სოციალური ქსელები

ფსიქოლოგები: სასოწარკვეთილი ფრაზების ტირაჟირება სოციალურ ქსელებში სიცოცხლისთვის საშიშია

292
(განახლებულია 19:56 20.12.2019)
ნეიროფსიქოლოგებმა და ბავშვთა ფსიქოლოგებმა სუიციდის პრევენციის თემასა და 15 წლის მოზარდის ლუკა სირაძის გარდაცვალებასთან დაკავშირებულ მწვავე რეაქციებზე ბრიფინგი გამართეს.

ბავშვთა ფსიქო-ემოციური მდგომარეობის მკვლევარებმა ერთხმად აღნიშნეს, რომ საჭიროა ფიქრი სხვა მოზარდების ემოციურ განწყობაზე და სასოწარკვეთილი ფრაზების ტირაჟირება დაუშვებელია.

სუიციდის პრევენციის თემაზე გამართული ბრიფინგი ეხებოდა 15 წლის მოზარდის ლუკა სირაძის გარდაცვალებასთან დაკავშირებულ მწვავე რეაქციებს.

ნეიროფსიქოლოგი თამარ გაგოშვილი საზოგადოებას მოუწოდებს, არ მოხდეს ტირაჟირება სასოწარკვეთილი ფრაზების, პერფორმანსირება უბედურების, რადგან ქულების ჩაწერა ამ უბედურებაზე არაეთიკური და სასიცოცხლოდ საშიშია.

„კიდევ ერთი არშემდგარი სიცოცხლე წავიდა, როდესაც ის შეიძლება ყოფილიყო ღირსეული, შემდგარი პიროვნება და ეს ჩვენი საზოგადოების ბრალია. დღეს ყველა ვიშვერთ ხელს ერთმანეთისკენ და ვკითხულობთ – რა მოხდა?! რა მოხდა, ძალიან ძნელი სათქმელია, რადგან პრობლემა სისტემურია… ჩვენ ემოციური ადამიანები ვართ, ემოციებს ძალიან რეაქტიულად გამოვხატავთ. გასაგებიც არის, ყველა შეგვძრა ამ ამბავმა, მაგრამ აუცილებლად უნდა ვიფიქროთ, ეს ემოცია რა შედეგს მოიტანს“, – განაცხადა გაგოშვილმა.

მისი თქმით, დღეს სასოწარკვეთილი ბავშვის ფრაზების ტირაჟირება მიდის, ეწყობა პერფორმანსები და არავინ ფიქრობს იმაზე, თუ როგორ რეაგირებენ ამაზე გარდატეხის ასაკში მყოფი მოზარდები.

ფსიქოლოგის განმარტებით, გარდატეხის და მოზარდობის ასაკის თავისებურებიდან გამომდინარე, ბავშვები არიან ძალიან რეაქტიულები ემოციურად და ძალიან ხშირად ხდება ემოციური მოვლენების ინდუცირება. ამიტომ ძალიან ფრთხილები უნდა ვიყოთ, რადგან ზედმეტი ფრაზებით, ასეთი ემოციური ტირაჟირებით, შეიძლება ჩვენ კიდევ უფრო უარესი შედეგები გამოვიწვიოთ.

„ჩვენ ყველანი ვყოფილვართ ბავშვები მოზარდობის ხანაში და ყველას გვქონია თავში სუიციდური აზრები და, იცით, რატომ? იმიტომ რომ ჩვენ გვინდოდა აღიარება. ჩვენ ყველას გვაქვს ეს აღიარების მოთხოვნილება და განსაკუთრებით დიდი მოთხოვნილება აქვს მოზარდს. და აღიარება თუ სიკვდილის მერე იქნება, მაგაზეც თანახმა არიან“, – თქვა ფსიქოლოგმა.

მან თხოვნით მიმართა საზოგადოებას, რომ იფიქრონ სხვა ბავშვებზეც, რომლებიც სკოლაში სწავლობენ და ზუსტად იგივე პრობლემები აქვთ.

