ტიკარაძე: 2020 წელს საცხოვრებელ ფართს კიდევ 5000 იძულებით გადაადგილებული ოჯახი მიიღებს

© photo: Sputnikმშენებარე სახლი
მშენებარე სახლი - Sputnik საქართველო
გამოწერა
41 ათასი იძულებით გადაადგილებული ოჯახი სახელმწიფომ უკვე დააკმაყოფილა საცხოვრებლით, ხოლო წლის ბოლომდე საკუთარი სახლი კიდევ 5 ათას ოჯახს ექნება

თბილისი, 5 თებერვალი — Sputnik. 5000-ზე მეტი იძულებით გადაადგილებული ოჯახი სახელმწიფოსგან მუდმივ საცხოვრებელ ფართს მიიღებს, ამის შესახებ განაცხადა დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ პარლამენტში „მინისტრის საათის" ფარგლებში დეპუტატების წინაშე სიტყვით გამოსვლისას.

წყალტუბოს რაიონში ბინას კიდევ 560 დევნილ ოჯახს გადასცემენ >>

ჯანდაცვის მინისტრის განცხადებით, გრძელვადიანი განსახლების სახელმწიფო პროგრამების ფარგლებში საცხოვრებელი უკვე 41 000-ზე მეტ ოჯახს გადაეცა. 2019-2020 წლებში ამ მიზნებზე სახელმწიფო ბიუჯეტიდან გამოიყო 70 მილიონი ლარი, რაც საცხოვრებლით 5 000-ზე მეტი დევნილი ოჯახის უზრუნველყოფას უნდა მოხმარდეს.

შიდა ქართლის სოფელი ბერშუეთი - Sputnik საქართველო
დევნილთა სააგენტო სოფლად სახლს კიდევ 401 დევნილი ოჯახისთვის შეიძენს

გარდა ამისა, პროექტ „სოფლად სახლის“ ფარგლებში სახლს კიდევ 240 იძულებით გადაადგილებულ ოჯახს შეუძენენ. პროექტი გერმანიის მთავრობის მხარდაჭერით ხორციელდება და მისი ბიუჯეტი 10 მილიონ ევროს შეადგენს.

პროექტი „სოფლად სახლი“ 2013 წელს დაიწყო. 2019 წელს პროგრამის ფარგლებში სახლები 1050 იძულებით გადაადგილებულმა ოჯახმა მიიღო.

„ხელისუფლება, რა თქმა უნდა, გააგრძელებს ყველა პროგრამას დევნილთა საჭიროებებზე დროულად რეაგირებისთვის, თუმცა აქვე მინდა განსაკუთრებით აღვნიშნო, რომ ბინების განაწილების პროცესში, სახელმწიფო მოქმედებს კანონის ფარგლებში და დეტალურად მიჰყვება იმ კრიტერიუმებს, რომლებიც ორიენტირებულია დევნილთა რეალურ საჭიროებებზე“, - განაცხადა მინისტრმა.

მინისტრმა აღნიშნა, რომ სახელმწიფოს პრიორიტეტი არამხოლოდ დევნილთა საცხოვრებლით უზრუნველყოფა, არამედ საზოგადოებაში მათი სოციალური ინტეგრაცია, ეკონომიკური მდგრადობის ხელშეწყობა და რაც მთავარია საკუთარ სახლებში დაბრუნება იქნება.

ყველა ახალი ამბავი
0