რუსთავი

ხელისუფლება რუსთავის ჰაერის ხარისხის გაუმჯობესებაზე იზრუნებს

32
(განახლებულია 16:19 17.02.2020)
რუსთავში განლაგებულია მეტალურგიული და ქიმიური ქარხნები, რომლებსაც ადგილობრივი მოსახლეობა ატმოსფერული ჰაერის დაბინძურების ძირითად წყაროდ ასახელებს.

თბილისი, 17 თებერვალი — Sputnik. საქართველოს გარემოს დაცვისა და სოფლის მეურნეობის სამინისტრო ქალაქ რუსთავის ჰაერის ხარისხის გაუმჯობესების გეგმას შეიმუშავებს, ნათქვამია უწყების განცხადებაში.

რუსთაველებმა არაერთხელ იჩივლეს ქალაქის ჰაერის ხარისხთან დაკავშირებით. ისინი ხელისუფლებისგან ამ პრობლემის გადასაჭრელად სწრაფი ზომების მიღებას მოითხოვდნენ. როგორც ცნობილია, რუსთავში განლაგებულია მეტალურგიული და ქიმიური ქარხნები, რომლებსაც ადგილობრივი მოსახლეობა ატმოსფერული ჰაერის დაბინძურების ძირითად წყაროდ ასახელებს.

რუსთავის ჰაერის ხარისხის გაუმჯობესების საკითხი განიხილეს შესაბამისი სამუშაო ჯგუფის პირველ შეხვედრაზე. სამუშაო ჯგუფს გარემოს დაცვისა და სოფლის მეურნეობის მინისტრი ლევან დავითაშვილი ხელმძღვანელობს. შეხვედრას ესწრებოდნენ მინისტრის მოადგილე ნინო თანდილაშვილი, პარლამენტის გარემოს დაცვის კომიტეტის თავმჯდომარე ნინო წილოსანი, ქვემო ქართლის რწმუნებული შოთა რეხვიაშვილი, რუსთავის მერი ირაკლი ტაბაღუა, ასევე სამოქალაქო მოძრაობის „ვიგუდებით" და სამინისტროს შესაბამისი სამსახურების წარმომადგენლები.

დავითაშვილის თქმით, სამინისტრო გარემოს დაცვის საპარლამენტო კომიტეტთან ერთად აქტიურად მუშაობს საკანონმდებლო ინიციატივის შემუშავებაზე, რაც ატმოსფერული ჰაერის ხარისხის გაუმჯობესებისთვის უმნიშვნელოვანეს სამართლებრივ წინაპირობას წარმოადგენს.

ჰაერის დაბინძურების ძირითადი მიზეზები საქართველოში>>

„ჩვენი მიზანია მაქსიმალურად დავუახლოვდეთ ევროპის გარემოსდაცვით პოლიტიკას; შესაბამისად, კომპანიები უნდა იყვნენ პასუხისმგებლიანი. ამ მიმართულებით ჩვენ უკომპრომისო მიდგომა გვაქვს", – განაცხადა დავითაშვილმა.

მინისტრის განცხადებით, ამ საკითხის განხილვაში ჩართული უნდა იყოს ყველა პასუხისმგებელი და დაინტერესებული მხარე. სავარაუდოდ, სამუშაო ჯგუფის ფორმატში შეიქმნება რუსთავის ჰაერის ხარისხის მართვის გეგმა, რომელმაც ამ კუთხით ქალაქი მნიშვნელოვნად უნდა გააუმჯობესოს, აღნიშნა დავითაშვილმა.

32
თემები:
გარემოს დაცვა და ეკოლოგია (109)
რუსკა მაყაშვილი და სანდრო ნიჟარაძე ვაჟთან ერთად

„ამ კანფეტებს არ შეეხო, სანამ მე არ მოვალ“ - ნახეთ როგორ მოიპარა რუსკას ვაჟმა ტკბილეული

26
(განახლებულია 17:06 04.06.2020)
სოციალური ქსელის ახალი გამოწვევას მსახიობი რუსკა მაყაშვილიც შეუერთდა. უსაყვარლესი ვიდეო, რომელზეც ბიჭუნამ „ჩუპა-ჩუპსი“ მოიპარა ძალიან გაგამხიარულებთ