„პერფორმანსებით ცხოვრება არ იცვლება… ნულოვანი ტოლერანტობა არ შველის ამ ამბავს. ამ ამბავს შველის ადამიანების გაზრდა. ჩვენ რომ ადამიანები გავზარდოთ, ჩვენ უნდა ვიყოთ ჯერ ადამიანები. პირველ რიგში, ჩვენ უნდა ვისწავლოთ პატივისცემა სხვა ადამიანების. ბავშვებს რა ადარდებთ? – პატივს არ სცემენ, ეს ადარდებთ პირველ რიგში, მათ ღირსებას ლახავენ, არ ზრდიან პასუხისმგებლიან ადამიანებად, ისინი ამას ჩივიან. შესაბამისად, აი, ეს მომენტი არის ძალიან მნიშვნელოვანი. ყველა დამნაშავენი ვართ, სამართალდამცველი ორგანოები, სკოლა, განათლების სისტემა, ოჯახი. ჩვენ ყველა ერთმანეთზე ვძალადობთ და შემდეგ გვიკვირს ბავშვები რატომ ძალადობენ… სხვათა შორის, მედიასაც აქვს ამაში დიდი როლი. დილა იწყება ძალადობით და ბავშვი მოდელირებას აკეთებს ამისას. აქედან გამომდინარე, საზოგადოებას პირდაპირ მოვუწოდებ, ნუ ხდება ასეთი ტირაჟირება სასოწარკვეთილი ფრაზების და ნუ ხდება, აი, ასეთი პერფორმანსირება უბედურების. ქულების ჩაწერა ამ უბედურებაზე, რბილად რომ ვთქვათ, არაეთიკურია. ჩვენ უნდა ვიფიქროთ დანარჩენი მოზარდების სიცოცხლეზე“, – განაცხადა ნეიროფსიქოლოგმა თამარ გაგოშვილმა.

ფსიქოლოგ ნინო ოკრიბელაშვილის განმარტებით, ყოველი სიტყვა, რომელსაც ჩვენ დავწერთ, შეიძლება აღმოჩნდეს კრიზისის მაპროვოცირებელი საზოგადოებაში, მასმედიასა და სოციალურ ქსელებში.

„აღნიშნული ფრაზის გაზიარება ხშირ შემთხვევაში სპონტანურად, ემოციურად ხდება. როდესაც ბევრი იზიარებს ამ ფრაზას, ძნელია გაარკვიო ვის უჭირს რეალურად ამ შემთხვევაში. ამიტომ ყველას, ოჯახსაც და ჩვენი პროფესიის ადამიანებსაც უჭირთ ამოცნობა – ამ ძახილის ამოცნობა გვიჭირს“, – თქვა ფსიქოლოგმა.

მას მიაჩნია, რომ აუცილებელია მაქსიმალურად გამოვიყენოთ ის გამოცდილებები, რომლებიც პროგრესულ, წარმატებულ საზოგადოებებს აქვთ.

„მე არ ვამბობ, რომ ყველაფრის დუბლირება შეიძლება. დიახ, არსებობს გარკვეული ინსტრუქციები, გარკვეული რეგულაციები, რასაც თუ შევიტანთ სკოლაში და ამ რეგულაციების შესახებ ეცოდინება არა მარტო სკოლის დირექციას ან განათლების სამინისტროს, არამედ ეცოდინება საზოგადოებასაც, მაშინ საზოგადოება მოსთხოვს ამა თუ იმ რეგულაციის აღსრულებას როგორც კონკრეტულ ერთ სკოლას, ასევე კონკრეტულად პედაგოგსაც და ცოტა ზემდგომ ორგანოებსაც“, – განაცხადა ნინო ოკრიბელაშვილმა.

გარდა ამისა ფსიქოლოგი თვლის, რომ მსგავსი ფაქტების პრევენციის მიზნით ახალგაზრდებს უნდა მიეცეთ უფროსებთან, გაწონასწორებულ ადამიანებთან საუბრის საშუალება. სახელმწიფოს აქვს სუიციდის პრევენციის გარკვეული სტრატეგიები უკვე შემუშავებული და დამტკიცებული, მაგრამ, სამწუხაროდ, ეს ეხება მხოლოდ და მხოლოდ პენიტენციურ სისტემას.

„ასეთი ტიპის გაიდლაინების დაგეგმვა იქნება შემდეგი ძალიან მნიშვნელოვანი ეტაპი. სწორედ ამაში გვჭირდება ბავშვთა ფსიქოლოგების, ბავშვთა ფსიქიატრების მხარდაჭერა და მე მგონია, რომ ყველანი ერთად, საზოგადოება შევძლებთ, რომ ეს პრობლემა დავძლიოთ“, – განაცხადა ფსიქოლოგმა ნინო ოკრიბელაშვილმა.

