პაატა იმნაძე

იმნაძე: დაახლოებით 16 ათასმა ადამიანმა უარი განაცხადა С ჰეპატიტის მკურნალობაზე

103
(განახლებულია 20:21 14.01.2020)
სახელმწიფო აუდიტის სამსახურმა აღმოაჩინა, რომ С ჰეპატიტის მკურნალობისთვის განკუთვნილ მედიკამენტებს, რომელთა ღირებულებაც 560,6 მლნ ლარს აღემატება, ვადა გაუვიდა.

თბილისი, 14 იანვარი — Sputnik. საქართველოში დაახლოებით 16 ათასმა ადამიანმა უარი განაცხადა С ჰეპატიტის მკურნალობაზე და მედიკამენტები, რომელთაც ვარგისიანობის ვადა გაუვიდა, სწორედ მათთვის იყო განკუთვნილი, განაცხადა საზოგადოებრივი ჯანდაცვისა და დაავადებათა კონტროლის ეროვნული ცენტრის სამეცნიერო ხელმძღვანელმა პაატა იმნაძემ პრესკონფერენციაზე. 

პარასკევს სახელმწიფო აუდიტის სამსახურმა განაცხადა, რომ С ჰეპატიტის მკურნალობისთვის განკუთვნილ მედიკამენტებს, რომელთა ღირებულებაც 560,6 მლნ ლარს აღემატება, ვადა გაუვიდა და ისინი ჩამოწერეს.

„საუბარია მედიკამენტის 2 ათას დოზაზე. და ეს მაშინ, როდესაც დღესაც 16 ათასი ადამიანია, რომლებსაც დაუდგინდათ С ჰეპატიტი და უარს აცხადებენ მკურნალობაზე მიუხედავად იმისა, რომ მათ რამდენჯერმე დაუკავშირდნენ და სთხოვეს პროგრამაში ჩართვა. ამასთან, ზაფხულიდან პროგრამაში ჩართვა აბსოლუტურად უფასოა. ეს წამლები ამ ადამიანებისთვის იყო. ეს ადამიანები არ მივიდნენ. წარმოიდგინეთ, რა მოხდებოდა, ეს ადამიანები რომ მისულიყვნენ და წამლები რომ არ ყოფილიყო... მათ ეს მკურნალობა ეკუთვნით, მაგრამ ძალით ჩვენ ვერ ვაიძულებთ მკურნალობას“, – განაცხადა იმნაძემ.

ადრე ერთ-ერთი მიზეზი, რის გამოც ამ ადამიანებმა უარი განაცხადეს მკურნალობაზე, იყო თანხის გარკვეული ოდენობა, რომელიც საჭირო იყო გამოკვლევის ჩასატარებლად. მიუხედავად იმისა, რომ ეს მომსახურებაც უკვე უფასოა, ეს ადამიანები მაინც უარს აცხადებენ პროგრამაში ჩართვაზე.

იმნაძის განცხადებით, С ჰეპატიტი „ნაზი მკვლელია“, რომელმაც შეიძლება ადამიანი მთელი ცხოვრების განმავლობაში არ შეაწუხოს, მაგრამ როდესაც სიმპტომები გამოვლინდება, შეიძლება დაგვიანებული იყოს.

„ქართველი კაცის ფსიქოლოგია ხომ იცით – სანამ რამე არ შეაწუხებს, ექიმთან არ მიდის“, – აღნიშნა იმნაძემ და დასძინა, რომ ეს ადამიანები, როგორც ვირუსის გამავრცელებლები, საშიში არიან. 

იმნაძის სიტყვებით, პროგრამის გაგრძელების თვალსაზრისით პრობლემები არ იქნება. ამერიკულ კომპანია Gilead Sciences-ს, რომელიც საქართველოს აღნიშნული მედიკამენტებით ამარაგებს, არანაირი პრობლემა არ აქვს იმასთან დაკავშირებით, რომ წამლებს ვადა გაუვიდა.

„არ მესმის, სხვისთვის რატომ არის ეს პრობლემა“, – განაცხადა იმნაძემ.

