ბარი რესტორანში

სად აღვნიშნოთ ახალი წელი, ანუ რა დაგვიჯდება რესტორანი თბილისში

101
(განახლებულია 13:26 31.12.2019)
თბილისური რესტორნები უფრო უცხოელი ტურისტებისთვის არის მისაღები, ვიდრე ადგილობრივებისთვის, რადგან საახალწლო მენიუ საკმაოდ ძვირი ღირს.

თბილისი, 31 დეკემბერი — Sputnik. ახალი წლის აღნიშვნა თბილისის რესტორნებში – საკმაოდ ძვირი სიამოვნებაა. ინფლაციის ზრდამ, ლარის გაუფასურებამ, აგრეთვე რუსეთთან პირდაპირი ავიამიმოსვლის შეჩერებამ ტურიზმისა და გართობის სფეროზე თავისი კვალი დატოვა.

ახალი წელი საქართველოში: თბილისური ბაზრების კოლორიტი – ფოტო >>

„თუ შევადარებთ გასულ ახალ წელს და წლევანდელს, რა თქმა უნდა, სხვაობა იგრძნობა. მაშინ რესტორნებში მაგიდებს თვენახევრით-ორი თვით ადრე ჯავშნიდნენ. წელს მენეჯერები თავად რეკავენ და კითხულობენ, ხომ არ გვყავს ტურისტული ჯგუფები“, – გამოუტყდა „Sputnik–საქართველოს“ ტურისტული კომპანია New Tour-ის თანამშრომელი.

წელს ბევრმა რესტორანმა გაზარდა ფასები საახალწლო პროგრამაზე, რომელიც მოიცავს სადღესასწაულო მენიუს და შოუს მომღერლებისა და მოცეკვავეების მონაწილეობით.

„გასულ წელს ერთ პერსონაზე ღირებულება 150 ლარიდან იწყებოდა, ისიც ყველაზე უბრალო კაფეში, პრემიუმ-კლასის ადგილებში – დაახლოებით 250 ლარი. წელს ფასები იწყება 250 ლარიდან. ასევე არის ისეთი დაწესებულებები, სადაც საახალწლო ღამის ფასი 350 ლარია და, მერწმუნეთ, მენიუში არაფერი ზებუნებრივი არ არის”, – განუცხადა სააგენტოს თანამოსაუბრემ.

მაგალითად, რესტორან „კრწანისში“ კლიენტების რაოდენობა შემცირდა, ფასები კი გაიზარდა.

„ფასები დაახლოებით 10-15%-ით გაიზარდა. გასულ წელს ღირდა დაახლოებით 100 დოლარი, წელს 100 დოლარზე მეტი. ახლა დაჯავშნულია 75%, და ეს ძირითადად არიან ტურისტები მეზობელი ქვეყნებიდან. გასულ წელს რესტორანი სრული დატვირთვით მუშაობდა“, – უამბო „Sputnik-საქართველოს“ რესტორნის მენეჯერმა ნანა აბაშვილმა.

ეროვნული ბანკის პრეზიდენტმა  რუსეთთან ავიამიმოსვლის შეწყვეტით გამოწვეულ დანაკარგზე ისაუბრა >>

საახალწლო მენიუზე ფასების ზრდა ძირითადად ხორცისგან დამზადებული კერძების და ალკოჰოლური სასმელების გაძვირებით არის გამოწვეული.

პოპულარულ ქართულ რესტორანში „ძველი მეტეხი“ საახალწლო სუფრების ჯავშნები ორჯერ შემცირდა.

„დღეისათვის რესტორნის დატვირთვა არის მხოლოდ 50%, მაშინ როდესაც შარშან იყო 100%, საიდანაც 80% იყვნენ სტუმრები რუსეთიდან. ავიამიმოსვლის შეჩერება საგრძნობლად აისახა ბიზნესზე. ვაჭრობა 20-30%-ით შემცირდა. ძალიან მოქმედებს პოლიტიკური სიტუაციაც. ორი თვეა ზარალზე ვმუშაობთ“, – განუცხადა „Sputnik-საქართველოს“ „ძველი მეტეხის“ დირექტორმა ნუგზარ მაკარაშვილმა.

„ძველ მეტეხში“ ფასების მომატებისგან თავს იკავებენ, რათა პოტენციური კლიენტები არ დააფრთხონ. საახალწლო ღამეს, როგორც შარშან, ერთ კაცზე მენიუ 300 ლარი ღირს.

ზოგიერთ რესტორანში თანხის გადახდას ითხოვენ გასართობ პროგრამაში, ხოლო კერძებისა და სასმელების შეკვეთა ცალკე შეიძლება.