რუსკა მაყაშვილი უახლეს გამოწვევას შეუწერთა, რომლის მიზანი ბავშვების ნებისყოფის შემოწმებაა. სოციალური ქსელის მომხმარებლები შვილებს ტკბილეულობას აძლევენ, ოღონდ ბავშვებმა არ უნდა მიირთვან, მანამ სანამ მშობლები ოთახში არ დაბრუნდებიან. ბავშვების რეაქციები დიდ გამოხმაურებას იწვევს. ზოგი პატარა იტყუება, ზოგი ტკბილეულს მხოლოდ ლოკავს, ზოგიერთი მათგანი კი, ცდუნებას ვერ უძლებს და ჭამას იწყებს. ასე მოხდა პატარა ილიას შემთხვევაშიც. რუსკას ვაჟის რეაქცია პოზიტიურ განწყობას შეგიქმნით.

View this post on Instagram

first time in the theater ❤️

A post shared by Russana18🧜🏼‍♀️ (@russana18) on

საკმარისი იყო, რომ დედა ოთახიდან გასულიყო, პატარა ბიჭმა ტკბილეულობას სტაცა ხელი და მაგიდის ქვეშ დაიმალა, რათა „ჩუპა-ჩუფსი“ გემრიელად ეჭამა. რუსკას გაფრთხილებამ არ გაჭრა. ახალგაზრდა დედა ოთახიდან სიტყვებით - „ეს კანფეტები არ აიღო, არ შეეხო არაფერს, სანამ არ დავბრუნდები“ გავიდა. ილიამ კი ცდუნებას ვერ გაუძლო, დედის გასვლისთანავე ჩამოხტა დივნიდან, მაგიდიდან ერთ-ერთი გემრიელობა აიღო და დაუფიქრებლად დაიმალა.

View this post on Instagram

Back to back

A post shared by Russana18🧜🏼‍♀️ (@russana18) on

მიუხედავად იმისა, რომ ამ დროს კამერაა ჩართული და გაჯეტები ბავშვების მხარეს არის მიმართული, ტკბილეულობით გატაცებული პატარები ამ ყველაფერს ვერ ამჩნევენ. მხიარულ რუსკა მაყაშვილს ოჯახის წევრებიც განსაკუთრებულად მხიარული ჰყავს. მათი პოზიტიური განწყობა ყველას მოსწონს, შესაბამისად, რუსკა და მისი ოჯახის წევრები სხვადასხვა გადაცემების სასურველი სტუმრები არიან. რუსკას ერთი ვაჟი – პატარა ილია ჰყავს. მას დაოჯახებისკენ ბევრი ადამიანი უბიძგებდა, მაგრამ რუსკა არ ჩქარობდა. სიყვარულს კი დიდი ხნის მანძილზე საზოგადოებას უმალავდა. სოციალური ქსელის აქტიური მომხმარებლები და რუსას ფანები აღნიშნავენ, რომ ილია ხასიათით დედას ჰგავს. ამაში ეს ვიდეოც დაგარწმუნებთ.

რუსკა მაყაშვილი პირად ურთიერთობებზე, განსაკუთრებით, სანდრო ნიჟარაძეზე არასდროს საუბრობს. წლების მანძილზე სანდრო და რუსკა ერთად იყვნენ, პირად ცხოვრებას აშენებდნენ, მაგრამ ამის შესახებ არავინ არაფერი იცოდა. ყველასთვის საყვარელი მსახიობი რუსკა მაყაშვილი 2015 წელს დაოჯახდა. ტელეწამყვანი მოკრძალებული პოსტით შემოიფარგლა და თაყვანისმცემლებს მეუღლე სოციალური ქსელით გააცნო. რუსკა მაყაშვილი და მორაგბე სანდრო ნიჟარაძე ერთმანეთს ორი წელი ხვდებოდნენ. ჯერ კიდევ 2013 წლის ზაფხულში დადიოდა ხმები მათი შესაძლო სასიყვარულო რომანის შესახებ. ჭორები კი ბათუმიდან გავრცელდა, სადაც რუსკა და სანდრო ერთად ისვენებდნენ. მაგრამ პოზიტიური რუსკა მასმედიის წარმომადგენლებმა „ვერ გამოტეხეს“.

26
თემები:
სელებრითების ცხოვრება
პოლიცია

39 დღე კარანტინში: თეთრიწყაროში შეზღუდვები მოიხსნა

13
(განახლებულია 17:03 04.06.2020)
თეთრიწყაროს მუნიციპალიტეტში სულ კორონავირუსის 55 დადასტურებული შემთხვევა გამოვლინდა, 50 ადამიანი უკვე გამოჯანმრთელდა.