ოპოზიცია ძვირადღირებული მედიკამენტების ჩამოწერასთან დაკავშირებით პასუხისმგებლობას ჯანდაცვის ყოფილ და ამჟამინდელ მინისტრებს – დავით სერგეენკოსა და ეკატერინე ტიკარაძეს აკისრებს. ჯანდაცვის სამინისტროსთან სამოქალაქო მოძრაობა „შეცვალეს“ აქტივისტებმა საპროტესტო აქცია გამართეს და ხელისუფლებას აღნიშნული ფაქტის გამოძიება და იმის დადგენა მოსთხოვეს, აღნიშნული მედიკამენტები რეალურად ვადაგასული იყო თუ ისინი „შავ ბაზარზე“ გაყიდეს.

С ჰეპატიტის უფასოდ მკურნალობის პროგრამა საქართველოში 2015 წელს დაიწყო. ამ პროგრამის ფარგლებში გაფორმდა 10-წლიანი შეთანხმება ამერიკულ კომპანიასთან Gilead Sciences, რომელიც ამარაგებს ქვეყანას დაავადების სამკურნალო ძვირადღირებული მედიკამენტებით. პროგრამის მონაწილეებს თავდაპირველად პრეპარატ „სოვალდის“ ურიგებდნენ, რომელიც მომდევნო წლებში გაუმჯობესებულმა პრეპარატმა „ჰავრონმა“ ჩაანაცვლა. 

საქართველოში აღნიშნული პროგრამის ფარგლებში С ჰეპატიტზე გამოკვლევა მოსახლეობის 60%-ს აქვს ჩატარებული, 65 ათასი ადამიანი მკურნალობას გადიოდა და გადის, აქედან 58 ათასი განიკურნა და მკურნალობა დაასრულა, დარჩენილთაგან 98,7% კი გამოჯანმრთელების სტადიაშია.

საქართველო დღეს ერთადერთი ქვეყანაა, სადაც C ჰეპატიტის მკურნალობა უახლესი თაობის მედიკამენტებით სრულიად უფასოა. C ჰეპატიტის ელიმინაციის ქართული პროგრამის ანალოგი არსად არ ყოფილა მსოფლიოში.

პროგრამა შეიძლება 2020 წლისთვის დასრულდეს, ამიტომ სპეციალისტები მოქალაქეებს მოუწოდებენ, რაც შეიძლება დროულად ისარგებლონ უფასო მკურნალობით.

2015 წელს ჩატარდა კვლევა, რომელმაც აჩვენა, რომ საქართველოს მოქალაქეთა თითქმის 8% С ჰეპატიტის მატარებელი იყო. ამიტომ ქვეყანა რთული გამოწვევის წინაშე აღმოჩნდა.

103
თემები:
ჯანდაცვა საქართველოში (208)
ლილოს ბაზრობა

ჯერი „ელიავას“ ბაზრობაზეა: ლილოსა და „დინამოს“ ბაზრობებზე კორონავირუსზე ტესტირება დასრულდა

49
(განახლებულია 20:39 03.08.2020)
კორონავირუსით ინფიციფრების ექვსისვე შემთხვევა ლილოს ბაზრობაზე დასაქმებულთა ტესტირების შედეგად გამოვლინდა. სადაც ჯამში 4700-ზე მეტი პირი დაიტესტა.

თბილისი, 3 აგვისტო - Sputnik. ლილოსა და ე.წ. დინამოს ბაზრობაზე დასაქმებულთა ტესტირება დასრულდა, შედეგად კორონავირუსით ინფიცირების ექვსი შემთხვევა გამოვლინდა, განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ, იუწყება პირველი არხი.

ინფიცირების წყარო ვერ დგინდება: კორონავირუსის ახალი შემთხვევები საქართველოში>>

კორონავირუსით ინფიციფრების ექვსივე შემთხვევა ლილოს ბაზრობაზე დასაქმებულთა ტესტირების შედეგად გამოვლინდა, სადაც ჯამში 4700-ზე მეტი პირი დაიტესტა. ამასთან, ეპიდემიოლოგები იკვლევენ აღნიშნულ ბაზრობასთან დაკავშირებული ოჯახის კონტაქტებსაც. აქედან გამომდინარე, შესაძლოა, ლილოს ბაზრობასთან დაკავშირებული სტატისტიკა კიდევ გაიზარდოს.