ფსიქოლოგი ურჩევს საზოგადოებას, თავი შეიკავონ სოციალურ ქსელში ისეთი განცხადებების ტირაჟირებისგან, რომელიც ხელს უწყობს ემოციური მდგომარეობის გამწვავებას.

„ყოველი სიტყვა, რომელსაც ჩვენ დავწერთ, შეიძლება აღმოჩნდეს კრიზისის მაპროვოცირებელი აბსოლუტურად ჩვენგან დისტანცირებულ ადამიანში“, – თქვა ნინო ოკრიბელაშვილმა.

ლუკა სირაძე, რამდენიმე დღის წინ მეცხრე სართულიდან გადმოხტომის შედეგად მიყენებული ტრავმების გამო, 17 დეკემბერს გარდაიცვალა. ძირითადი ვერსია თვითმკვლელობის მცდელობაა, თუმცა საქართველოს საპატრიარქო უბედურ შემთხვევას არ გამორიცხავს.

ინციდენტი მას შემდეგ მოხდა, რაც პოლიციამ მოზარდი დაკითხა, რადგან, მათი ვერსიით, ის ღამით თავის ყოფილ „მწვანე სკოლაში" შეიპარა და სამასწავლებლოსა და სხვა კაბინეტების კედლებზე წარწერები დატოვა.

292
რიყის პარკი

საზღვაო ტრანსპორტის სააგენტო: ბეირუთში აფეთქების საქართველოსთან დაკავშირება უსაფუძვლოა

211
ადრე გავრცელდა ინფორმაცია იმის შესახებ, რომ   საშიში ქიმიური ნივთიერება, რომელიც ბეირუთის პორტში სამშაბათს საღამოს აფეთქდა,   2014 წელს კონფისკაციას დაექვემდებარა.

თბილისი, 5 აგვ ისტო  — Sputnik.  საქართველოს საზღვაო ტრანსპორტის სააგენტოს განცხადებით, 2013 წელს ბათუმიდან ხომალდმა მოზამბიკში მართლაც გადაჰქონდა ამონიუმის ნიტრატი, თუმცა, ბეირუთში მომხდარი აფეთქების ქართულ მხარესთან დაკავშირების ნებისმიერი მცდელობა საფუძველს მოკლებულია, იუწყება РИА Новости.

მძლავრი აფეთქება ბეირუთში სამშაბათს, საღამოს მოხდა. ხელისუფლების განცხადებით, აფეთქების მიზეზი პორტში ექვსი წლის განმავლობაში 2750 ტონა ამონიუმის ნიტრატის არასათანადო პირობებში შენახვა გახდა. აფეთქების შედეგად დაზიანებულია ქალაქის შენობების ნაწილი, საავადმყოფოები დაშავებულებითაა გადავსებული.

ადრე გავრცელდა ინფორმაცია იმის შესახებ, რომ   საშიში ქიმიური ნივთიერება, რომელიც ბეირუთის პორტში სამშაბათს საღამოს აფეთქდა,   2014 წელს კონფისკაციას დაექვემდებარა. ამონიუმის ნიტრატით დატვირთული მოლდოვას დროშის ქვეშ მცურავი გემი RHOSUS, ბათუმის პორტიდან 2013 წელს გავიდა. 

 „აფეთქების საქართველოს რაიმე ფორმით დაკავშირება ყოველგვარ საფუძველს მოკლებულია. ამონიუმის ნიტრატი წლების განმავლობაში საქართველოს ერთ-ერთი საექსპორტო პროდუქტია და ყოველწლიურად დიდი მოცულობებით გადის საერთაშორისო ბაზრებზე, თუმცა, ტვირთის გადაზიდვა, დამუშავება და დასაწყობების ტექნოლოგიები მიმღები სახელმწიფოს კომპეტენციაა და არა ექსპორტიორი სახელმწიფოს. გარდა ამისა, ხაზგასასმელია ის გარემოებაც, რომ ტვირთი გაგზავნილია 2013 წელს, ხოლო მის შენახვასთან დაკავშირებული ინციდენტი მოხდა 2020 წელს”, – ნათქვამია სააგენტოს განცხადებაში, რომელიც მიიღო РИА Новости–მ.

სააგენტოში აღნიშნეს, რომ ბეირუთის პორტში აფეთქების მიზეზად ოფიციალურმა პირებმა დიდი რაოდენობით ამონიუმის ნიტრატის შენახვის წესების დარღვევა დაასახელეს.

