ ტერიტორიას სირბილის გარეშე, რადგან ასეთ სიტუაციაში ადამიანი, რომელიც გარბის, ხშირად აღქმულია სამიზნედ.

გაშუქების შემდეგ დაგეგმეთ დისკუსიები რედაქტორებთან, დისკუსიები საშუალებას მოგცემთ ისაუბროთ ნებისმიერ საკითხზე, რაც გაწუხებთ.

Журналисты на акции
© Sputnik / Alex Shlamov
ჟურნალისტები აქციაზე

ამინდს ვერ აირჩევ

დემონსტრაციაზე წასვლამდე ჟურნალისტმა უნდა შეამოწმოს ამინდის პროგნოზი. საჭიროების შემთხვევაში კი თან იქონიოს წყალგაუმტარი ტანსაცმელი. სასურველია მას ჰქონდეს აპარატურის თუ მეხსიერების ბარათის დამცავი სინესტისგან ან პოლიციის მიერ წყლის ჭავლის გამოყენებისგან. ჩაიცვით მაქსიმალურად კომფორტული, სპორტული ტანსაცმელი და ფეხსაცმელი. მზისგან დასაცავად წაიღეთ კეპი. წვიმის შემთხვევაში სასურველია მსუბუქი საწვიმარი.

აქციაზე მხოლოდ აუცილებელი ნივთები უნდა წაიღოთ. ამისთვის შეგიძლიათ პატარა მსუბუქი ჩანთა გამოიყენოთ მარტივი საკეტით, რათა გადაადგილებაში ხელი არ შეგიშალოთ. გახსოვდეთ, ხელში რაც უფრო ნაკლები ნივთის დაჭერა მოგიწევთ, მით უკეთესი იქნება.

Акцию протеста у здания парламента Грузии 18 ноября разгоняют с помощью водомета
© Sputnik / STRINGER
პოლიციის მიერ წყლის ჭავლის გამოყენება

პორტატული დამტენი

უნდა გქონდეთ ენერგიის სათადარიგო წყარო ტელეფონისთვის. შეამცირეთ ტელეფონის განათება და დეაქტივაცია გაუკეთეთ ყველა არასაჭირო აპლიკაციას, რაც დამატებითი ენერგიის გამოყენებას მოითხოვს. უნდა გქონდეთ ტელეფონი ორი სიმბარათით. არის შემთხვევები, როდესაც ერთ ბარათზე სიგნალი წყდება უამრავი live bag-ის (აპარატურა პირდაპირი ეთერის ჩასართავად) გამო, ან ინტერნეტის მუშაობას სიგნალის ჩამხშობი სიხშირეები წყვეტს.

თუ ყველაფერი გამართულად მუშაობს და უბრალოდ შემოგაღამდათ, 100%-ით დამუხტული პორტატული დამტენი თქვენს გუნება-განწყობას აამაღლებს.

Журналисты на акции
© Sputnik / Alex Shlamov
ჟურნალისტები აქციაზე

აირწინაღი

მაშინ, როდესაც სპეცრაზმი თქვენს მიკროფონებს მოადგება, პირველი, რაც უნდა გააკეთოთ, სახეზე აირწინაღი ჩამოიფაროთ და ასე მოემზადოთ ხანგრძლივი თავგადასავლისთვის. სხვა შემთხვევაში წარმოუდგენელია ისუნთქოთ ისეთ გარემოში, სადაც, როგორც იტყვიან, ნემსიც კი არ ჩავარდება.