პრემიერმა ფასების ზრდის შეჩერების განკარგულება გასცა >>

„ფასები არ გაზრდილა. მომხმარებელი იხდის 70 ლარს გასართობ პროგრამაში, დანარჩენი თანხა შეკვეთილ მენიუზეა დამოკიდებული. ჩვენ შეკვეთებზე ლიმიტს არ ვაწესებთ, ვისაც რამდენი უნდა, იმდენს შეუკვეთავს. ახლა რესტორანი თითქმის 75%-ით არის შევსებული. გასულ წელსაც ასეთი მაჩვენებლები იყო“, – უამბო „Sputnik-საქართველოს“ რესტორან „კერიას“ მენეჯერმა თიკო კორაშვილმა.

როგორც ტურიზმის სფეროს ექსპერტები მიიჩნევენ, ფასების მომატების შემთხვევაში რესტორატორებმა მომსახურების ხარისხის გაუმჯობესებაზე უნდა იზრუნონ, რათა კლიენტები არ დაკარგონ.

101
თემები:
ახალი 2020 წელი (37)
Georgian Airways-ის თვითმფრინავი

სპეცრეისი გერმანიაში: ვინ წავა და ვინ ჩამოვა სუბსიდირებული ბილეთებით

505
(განახლებულია 20:09 07.08.2020)
ავიარეისს  ავიაკომპანია „ჯორჯიან ეარვეისს“  (Georgian Airways)  შეასრულებს. ავიაკომპანიას სპეციალური რეისის განხორციელების ნებართვა 7 აგვისტოს მისცეს

თბილისი, 7 აგვისტო - Sputnik. საქართველოს მთავრობის ხელშეწყობით, თბილისი-ბერლინი-თბილისის მიმართულებით მორიგი სპეციალური რეისი შესრულდება. ინფორმაციას ამის თაობაზე საქართველოს ეკონომიკის სამინისტროს სამოქალაქო ავიაციის სააგენტო ავრცელებს.

სააგენტოს ინფორმაციით, აღნიშნული სპეცრეისი ქართველი სტუდენტების გერმანიაში გამგზავრებისა და საქართველოს მოქალაქეების სამშობლოში დაბრუნების მიზნით განხორციელდება.

სპეციალური  რეისის შესასრულებლად აუცილებელი ნებართვა ავიაკომპანია „ჯორჯიან ეარვეისს“  (Georgian Airways) საქართველოს სამოქალაქო ავიაციის სააგენტომ 7 აგვისტოს მისცა. ავიარეისი ბოინგი B737-800 ტიპის საჰაერო ხომალდით შესრულდება.

„ფრენას ავიაკომპანია „ჯორჯიან ეარვეისი“ 11 აგვისტოს, შემდეგი განრიგით განახორციელებს: 11 აგვისტო, თბილისი-ბერლინი-თბილისი, გაფრენა 11:00, მოფრენა 19:30 საათი“, - აღნიშნულია განცხადებაში.

სამოქალაქო ავიაციის სააგენტოს ინფორმაციით, თბილისი-ბერლინის მიმართულებით, სპეციალური რეისი ორიენტირებულია ქართველი სტუდენტების ტრანსპორტირებაზე, რომლებიც სწავლობენ საქართველოს უმაღლეს და პროფესიულ სასწავლებელში და აქვთ სამუშაო მოწვევა გერმანიაში.

საქართველოს მთავრობის მიერ დადგენილი სუბსიდირებული ბილეთების ფასი არ იქნება 199 ევროზე მეტი.

კორონავირუსის პანდემიასთან დაკავშირებით საქართველომ უცხოელებისთვის საზღვრები სრულად ჩაკეტა, გარდა გამონაკლისი შემთხვევებისა, და საჰაერო მიმოსვლა 21 მარტიდან ყველა მიმართულებით შეწყვიტა.

ივლისის ბოლოს საქართველომ საჰაერო სივრცე გაუხსნა ხუთ ქვეყანას, რომელთა მოქალაქეებს ქვეყანაში უპირობო შემოსვლის უფლება აქვთ. ესენია გერმანია, საფრანგეთი, ლატვია, ლიეტუვა და ესტონეთი.

2 აგვისტოდან რეგულარული ფრენები განახლდა მიუნხენის მიმართულებით. გერმანული ავიაკომპანია Lufthansa პირველი ავიაკომპანიაა, რომელმაც ოთხთვიანი შესვენების შემდეგ საქართველოში რეგულარული ავიარეისები აღადგინა. 5 აგვისტოდან რეგულარული საჰაერო მიმოსვლა აღდგა თბილისსა და რიგას შორის, რომელსაც AirBaltic ასრულებს, ხოლო 8 აგვისტოს თბილისსა და პარიზს შორის ფრენებს დაიწყებს Air France.