 

თბილისი, 4 ივნისი – Sputnik. 39–დღიანი შეზღუდვების შემდეგ, თეთრიწყაროში საკარანტინე რეჟიმი მოიხსნა, ყველა საკონტროლო–გამშვები პუნქტი გაუქმდა და მოქალაქეებს თავისუფალად გადაადგილების შესაძლებლობა აქვთ, ნათქვამია მუნიციპალიტეტის Facebook–გვერდზე გავრცელებულ განცხადებაში.

თეთრიწყაროში კორონავირუსის პირველი შემთხვევა 25 აპრილს დაფიქსირდა, 26 აპრილიდან კი უწყებათაშორისი საკოორდინაციო საბჭოს გადაწყვეტილებით მუნიციპალიტეტი ჩაიკეტა. 

დღეს გამართულ მთავრობის სხდომაზე პრემიერ–მინისტრმა გიორგი გახარიამ მუნიციპალიტეტში საკარანტინე რეჟიმის გაუქმება დააანონსა. მისი სიტყვებით, თეთრიწყაროში ეპიდსიტუაცია შეზღუდვების მოხსნის საშუალებას იძლევა, რამდენადაც 22 მაისიდან რაიონში კორონავირუსით ინფიცირების არცერთი ახალი შემთხვევა არ დაფიქსირებულა.

 „ბოლო პერიოდის განმავლობაში დიდი სირთულეების დაძლევა მოგვიწია. მინდა მადლობა გადავუხადო ყველას, ვინც ამ პროცესებში იყო ჩართული, განსაკუთრებით თავდაცვის ძალებს, პოლიციას, ჯანდაცვის სექტორის წარმომადგენლებს გაწეული დაუღალავი შრომისთვის”, – განაცხადა განაცხადა მუნიციპალიტეტის მერმა გიორგი ქორიძემ.

თეთრიწყაროს მუნიციპალიტეტში სულ კორონავირუსის 55 დადასტურებული შემთხვევა გამოვლინდა, მათგან 50 უკვე გამოჯანმრთელდა. ამ დროისთვის თვითიზოლაციაში შვიდი ადამიანი, კარანტინში კი 36 პირი იმყოფება, სტაციონარში  მკურნალობს 5 პაციენტი, 17 886 პირს თერმოსკრინინგი, PCR- ტესტირება კი ჯამში 872 პირს ჩაუტარდა.

13
თემები:
COVID-19 საქართველოში
არეულობა აშშ-ში

მოსაზრება: აშშ-ში რასიზმის წინააღმდეგ ბრძოლა მოროდიორებთან ბრძოლაში გადაიზარდა

0
მასობრივი ქაოსი, ძარცვა და ხანძრის გაჩენა მინეაპოლისის მცხოვრები აფროამერიკელის ჯორჯ ფლოიდის გარდაცვალების შემდეგ დაიწყო და არ წყდება

სოფია მელნიჩუკი

პოლიციელების მიერ უხეში, სასტიკი დაკავების გამო დაიღუპა 46 წლის ამერიკელი. კომენდანტის საათი შტატების ნახევარშია დაწესებული, მაგრამ ადგილობრივი ხელისუფლება ხშირად პრაქტიკულად უმოქმედოა. პოლიციის ძალა უკვე არასაკმარისია, პრეზიდენტი დონალდ ტრამპი აპირებს რეგულარული არმიის ჩართვას ვანდალიზმისა და მოროდიორობის დასასრულებლად. რით არის საშიში ეს ნაბიჯი პრეზიდენტისთვის? 

ისევ კანონი და ისევ წესრიგი. ამერიკელები ელოდებოდნენ დონალდ ტრამპის მიმართვას ერის წინაშე. მაგრამ პრეზიდენტმა ეს პროცესი დააყოვნა და მხოლოდ 2 ივნისს გამოვიდა სიტყვით, მაშინ როცა ვაშინგტონში უკვე ყველგან მაღაზიის ვიტრინებს ამსხვრევდნენ.

„ჩვენ შეძრულნი ვართ ჯორჯ ფლოიდის გარდაცვალებით. მაგრამ ჩვენ არ შეგვიძლია გამძვინვარებულ ბრბოს უფლება მივცეთ, მშვიდობიანი პროტესტი ჩაძიროს. მთავარი დაზარალებულები კანონმორჩილი მოქალაქეები და მოსახლეობის ღარიბი ფენაა. მე ვიბრძოლებ იმისათვის, რომ დავიცვა ისინი“, – განაცხადა მან.  