Участник акции протеста грузинской оппозиции закрывает лицо от слезоточивого газа во время беспорядков на проспекте Руставели в Тбилиси, 2011 год
© photo: Sputnik / Андрей Стенин
მიტინგების დაშლისას პოლიცია ხშირად იყენებს ცრემლსადენ გაზს და მზად უნდა იყოთ ამისთვის

წყალი

გაითვალისწინეთ, სიცხეში აუცილებლად მოგწყურდებათ. სწორედ ასეთი შემთხვევებისთვის გვაჩუქა დედაბუნებამ ისეთი რესურსი, როგორიც წყალია და კარგი იქნება, თუ ჩანთაში ერთი ბოთლი მაინც აღმოგაჩნდებათ. სავარაუდოდ, ცხელ წერტილში სითხე გაცხელდება, მაგრამ ამის გამო გულს ნუ გაიტეხთ, ორიენტირდით იმაზე, რომ წყალი თქვენს კანს უფრო გლუვს და სასიამოვნოს გახდის.

Журналисты на акции
© Sputnik / Alex Shlamov
ჟურნალისტები აქციაზე

Snacks

საპროტესტო აქციის, დემონსტრაციის გაშუქების დროს ჟურნალისტს მენიუს გადახედვის, წვნიანების და Glovo-ს გამოძახების დრო არ აქვს. კარგი იქნება ჩანთაში „სნეკებს“, ანუ სასუსნავს თუ ჩაიყრით წასახემსებლად.

ამ სიაში ბოლო ნივთი ლოცვანია. იმ შემთხვევაში, თუ ზემოთ ჩამოთვლილი არც ერთი ნივთი არ გაქვთ და აქციასაც ვერ არიდებთ თავს, სხვა რა დაგრჩენიათ? უნდა ამოიღოთ ლოცვანი და საკუთარი სულის გადასარჩენად ილოცოთ.

ამ ორომტრიალისგან გაბეზრებული ჟურნალისტები ხშირად თავადაც ხუმრობენ: სპეცრაზმელთან ფოტო – ერთი ლარი; ორი მიწოლა – 50 თეთრი...

მოკლედ, დაიმახსოვრეთ, ცხოვრებაში ვერასოდეს დაამტკიცებთ, რომ არ ხართ ვარდისფერი სპილო, საჭიროების შემთხვევაში უნდა შეგეძლოთ გაეცალოთ ცხელ წერტილს, მაგრამ, რა ვიცი... ეს ჩვენი პროფესიაა...

 

82
მშრალი ხიდი

შემოსავლის გარეშე დარჩენილი ოჯახები და მთავრობის სტრატეგია

17
(განახლებულია 16:37 04.06.2020)
მთავრობის მხრიდან დახმარების ყველაზე სწრაფი ნაბიჯი იყო კომუნალური გადასახადებისგან მოქალაქეების გათავისუფლება და  საბანკო სესხების გადავადება

 

თბილისი, 4 ივნისი  - Sputnik.  კორონავირუსის პანდემიის გამო ბევრი ადამიანი შემოსავლის გარეშე დარჩა, ამიტომ ხელისუფლებას არ აქვს ბევრი  ლოდინის დრო და შესაძლებლობა, განაცხადა მთავრობის სხდომაზე საქართველოს პრემიერ–მინისტრმა გიორგი გახარიამ. 

პრემიერ–მინისტრის სიტყვებით, მიუხედავად იმისა, რომ პანდემია გლობალური გამოწვევაა და შესაბამისად, ეკონომიკური კრიზისიც გლობალური პრობლემაა, მთავრობამ მაქსიმალურად ეფექტურად უნდა გააკეთოს თავისი საქმე.

 „ჩვენ კარგად გვესმის, რომ კრიზისიდან გამომდინარე, დღეს ჩვენს მოქალაქეებს, რა თქმა უნდა, უჭირთ.  ბევრმა ადამიანმა დაკარგა შემოსავალი, ბევრ ადამიანს უბრალოდ შემოსავალი ვერ მიაქვს ოჯახში, ამიტომ ჩვენ არ გვაქვს ბევრი ლოდინის დრო და შესაძლებლობა“, – განაცხადა გახარიამ.

სწორედ ამიტომაც მთავრობის ყველაზე სწრაფი ნაბიჯი იყო კომუნალურ გადასახადებზე დახმარება, საბანკო სესხების გადავადება როგორც ფიზიკური პირებისთვის, ისე კომპანიებისთვის.

