პენსიონერები საქართველოში

სოცმომსახურების სააგენტომ 43 თანამშრომელი დაითხოვა

121
ჯანდაცვის სამინისტრო დათხოვნილ თანამშრომლებს იმით ანუგეშებს, რომ ისინი ახალ სტრუქტურაში ვაკანსიის კონკურსში მონაწილეობას შეძლებენ და თუ გაუმართლებთ, დასაქმდებიან კიდეც

თბილისი, 29 იანვარი — Sputnik. საქართველოში 28 სოცმუშაკი და სოცმომსახურების სააგენტოს სხვადასხვა დეპარტამენტის 15 თანამშრომელი 1 თებერვლიდან უმუშევარი რჩება, იუწყება პირველი არხი.

აღნიშნულ გადაწყვეტილებას ჯანდაცვის სამინისტროში სტრუქტურულ რეორგანიზაციით ხსნიან და აღნიშნავენ, რომ სოცმუშაკების რაოდენობა არ შემცირდება.

საქართველოში სოციალური მუშაკების ნახევარზე მეტი გაფიცულია >>

2020 წლის პირველი თებერვლიდან მეურვეობა-მზრუნველობის, ბავშვთა და ოჯახში ძალადობის ადმინისტრირების ფუნქციას ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდი შეითავსებს. აქამდე აღნიშნულ საკითხებს სოცმომსახურების სააგენტო კურირებდა. შესაბამისად, ის თანამშრომლები, რომლებიც მუშაობდნენ სააგენტოში, კონკურსის გავლას და ახალ ფონდში დასაქმებას შეძლებენ.

„სოციალურ მუშაკებს ექნებათ შესაძლებლობა, მიიღონ მონაწილეობა კონკურსში. საბოლოოდ მათზე და საკონკურსო კომისიაზე იქნება დამოკიდებული დასაქმდებიან თუ არა ისინი გამოცხადებულ ვაკანტურ პოზიციებზე. სოციალური მომსახურების სააგენტოში რეორგანიზაცია მიმდინარეობს 2019 წლის პირველი მარტიდან, შესაბამისად აბსოლუტურად ყველა ეტაპზე, თანამშრომლებისთვის იყო სრულყოფილი ინფორმაცია მიწოდებული, არაერთხელ ყოფილან ისინი პირადად ჩემთანაც მსგავსი ტიპის კითხვებით, რაზეც პასუხი მიუღიათ. წერილებშიც, რომელიც მათ დაეგზავნათ, ახსნილია მათი გათავისუფლების მიზეზი. მე დღესაც მაქვს მათთან კომუნიკაცია, მქონდა წარსულშიც და მექნება ყოველთვის, როცა მათ დავჭირდები რამე საკითხთან მიმართებაში“, – აღნიშნა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ, გიორგი წოწკოლაურმა.

წოწკოლაურის თქმით, სოციალური მომსახურების სააგენტომ გათავისუფლებასთან დაკავშირებით თანამშრომლებს წერილობით მიმართა და ორთვიანი კომპენსაციაც გადასცა. მან აღნიშნა, რომ რეორგანიზაციის პროცესში სპეციალური კომისიის წევრები გაესაუბრნენ ყველა თანამშრომელს და მათ სრული ინფორმაცია მიაწოდეს.

მინისტრის მოადგილემ ასევე განაცხადა, რომ სოცმუშაკებს ხელფასები გაეზარდათ. კერძოდ, სოცმუშაკის ხელფასი 1200 ლარს შეადგენს, ხოლო უფროსი სოცმუშაკის - 1400 ლარს.

სოცმუშაკების პროფკავშირებში აცხადებენ, რომ ჯანდაცვის სამინისტროს წინააღმდეგ სასამართლოში სარჩელს შეიტანენ. ისინი ასევე საპროტესტო აქციების დაწყებას არ გამორიცხავენ.

ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდის დირექტორის, მერი მაღლაფერიძის თქმით, იქმნება ახალი უწყება, რომელსაც სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტო ერქმევა.

„ეს იქნება დადებითი მოვლენა, რადგან სერვისების მიმწოდებლები გაერთიანდებიან. რა თქმა უნდა, რეორგანიზაციის ფარგლებში წარმოიშობა ვაკანტური პოზიციები და კანონის შესაბამისად კონკურსი მთელი საქართველოს მასშტაბით გამოცხადდება“, – აღნიშნა მაღლაფერიძემ.

მაღლაფერიძე ირწმუნება, რომ სოცმუშაკების რაოდენობა არ შემცირდება და ბავშვზე ზრუნვის მიმართულება გაძლიერდება.