„მე ვარ კანონისა და წესრიგის პრეზიდენტი“, — ხაზი გაუსვა ტრამპმა. უნდა ითქვას, რომ ეს ლოზუნგი ამერიკაში კარგად ნაცნობია.

1968 წელს ქვეყანა, ასევე მშფოთვარე დროში,  საპრეზიდენტო არჩევნებისთვის ემზადებოდა. იყო მასობრივი დემონსტრაციები ვიეტნამის ომის წინააღმდეგ, ქალთა და რასობრივ უმცირესობათა მხარდასაჭერად იმართებოდა აქციები. მას შემდეგ, რაც შავკანიანთა უფლებების ცნობილი დამცველი მარტინ ლუთერ კინგი-უმცროსი მოკლეს, შემდეგ კი სენატორი რობერტ კენედი, რომელზეც დიდ იმედებს ამყარებდნენ, რიჩარდ ნიქსონი არჩევნებში მივიდა ლოზუნგით ,,კანონი და წესრიგი“. 

„თქვენ უნდა მიიღოთ ის ფაქტი, რომ ყველა პრობლემა ნამდვილად შავებშია“, —განმარტა მაშინ თეთრი სახლის ადმინისტრაციის უფროსმა ჰარი ჰოლდემანმა. მას შემდეგ „კანონი და წესრიგი“ შავკანიანი ამერიკელებისთვის პოლიციის თვითნებობად, დესპოტიზმად ასოცირდება.

ამჟამინდელ ძარცვა-გლეჯას ტრამპმა შინაგანი ტერორიზმი უწოდა. ერთან მიმართვის დროს პრეზიდენტმა მცირე ბიზნესის მფლობელები ახსენა, რომლებიც იძულებულნი არიან უყურონ, თუ როგორ ,,ინგრევა მათი ოცნებები“ მეამბოხეთა ხელით.  ქუჩის მოროდიორობის ვიდეომტკიცებულებებით გაივსო ინტერნეტი. აჯანყებულები ამსხვრევენ მაღაზიის ვიტრინებს, გამოაქვთ საქონელი, ხატავენ კედლებს, კარსა და ფანჯრებს. მაგალითად, სანტა-მონიკაში Vans-ის სპორტული ტანსაცმლის მაღაზიიდან  პრაქტიკულად ყველაფერი მოიპარეს. როდესაც ტელეარხ Fox 11-ის ჟურნალისტები გამვლელებს ეკითხებოდნენ, თუ საიდან ჰქონდათ ფეხსაცმელების ყუთები, ისინი პასუხს მშვიდად არიდებდნენ თავს. ამ დროს გვერდით არც ერთი პოლიციელი არ ყოფილა.  

მსგავსი რამ მთელს ქვეყანაში ხდება. ხელისუფლების მოწოდება ვანდალიზმის შეჩერების შესახებ უშედეგოა. საკუთრებას მშვიდობიანი მომიტინგეები და თვით ბიზნესის მფლობელები იცავენ.

იმავე სანტა-მონიკაში ერთ-ერთი მაღაზიის კართან დადგა გოგონა ბანერით „შეწყვიტეთ ძალადობა“. შეეცადნენ მისთვის ხელის კვრას, შესასვლელთან კვამლის ბომბიც კი გადააგდეს, მაგრამ გოგონა არ შეშინდა. მალე მას შავკანიანი მოქალაქე ლოზუნგით „ჩვენ ვაპროტესტებთ და არ ვმოროდიორობთ“ შეუერთდა. ეს ახალგაზრდა ადამიანები სპეციალურად მივიდნენ ქალაქის ცენტრში, რათა ხელი შეეშალათ მეამბოხეებისთვის, რომლებიც მშვიდობიან მომიტინგეებს აკომპრომეტირებდნენ. 

სან-დიეგოს შემთხვევამ კი მაიძულა რუსული მაფიის შესახებ ხუმრობები გამეხსენებინა. იქ ყოფილი სსრკ-ის ქვეყნებიდან ჩასული ადამიანები რესტორან „პუშკინს“ იცავდნენ. დაწესებულების მფლობელმა აიკ გაზარიანმა „რია ნოვოსტის“ კორესპონდენტთან აღიარა, რომ სწრაფად გააცნობიერა ის, რომ თვითონ უნდა ემოქმედა.