 „ამან მოგვცა შესაძლებლობა მოგვეგო დრო, უკეთ გავრკვეულიყავით გამოწვევის სირთულეებში და შემდგომ ჩვენ გვქონდა კონკრეტული, მიზნობრივი სოციალური დახმარების გეგმა, რომელიც წარმოვადგინეთ და რომლითაც ჩვენი მოქალაქეები უკვე სარგებლობენ“, – განაცხადა პრემიერმა. 

გახარიამ პოსტკრიზისულ ეკონომიკურ სტრატეგიაზე ისაუბრა და აღნიშნა, რომ სამუშაო ვარიანტს მთავრობა განსახილველად მოქალაქეებს წარუდგენს.

 „ყოველთვის ვამბობდი, რომ პოსტკრიზისული ეკონომიკური სტრატეგია – ეს სხვა ისტორია, სხვა გეგმაა. იგი სხვა დონის მუშაობას საჭიროებს. სწორედ ამიტომ, თითოეული თქვენგანი, განსაკუთრებით ეკონომიკური გუნდის წევრები, ჩართული არიან ქვეყნის პოსტკრიზისული ეკონომიკური აღდგენის გეგმაზე მუშაობის პროცესში“, – განაცხადა გახარიამ.

მისი სიტყვებით, ეს არის ქვეყნის მოკლევადიანი, საშუალოვადიანი და გრძლევადიანი ეკონომიკური განვითარების სტრატეგია, რომელზეც ადგილობრივ ექსპერტებთან ერთად მუშაობენ კემბრიჯისა და ლონდონის უნივერსიტეტების საუკეთესო მეცნიერები, ასევე აუდიტორული კომპანია Deloitte–ის ნიუ–იორკის ოფისის ანალიტიკოსები. აღნიშნული გეგმა საქართველოს შესაძლებლობას მისცემს პოსტპანდემიურ ეკონომიკასა და გლობალურ კონკურენციაში იყოს მაქსიმალურად მომზადებული და ეფექტური.


17
თემები:
საქართველოს ეკონომიკა
გია ჯაჯანიძე: ნუ დამათვლევინებთ, ძალიან ბევრ ქვეყანაში ვარ ნამყოფი

ვირის შემდეგ გია ჯაჯანიძე სამსახურში უცნაური მანქანით მივიდა - ფოტო

63
(განახლებულია 16:22 04.06.2020)
გია ჯაჯანიძე ექსტრავაგანტულ გამოსვლებს არ წყვეტს. მისი თითოეული გადაწყვეტილება სულ უფრო და უფრო მრავალფეროვნდება. „სამსახურში მოვედი“- რა მანქანა ჰყავს შოუმენს?

გია ჯაჯანიძის ცხოველებისამდე განსაკუთრებული სიყვარული მის ინტერვიუებშიც შეიმჩნევა, მაგრამ სოციალურ ქსელში ეს განსაკუთრებულად თვალშისაცემი გახდა. გარდა ამისა, რამდენიმე ხნის წინ, ის გადაცემა „სხვა რაკურსი გია ჯაჯანიძესთან ერთად“ გადაღებაზე ტელეკომპანიის ეზოში ვირით მივიდა, რომელიც მას საშობაოდ აჩუქეს. ტელესახემ ვირს კოკროჭინა დაარქვა. ვირის ჩოჩორი გია კოლეგებმა და შემოქმედებითმა ჯგუფმა უსახსოვრა.

