დედა-შვილი

საქართველოში სოციალურ დახმარებას 152 ათასზე მეტი ბავშვი იღებს ახალი სტატისტიკა

90
(განახლებულია 16:33 17.02.2020)
სახელმწიფომ 2019 წლიდან თითოეულ ბავშვზე სოციალური დახმარება ხუთჯერ გაზარდა – ოჯახებმა თითოეულ ბავშვზე თვეში 50 ლარის მიღება დაიწყეს.

თბილისი, 17 თებერვალი — Sputnik. საქართველოში, იანვრის მონაცემებით, სოციალურ დახმარებას 432 ათასი ადამიანი იღებს, რაც ქვეყნის მოსახლეობის 11,6%-ს შეადგენს. აქედან 152,2 ათასი ბავშვია, იუწყება პირველი არხი.

სოციალური მომსახურების სააგენტოს მონაცემებით, საერთო რაოდენობიდან 46,6 ათასი 6 წლამდე ბავშვია, ხოლო 105,5 ათასზე მეტი – 6-დან 18 წლამდე.

სოციალურ დახმარებას 2019 წლის დეკემბერში იღებდა 427,3 ათასზე მეტი ადამიანი, ხოლო 2019 წლის იანვარში – 442,1 ათასზე მეტი.

სახელმწიფომ 2019 წლიდან თითოეულ ბავშვზე სოციალური დახმარება ხუთჯერ გაზარდა – ოჯახებმა თითოეულ ბავშვზე თვეში 50 ლარის მიღება დაიწყეს.

იმისთვის, რომ ოჯახმა სოციალური დახმარება მიზანმიმართულად დახარჯოს, 50 ლარიდან 30 ლარი კვების პროდუქტებისთვის არის განკუთვნილი. ამ თანხას ოჯახები მხოლოდ პროდუქტებზე ხარჯავენ და ამ პროდუქტებს იძენენ სოციალური ბარათების მეშვეობით. დანარჩენ 20 ლარს ისინი ნაღდი ფულის სახით იღებენ. ზოგიერთ რეგიონში მოსახლეობა ამ თანხას მთლიანად ფულის სახით იღებს.

ახალი რეგულაციის თანახმად, საქართველოში 2020 წლის აპრილიდან სოციალურად დაუცველ ოჯახებს სარეიტინგო ქულების გადამოწმების პერიოდში სოციალური დახმარების მიღება აღარ შეუწყდებათ.

სოციალური აგენტები ოჯახებს ოთხ წელიწადში ერთხელ ამოწმებენ და მათ სარეიტინგო ქულებს ადგენენ. თითოეული ოჯახის შემოწმებაზე დაახლოებით 20 დღეა საჭირო. სარეიტინგო ქულები საკითხის შესწავლიდან დაახლოებით 1 თვეში შედის ძალაში, ხოლო ახალი ქულების მინიჭების შემდეგ საშუალოდ 20 დღეში ხდება სოციალური დახმარების განახლება. შემოწმების პერიოდში ოჯახები ინარჩუნებენ სოციალურად დაუცველის სტატუსს, მაგრამ მათთვის ფულის გაცემა წყდება.

90
თემები:
სოციალური სფერო საქართველოში (163)
ბერა ივანიშვილი და ნანუკა გუდავაძე

„წონის მატება ძალიან მოგიხდა“ - როგორ გამოიყურება ნანუკა გუდავაძე მშობიარობის შემდეგ?

23
(განახლებულია 14:48 30.05.2020)
ნანუკა გუდავაძემ წონაში საგრძნობლად მოიმატა. როგორ გამოიყურებოდა ბერა ივანიშვილის მეუღლე ფეხმძიმობამდე და მშობიარობის შემდეგ?

მშობიარობამდე და მშობიარობის შემდეგ - ქალების ცხოვრება, რომლებმაც საპასუხისმგებლო ნაბიჯი გადაგეს, სწორედ ასე იყოფა. ამბობენ, რომ ქალი განსაკუთრებულად ლამაზი მშობიარობის პერიოდშია. არასასურველი კილოგრამების მომატებაზე ბევრი მათგანი წუწუნებს, თუმცა ახალშობილის გაჩენის შემდეგ ყურადღება მხოლოდ მზრუნველობაზე გადააქვთ. ასე აღმოჩნდა ნანუკა გუდავაძის შემთხვევაშიც. დაოჯახებამდე ლამაზმანი სამოდელო სფეროთი იყო გატაცებული, ფოტოსესიებსაც ხშირად აწყობდა. ახლა მისი ყოველდღიურობა ყველაფრისგან გამორჩეულია. ბერას და ნანუკას სოციალური ქსელები ბერუკასთან გადაღებული შეუდარებელი კადრებით გამრავალფეროვნდა.