„ბევრი მეგობარი მყავს, რომლებიც, როგორც მე, რესპუბლიკური აზროვნების მომხრეები არიან ( განსხვავებით მომიტინგეებისგან. — რედ. შენიშ.) როდესაც კვირას მივხვდი, რომ უსიამოვნებები იყო მოსალოდნელი, ყველას დავურეკე და ნახევარი საათის შემდეგ ისინი რესტორანთან შეიკრიბნენ. 12 ადამიანი, პისტოლეტებითა და იარაღით ხელში. იარაღი ლეგალურია, ვიცით მასთან მოქცევა. და საკუთარ შენობაში, თავდაცვის მიზნით, რა თქმა უნდა, ჩვენ გვაქვს მისი გამოყენების უფლება“, — განმარტა გაზარიანმა. მათ იხსნეს არა მარტო ეს რესტორანი, არამედ მეზობლად მდებარე რამდენიმე დაწესებულება, მათ რიცხვში განსაკუთრებით დაუცველი ალკომარკეტი, რომელიც ხანდაზმულ ერაყელ ემიგრანტს ეკუთვნოდა. 

ქვეყნის მეორე მხარეს, ნიუ-იორკის ბრუკლინში, მოქალაქეები უერთდებიან პატრულს, რადგან სანამ პოლიცია უმოქმედოა, წესრიგი დაიცვან. „ჩვენ აქ მხოლოდ თავდაცვის მიზნით ვართ. პატივს ვცემთ რასიზმის წინააღმდეგ ბრძოლასა და პროტესტის უფლებას. მაგრამ არავის აქვს უფლება გაანადგუროს ის ადგილი, სადაც ჩვენ ოჯახებთან ერთად ვცხოვრობთ. სირცხვილი ნიუ-იორკის მერს, რომ არ გვიცავს“, — ამბობენ პატრულის ორგანიზატორები აიზეკ ბოლტიანსკი და დევიდ ბროდსკი.

სიბრაზის, რისხვის უფლება. ბევრი უკმაყოფილოა ადგილობრივი ხელისუფლების უმოქმედობით. ნიუ-იორკის მერს ბილ დე ბლაზიოს მოროდიორობისთვის ხელშეწყობაში ადანაშაულებენ, მისი ქალიშვილი ახლახან ქუჩის შეტაკებების მსვლელობის დროს დააკავეს. შტატის გუბერნატორ ენდრიუ კუომოსაც კიცხავენ, თუმცა ბოლო დრომდე ის კორონავირუსის ეპიდემიის წინააღმდეგ ბრძოლის გმირად აღიქმებოდა. 

ორშაბათს დე ბლაზიომ თქვა, რომ  სამხედროების ჩართვა სახიფათოა და, რომ ეს სიტუაციას უფრო გააუარესებს. ,,როდესაც შეიარაღებული ძალები შედიან საცხოვრებელ რაიონებში, კარგი არაფერი ხდება“, — დარწმუნებულია მერი. ყველაფრის მიუხედავად, ქუჩებში პოლიციელების რიცხვი ორჯერ გაზარდეს —ოთხიდან რვა ათასამდე. ქალაქში კომენდანტის საათი გამოცხადდა. 

სხვა რეგიონების ხელმძღვანელები, ძირითადად დემოკრატები არ ჩქარობენ ეროვნული გვარდიის ჩართვას. დე ბლაზიოს არგუმენტებს ორეგონის გუბერნატორი ქეით ბრაუნი, ილინოისის — ჯეი რობერტ პრიცკერი, ნევადის — სტივ სისოლაკი და მიჩიგანის — გრეტჩენ უიტმერი იმეორებენ. ვაშინგტონის შტატის მეთაურმა ჯეი ინსლიმ სამხედრო დანაყოფები მზადყოფნაში მოიყვანა, თუმცა მათი ქალაქებში განლაგება ჯერ არ დაიწყო. 

