დასაქმების ფორუმი თბილისში

თბილისში დასაქმების ფესტივალი გაიმართება

195
(განახლებულია 14:18 11.02.2020)
დასაქმების მსურველებს საშუალება ექნებათ შეხვდნენ და გაესაუბრონ არა მარტო HR-მენეჯერებს, არამედ თავად კომპანიების დირექტორებს.

თბილისი, 11 თებერვალი — Sputnik. თბილისის საგამოფენო ცენტრ Expo Georgia-ში 28-29 თებერვალს გაიმართება დასაქმების მასშტაბური ფესტივალი Expo Job, რომელზეც დამსაქმებლები წარმოადგენენ საკუთარ ბრენდებს და ვაკანსიებს.

ფესტივალზე წარმოდგენილი ვაკანსიების წინასწარ ნახვა შესაძლებელია ვებ-გვერდზე. ფესტივალზე გარკვეული პერიოდის განმავლობაში დასაქმების მსურველებს საშუალება ექნებათ შეხვდნენ და გაესაუბრონ არა მარტო HR-მენეჯერებს, არამედ თავად კომპანიების დირექტორებს.

ტესტირების ან სხვა დამატებითი დავალების საჭიროების შემთხვევაში გამოიყოფა დამატებითი სივრცე. დასაქმებული ადამიანების ვინაობა ყოველი დღის ბოლოს გამოცხადდება.

დასაქმების ფესტივალთან ერთად ჩატარდება განათლების საერთაშორისო ფორუმი.

გარდა ამისა, ახალგაზრდებისთვის ჩატარდება ვორქშოპები წარმატებასა და მოტივაციაზე. იქნება CV-ს კუთხეც, სადაც მონაწილეებს დაეხმარებიან CV-ს შედგენაში ან კორექტირებაში.

ღონისძიებაში მონაწილეობის უფლება აქვთ აბიტურიენტებს, სტუდენტებსა და ახალგაზრდა ადამიანებს, ასევე ყველა დაინტერესებულ კომპანიას. რეგისტრაციის ბოლო ვადა 15 თებერვალია.

195
თემები:
სოციალური სფერო საქართველოში (163)
მომღერალი მარკუს მეტრეველი პირველ სამოდელო კოლექციას ამზადებს

„ძალიან მძიმეა, როდესაც შვილების დედა, აბსურდულ ბრალდებას გიყენებს“ - მარკუს მეტრეველი

8
(განახლებულია 14:51 30.05.2020)
მარკუსის წინააღმდეგ, მისი ყოფილი მეუღლე და ორი ვაჟის დედა არა ერთხელ გამოსულა. ისინი ერთმანეთს თოქ-შოუებშიც დაუპირისპირდნენ

„რთულია სხვის პირად ცხოვრებაზე კომენტარის გაკეთება. თუმცა მსგავსი ფაქტი , ჩემს წარსულ პირად ცხოვრებაზე გამახსენდა და პარალელს ვავლებ! ძალიან მძიმეა, როდესაც ყოფილი “მეუღლე” და შვილების დედა, აბსურდულ ბრალდებას გიყენებს ძალადობაზე და ფიზიკურ შეურაცხყოფაზე! მე ყველაზე კარგად მესმის და ვიცი რა დონის ზიანი შეიძლება მოგაყენოს გამწარებულმა ქალმა. ისიც ვიცი, თუ რა რთულია ამ ბრალდების მიღება და გადატანა მშვიდად ისე, რომ არ გამოხვიდე წყობიდან და თავი ხელში აიყვანო…”-  ასე ეხმაურება მარკუს მეტრეველი ქართველი ჩოგბურთელის გარშემო ატეხილ სკანდალს. ეპატაჟურმა მომღერალმა იგივე გზა გამოიარა, რასაც ახლა ნიკოლოზი გადის. მარკუსის წინააღმდეგ, მისი ყოფილი მეუღლე და ორი ვაჟის დედა არა ერთხელ გამოსულა. ისინი ერთმანეთს თოქ-შოუებშიც დაუპირისპირდნენ. ბევრი მცდელობის მიუხედავად, მარკუსსა და მის ყოფილ ცოლს შორის ურთიერთობა დღემდე არ დალაგებულა. მარკუსის ყოფილი ცოლი ჟურნალისტი ლალი ქურდაძეა.