View this post on Instagram

💙🙈😇

A post shared by Nanuka Gudavadze (@nanukagudavadze) on

გასული წლის დეკემბერში საქართველოში ერთ-ერთ ყველაზე ცნობილ წყვილს – ნანუკა გუდავაძესა და ბერა ივანიშვილს ბიჭუნა, პატარა ბერუკა შეეძინათ. ახალბედა დედა იშვიათად ჩნდებოდა საზოგადოებაში, თუმცა ახლა აქტიურობას მოუმატა და ქმართან ერთად მისაბაძ კონტენტს ქმნის. ნათლობის შემდეგ წყვილი ბერუკას ფოტოებს ხშირად აქვეყნებს. ასეთ დროს სოციალური ქსელის მომხმარებლების ძირითადი განსახილველი თემაა – ვის ჰგავს პატარა. ბერა ივანიშვილის მეუღლე ყოფილი მოდელი და ამჟამად მოდის ბლოგერია. ნანუკას ოჯახზე ბევრი არაფერია ცნობილი. სოციალურ ქსელში იძებნება მისი დები – ანი და მარიამ გუდავაძეები. მარიამი ნანუკაზე და ანიზე ბევრად უმცროსია. რაც შეეხება ანის, ფოტოებიდან ირკვევა, რომ დაქორწინებულია. ბერას და ნანუკას ქორწილში ანი ორსულად იყო და ახლა პატარა ბიჭუნას დედაა. დების მსგავსება გაოცებას იწვევს.

View this post on Instagram

🌊🍫

A post shared by Nanuka Gudavadze (@nanukagudavadze) on

ბერასა და ნანუკას ჯვრისწერა 2018 წლის 11 ნოემბერს სვეტიცხოველში გაიმართა. მცხეთელების თქმით, ასეთი საზეიმო ჯვრისწერა ბოლოს ბაგრატიონების შთამომავლების შეუღლებისას ნახეს. „ამიერიდან და სამუდამოდ", „ქმარი და ცოლი" – ასე დაასათაურეს თავიანთი პოსტები საოცარი ფოტოებით ახლად შეუღლებულებმა. ბერას ქორწილი უსაფრთხოების გაძლიერებული ზომების დაცვით გაიმართა. ჯვრისწერას ესწრებოდნენ ხელისუფლების წარმომადგენლები და მაღალჩინოსნები, მათ შორის, თბილისის მერი კახა კალაძე და ექს-პრემიერი ირაკლი ღარიბაშვილი.

23
თემები:
სელებრითების ცხოვრება
ბაზარში

ნავთლუღის საცალო აგრარულმა ბაზარმა მუშაობა განაახლა

9
(განახლებულია 14:25 30.05.2020)
დღეისთვის საქართველოში რეგისტრირებული 90 აგრარული ბაზრიდან 80-მდე უკვე მუშაობს. აგრარული ბაზრები კორონავირუსის გავრცელების საფრთხის გამო იყო დაკეტილი

თბილისი, 30 მაისი - Sputnik. ნავთლუღის საცალო აგრარულმა ბაზარმა მუშაობა განაახლა, იუწყება საზოგადოებრივი მაუწყებლის პირველი არხი სურსათის ეროვნული სააგენტოს მიერ გავრცელებულ ინფორმაციაზე დაყრდნობით.

კორონავირუსის გავრცელების პრევენციის მიზნით, საქართველოს მასშტაბით  აგრარული ბაზრები დროებით დაიკეტა, რომელთა ნაწილი გაიხსნა 27 აპრილიდან. ბაზრების ფუნქციონირება შესაძლებელი იქნება მხოლოდ იმ სტანდარტების დაკმაყოფილების შემთხვევაში, რომელიც სურსათის უვნებლობის ეროვნულმა სააგენტომ შეიმუშავა და შეჯერებულია ჯანდაცვის სამინისტროსთან.

ნავთლუღის საცალო აგრარულ ბაზარში, რომელიც დედაქალაქის ტერიტორიაზე არსებული ერთ-ერთი უძველესი ბაზარია, ახალი კორონავირუსის გავრცელების რისკების თავიდან ასაცილებლად, სურსათის ეროვნული სააგენტოს ზედამხედველობით და ისნის რაიონის გამგეობის ჩართულობით, მასშტაბური სარეაბილიტაციო და სარემონტო სამუშაოები ჩატარდა.

„სააგენტოს რეკომენდაციებით, ბაზრის ადმინისტრაციამ და პერსონალმა უზრუნველყო ბაზრის ტერიტორიიდან ნარჩენების გატანა, დახლების განახლება და მოსაპირკეთებელი და დასუფთავების სამუშაოების ჩატარება“, - ნათქვამია სურსათის ეროვნული სააგენტოს მიერ გავრცელებულ განცხადებაში.

ასევე, ნავთლუღის ბაზარში გაუმჯობესდა სანიტარიულ-ჰიგიენური მდგომარეობა, პერსონალი აღიჭურვა შესაბამისი დამცავი და სადეზინფექციო საშუალებებით, კონტროლდება სოციალური დისტანცია.

დღეისთვის საქართველოში რეგისტრირებული 90 აგრარული ბაზრიდან 80-მდე უკვე მუშაობს.

9