505
გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში

„ფოტოგრაფები საქართველოსთვის“: დაიწყო პროექტი შიდა ტურიზმის სტიმულირებისთვის

138
(განახლებულია 18:12 07.08.2020)
სამეგრელოში გამართულ  ტურში სხვადასხვა ფოტოგრაფებთან ერთად მონაწილეობდა ცნობილი ფოტოხელოვანი გიორგი შერმაზანაშვილიც

თბილისი, 7 აგვისტო - Sputnik.  საქართველოს პრემიერ-მინისტრ გიორგი გახარიას დავალებით,  ტურიზმის ეროვნულმა ადმინისტრაციამ ახალი პროექტი „ფოტოგრაფები საქართველოსთვის“ დაიწყო, ნათქვამია უწყების მიერ გავრცელებულ განცხადებაში

ახალი პროექტი „იმოგზაურე საქართველოსთვის“ შიდა ტურიზმის კამპანიის ნაწილია.

ტურიზმის ეროვნული ადმინისტრაციის მიერ ორგანიზებული ფოტოტურები უკვე გაიმართა აჭარაში,  ხევსურეთსა და სამეგრელოში, სადაც  გადაღებული ფოტოები უკვე გავრცელდა სხვადახვა სოციალური ქსელებითა და ავტორთა ბლოგების საშუალებით. ტურებში ფოტოგრაფებთან ერთად ჩართულები არიან გიდები და სატრანპორტო კომპანიები.

„ტურების შედეგად უკვე მომზადდა ულამაზესი ფოტომასალა, რომელიც ქვეყნის ტურიზმის პოტენციალს ასახავს და რომელსაც შიდა და საერთაშორისო კამპანიების დაგეგმვისას გამოვიყენებთ. ამ პროექტით ხელს ვუწყობთ შიდა ტურიზმის სტიმულირებას და კოვიდით დაზარალებული პროფესიების: ფოტოგრაფების, გიდების, ტურისტული სატრანსპორტო კომპანიების წარმომადგენლების დასაქმებას და მათი ცოდნის ქვეყნის სასიკეთოდ გამოყენებას". - განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

სამეგრელოში გამართულ  ტურში სხვადასხვა ფოტოგრაფებთან ერთად მონაწილეობდა ცნობილი ფოტოხელოვანი გიორგი შერმაზანაშვილიც.

  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
1 / 4
გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში

„პროექტი ძალიან კარგად არის ორგანიზებული, ტრანსპორტთან ერთად გამოყოფილი იყო გიდიც, რომელმაც შეგვირჩია ადგილები, დაგვათვალიერებინა სხვადასხვა ლოკაციები. რამდენიმე საათიც არ გასულა, რაც სამეგრელოს შესახებ ფოტო ალბომი ავტვირთე სოციალურ ქსელში და უკვე რამდენიმე ათასი მოწონება და გაზიარება აქვს, რაც ძალიან მახარებს“, - აღნიშნა გიორგი შერმაზანაშვილმა.

ტურიზმის ეროვნული ადმინისტრაციის ახალი პროექტის მიზანი COVID-19-ის დროს დაზარალებული პროფესიების გაძლიერება და ერთობლივი ძალებით შიდა ტურიზმის სტიმულირებაა.

138
თემები:
ტურიზმი საქართველოში
მთვარე

მთვარის კალენდარი: 8 აგვისტო რისი გაკეთება შეიძლება და რისი არა

0
(განახლებულია 10:09 06.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

8 აგვისტო, შაბათი. ამ დღეს სატურნი მართავს. კლებადი მთვარე ვერძის ნიშანშია.

მომატებულია იმპულსურობა, ამიტომ სჯობს, გადადოთ მნიშვნელოვანი შეხვედრები და მოლაპარაკებები.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. ამ დღეს დაწყებული სასიყვარულო რომანი მგზნებარე და დასამახსოვრებელი იქნება, მაგრამ, დიდი ალბათობით – ხანმოკლე.

ამ დღეს არ ღირს ფულის სესხება ან ვალის აღება. ნეიტრალური დღეა მუშაობისთვის.

რეკომენდებულია სიტყვების სიფრთხილით შერჩევა, ასე ფრთხილი მოქმედება, რადგან ადვილად შეიძლება კონფლიქტური ვითარების პროვოცირება, დღის მშვიდად გატარება, მაგრამ მარტოობაში – არა, ყველა შემოსული ინფორმაციის დაკვირვებით შემოწმება, სერიოზული საქმეების გადადება, მიმდინარე საკითხების განხილვა, კოლეგებთან ურთიერთობებში ნეიტრალიტეტის დაცვა.

არარეკომენდებულია ბიზნეს–საქმიანობა, შეხვედრების დანიშვნა, კონტრაქტებზე ხელმოწერა, ფულთან დაკავშირებული საკითხების მოგვარება, ფულით ტრაბახი, სიახლეების არაფრად ჩაგდება, ახალი სამსახურის დაწყება, დაუფიქრებლად მოქმედება, წინადადებების მიღება, უცნობებთან კონტაქტი და ახალი ნაცნობობა.

შეიძლება სამოგზაუროდ წასვლა, მაგრამ სიფრთხილეა საჭირო უცნობ ადამიანებთან, დოკუმენტებთან და ფულთან დაკავშირებით.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0