რაც შეეხება ე.წ. დინამოს ბაზრობას, ამირან გამყრელიძის თქმით, იქ შემთხვევითი შერჩევის პრინციპით 500-მდე ადამიანი დაიტესტა და ყველა პასუხი უარყოფითია.

„იმავე პრინციპით 500-მდე ადამიანის გამოკვლევა მიმდინარეობს ე.წ. ელიავას ბაზრობაზე, სადაც ეპიდემილოგები კიდევ რამდენიმე დღე იმუშავებენ. ეპიდვითარების გათვალისწინებით დაიგეგმება სხვა ბაზრობების კვლევაც“, – აღნიშნა გამყრელიძემ.

ამირან გამყრელიძის ცნობით, ბოლო კვირების განმავლობაში დადასტურებულ შემთხვევებიდან ყველას ინფიცირების წყარო დადგენილია.

რამდენიმე დღის წინ გარდაბნის მუნიციპალიტეტის სოფლებში კორონავირუსის ახალი შემთხვევები გამოვლინდა. ინფიცირების ჯაჭვის მიხედვით ეპიდემიოლოგები ლილოს ბაზრობაზე გავიდნენ, სადაც გარდაბნის მცხოვრებლები ვაჭრობენ. ამ ფაქტის გამო სპეციალისტებმა ყველა მოვაჭრის შემოწმება დაიწყეს.

 ლილოს ბაზრობის მსგავსად, კორონავირუსზე  სხვა ბაზრების მოვაჭრეთა შემოწმებაც იგეგმება.

3  აგვისტოს მონაცემებით, საქართველოში ინფიცირებულთა რიცხვმა 1179-ს მიაღწია, გამოჯანმრთელდა 959, გარდაიცვალა 17 ადამიანი.

საქართველოში კორონავირუსის პირველი შემთხვევა 26 თებერვალს დაფიქსირდა.

49
თემები:
COVID-19 საქართველოში
სოფო ნიჟარაძე

„ძალიან მენატრები“ ვის მიუძღვნა სოფო ნიჟარაძემ მორიგი გულისამაჩუყებელი პოსტი ამერიკიდან

582
(განახლებულია 14:11 31.07.2020)
სოციალურ ქსელში სოფო ნიჟარაძის ოფიციალურ გვერდზე უამრავი ადამიანია ჩასაფრებული. შეუდარებელმა ქართველმა მომღერალმა ყველასგან მოულოდნელად ქალიშვილი გააჩინა. სოფო ამჟამად ამერიკაშია. ახალბედა დედამ მორიგი ემოციური ფოტოსურათი შტატებიდან გამოაქვეყნა.

ნახევარ წელზე მეტია სოფო ნიჟარაძე ამერიკაში ცხოვრობს. ის მუსიკალურ კონკურსებს, მოსწავლეებთან გაკვეთილებს, საჯარო სივრცეებს, ტელეეკრანებსა და კონცერტებზე გამოჩენას ნელ-ნელა დაემშვიდობა. მიზეზი ამ თვის დასაწყისში გახდა ცნობილი. სოფო ნიჟარაძე 35 წლის ასაკში დედა გახდა. პოპულარულმა მომღერალმა ქალიშვილი ამერიკაში საზოგადოებისგან უცნობი მამაკაცისგან გააჩინა. სოფო ნიჟარაძე დღემდე დუმს.

ამ ბოლო დროს მის სოციალურ ქსელში გამოაქვეყნებული ფოტო თუ ვიდეო განხილვის საგნად ორჯერ იქცა, ვინაიდან მომღერალმა საკუთარი ფეხმძიმობისა და ქვეყნის დატოვების შესახებ მხოლოდ ახლობლებს გაუმხილა. დღემდე, ბავშვის სახელის გარდა, სხვა დეტალების მოძიება რთულია. სოფო ნიჟარაძემ პირველ ქალიშვილს ელის-მარია დაარქვა. პანდემიის დაწყებამდე არტისტმა მეორე ნახევართან გამგზავრება მოასწრო. მანამდეც და გამგზავრების შემდეგაც, ცნობილი სახე სოციალურ ქსელში ძველებურად არ აქტიურობდა, რათა მისი წამოზრდილი მუცელი არავის დაეფიქსირებინა.