View this post on Instagram

მთელი სერიოზულად უნდა შეიცნო ადამიანი, დააკვირდე ყველა მის ქცევას, ხასიათს, მდგომარეობას და მიდგომას. ისაუბრე მასთან ბევრი, მოუსმინე ყურადღებით, გაიგე მის შესახებ ყველაფერი, რით ცხოვრობს და როგორ ცხობრობს, გაიგე მისი წრისა და მეგობრების შესახებ. ამ ყველაფრის შემდეგ შეგიძლია დაუახლოვდე. ნაადრევმა და ნაჩქარევმა ურთიერთობამ შეიძლება სერიოზულად დაგაზიანოს და დაგაზარალოს. არ შეიძლება ყველასთან ურთიერთობა, განსკუთრებით თუ ადამიანი ჭკუა მხიარულია, ბევრს ლაპარაკობს და ტრაბახობს. თუმცა, არსებობენ დახვეწილი, გონიერი, სანდომიანინი სახის კეთილგანწყობილი ნაძირალა ადამიანები. ფრთხილად.

A post shared by Giorgi Jajanidze (@jajanidze.g) on

ახლა კი, მწვანე ფერებში გამოწყობილი ჯაჯანიძე, ამ არაორდინალური პიკაპით ცდილობს სამსახურამდე მიღწევას. მანქანაცის კი ტანსაცმლის ფერებს შეუხამა. უცნობია, თუ ვიცია აღნიშნული ავტომობილი, თუმცა გია ჯაჯანიძის მიზანს წინ ვერაფერი აღუდგება. თავად შეაფასეთ გიას ექსტრავაგანტული არჩევანი- როგორ მოგწონთ ასეთი გადაადგილების საშუალება?

View this post on Instagram

A post shared by Giorgi Jajanidze (@jajanidze.g) on

უკვე რამდენიმე კვირაა გია ჯაჯანიძეს ახალი გადაცემის სცენარი არ დაუწერია და სტუმრები არ მოუწვევია. ეს ყველაფერი კი იმის ბრალია, რომ მსოფლიოში კორონავირუსი მძვინვარებს და ყველაფერი პარალიზებულია. მათ შორის თოქ-შოუების ჩაწერაც. ამიტომ გია ჯაჯანიძემ ალტერნატიულ ხერხს მიმართა და თაყვანისმცემლების წინაშე ლექსით წარდგა. ტელეწამყვანმა „ფოლოვერები“ სოციალური ქსელის გარშემო გააერთიანა და პოზიტიური პოსტების გამოქვეყნებას არ წყვეტს. მათ შორის არის უკანასკნელი „ინსტაგრამ-სთორი“. „სამსახურში მოვედი“- მწვანე მანქანის ფონზ გადაღებულმა სურათმა განსაკუთრებული ყურადღება მიიქცია. საინტერესოა, როგორ მართავს ამ უზარმაზარ მანქანას ჯაჯანიძე...

გია (გიორგი) ჯაჯანიძე ერთ-ერთი ყველაზე ცნობილი სახეა ქართულ ტელესივრცეში. მსახიობობით დაწყებული კარიერა მყარი არ გამოდგა და ჯაჯანიძემ ბედ-იღბალი ტელევიზიაში სცადა, და საკმაოდ წარმატებითაც. მისი თქმით, რთული ცხოვრება ჰქონდა. სტუდენტობის პერიოდში ხშირად საჭმლის ფულიც კი ენატრებოდა... თუმცა, ამჟამად უზრუნველყოფილი ცხოვრება აქვს და ახლა გია ჯაჯანიძე ამერიკასა და ევროპაში ყოველ შვებულებაზე უპრობლემოდ მიემგზავრება. მართალია, პანდემიამ ყველაფერი შეაჩერა, თუმცა გია მხიარულ მეგობრებთან ერთად დაუვიწყარ გართობას საკუთარი სახლის ეზოშიც ახერხებს.

63
თემები:
სელებრითების ცხოვრება
ვალუტის გაცვლის პუნქტი

დოლარი ვარდნას განაგრძობს თურნავა მიზეზებზე საუბრობს

0
(განახლებულია 16:41 04.06.2020)
მაისის დასაწყისიდან ლარი დოლარის მიმართ 7, 5%-ით გამყარდა, მაგრამ ინფლაცია მიზნობრივ მაჩვენებელს მაინც ისევ ორჯერ აჭარბებს.