ამავდროულად, ტრამპი დაიმუქრა, რომ სამხედროებს ქუჩაში თვითონ გაიყვანს. პრეზიდენტი, მართალია, თვითონ არის მთავარსარდალი, მაგრამ მას არ შეუძლია თავისი შეხედულებისამებრ ფედერალური შეიარაღებული ძალები შტატების ტერიტორიაზე გამოიყენოს. თუმცა, თუ ის გამოიყენებს 1807 წლის აჯანყების შესახებ კანონს, ეროვნული გვარდია მის ბრძანებას გუბერნატორების მიღმა შეასრულებს. ბოლოს ჯორჯ ბუში-უფროსი 1992 წელში ლოს-ანჯელესში გამართული საპროტესტო აქციების დროს ასე მოიქცა. ეს აქციები ოთხი თეთრკანი პოლიციელის მიერ შავკანიანი მოქალაქის  უმოწყალოდ ცემის შემდეგ დაიწყო.

ამასთან, გუბერნატორების სურვილი, რომ მომიტინგეებთან ურთიერთობა არ გაამწვავონ, პოლიტიკურ ხასიათს ატარებს, თვლის პოლიტოლოგი-ამერიკანისტი დიმიტრი დრობნიცკი. 

„დემოკრატების მთავარი ამოცანაა, არ დაუშვან ტრამპის ხელმეორე ვადით არჩევა. სანამ არ იყო პროტესტები, შეიძლებოდა ადამიანების კარანტინში გაჩერება. ახლა მათ სიბრაზის უფლება მიეცათ“, — ამბობს ის „რია ნოვოსტისთან“ საუბრისას. — „უნდა ვაიძულოთ ტრამპი, რომ  ცუდად გამოიყურებოდეს, რადგან, დემოკრატების რიტორიკის თანახმად, ის რასისტია და საზოგადოებაში სიძულვილის ატმოსფერო დანერგა. თუ ამდენი დღის დარბევის შემდეგ პრეზიდენტი ნაციონალური გვარდიის დახმარებით მდგომარეობას გააკონტროლებს, ის პოლიტიკურ ქულებს მოიპოვებს, და შემდეგ მნიშვნელობა არ ექნება, რას იტყვიან დემოკრატები. „ტრამპო, მოდი და წესრიგი დაამყარე“, — აი, ვის მისცემენ ხმას მერყევ შტატებში“, — ამბობს ექსპერტი.

ის ხაზგასმით აღნიშნავს, რომ ქვეყანაში რასობრივი დისკრიმინაციის მდგომარეობა ნამდვილად შემზარავია. პროტესტების განხილვის დროს ამის დავიწყება შეუძლებელია.

დემოკრატებს არა მხოლოდ ტრამპის არაეფექტურობის დემონსტრირება სურთ, არამედ ცდილობენ არ შეაშინონ ამომრჩევლები უმცირესობებიდან, ამბობს დიმიტრი სუსლოვი.

„მათ საშინლად ეშინიათ არათეთრკანიან მოსახლეობაში მხარდაჭერის დაკარგვისა, სწორედ აფროამერიკელები არიან არჩევნებში ჯო ბაიდენის ერთ-ერთი ძირითადი საყრდენი“, — გვახსენებს ექსპერტი.

ამასთანავე, ორივე მხარეს თამაში საჯარიმო ზღვარზე მიჰყავს, ამბობს თანამოსაუბრე. „დემოკრატები ტრამპის დისკრედიტაციას ცდილობენ, ზომიერი და ცვალებადი ელექტორატის შეშინებით რისკავენ. ტრამპი კი მკაცრ ზომებს იღებს, რამაც შეიძლება კიდევ უფრო დიდი ძალადობა და სიკვდილი გამოიწვიოს“, —განმარტავს ის.

ამერიკული საზოგადოება უკვე უკიდურესად გაყოფილია. საპროტესტო აქციებმა მხოლოდ წინააღმდეგობათა სიღრმეს გაუსვა ხაზი.

უბრალო ხალხი აღშფოთებულია პოლიციის თვითნებობით, მოროდიორობით, დემოკრატები და რესპუბლიკელები კი ძველებურად ვერ თანხმდებიან. ძნელი სათქმელია, რა როლი ითამაშა ჯორჯ ბუში-უფროსის პოლიტიკურ კარიერაში აჯანყების კანონმა, მაგრამ 1992 წლის არჩევნები მან წააგო. ტრამპმა, აშკარად, არჩევანი სიმკაცრეზე გააკეთა. და თუ ეს როგორ შემოუბრუნდება, უახლოესი მომავალი გვიჩვენებს.

P.S. რედაქცია შესაძლოა არ ეთანხმებოდეს ავტორის მოსაზრებებს!

0