ნიღბები გრიპის სეზონზე

არსებობს თუ არა საქართველოში კორონავირუსის გავრცელების საფრთხე

117
ჩინეთში დაფიქსირებულმა ახალმა ვირუსმა საქართველომდე შეიძლება ვერ მოაღწიოს, ვინაიდან ქვეყანას არ გააჩნია პირდაპირი ავიამიმოსვლა პროვინციასთან, სადაც ვირუსი გამოვლინდა

თბილისი, 20 იანვარი - Sputnik. ჩინეთში დაფიქსირებული ახალი, უცნობი ვირუსის საქართველოში გავრცელების არც თეორიული, არც პრაქტიკული საფრთხე არ არსებობს, განაცხადა პრესკონფერენციაზე დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.

ამირან გამყრელიძე: გრიპის ახალი შემთხვევების რაოდენობა შემცირდა >>

დეკემბრის ბოლოს ჩინეთის ხელისუფლებამ ქალაქ უხანში გაურკვეველი წარმომავლობის პნევმონიის აფეთქების შესახებ განაცხადა. როგორც ექსპერტებმა დაადგინეს, დაავადების გამომწვევი კორონავირუსის ახალი ტიპი გახდა.

„(ვირუსის) გავრცელების რისკი ჩვენთან მინიმალურია, ვინაიდან ამ პროვინციასთან პირდაპირი ავიამიმოსვლა არ გვაქვს. ვმუშაობთ გეგმაზე, რომელიც რეკომენდებული იქნება მსოფლიო ჯანდაცვის ორგანიზაციისა და აშშ-ის დაავადებათა კონტროლის ცენტრის მიერ. ამ ეტაპზე ქვეყანაში ვირუსის გავრცელების არც თეორიული, არც პრაქტიკული საფრთხე არ არსებობს“, - განაცხადა გამყრელიძემ.

როგორც მან აღნიშნა, ამ ვირუსით ინფიცირების რამდენიმე შემთხვევა დაფიქსირდა ტაილანდსა და იაპონიაში, რომელთაც ჩინეთის ამ პროვინციასთან პირდაპირი ავიამიმოსვლა აკავშირებთ.

უცხოური მასმედიის ცნობით, ამ დროისთვის ქალაქ უხანში ინფიცირებულთა რაოდენობამ 217-ს მიაღწია. სამი გარდაიცვალა. ორშაბათს გავრცელებული ინფორმაციით, კორონავირუსით დაავადების ორი შემთხვევა დაფიქსირდა პეკინშიც, რამდენიმე ათეული ადამიანი კარანტინში დაკვირვების ქვეშ იმყოფება. ჩჟეძიანისა და გუანდუნის პროვინციებში კარანტინში მოთავსებულია 13 ადამიანი მსგავსი სიმპტომებით.

კორონავირუსები - 30-ზე მეტი ვირუსის ოჯახია, რომელიც ორ ქვეჯგუფად იყოფა. პირველად მათი იდენტიფიცირება 1965 წელს მოხდა. ვირუსი შეიძლება შეეყაროს ადამიანებს, შინაურ ცხოველებს, ფრინველს, მსხვილფეხა პირუტყვს. კორონავირუსი აზიანებს სასუნთქ სისტემას, კუჭ-ნაწლავის ტრაქტს, ნერვულ სისტემას.

117
თემები:
COVID-19-ის პანდემია მსოფლიოში (1149)
ბორჯომი და ქართული ლიმონათი სუფრაზე

დაბადების დღის კლასტერი სოფელი დიღომი ეპიდემიოლოგების ყურადღების ქვეშაა

22
(განახლებულია 17:06 22.09.2020)
ბოლო მონაცემებით, საქართველოში ინფიცირებულთა რაოდენობამ 3 913–ს მიაღწია, გამოჯანმრთელდა 1574, გარდაიცვალა 23.

თბილისი, 22 სექტემბერი - Sputnik.  თბილისში, სოფელ დიღომში კორონავირუსით ინფიცირებულთა ე.წ. კლასტერი  ჩამოყალიბდა, განაცხადა  დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს სხდომის დასრულების შემდეგ.

მისი თქმით,  ინფიცირების შემთხვევები დაბადების დღესთან დაკავშირებულ შეკრებას უკავშირდება.

„სოფელ დიღომში კორონავირისით ინფიცირებულთა კლასტერი დაბადების დღესთან არის  დაკავშირებული.  ჩემი ინფორმაციით, ეს იყო ძველი თანაკლასელების შეხვედრა.  ამ ეტაპზე მათი ყველა კონტაქტი გამოკვლეულია “, – განაცხადა ამირან გამყრელიძემ. 