თბილისი, 4 ივნისი – Sputnik. დაბალანსებულმა მაკროეკონომიკურმა პოლიტიკამ, მონეტარულმა და ფულადსაკრედიტო ბერკეტებმა საქართველოს ეროვნული ვალუტის კურსის გამყარება შეძლო, განუცხადა ჟურნალისტებს საქართველოს ეკონომიკისა და მდგრადი განვითარების მინისტრმა ნათია თურნავამ.

ლარის კურსმა დოლარის მიმართ ვარდნა 9 მარტიდან დაიწყო, როდესაც კორონავირუსის პანდემიით გამოწვეულ გაურკვევლობას მსოფლიო ბაზრებზე ნავთობის ფასების მკვეთრი ვარდნაც დაერთო. მარტში ლარი 20%-ით გაიაფდა, ხოლო შემდეგ კი 3,2 GEL/$1 დონეზე დასტაბილურდა. თუმცა  უკვე მაისის ბოლოსთვის ლარის კურსმა გამყარება დაიწყო და ეროვნულმა ბანკმა 4 ივნისისთვის  ლარის გაცვლითი კურსი დოლარის მიმართ 3,0416 GEL/$1.ნიშნულზე დაადგინა.

„ლარის გამყარება - ეს არის რამდენიმე ფაქტორის კომპლექსი. ეს  არის ჩვენი დაბალანსებული მაკროეკონომიკური პოლიტიკა, დაბალანსებული მონეტარული და ფულადსაკრედიტო ბერკეტები, რასაც ვიყენებთ და ეს ნორმალურია“, – განაცხადა თურნავამ.

მისი თქმით, ეკონომიკური აქტივობის შენელებაც თავის როლს ასრულებს, მაგრამ ეს არის დამაბალანსებელი პროცესი, რომელიც საბოლოოდ დადებითად აისახება, რადგან იმპორტირებული საქონლის ფასებზე ეს პოზიტიურად მოქმედებს და, საბოლოო ჯამში, ხელს შეუწყობს იმასაც, რომ ინფლაცია დაუბრუნდება მიზნობრივ მაჩვენებელს.

პანდემიის ფონზე საქართველოში ინფლაცია უწინდებურად  6%–ზე ზევით რჩება. სტატისტიკის ეროვნული სამსახურის მონაცემებით, მაისში ინფლაციის დონემ  6,5% შეადგინა მაშინ, როცა  მიზნობრივი მაჩვენებლი 3 %-ია.  

აპრილში ეროვნულმა ბანკმა მონეტარული პოლიტიკის თანდათანობით შერბილების გადაწყვეტილება მიიღო და რეფინანსირების განაკვეთი 50 საბაზისო პუნქტით 8,5 % მდე დაწია. ეს არის გასული  წლის სექტემბრის შემდეგ რეფინანსირების განაკვეთის პირველი შემცირება. მაშინ ეროვნული ვალუტის კურსის ვარდნის და ინფლაციის ზრდის ფონზე ეროვნულმა ბანკმა მონეტარული პოლიტიკის მაქსიმალურად გამკაცრების გადაწყვეტილება მიიღო.

რატომ არ ელოდება საქართველოს ეროვნული ბანკი ფასების ზრდას>>

სავალუტო ბაზარი რომ  დაესტაბილურებინა, ეროვნულმა ბანკმა სამი თვის განმავლობაში ხუთი აუქციონი გამართა, რომლებზეც 160 მილიონი დოლარი გაყიდა. ამასთან, მარეგულირებელმა განაცხადა, რომ ფასების სტაბილურობის  უზრუნველსაყოფად გამოიყენებს მის ხელთ არსებულ ყველა ინსტრუმენტს, სავალუტო ინტერვენციების ჩათვლით.

0
თემები:
ლარის კურსი დღეს