 „აღნიშნული ნივთიერება ბეირუთის პორტში მოხვდა შემდეგი გზით: 2013 წლის სექტემბერში ლიბანის საპორტო კონტროლის სახელმწიფო ინსპექციის მიერ დაკავებული იქნა მოლდოვას დროშით მცურავი მშრალტვირთმზიდი Rhosus.  აღნიშნული გემი ახორციელებდა 2750 ტონა ამონიუმის ნიტრატის ტრანსპორტირებას საქართველოდან (ბათუმის პორტი) მოზამბიკში (პორტი ბეირა)“, – აღნიშნეს სააგენტოში.

ბოლო ცნობებით, ბეირუთის პორტში მომხდარი მძლავრი აფეთქების შედეგად 135 ადამიანზე მეტი დაიღუპა და დაახლოებით ოთხი ათასი დაშავდა. ბევრი ადამიანი ამ უგზოუკვლოდ დაკარგულად ითვლება. ტრაგედიასთან დაკავშირებით ლიბანში სამდღიანი გლოვაა გამოცხადებული – ქვეყენაში ორი კვირით საგანგებო მდგომარეობა გამოცხადდა.

 

211
თბილისი

საქმიანი ვიზიტით საქართველოში: სურვილი 2,7 ათასმა უცხოელმა გამოთქვა

144
(განახლებულია 20:31 05.08.2020)
მთავრობა გამონაკლისის წესით დაუშვებს ყველა ქვეყნის იმ მოქალაქის მიერ საზღვრის კვეთას, რომელსაც საქართველოს ტერიტორიაზე, სულ მცირე, ექვსი თვით ცხოვრების უფლება ექნება.

თბილისი, 5 აგვისტო - Sputnik. ერთთვიანი სატესტო რეჟიმის შემდეგ  ბიზნეს-ვიზიტორების პლატფორმა საქართველოში სრულფასოვნად და წარმატებით ამოქმედდა, განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის უწყებათაშორისი საკოორდინაციო საბჭოს შემდეგ გამართულ ბრიფინგზე. 

საქართველოში საქმიანი ვიზიტის განსახორციელებლად უცხოეთის ქვეყნების მოქალაქეებმა წინასწარ უნდა შეავსონ შესაბამისი ფორმა და აღნიშნონ შესაბამისი უწყება, რომლის მოწვევითან ისინი გეგმავენ ქვეყანაში ჩამოსვლას. საქართველოში მივლინებით ჩამოსულმა პირებმა ყოველ 72 საათში  კორონავირუსზე PCR–ტესტი უნდა გაიკეთონ ან საკუთარი ხარჯებით სავალედბულო 14–დღიანი კარანტინი გაიარონ. ეს არ ეხება ევროკავშირის წევრ ხუთი ქვეყნის მოქალაქეებს, რომლებთანაც საქართველომ უპირობოდ გახსნა საზღვრები.

„დღეს ჩვენ საკმაოდ შთამბეჭდავი სტატისტიკა გვაქვს – სხვადასხვა ქვეყნიდან 2,7 ათასამდე  განაცხადია შემოსული, როგორც რეგიონის, ისე ევროპის ბევრი ქვეყნიდან, საიდანაც ბიზნეს–ვიზიტორს მოკლევადიანი, საქმიანი ვიზიტით სურს საქართველოში ჩამოსვლა. და თქვენ იცით, რომ  მოცემულ შემთხვევაში მათ უფლება აქვთ, კარანტინის გარეშე, გარკვეული პერიოდულობით, საკუთარი ხარჯებით ჩაიტარონ PCR–ტესტი“, – განაცხადა თურნავამ.

მისი თქმით, ეს არის უსაფრთხო საქართველოს მოსახლეობისთვის და გარდა ამისა, ქვეყანას ბიზნეს–პროცესების გაცოცხლებისა და ინვესტორთან ურთიერთობის შენარჩუნების შესაძლებლობას მისცემს.

თურნავამ გნაცხადა, რომ რამდენიმე დღის შემდეგ ახალი პლატფორმის კიდევ ერთი პრეზენტაცია ჩატარდება, რომლის წყალობითაც საქართველოში ხანგრძლივი ვადით ჩამოსვლას შეძლებენ  უცხოელი ვიზიტორები, რომლებსაც საქართველოდან დისტანციური მუშაობის სურვილი ექნება.  