View this post on Instagram

#beforequarantine

A post shared by Sofia Nizharadze (@sofianizharadze) on

სოფოს მიერ გამოქვეყნებული უკანასკნელი პოსტი საკმაოდ ემოციური აღმოჩნდა. მან ამერიკიდან ასეთი ხერხით მიულოცა მამის დღე გარდაცვლილ მამას. ახლა განსაკუთრებულმა მონეტრებამ დედასთან უფრო დააახლოვა. როგორც ჩანს, მომღერლის დედა და ძმა თბილისში იმყოფებიან. მომღერალ შვილთან გამგზავრებას პანდემიის გამო ვერ ახერხებენ.

მის ცხოვრებაში, ამბობდნენ, რომ სკანდალები იყო, თუმცა სოფომ არც ერთ მათგანს საჯაროდ არ უპასუხა. მომღერლის პირად ცხოვრებას აქტიურად განიხილავენ. სოფო ნიჟარაძე 1986 წლის 6 თებერვალს დაიბადა. ის მომღერალი, მსახიობი და სიმღერების ავტორია. დაამთავრა ზ. ფალიაშვილის სახელობის სამუსიკო გიმნაზია (ნიჭიერთა ათწლედი). შესრულებული აქვს ჯულიეტას როლი მიუზიკლ „რომეო და ჯულიეტას“ რუსულენოვან ვერსიაში. 2010 წლის მაისში წარადგინა საქართველო ევროვიზიის კონკურსზე სიმღერით Shine, მაშინ ქულათა საერთო ჯამით მე-9 ადგილზე გავიდა.

582
თემები:
სელებრითების ცხოვრება
გიორგი შაქარაშვილის სახელობის სტადიონი

თბილისში ერთ–ერთი სტადიონი შაქარაშვილის სახელობის გახდა

0
(განახლებულია 21:28 03.08.2020)
მაისური ნომრით 21 კლუბ „საბურთალოში“ მუდამ გიორგი შაქარაშვილისა დარჩება და ის გუნდის მუზეუმში შეინახება

თბილისი, 3 აგვისტო – Sputnik. საფეხბურთო კლუბმა „საბურთალომ“ დაღუპული 19 წლის ფეხბურთელის გიორგი შაქარაშვილის სახელობის სტადიონი გახსნა.

გიორგი შაქარაშვილის ცხედარი 22 ივნისს, ძებნიდან მეოთხე დღეს მდინარე არაგვში იპოვეს. ექსპერტიზამ დაადგინა, რომ ის მდინარეში დაიხრჩო, თუმცა მის სხეულზე სიცოცხლეში მიყენებული მრავლობითი დაზიანებები აღინიშნებოდა.

შაქარაშვილის გარდაცვალების საქმეს, რომელმაც დიდი საზოგადოებრივი რეზონანსი მიიღო, ორი – თავისუფლების უკანონო აღკვეთისა და ძალადობის მუხლით იძიებენ.

დაღუპული ფეხბურთელის სახელი საფეხბურთო აკადემია „საბურთალოს“ ერთ–ერთ სტადიონს მიენიჭა, რომელიც იოსებიძის ქუჩაზე მდებარეობს. გახსნას ესწრებოდნენ კლუბის ხელმძღვანელები, შაქარაშვილის ოჯახის წევრები, მეგობრები და პარტნიორები.

კლუბის პრეზიდენტმა ტარიელ ხეჩიკაშვილმა აღნიშნა, რომ მაისური №21 წარწერით „შაქარა" კლუბ „საბურთალოში“ მუდამ გიორგის კუთვნილება იქნება და ის კლუბის მუზეუში შეინახება.

გიორგი შაქარაშვილი დუბლშემადგენლობის მოთამაშე იყო. ხელმძღვანელობა და მწვრთნელთა შტაბი მასზე დიდ იმედებს ამყარებდნენ.

0
თემები:
19 წლის გიორგი შაქარაშვილის მკვლელობის საქმე