„აღსანიშნავია, რომ არამც და არამც არ მცირდება სოციალური მუშაკების რაოდენობა, პირიქით, პოზიციები ემატება და ასევე ემატება სხვადასხვა ფუნქციები მათ გასაძლიერებლად. ჩვენი ორგანიზაციისთვის ეს იქნება წამყვანი ფუნქცია და ყველაფერს გავაკეთებთ იმისთვის, რომ გავაძლიეროთ ბავშვზე ზრუნვის მიმართულება“, – განაცხადა მერი მაღლაფერიძემ.

შეგახსენებთ, რომ გასული წლის მარტში სოცმუშაკებმა გაფიცვა გამოაცხადეს. მუშაობაზე უარი განაცხადა 244-დან 180-მა სოციალურმა მუშაკმა, რომლებიც სამუშაო პირობების გაუმჯობესებას მოითხოვდნენ. მოთხოვნებს შორის დასახელდა თანამშრომლების შტატის გაზრდა, მათი უზრუნველყოფა ტრანსპორტით, სოციალური მომსახურების ცენტრების ადაპტაცია შშმ პირთათვის, ოთახების მოწყობა კონფიდენციალური და ინდივიდუალური გასაუბრებისთვის. სულ სიაში 22 მოთხოვნა იყო.

121
თემები:
სოციალური სფერო საქართველოში (164)
გიორგი გახარია

გიორგი გახარია: 20 ივნისს ისევ მოგიწევთ ჩემგან ინტერვიუს აღება

345
(განახლებულია 22:18 05.06.2020)
საქართველოს პრემიერის განცხადებით, იგი არ აპირებს თანამდებობის დატოვებას და პასუხისმგებლობას გრძნობს იმაზე, რასაც აკეთებს.

თბილისი, 5 ივნისი — Sputnik. საქართველოს პრემიერ-მინისტრმა გიორგი გახარიამ განაცხადა, რომ არ გეგმავს თანამდებობის დატოვებას.

„დიახ, მე ვიქნები პრემიერი“, – განაცხადა გახარიამ ჟურნალისტის კითხვაზე, 20 ივნისის მოვლენების წლისთავზე იგი ისევ იქნება თუ არა მთავრობის მეთაური. 2019 წლის 20 ივნისს გამართული საპროტესტო აქცია არეულობაში გადაიზარდა, რომელიც მომიტინგეთა დაშლით დასრულდა. მაშინ გახარიას შინაგან საქმეთა მინისტრის პოსტი ეკავა და მიტინგის დაშლის ოპერაციას ხელმძღვანელობდა. 

ოპოზიციური ტელეკომპანია „მთავარი არხი“ საკუთარ წყაროზე დაყრდნობით ამტკიცებს, რომ გახარიას გადადგომის შესახებ გადაწყვეტილება უკვე მიღებულია – პრემიერი პოსტს 20 ივნისამდე დატოვებს. ტელეკომპანია ასევე იუწყება, რომ პრემიერის გადადგომა მმართველი პარტია „ქართული ოცნების“ დამფუძნებელმა ბიძინა ივანიშვილმა 1 ივნისს გამართულ შეხვედრაზე მოითხოვა, თუმცა გახარიამ თანამდებობის დატოვებაზე უარი განაცხადა.

„ჩემთვის მნიშვნელობა არ აქვს, ვის მიერ და რა მიზნით ვრცელდება ეს ხმები. მინდა, მადლობა გითხრათ, რომ უკვე იმუნიტეტი შემძინეთ. იმდენად ხშირად სვამთ ამ კითხვას, რომ ამაზე არანაირი რეაქცია აღარ მაქვს. საბოლოო ჯამში, კონცეპტუალურად არანაირი მნიშვნელობა არ აქვს პერსონალურად ჩემთვის, ვიქნები მთავრობაში, ვიქნები ხელმძღვანელი, თუ ფერმერი, მე ჩემს საქმეს ყველგან გავაკეთებ. უკიდურესად მნიშვნელოვანია და პასუხისმგებლობას ვგრძნობ იმაზე, რასაც ვაკეთებ. ამიტომ გპასუხობთ: 20 ივნისს ისევ მოგიწევთ ჩემგან ინტერვიუს აღება“, – განაცხადა გიორგი გახარიამ.

გიორგი გახარია საქართველოს პრემიერ-მინისტრი 2019 წლის სექტემბერში გახდა მიუხედავად იმისა, რომ შინაგან საქმეთა მინისტრის პოსტიდან მის გადადგომას თბილისის ცენტრში გამართულ მიტინგებზე სამი თვის მანძილზე ითხოვდნენ.