„ამ მიმართულებით ძალიან მაღალი ინტერესი არსებობს, მათ შორის სხვადასხვა საერთაშორისო საფინანსო ინსტიტუტიდან და მათგან, ვინც მუშაობის დისტანციურ რეჟიმში გადავიდა. ასე რომ სწორედ საქართველო გახდება ის ადგილი, საიდანაც ისინი შეძლებენ თავიანთ კორპორაციებში მუშაობას, მაგრამ იცხოვრებენ საქართველოში“, – აღნიშნა ნათია თურნავამ.

პროექტის თაახმად, მთავრობა პროექტის თანახმად, მთავრობა გამონაკლისის წესით დაუშვებს ყველა ქვეყნის მოქალაქის საზღვრის კვეთას, რომელსაც საქართველოს ტერიტორიაზე, სულ მცირე, ექვსი თვით ცხოვრების უფლება ექნება.

საქართველოში გრძელვადიანი პერიოდით ყოფნის მსურველებისთვის შემუშავდა განაცხადების მიღების ელექტრონული პლატფორმა.

გრძელვადიანი პერიოდით ვიზიტორის ქვეყანაში შემოსვლისთვის სავალდებულოა სამივე კატეგორიის მოგზაურმა შეავსოს სავალდებულო აპლიკაცია და მიიღოს ქვეყნის საზღვრის კვეთისთვის საჭირო წინასწარი დასტური. განცხადებაში პირები წარმოადგენენ პირად ინფორმაციას, ცნობას დამსაქმებლის ან კონტრაქტორის შესახებ, წინასწარ დასტურს სავალდებულო 14-დღიანი კარანტინის გავლის თაობაზე და ა.შ.

ე.წ. გრძელვადიანი ვიზიტორები 14-დღიან კარანტინს კომერციული ტარიფით, საკუთარი ხარჯით გაივლიან, ასევე განიხილება ექვსთვიანი სამოგზაურო დაზღვევის არსებობა.

144
თემები:
საქართველოს ეკონომიკა
სავსე მთვარე

მთვარის კალენდარი: 6 აგვისტო რისი გაკეთება შეიძლება და რისი არა

0
(განახლებულია 17:40 05.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

6 აგვისტო, ხუთშაბათი. ამ დღეს იუპიტერი მართავს. კლებადი მთვარე თევზების ნიშანშია.

თევზების დღეები ადამიანებს დასვენებისა და შემოქმედებისთვის განაწყობს. ძლიერდება სენტიმენტალობა, ემოციურობა, ინტუიცია, მგრძნობელობა. შესანიშნავი დროა შემოქმედებითი ადამიანებისთვის, ქველმოქმედებისთვის, იურიდიული პრობლემების მოგვარებისთვის. შეიძლება სესხის აღება.

კარგი დღეა რომანტიკული ურთიერთობების დაწყებისთვის. ამ დროს გამძაფრებულია ინტუიცია, რაც ადამიანის ამოცნობას ხელს უწყობს.

რეკომენდებულია მშვიდად მუშაობა, ფინანსური საკითხების გადაწყვეტა, მნიშვნელოვანი საქმეების გადადება, ირგვლივ მყოფების მოსმენა, განსაკუთრებით დღის პირველ ნახევარში კონფლიქტების თავიდან არიდება, ადამიანებთან ურთიერთობებში მოქნილობა, ნიუანსებისადმი ყურადღება, ინდივიდუალური მუშაობა და არა გუნდური.

არარეკომენდებულია რთული პროექტების დაწყება, მოლაპარაკებების გამართვა, ზეგავლენის ქვეშ მოქცევა და ადამიანების წინადადებებზე დათანხმება, ზედმეტი აქტიურობა, დინების წინააღმდეგ წასვლა.

არასასურველია ამ დღეს მგზავრობა.

თმის შეჭრა, შეღებვა: არახელსაყრელი დღეა როგორც შეჭრის, ისე შეღებვისთვის. შეიძლება თმა დაზიანდეს, გაჩნდეს ქერტლი, გაიყოს თმის ბოლოები.

მთვარის კალენდარი მებაღეებისთვის: 2020 წლის აგვისტო>>

მებაღეობა: ხელსყრელი დღეა ბაღში მუშაობისთვის, კერძოდ, შეიძლება ნიახურის, ბოლქვიანების დათესვა, ხეებისა და კენკროვანების შეწამვლა, მორწყვა, სასუქის მიცემა, ოთახის მცენარეების დათესვა–დარგვა. არასასურველი დღეა მავნებლებთან ბრძოლისთვის, გასხვლისთვის.

0