 

გამყრელიძემ მოსახლეობას კიდევ ერთხელ მოუწოდა, დაიცვან ჯანდაცვის სამინისტროს ყველა რეკომენდაცია, გამოიჩინონ მოქალაქეობრივი პასუხისმგებლობა, ატარონ პირბადე, დაიცვან სოციალური დისტანცია და თავი შეიკავონ ხალხმრავალი შეკრებებისგან.

ეპიდემიოლოგიური სიტუაციის გაუარესების გამო, უწყებათშორისი საკოორდინაციო საბჭოს გადაწყვეტილებით, ქვეყანაში ადრე დაწესებული რიგი შეზღუდვები კვლავ ამოქმედდა. 10 სექტემბრიდან იკრძალება  კულტურული და სპორტული ღონისძიებების გამართვა როგორც დახურულ, ისე ღია სივრცეებში, რომელშიც 200-ზე მეტი ადამიანი მონაწილეობს, ასევე რიტუალური ღონისძიებების, ქორწილების, დღესასწაულების, იუბილეებისა და ქელეხების გამართვა (არაუმეტეს 10 ადამიანისა) და ა.შ..

დღეს საქართველოში კორონავირუსის შემთხვევების რაოდენობა 218–ით, გამოჯანმრთელებულთა რაოდენობა კი 40–ით გაიზარდა.  დღეს ასევე დაფიქსირდა კორონავირუსით გარდაცვალების სამი ფაქტი.

ბოლო მონაცემებით, საქართველოში ინფიცირებულთა რაოდენობამ 3 913–ს მიაღწია, გამოჯანმრთელდა 1574, გარდაიცვალა 23. კარანტინის რეჟიმში იმყოფება 4988, ხოლო სტაციონარებში ექიმების დაკვირვების ქვეშ 836 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა.

22
თემები:
COVID-19 საქართველოში
საველე კარავი

იგეგმება თუ არა თბილისში საველე კარვების მოწყობა? გამყრელიძის განმარტება

40
(განახლებულია 17:32 22.09.2020)
დღეს საქართველოში კორონავირუსის შემთხვევების რაოდენობა 218–ით გაიზარდა, მათგან 48 თბილისში დადასტურდა.

 

თბილისი, 22 სექტემბერი - Sputnik. თბილისში ამ დროისთვის საველე კარვების მოწყობა არ იგეგმება, განაცხადა  დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს სხდომის დასრულების შემდეგ.

თუმცა, გამყრელიძის განმარტებით,  იუსტიციის სახლის მიმდებარე ტერიტორიაზე მოწყობილია შესაბამისი სივრცე, სადაც დღეს და ხვალ მოქალაქეებს ტესტის გაკეთების საშუალება ექნებათ – კვლევა დაახლოებით 1000 ადამიანზე ჩატარდება, რათა დადგინდეს რა ინტენსივობით ცირკულირებს ქვეყანაში ინფექცია. 

„გვსურს თბილისში  ინფექციის ცირკულირების ინტენსივობა  გავზომოთ.  ამიტომაც მოგიწოდებთ ჩაერთოთ ჩვენს კვლევაში.  იუსტიციის სახლის მიმდებარე ტერიტორიაზე უკვე  მოწყობილია შესაბამისი სივრცე,  ნებისმიერ მსურველს დღეს და ხვალ შეუძლია მისვლა და ტესტის ჩატარება, რომლის პასუხიც ცნობილი მეორე დღესვე იქნება“, – განაცხადა გამყრელიძემ.

შეგახსენებთ,  საველე კარვები ამ დროისთვის აჭარის რეგიონში კერძოდ, ბათუმსა და ქობულეთშია განთავსებული. გაფართოებული ტესტირების ფარგლებში, ნებისმიერ მსურველს PCR–ტესტის აღება უფასოდ შეუძლია. საკოორდინაციო საბჭომ აჭარის რეგიონში საველე კარვების განთავსების გადაწყვეტილება კორონავირუსით ინფიცირებულთა რაოდენობის შემთხვევების ზრდისა და ზაფხულის სეზონზე აჭარაში დამსვენებლების რიცხვის მატების გამო მიიღო.

დღეს საქართველოში კორონავირუსის შემთხვევების რაოდენობა 218–ით გაიზარდა, მათგან 48 თბილისში დადასტურდა. დღეს ასევე დაფიქსირდა კორონავირუსით გარდაცვალების სამი ფაქტი.

ბოლო მონაცემებით, საქართველოში ინფიცირებულთა რაოდენობამ 3 913–ს მიაღწია, გამოჯანმრთელდა 1574, გარდაიცვალა 23. კარანტინის რეჟიმში იმყოფება 4988, ხოლო სტაციონარებში ექიმების დაკვირვების ქვეშ 836 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა.

40
თემები:
COVID-19 საქართველოში