გახარიას თანამდებობიდან გადადგომა იყო სამოქალაქო აქტივისტების ერთ-ერთი მთავარი მოთხოვნა, რომლებიც მას ადანაშაულებდნენ იმაში, რომ მინისტრობის დროს 20 ივნისის საპროტესტო აქციის დაშლისას მან უფლებამოსილებას გადაამეტა. იმ ღამით აქციის დაშლისას 240 ადამიანი დაშავდა.

345

შვებულება დასვენების გარეშე სად და როგორ აპირებენ ქართველები ზაფხულში დასვენებას

45
(განახლებულია 20:52 05.06.2020)
ზაფხული სიცხის, დასვენებისა და შვებულებების სეზონია, თუმცა კორონავირუსმა აქაც მოახერხა ცვლილებების შეიტანა.

იხილეთ „Sputnik-საქართველოს“ ვიდეოში, როგორ და სად აპირებენ ზაფხულის დასვენების გატარებას ქართველები.

სასტუმროები საქართველოში მუშაობას 8 ივნისიდან განაახლებენ. 15 ივნისიდან გაიხსნება შიდა ტურიზმის სეზონი, ხოლო 1 ივლისიდან პირველი საერთაშორისო ვიზიტორების მიღება დაიწყება.

რეკომენდაციების თანახმად, ყველა სასტუმროს ჰოლში ყოველდღიურად გაუზომავენ სიცხეს პერსონალს და ვიზიტორებს. ყველა ვიზიტორი ვალდებული იქნება ეკეთოს ნიღაბი და დაიცვას ჰიგიენის წესები, ხოლო ადამიანებს შორის დისტანცია ორ მეტრს უნდა შეადგენდეს.

უსაფრთხოების ასეთმა მკაცრმა წესებმა შესაძლოა სრულფასოვან დასვენებას ხელი შეუშალოს, თუმცა ქვეყნის მოსახლეობის ნაწილისთვის ეს პრობლემას არ წარმოადგენს.

თუმცა არიან ისეთებიც, ვისაც ეშინია ვირუსის, ამიტომ ისინი არსად წასვლას არ აპირებენ.

45
სავსე მთვარე

მთვარის კალენდარი: 6 ივნისი რისი გაკეთება შეიძლება და რისი არა

0
(განახლებულია 20:37 05.06.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 ივნისი, შაბათი. ამ დღეს სატურნი მართავს. კლებადი მთვარე მშვილდოსნის ნიშანშია.

სავსემთვარეობის შემდეგ, როდესაც ხდება სასიცოცხლო და ფსიქოლოგიური ენერგიის დაგროვება, იწყება ამ ენერგიის თანდათანობითი შემცირება.

მოსალოდნელია მდგომარეობის, იდეებისა და განწყობის ხშირ–ხშირი ცვლა. ეს ეხება როგორც საქმიან სფეროს, ისე პირად ურთიერთობებს. კარგი დღეა კვირის განმავლობაშ დაგროვებული ამოცანების გადასაჭრელად, გეგმების შესადგენად.

თმის შეჭრა, შეღებვა: მშვილდოსანი, მორიელის მსგავსად, არაერთმნიშვნელოვან გავლენას ახდენს თმის ვარცხნილობის შეცვლაზე. მაგალითად, თუ თმის შეჭრა გინდათ და ვარცხნილობის დიდხანს შენარჩუნება, მაშინ, სჯობს, ეს სხვა დროისთვის გადადოთ – თმა მალე გაიზრდება და ვერ დაიმორჩილებთ. თმის შეჭრისთვის კარგი დღეა, თუ თმის ზრდის პროცესის შენელება გსურთ. გაითვალისწინეთ – თუ მაინც გადაწყვეტთ თმის შეჭრას, უპირატესობა სწორ, დავარცხნილ სტილს მიანიჭეთ და არა ხვეულ თმას. ასევე, შეიძლება არ გაამართლოს მოლოდინებმა თმის შეღებვასთან დაკავშირებით – თმა მალე გაფერმკრთალდება.

მთვარის დაბნელება 5 ივნისს: მასშტაბური მოვლენა, რომლითაც დაბნელებების დერეფანი იხსნება>>

მებაღეობა: მშვილდოსანი მთვარის კალენდარში ნაკლებად ნაყოფიერი ნიშანია, მაგრამ ამ დღეს ბაღში სხვადასხვა სამუშაოების შესრულება შეიძლება, მათ შორის, სასუქის მიცემა, გასხვლა, მცოცავი მცენარეების დარგვა და სხვ. მებაღეობის შესახებ ივნისში დეტალურად იხილეთ აქ.

0