View this post on Instagram

🆘ჩემი მხარდაჭერა და სოლოდარობა ნიკოლოზ ბასილაშვილს ✊🙏 🔺რთულია სხვის პირად ცხოვრებაზე კომენტარის გაკეთება.თუმცა მსგავსი ფაქტი , ჩემს წარსულ პირად ცხოვრებაზე გამახსენდა და პარალელს ვავლებ .. !!! 🔺ძალიან მძიმეა როდესაც ყოფილი “მეუღლე” და შვილების დედა, აბსურდულ ბრალდებას გიყენებს ძალადობაზე და ფიზიკურ შეურაცხყოფაზე!! 🔺მე ყველაზე კარგად მესმის და ვიცი რა დონის ზიანი შეიძლება მოგაყენოს გამწარებულმა ქალმა. ისიც ვიცი თუ რა რთულია ამ ბრალდების მიღება და გადატანა მშვიდად ისე რომ არ გამოხვიდე წყობიდან და თავი ხელში აიყვანო.. 🔺მე მესმის რომ ხალხიც გააღიზიანა ამ ფაქტმა მაგრამ ესე ერთი ხელის მოსმით ნუ აკეთებთ დასკვნებს და შეურაცხყოფილ კომენტარებს ნუ წერთ ადამიანზე რომელმლაც არაერთხელ ასახელა საქართველო!!! 🔺მჯერა რომ ნიკოლოზი თავს გაართმევს ამ სირთულეს და გადალახავს ამ პრობლემასაც ისე ლოიალურად რომ არცერთი მხარე არ დაზარალდეს!!!! 🔺მე მჯერა იმის რომ ნიკა ქალს ფიზიკურად არ გაუსწორდებოდა, მითუმეტეს შვილის თანდასწრებით. რასაკვირველია ქალის პოზიციაც მესმის და შეიძლება დიდი სტრესის ფონზე ისეთი ჩვენება მისცა რომ მორალური ზიანი მიეყენებინა ნიკასთვის. 🔺მჯერა რომ ამ ეტაპზე ვერ ხვდება მისი ყოფილი მეუღლე თუ რა დონის ზიანი მიაყენა ნიკოლოზს მაგრამ გავა დრო და დარწმუნებული ვარ რომ ინანებს ... 🔺მე გულით ვუსურვებ ორივე მხარეს მშვიდობას და იმედია გაითვალისწინებენ რომ ბავშვი იზრდება და სამომავლოდ არც დედის და არც მამის მიმართ გასროლილი ტალახი მისთვის ადვილი გადასატანი არ იქნება .მშვიდობა ორივე მხარეს და წარმატებები ნიკოლოზს @nikolozbasilashvili ♥️✊🙏

A post shared by MARCUS METREVELI (@marcus_metreveli) on

„მე მჯერა იმის რომ ნიკა ქალს ფიზიკურად არ გაუსწორდებოდა, მით უმეტეს შვილის თანდასწრებით. რასაკვირველია, ქალის პოზიციაც მესმის და შეიძლება დიდი სტრესის ფონზე, ისეთი ჩვენება მისცა, რომ მორალური ზიანი მიეყენებინა ნიკასთვის,“- ამ სიტყვებით ცდილობს მარკუსი საზოგადოების სიტუაციაში გარკვევას. ცნობილი მომღერალი მარკუს მეტრეველი პროფესიით ბერძნული ენის ფილოლოგია. მისი ცხოვრება არასდროს ყოფილა სკანდალების გარეშე. მეუღლე და ორი ვაჟი, 20 წლით უფროსი მდიდარი ქალბატონები, მისი ორიენტაცია, საქმიანობა და ფოტოსესიებიც კი, საზოგადოებას დიდი ხნის მანძილზე არ ავიწყდება.

View this post on Instagram

#საბადურისტყე🍁🍂🌲🌳

A post shared by MARCUS METREVELI (@marcus_metreveli) on

გარდა იმისა, რომ მუსიკალური კარიერა ადრეული ასაკიდან საბერძნეთში დაიწყო, მხოლოდ ერთ პროფესიას არ ჰკიდებს ხელს. მარკუს მეტრეველმა სამოდელო სფეროშიც წარმატებით სცადა თავი და დიზაინერობაც დაიწყო. მომღერალ მარკუს მეტრეველს მდიდრულად ჩაცმა-დახურვა და მოგზაურობა ძალიან უყვარს. ყველგან და ყოველთვის, ნებისმიერ გაუგებარ სიტუაციასშიც კი საუკეთესოდ გამოიყურება. შესაბამისა,  მას ბევრი განიხილავს, ზოგი კრიტიკულად, ზოგი აღფრთოვანებით.

8
თემები:
სელებრითების ცხოვრება
ლაბორატორია

COVID-19 საქართველოში: პაციენტების 80% გამოჯანმრთელდა

25
(განახლებულია 15:14 30.05.2020)
საქართველოში დღითი დღე იზრდება იმ პაციენტების რაოდენობა, რომლებმაც საშიში ინფექცია COVID-19 დაამარცხეს.

თბილისი, 30 მაისი — Sputnik. საქართველოში COVID-2019 ერთ დღე-ღამეში 24 პაციენტმა დაამარცხა, ნათქვამია სამთავრობო ვებგვერდზე stopcov.ge.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/29 მაისი >>

ამ დროისათვის საქართველოში ახალი კორონავირუსი 757 ადამიანს დაუდგინდა, აქედან 600 (80%) გამოჯანმრთელდა. ეპიდემიის დაწყებიდან დღემდე გარდაიცვალა 12 ადამიანი.

ამ დროისათვის COVID-19-გან 134 პაციენტი მკურნალობს. ამგვარად, ქვეყანაში გამოჯანმრთელებული პაციენტების რაოდენობა ამჟამინდელ ინფიცირებულებს ოთხჯერ და უფრო მეტჯერ აჭარბებს.

კარანტინის რეჟიმში იმყოფება 3031, ხოლო სტაციონარებში დაკვირვების ქვეშ 262 პაციენტია. ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

საქართველოში კორონავირუსის პირველი შემთხვევა 26 თებერვალს დაფიქსირდა. კორონავირუსის პანდემიასთან დაკავშირებით საქართველოში 21 მარტს საგანგებო მდგომარეობა გამოცხადდა, რომელიც 23 მაისს გაუქმდა, თუმცა ზოგიერთი შეზღუდვა კვლავ დარჩა. ხელისუფლება შეზღუდვებს ეტაპობრივად ხსნის.

25
თემები:
COVID-19 საქართველოში